ابي مساعدتكم

[ميمووو]

السلام عليكم خواتي العزيزات

طبعا مب عارفه ارتب الموضوع بس بقول الي اي ف بالي عطول

حبايبي من قريب والده وبعدني ف الاربعين و الحمدلله صارو عندي بنتين. الحين لاقيه صعوبه ف الاهتمام .او بالاحرى ما احسني الاوليه صرت احس ماعرف للكشخه والموضه نفس يوم بنت . ابا نصايحكم وارشاداتكم بالاهتمام والعنايه .و الاهم الاهم ابا مساعدتكم ف كيف اكون كاشخه اكثر ودلوعه . طبعا انا من الفجيره ف خبروني وين اروح

ف ميزان حسناتكم انشالله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميمووو]

وبعد اتذكرت حبايبي .ريلي بيرجع بعد 10 ايام و بتكون اخر سفره انشالله. عطوني افكار استقبال. طبعا استقبال بالغرفه بس. لان خلصت الافكار عندي

[تفاحتي]

حياتي مبروك


تعدلي تنظفي من الشعر تحني خذي لبس يديد ودخون وعطر سوي شعرج
لا تكلفين ع نفسج ف الحجره غير ان تشترين فرش حق الشبريه غير جي خليها مع الايام لان روحن البنات ما بيخلوج ع راحتج ولا تسوين شي over لان اساسا بيكون مستانس برجعتج
ويا رب يسعدكم ويربون بناتج ف عزكم ان شا الله

[madameamira]

خلي الاهتمام المرة هادي فيك انتي اكثر شي
يعني ممكن تصبغين تروحي للصالون تعملي شي مختلف ويكون يحبه
لو حبيتي تغيري في الغرفة ممكن تغيري فرش السرير او عطر غرفة النوم
والله يوفقك ويحليك بعينه

[غرووب 22]

سبحان الله وبحمده سبحان الله العظيم

[كلي حب وحنان]

هلا الاخت ميمو الحمدالله علي سلامتج اختي تبي صدق صبغ يخرب شعر ويتساقط الافضل سوي حمام زيت اوء حني شعرج افضل من تصبغيه بنسبه للكشخه حلات الحرمه بمخاوير وهذاك شمد وريحه البخور والعطور والخناء باليد وكحل ومسكره بنسبه لغرقتج ضيفي ورد مجففف معطر حطي شموع او ووتقدري تغيري مكان سرير والفرش وربي يسعدكم

[سامية22]

مبروووك وحمدا ع السلامه

[ام مصطفى..]

فادوج البنات والف مبروك تتربى بعزج ..

[ميمووو]

الله يسلمكم حبايبي
تسلمون ع الردود

[ميمووو]

بغيت اسالكم بنات حد جرب تمليس الماتريكس وايد يمدحونه شرايكم ؟ وطلب ثاني كيف اتواصل مع ناعمه الهاشمي .ابي استشاره

[ميمووو]

ليش مافي ردود ابد

افاا زعلتوني

[ام طحنوون]

حسيت من كلامج انه حياتج استوت روتينية وحتى شكلج بسبب المسؤولية اللي يالسة تكبر عليج

بتكلم بشكل عام اول شي ..
عطي نفسج وقت لو ساعه فاليوم .. وعلى الغالب بيكون اخر الليل يوم ينامون بناتج .. هني بيصفالج الجو لج ولريلج .. خذي دش دافي دايما عشان تتنشطين ماتكونين مبهدلة ههه
رتبي نفسج سويلج جو بين فترة وثانية لج ولريلج .. يعني ردي سوي حركات المعاريس والبنات لازواجهم
جهزي لكم مشروب بارد مع بوب كورن .. فلم عاللابتوب .. جي يعني من هالحركات الخفيفة والحلوة اللي ماتكلفج شي .. بس تضيف جو حلو على بيتج وتحسين رديتي بنوتة وعروس يديدة ماعندها مسؤولية

وهذي كـ فكرة بسيطة

تحتاجين تغيرين غرفتج ليش لا .. باللي تقدرين عليه نسقي وغيري الاثاث لو تقدرين ضيفي لمسات الانوثة ع كل زاوية من غرفة نومكم على الاقل .. لاتخلينها مكركبة
اتشري الاثاث او الديكورات اللي تشوفينها حلوة وبنوتية ..
اصلا انتي كل مابتدشين غرفتج بتنفتح نفسج بتحسين انج عرووس همها ترتب غرفتها وصالتها وتهتم بنفسها

من غير طبعا الريحة الحلوة اللي لازم تكون في جو بيتج ..

ترا كل هالاشيا تنعكس حتى على نفسيتج .. وتبدين كل شوي تبين اتطورين جانب مهملتنه في نفسج او بيتج ..
اما لو تميتي على نفس روتين حياتج بتحسين حتى مالج بارض ترتبين سريرج من الملل ..

انا ما اقولج كلفي ع روحج واتشري كلل شي .. بس بحدود ميزانيتج ولو من ارخص مكان .. المهم التجديد فالمكان ...

ثاني شي ع نفسج ..
الحنا اغلب الرياييل تجذبهم ويحبون نقشها عالايد ..
صبغ الشعر
فصلي كمن جلابية او مخورة الوانها يديدة عليج .. مثلا بطيخي سادة او تيفاني .. احس هذي الالوان اتطلع جماال الحرمة وتلفت بعد ^^
شعرج اذا دوووم مربوط ومرفوع .. فليه وخليه سايح مستشور ..

