بنات غيرنا بنسير تايلاند ساعدوني

**أم حتوس** · 2007-10-17, 19:16

خبروني وين اسير اللي عندهم خبره انا بسير بانكوك و شنغماي

المزيد من آخر المواضيع من نفس القسم:

**uaeeyes99** · 2007-10-17, 19:24

خذيني ويـــــــــــــــــــــاج خخخخخخخخخخخخخخخخخخخخخخخخخخ

بانكوك فيها حديقه safare, wonderworld هاي احلى حدايق

الاسواق بانكوك سوق ساندي و بتونام و مركز ام بي كي السوق الصيني سيري وخمي اللي تبينه من هناك

والسموحه يوم بذكر شي برد وبكتبلج

**أم حتوس** · 2007-10-17, 19:27

تسلميييييييييييييين عيووووووووووووني بعد بعد نبا زياده

**ام الغلا** · 2007-10-18, 01:10

والله الغاليه حلو بنكوك وشنغاماي قريب رادين منها بس الله يعينج على اكلهم واذا بتاخذين من هني بترتاحين وبتريحين معدتج غير جي هي روعه وخاصه الاسواق اللي في جريش وفي محل روعه نسيت اسمه بتخبر خوات ريلي عنه مال وحده بس بضاعتها اكثر من روعه اما الاماكن السياحيه فهي الحديقةwonderworld هاي روعه مسكت بصراحه وفي شنغها ماي انا ما عيبتني وايد يعني خذيلج فيها يومين يكفن ويوفن لانها صغيرة وما فيها تكاسي يركبونج ةلا التوك توك يعني دراجه بس فيها كراسي من ورا والا تركبين ويا عشر اشخاص غيرج في بيكب مغطاي شرات الباص ويالله عاد دبري عمرج بس فيها حديقة الفيله روعه بيركبونج الفيل وبيصعدبج اليبل وغير عروضهم الحلوه وحديقة السبلان حلوه فيها عروض وحديقة الشلالات بس لا تنسين الكيمره وتسلمين ورحله موفقه انشالله

**معذوره** · 2007-10-18, 06:03

بانكوك حلوه
سيري حديقة سفاري
ودريم ورد (حديقة الاحلام)
اسواقهم حلوه
كطاعم مصريه في حي العرب

**المزيونه18** · 2007-10-18, 07:46

حبيبتي في مولات يديده مثل ( سنترال - MBK و طوكيو لاصقين في بعض- سيام )

وفي واااااايد مولات يديده عند فندق (أماري وتر قت ) و بتحصلين هناك محلات عاديه بعاد. و في سوق في النهر وااااايد حلو. وفي ( نانا رود ) هذا سوق العرب .

**أم حتوس** · 2007-10-18, 11:12

تسلموووووووووووون خواتي انزين حد يعرف شي عن اسواق خاصه بالاطفال شرات بيبي شوب انا بعد باخذ عيالي شو تنصحوني

**هوى البال** · 2007-10-18, 11:21

هلا اختي

بالنسبه لبانكوك انا صراحه ما طولت فيها خليتها اخر شيء واشتريت كل شيء من بانكوك

اهم شيء تسكنون بحي العرب ( نانا) بتكون مطاعم يمنيه ومصريه وباكستانيه قريبه منكم وعدالج كلهم عرب

وبالنسبه لمحل للاطفال في عندج سنترل مول فيه طابق كامل للاطفال يعني ع كيف كيفج وعندهم اشياء تخبل صراااااحه لليهال

بس هالمول شوي غالي

وهذا اللي عندي الغالي

**شوق الايام** · 2007-10-18, 11:46

حظج والله خاطريه ارووح تايلند معني في صيف كنت هنااك

المهم بانكوك تقريبا كلهاا مولات واسواق نادرا ماتلاقين اماكن سياحيه حلوه المولات شراات توكيو وسنترال وربنسن بس المولات القريبه من المنطقه العرب مافيها بضااعه شفطووها العرب لكن روحي المولات البعييده الي يبالها نص سااعه درب شراات بنغابي مول و ذاا مول وسنترال البعيد ترااا فيه 5 فرووع لسنترال ويمكن اكثر بعد وعندج نايت بازار .. وانصحج نصيحه لا تروحين سندي ماركت الي اهوه سوق الاحد صح سمان الي فيه رخيصه لكن هالسوق كله تحته بواليع وكله سرقاات حتى حااطين لوح انج تاخذيين حذرج من شنطتج عن يسرقونهاا وعندج مول يبيع بالجمله اسمه بوبي مول بس ماتقدرين تشترين فيه الا بالجمله يعني اقل شي 6 حبااتاو درزن
بالنسبه للاماكن السياحيه الحدائق مثل سفاري وغيرهاا
وعن شنغماي يمدحونهاا انا مارحتهاا بس رحت جزيرة بوكيت روعه احلى بواايد من شنغمااي وفيها اماكن سياحيه حلوه مثل جزيره جيمس بوند ووفيه جزيره ثانيه ماعرف شو اسمها وومسوين مثل حديقه بس مب حديقه اكثر شي فيها عرووض اسمها فانتسي يعني لو تروحين بوكيت احلى بوايد من شنغماي
وهيه نسيت اقولج في مطعم في بانكون اسمه سي فود ماركت اهوه شوي غالي بس روعه اذا كنتي من محبين اكل سي فود

