[مدفوع عادي]تفسير رؤيا الطرحه

**apiuser** · 2018-05-28, 01:59

((حلمت اني في بيت اختي وزوجها بيطلعنا نتمشى وانا في البيت طلعت درج طويل (مو موجود في الواقع) ولقيت خواتي لابسين عباياتهم وينتظروني وانا كنت لابسه العبايه وجالسه ادور على الطرحه بس ما لقيتها وعطتني اختي طرحه صغيره بس قلت ما ابغاها صغيره ما بتسترني ابغى وحده كبيره وفجأة لقيت طرحتي وقلت لهم خلاص لقيت طرحتي ولبستها ولبست النقاب وفيه رجال مسك شعري يزبطه لي من فوق الطرحه وكان شعري كثيف (اظن الرجال هذا زوج اختي المتوفي) وطلعت من البيت وفي الطريق جنب البيت لقيت 3 بنات حلوين مره... الكبيره لابسه وردي مسكت يدي و نادتني ماما وقلت لها انا مو ماما انا خاله (في بالي انها بنت اختي مع العلم ان اختي ما عندها بنات) والبنات الباقين كانوا خوات لابسين ابيض وكانوا صغار مره يمكن عمرهم سنه وشوي وشلت وحده من البنات ولقيتها مو لابسه حفاظ واشوف عورتها وبالت وانا شايلتها بس ما بالت على ملابسي واقول في نفسي لمين البنت هذي وألتفت وشفت زوج اختي شايل اخت البنت ومتجه للبيت (كأن البنت بنت جيرانهم) ))

<< >>

ارجو حذف ما بين الاقواس بارك الله فيكم

الحالة الإجتماعية:اعزب / عزباء
العمر:27
الجنس:أنثى
الحالة الوظيفية:غير موظف / غير موظفة

المزيد من آخر المواضيع من نفس القسم:

**مفسرة الأحلام 3** · 2018-06-02, 17:23

اتجه زوج اختك لبيت من بالبنت ؟ وذكرتى فى بدايه الحلم ان زوج اختك كان بيطلعكم تتمشوا هل المقصود به زوج اختك المتوفى ام هى اخت اخرى لكى وارجو ذكر اسماء من كانوا بالحلم وتحديد هل هى نفس الاخت ام انها اخت اخرى لكى

**apiuser** · 2018-06-02, 17:41

زوج اختي >>> باقي حي وزوج اختي الثانيه >>> متوفي...
اتجه زوج اختي (الحي) بالبنت للعماره الي ساكن فيها كأنه عرف البنت انها بنت جيرانهم...
زوج اختي الثانيه هو الي بيمشينا الحي مو المتوفي

احذفوا الأسماء

**apiuser** · 2018-06-02, 17:42

نفس الرجال الي شال البنت واتجه بها للعماره هو نفسه الي كنا في بيته وقال بيمشينا (الحي مو المتوفي)

**مفسرة الأحلام 3** · 2018-06-02, 18:24

رموز الرؤيا

طلعت درج طويل / رمز الى رفعه لكى ووصول لهدف تتمنيه
لقيت خواتي لابسين عباياتهم وينتظروني وانا كنت لابسه العبايه وجالسه ادور على الطرحه بس ما لقيتها / رمز لحياه اخواتك وازواجهم وانت ايضا تتمنى الستره والزواج والاستقرار بحياتك وتبحثى عن شخص يناسبك
عطتني اختي طرحه صغيره بس قلت ما ابغاها صغيره ما بتسترني ابغى وحده كبيره / رمز لقدوم شخص من جهه اختك لكن لا تقتنعى به لانه صغير بالسن وتريدين شخص يكبرك سنا ويناسب عمرك
جأة لقيت طرحتي وقلت لهم خلاص لقيت طرحتي ولبستها ولبست النقاب / رمز الى ستره لكى وفرح وخطبه ان شاء الله
فيه رجال مسك شعري يزبطه لي من فوق الطرحه وكان شعري كثيف / رمز الى صلاح باحوالك
طلعت من البيت وفي الطريق جنب البيت لقيت 3 بنات حلوين مره / رمز الى ثلاث امور طيبه قادمه لكى فيها خير وفرح
خوات لابسين ابيض وكانوا صغار مره يمكن عمرهم سنه وشوي وشلت وحده من البنات / رمز الى حياه طيبه قادمه لكى فيها خير ورزق وبشرى
لقيتها مو لابسه حفاظ واشوف عورتها وبالت وانا شايلتها بس ما بالت على ملابسي / رمز الى فرج ورزق ومال
شفت زوج اختي شايل اخت البنت ومتجه للبيت (كأن البنت بنت جيرانهم / رمز الى قدوم شىء طيب من جهه زوج اختك

تعبير الرؤيا

تصلى لهدف تتمنيه يكون به رفعه وخير ان شاء الله قريب لكى وتبحثين عن امن واستقرار بحياتك مثل اخواتك وتأتى اختك لكى بعريس لكن يصغرك سنا وترفضيه وتبحثى عن ما يناسبك وان شاء الله تجدى الشخص المناسب وتأتيك خطبه وفرح ويصلح الله احوال كثيره امامك للافضل وتنعمين بحياه طيبه فيها استقرار وراحه ويرزقك الله من حيث لا تحتسبى وخبر سار قادم من زوج اختك والله اعلم

الموضوع: [مدفوع عادي]تفسير رؤيا الطرحه

أدوات الموضوع

عرض