شوية عطر وبخور وتطلعيين احلى انثى ..

واذا تبين بعد حركات يديدة .. مثلا :
قوولي لريلج تعال اباك في سالفة
واسحبيه لين الحمام .. وخليه يتفاجأ بأنج مجهزتله حمااام دافي .. واترسي الحمام بتلات ورد صناعي عالارض و انثريه عالماي (خذي البتلات من قوم سبلاش ريال وريالين) رخيييص واااالله روووعه ومايبين انه صناعي حتى .. يعني يفي بالغرض .. وشمعة مني مناك ..
تهبل بالريال خخخخ ...

جي يعني سوي حركات لو بسيطة ومب مكلفة بس بيستانس عليها ريلج لو مب متعودة تسويله جي ..
وبنفس الوقت يحس بعدج بنوتة تحبين تفاجئينه وتهتمين له ..

واليوم اللي تعبانة فيه بعد سوي جوو حق عمررررج .. وقوليله يالله سو لي مسااج خخخخخخ

:::

حبيت افيدج بأفكار بسيطة ومب مكلفة .. ويتربوون بعزج البنوتااات ويعينج على تربيتهم ..

[ميمووو]

تسلمين الغاليه ام طحنون ردج مفيد وملم

بس مادري بعد ادور رقم د ناعمه

[**sara**]

حسيت من كلامج انه حياتج استوت روتينية وحتى شكلج بسبب المسؤولية اللي يالسة تكبر عليج

بتكلم بشكل عام اول شي ..
عطي نفسج وقت لو ساعه فاليوم .. وعلى الغالب بيكون اخر الليل يوم ينامون بناتج .. هني بيصفالج الجو لج ولريلج .. خذي دش دافي دايما عشان تتنشطين ماتكونين مبهدلة ههه
رتبي نفسج سويلج جو بين فترة وثانية لج ولريلج .. يعني ردي سوي حركات المعاريس والبنات لازواجهم
جهزي لكم مشروب بارد مع بوب كورن .. فلم عاللابتوب .. جي يعني من هالحركات الخفيفة والحلوة اللي ماتكلفج شي .. بس تضيف جو حلو على بيتج وتحسين رديتي بنوتة وعروس يديدة ماعندها مسؤولية

وهذي كـ فكرة بسيطة

تحتاجين تغيرين غرفتج ليش لا .. باللي تقدرين عليه نسقي وغيري الاثاث لو تقدرين ضيفي لمسات الانوثة ع كل زاوية من غرفة نومكم على الاقل .. لاتخلينها مكركبة
اتشري الاثاث او الديكورات اللي تشوفينها حلوة وبنوتية ..
اصلا انتي كل مابتدشين غرفتج بتنفتح نفسج بتحسين انج عرووس همها ترتب غرفتها وصالتها وتهتم بنفسها

من غير طبعا الريحة الحلوة اللي لازم تكون في جو بيتج ..

ترا كل هالاشيا تنعكس حتى على نفسيتج .. وتبدين كل شوي تبين اتطورين جانب مهملتنه في نفسج او بيتج ..
اما لو تميتي على نفس روتين حياتج بتحسين حتى مالج بارض ترتبين سريرج من الملل ..

انا ما اقولج كلفي ع روحج واتشري كلل شي .. بس بحدود ميزانيتج ولو من ارخص مكان .. المهم التجديد فالمكان ...

ثاني شي ع نفسج ..
الحنا اغلب الرياييل تجذبهم ويحبون نقشها عالايد ..
صبغ الشعر
فصلي كمن جلابية او مخورة الوانها يديدة عليج .. مثلا بطيخي سادة او تيفاني .. احس هذي الالوان اتطلع جماال الحرمة وتلفت بعد ^^
شعرج اذا دوووم مربوط ومرفوع .. فليه وخليه سايح مستشور ..

شوية عطر وبخور وتطلعيين احلى انثى ..

واذا تبين بعد حركات يديدة .. مثلا :
قوولي لريلج تعال اباك في سالفة
واسحبيه لين الحمام .. وخليه يتفاجأ بأنج مجهزتله حمااام دافي .. واترسي الحمام بتلات ورد صناعي عالارض و انثريه عالماي (خذي البتلات من قوم سبلاش ريال وريالين) رخيييص واااالله روووعه ومايبين انه صناعي حتى .. يعني يفي بالغرض .. وشمعة مني مناك ..
تهبل بالريال خخخخ ...

جي يعني سوي حركات لو بسيطة ومب مكلفة بس بيستانس عليها ريلج لو مب متعودة تسويله جي ..
وبنفس الوقت يحس بعدج بنوتة تحبين تفاجئينه وتهتمين له ..

واليوم اللي تعبانة فيه بعد سوي جوو حق عمررررج .. وقوليله يالله سو لي مسااج خخخخخخ

:::

حبيت افيدج بأفكار بسيطة ومب مكلفة .. ويتربوون بعزج البنوتااات ويعينج على تربيتهم ..

كفت ووفت ام طحنون

[ليندااااا]

سهلة ☺سيري الصالون وسوي نيو لوك يديد
نظفي من شعر الجسم
سوي حنا
قصي شعرج سوي حركة اصبغي
بديكير ومنيكير
سوي رفرش لروحج