**أم حتوس** · 2007-10-18, 12:06

يا سلام تسلمووووووووون خواتي يعني المراكز كلها عند بعض ما خبرتوني عن اليهال هم صغار اكيد بتبهدل

**ام الغلا** · 2007-10-20, 23:38

الله يعينج عاليهال بصراحه نغصولي رحلتيه بس يالله شو بتسوين مجبورين ناخذهم الحين سالتلج عن محل السوع الماركات وغيره من الاكسسوارات والشنط كلهن تقليد لماركات بس روعه بتحصلينه في شارع جريش اللي هو شارع العرب اسمه محل فريده علي واذكرج بعد السيام مول روعه فيه بتحصلين في الطابق الارضي اسماك واشياء روعه من الكائنات البحريه والله يسعدج في السفره ولا تنسون تركبون الطوك طوك روعه اليهال عندي وايد عيبتهم ويقولولي يالله نسير نركب يتحرون بنكوك جريبه

**BinKhadim** · 2007-10-21, 00:15

انا ما انصحج تودين عيالج بدون بشكارة ....... والله بتتخبلين.... ما تقدرين اتودينهم الاسواق الشعبية ابدا....
مثل ساندي ماركت وبالذات اذا كانو صغار ويحتاجون عربانه.... لان المكان وايد زحمه وكله سكيك ضيجة.... وتاخذين وقت طويل فيه (مب اقل عن 4 ساعات).... وعلى فكرة ساندي ماركت فاتح يوم السبت بعد وما فيه زحمة مثل يوم الاحد... وعندهم قسم خاص بالحيوانات يجنن....

**BinKhadim** · 2007-10-21, 00:20

سيري سيام باراغون(SIAM PARAGON) سنتر يديد فاتح من كمن سنه بس ... وفيه حديقة مائية وايد حلوة تحت الارض ... والصغارية بيستانسون فيها.... وفي الحديقة شي سينمة ثلاثية الابعاد .... تلبسين نظارة خاصة قبل ما تدخلينها وتعرض لج افلام ثلاثية الابعاد تحسين عمرج عايشة في الفلم..... بتموتين من الضحك....

**BinKhadim** · 2007-10-21, 00:41

انصحج تسكنين في شقق فندقية اذا كنتي ويا عيالج ... تيج غرفتين نوم وصالة ومطبخ ... ..واحسن لج تطبخين بروحج اذا كنتي مطولة ... لان الاكل العربي غالي شوية ومب كل المطاعم اكلها حلو....

وعندهم سنتر كبير اول مرة اسير له بعيد عن منطقة العرب ... قرب المطار القديم ... اسمة فيوتشر بارك....وهو عبارة عن سنتر كبير وعن يمينة السنترال ويسارة الروبنسون... وفي الوسط محلات منوعة.... وبتاخذين وقت طويل فيه...

سيري البلاتينيوم حلو.... عندهم ملابس حلوة واسعارها حلوة بعد.....

لا تشترين من البسطات الي على الشارع بالسعر الي يبغونة ... اذا قالو لج بـ 200 قولي الهم 50 ... ولا تركبين التكتك الي صوب شارع العرب ... لان اخلاقهم وايد ****ة واسعارهم غاليه .. ويفهمون عربي ومن اطوفين عليهم قالو لج (حلوة حلوة)...

المنطقة الي فيها العرب اسمها (نانا) وشارع العرب اسمة (سوكوموفيت) وشارع فندق جريس اسمة (سوي سام) يعني شارع 3...... والمطاعم متواجدة في الشارع الـ3 والـ5 والصرافين بعد......

واذا اشتريتي من السناتر الكبيرة خذي رقم جوازج لان عندهم ورقة تاخذينها اسمها TAX or FAT or REFUND وهي ورقة صفرا... تعبينها وتكتبين فيها اسمج ورقم جوازج.... لازم اليوم بيومة تسوين هاي الورقة... واليوم الي بتسافرين فيه في المطار قبل ما ادخلين اغراضج الشحن اتسيرين مكتب التاكس وبيردون لج 7% من قيمة مشترياتج .... وفي بعض الاحيان بيطلبون منج اتراوينهم الاغراض الي اشتريتيها.... نصيحة لا تتعايزين اتسوين هالاوراق في كل مرة تشترين فيها بيطلع لج مبلغ حلو في النهاية...

**BinKhadim** · 2007-10-21, 00:42

وديني وياج ..... وبدليج كل سكة في بانكوك.......

الموضوع: بنات غيرنا بنسير تايلاند ساعدوني

أدوات الموضوع

عرض

بنات غيرنا بنسير تايلاند ساعدوني

المزيد من آخر المواضيع من نفس القسم:

الاسواق

المواضيع المتشابهه

بنسير زياره بوظبي ..ممكن اتفيدوني بنات بوظبي..؟

ساعدوني في السفر الى تايلاند

خبيرات تايلاند ساعدوني

خبيرات تايلاند ....ساعدوني

اول مرة .....اسافر تايلاند....ساعدوني