رؤيا عصير البرتقال والجزمه الجديده

**apiuser** · 2018-04-11, 12:13

في بداية الحلم رأيت أني أشرب كوب عصير برتقال طبيعي طازج وشربته وكان لذيذ وكان الباقي بعلبه والعلبه مليانه وكاني كنت اجهز اغراضي بروح اداوم بالجامعه انا واختي اللي اصغر مني (مع العلم انا وهي متخرجات ومعنا سهادة الباكالوريوس)
وكنت وانا اجهز اغراضي كل شوي اروح للحمام أعزكم الله أتبول في المره الأولى لقيت أمي واختي اللي أصغر مني و2 من إخواني واحد أكبر مني وواحد أصغر مني وانا كنت لابسه ملابس طويله وفوقها عبايه طويله واحاول ارفعهن عشان ما يصير عليهن شيء وخلصت وغسلت وطلعت اكمل اغراضي وبعدها رحت مرتين وطلعت عادي المره الرابعه يوم رحت لقيت اختي اللي أصغر مني بالحمام تطبخ كبه بلبن واقول لها ابعدي وطولت لما بعدت وخلصت
يوم طلعت اشتهيت عصير برتقال مره ثانيه ورحت ابي اصب كوب واشربه ويوم فتحت الثلاجه مالقيت حاجه خالص والعلبه كبيره ومليانه متى خلص وطلعت اسال من اللي خلص علبة عصير البرتقال كانوا كل العيله مجتمعه فردت اختي اللي اصغر مني وقالت انا شربته كله قلت ليش ما ردت علي قلت مو على اساس ما تحبينه وما تشربينه والا عشان انا ابيه شربتيه ابتسمت وما ردت فقمت أبكي و قلت انا تاخرت يومين وهو يجلس لاكثر من يومين ما يحق لك تاخذينه والا بس مناقر لي قامت امي خانقتني عشان ما اقول لها شيء وانقهرت زياده وظليت ابكي ورجعت اكمل أغراضي ورحت جبت علبه وطلعت منها جوال جديد وجاء واحد من اخواني وسألني لك قلت ايوه اشتريته بالتقصيط قال ما لقيتي الا هاللون (كان أيفون إكس بس حجمه اكبر من الآيفون الأصلي ولونه رمادي غامق) قلت محمد اللي جابه أنا أبي لون فضي بس ما جاب الا هاللون يمكن مافيه فضي فقال ليش حجمه كبير وغير عن الباقي قلت لانه إكس بلس وناظر لي اخوي وراح وكملت طلعت الجوال وشاحنه والسماعات وكنت باخذهن فقالت اختي اللي أصغر ترى كل قزاز بعدين يطيح وينكسر من البنات فقمت اخذته ورجعته للغرفه واخذت جوالي اللي معي الآن ودخلت للغرفه أخذ جزمه وكنت ابيها مفتوحه شوي لان الجو حار ولقيت وحده غريبه لونها أسود وعليها فرو أبيض بنفس الوقت مفتوحه مع الجوانب وكنت احسبها جديده بس بعدين قلت هاذي من زمان موجوده بس ما عمري لبستها أو شفتها ليش توها تطلع لي البسها و اخذتها عشان البسها واروح
ايضا للعلم الحمام اعزكم اللي بالحلم كبير وواسع ولونه رمادي اول مره بحياتي كلها أشوفه
الحالة الإجتماعية:اعزب / عزباء
العمر:27
الجنس:أنثى
الحالة الوظيفية:غير موظف / غير موظفة

المزيد من آخر المواضيع من نفس القسم:

**مفسرة الأحلام 3** · 2018-04-23, 17:06

هذا يدل علي علامة رخاء و إحسان لك وفرج وبشري قادمه بمناسبه سعيده لكي وخطيب ان شاء الله وتخافين من الحسد من بعض الاشخاص حولك فعليك بالتحصين بالمعوذتين والرقيه وتحاولين قضاء امر انت واختك ويتحقق ان شاء الله بعد صبر والله اعلم

الموضوع: رؤيا عصير البرتقال والجزمه الجديده

أدوات الموضوع

عرض