زوجي يخونني

[بنت_حمد_]

صبحكن الله بالخيير

بنات انا عندي مشكله بدت عقب الملجه
انا الحمدالله جميله و هو اول يوم شافنيه على طول خطبني
و كل يوم كان يرسل لي قصايد و كان وايد زين بعد الخطبه
باسبوع ملج علي و بدينا نطلع مع بعض
اسلوبه معايه راقي و ما يحب يزعلني و كلامه معسول
كانت نعمه احمد الله عليها في كل حين لاكن تغير بمره
زوجي يخوني حتى يوم نكون مع بعض كله يمسك الفون و يطرش مساجات للبنات و يطرش صوره
في البدايه تجالهلت الوضع لاكن بديت اشك و دشيت حسابه باسم ثاني و طرش لي صور مغريه واااايد متفسخ و جيه
و قال انه مب معرس و غيره من الكلام

تعبت نفسياً و كلمته في الموضوع و قال انه يحبني و يحلف انه ما يرمس غيري خلاص نفذ صبري و خليته الله الوكيل فيه
بس عقب 5 دقايق وصلني مسج في الحساب اللي سويته و يقولي فلانه اشتقت لج
قلت خليني ادش المحادثه و اشوف وين بيوصل
المهم قلت له شو سويت اليوم
قال تولهت عليج توني طالع و وحده عورت راسي ما اعرف شو تبا يقصدني انا و بدا يرمس عني بطريقه ما اقدر اوصفها لكن يا بنات

المهم اليوم قررت الطلاق و بروح بيت ابويه بس ماعرف كيف افاتح اهليه في الموضوع

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دانه الكون]

هذا من اولها جي

ما بالج بعدين ؟

[Yazi.90]

قرارج فمحله هذا ماعليه حسوف ،،
والله يعوضج خير ان شاءالله
قعدي مع امج او اختج العوده وفهميها اللي صار
و ان شاءالله رح يتفهمون موقفج

[الملكة ديهيا]

حبيبتي الله يعينج ويرزقج بريال يخاف الله و يحبج مب شرات هال.... حسبي الله عليه ما يخاف الله مايستحي يعور قلبج , عادي اهلج خبريهم بالسالفة .

[قلبي بزي]

هذا من أولها جي شكله لعاب مو قد المسؤولية

[ترآنيم القصيد]

الله يعينج لوبينكم عيال مشكله أما لو ماشي صليلج الاستخاره وشاوري حد كبير ينصحج والله يهديه ويصلحه يارب

[فطمطم طمطم]

استغفر الله العظيم هذا هب صاحي مراهق هذا والا كم عمره اخر حل الطلاق يمكن يحتاج قرصات ويعقل وينضج يعتمد على عمره وخبرته في الحياة

[لحنْ #]

القرصه ان يشوف ان ممكن يخسرج مب مجرد كلام
لو عندج هالمحادثات خليها ك دليل عليه قدام نفسه وقدام اهلج . ولكن لا تراويهن الصور بالنهايه يظل ريلج
خذي اغراضج وروحي بيت اهلج ، ويوم يكلمج قوليله يوم تتعدل برد
ومابا اعور راسج انا ويوم يحلف لج ان كذب راويه المحادثات
واذا بعد ينكر كتبي من الحساب وخليه يفتح حسابه قدامج ، عشان يوصل كلامج لحسابه قدامه ووقتها ينحط بالامر الواقع
والله يعينج ع مابتلاج ي اختي ويريح قلبج

[رسايل غلا]

اختي فيه رياييل ما يحسون بالمسؤولية ويتمون عايشين في عزوبيتهم حتى لو ملجوا وريلج من هالنوع لكن هو محتاج منج صبر ومحتاج انج تساعدينه من بعيد بدون ما تخلينه
يحس إنج تعرفين شي، الحين انتي ترمسينه من حساب هو ما يعرفه يعني في كل الأحوال انتي بعد جنج تخونينه حتى لو وياه هو سمحيلي بس خل نكون صريحين انتي الحين شو بتستفيدين من الطلاق؟ خلج ذكية واستغلي الحساب في انج تردينه
لعقله، طرشيله وقولي يا فلان أن كنت تباني
تعال اخطبني وجوفي ردة فعله أن تردد وقال
شي قوليله كلامك معناه يا انك تبا تتسلى أو أنك
معرس ولو كنت معرس خاف ع بنت الناس اللي
ماخذنها واحترم مشاعرها، لو هي تخونك شو شعورك؟
وانهي الموضوع ولا تردين ترمسينه خلج ذكية أكثر ولا تقولين شرات البعض هذا ما ينزعل عليه يعني لو اطلقتي ويلستي تترين واحد ثاني ما يخون ولا يغلط بالعقل حبيبتي هذا وين بتحصلينه اذا اللي عايشين دور المطاوعة يخونون فما بالج واحد حياته عادية وفالنهايةترى مب كل ريال زين ولا كل ريال شين وثقي انه بلجوؤج لرب العالمين وتحكيم عقلج أن شاء الله ب يهتدي ويعقل والله يسخره لج.
والله يسامحكن ياللي يالسات تشجعنها عالطلاق
الوحدة الحين مب محصلة ريال وأكثرهن تعدن الثلاثين ويالسات في بيوت اهاليهن وانتن تبنها تتطلق!

[ام مصطفى..]

الله يعيييييييييننننننننننج والله والله ..
دام من اولها جييييي اقوووولج توكلي على الله وسيري بيت اهلج وراويهم المحادثات
وخليه يعرف انج فضحححتيه

[سماءالأفق]

الله يعوض عليك ويصلح حالك ويهيئ لك من امرك رشدا..

[وجدان الفجر]

اختي فيه رياييل ما يحسون بالمسؤولية ويتمون عايشين في عزوبيتهم حتى لو ملجوا وريلج من هالنوع لكن هو محتاج منج صبر ومحتاج انج تساعدينه من بعيد بدون ما تخلينه
يحس إنج تعرفين شي، الحين انتي ترمسينه من حساب هو ما يعرفه يعني في كل الأحوال انتي بعد جنج تخونينه حتى لو وياه هو سمحيلي بس خل نكون صريحين انتي الحين شو بتستفيدين من الطلاق؟ خلج ذكية واستغلي الحساب في انج تردينه
لعقله، طرشيله وقولي يا فلان أن كنت تباني
تعال اخطبني وجوفي ردة فعله أن تردد وقال
شي قوليله كلامك معناه يا انك تبا تتسلى أو أنك
معرس ولو كنت معرس خاف ع بنت الناس اللي
ماخذنها واحترم مشاعرها، لو هي تخونك شو شعورك؟
وانهي الموضوع ولا تردين ترمسينه خلج ذكية أكثر ولا تقولين شرات البعض هذا ما ينزعل عليه يعني لو اطلقتي ويلستي تترين واحد ثاني ما يخون ولا يغلط بالعقل حبيبتي هذا وين بتحصلينه اذا اللي عايشين دور المطاوعة يخونون فما بالج واحد حياته عادية وفالنهايةترى مب كل ريال زين ولا كل ريال شين وثقي انه بلجوؤج لرب العالمين وتحكيم عقلج أن شاء الله ب يهتدي ويعقل والله يسخره لج.
والله يسامحكن ياللي يالسات تشجعنها عالطلاق
الوحدة الحين مب محصلة ريال وأكثرهن تعدن الثلاثين ويالسات في بيوت اهاليهن وانتن تبنها تتطلق!

مع الأخت رسايل غلا. الطلاق أبغض الحلال عند الله.

[ظبيانيه 2014]

من اول ما قلتي ان كلامه معسول و و
عرفت انه وصخ
لانه متعود على هالجو

[ميميه88]

عزيزتي هناك قسم مخصص للمشاكل يرجى طرح المشكله في القسم المخصص حرصا على الخصوصيه
كيفية وضع المشكله فيي القسم


http://forum.uaewomen.net/showthread...84%D8%AA%D9%8A