صدق المثل اقرب لك عقرب لك

[مناية النعيمي]

مرحبا بنات
انا وايد متضايقه ومش عارفه وش اقول ولا لمنوه اشكي
الله يسلمكم نحنا خوات ثنتين و3 شباب من عايله معروفه ولها سمعتها والكل يشهد باخلاقنا وسنعنا بتقولون شو المشكله..المشكله تطلع من اقرب الناس لي يسمونهم اهل واقفين بطريق زواجنا انا واخواني وين ما يروحون يقولون للناس امي ماتبا تزوج اخواني وتبا تخليهم تحتها ونفس الشي نحن البنات امس حرمة لقتني بالعرس تمت تتخبرني وتسالي قلت لها بعده النصيب ما يا جان تفتح وياي الموظوع وقالت انا كم مره ناس يدورون حريم ويوم ابا اييبهم صوبكم اسمع امكم ماتباكم تعرسون وحليلها امي كل يوم ترقد تصيح تبا تزوجنا انا واخواني بس سبحان الله النصيب والحسد وغيرة الناس لي ماتخلي حد بحاله زين ليش نحنا ماندخل بحد ولا لنا شغل بحد ولا نتمى الشينه لحد بالعكس الاهل الي وصلنا الخبر عنهم هم اكثر شي وياهم ونفرح لفرحهم ونحزن لحزنهم ليش جيه عاد صدق قلبي يعورني من امس مش راقده كله افكر شو اسوي هل اواجهم ولا اطنشهم ولا شو بالزبط لانهمش اول مره يوصلنا كلام ونحن كل مايوصل كلام نقول برايه ناس وتبا تنم وتفرق ومانعطي موظوع اهميه بس توصل جيه صراحه قويه انا عمري 32 اخواني 33 و 34 لو ماعرسنا الحينه متى بنعرس ليش جيه الناس ماتحب تشوف حد فرحان ليش الحسد والغيره..
ماعرف وش اقول ولا وش اخلي عطوني نصايحكم شو اسوي هل اواجهم ولا المح لهم ولا شو بالظبط الصراحه زاد عن حده ومانسكت عن موظوع.
الحسد موق كل امور بيتنا لو شي يخترب يتم سنين مايتصلح لو بنعمر وبزيد شي بتم سنين واقف من يومين يو عندنا وشافو صاله امي معدله ومرتبه ديكورات يديده انا حسيت من نظراتهم الغل بس طنشت قلت مابوسوس رقدت في الليل واشوف ذاك الطوافان الي يبا يغرق بيتنا وانا اصرخ على اخواني عشان نطلع من البيت الحمدلله انه الموج رد بروحه عن بيتنا ولا ضرنا بشي لانه انا كل ارش في البيت ماي وملح مقراي عليه.

ماباكم تقولون اوهام وخرابيط وايد امور اناماقلتها بس موظوع زواجنا اكثر شي هامني للي ولاخواني تعبت

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[hnmydsm70]

الله يعينكن.تحصنوا بالاذكار والعبادات واللي الله كاتبه لكم بيصير.والرزق يوم بيي من الله ماحد يقدر يرده لو شوماكان.لاقدرة لمخلوق امام قدرة الخالق سبحانه

[مناية النعيمي]

الله يعينكن.تحصنوا بالاذكار والعبادات واللي الله كاتبه لكم بيصير.والرزق يوم بيي من الله ماحد يقدر يرده لو شوماكان.لاقدرة لمخلوق امام قدرة الخالق سبحانه

ونعم بالله مشكورة حبيبتي

[(خيماويه)]

على قولتج اقرب لك عقرب لك والزمن تغير

[قلبي بزي]

لا حول ولا قوة إلا بالله
ليش جي الناس عافانا الله ><
الله يوفقكم ويبعد عنكم الحساد

[أم المزيونه33]

اختي اذا ما تبين مشاكل والا تخافين تقولين شي وتستوي مشكله في العايله اسكتي احسن

وخلي ايمانج بربج قوي اقري صوره البقره كل يوم في دبه ماي او في البيت او حاولي تخلصين صوره البقره خلال يومين او ٣ ايام سبحان اللاه اعرف وايد ناس انفتحت لهم أبواب الرزق وأونحلت مشاكلهم من داومو علئ قراءه صوره البقره وأقري المعوذات وايه الكرسي

والله يرزقج انتي واخواتج بالزوج الصالح

[الوردة الجورية]

بالضبط نفس اللي مر علينا وكنا نعرف من الغرب مب من مصدر واحد ولا من إمارة وحدة

الحل انكم تتكلمون حدام الناس والناس توصّل الأخبار

يعني انا عرفت من وحدة من بنات الكلية ايام دراستي فيها استغربت من رمستي مع البنات عن سوالف تأخر الزواج فردت قالت قوم فلان وفلان تقدموا بس انتوا رديتوا؟!!! من اللي رد واحنا مانعرف بالموضوع اساساً ولا حد يا.. وجد بعد من اهلنا تقدم واحد واتفقنا على كل شي وبعدين لا حس ولا خبر.. عقب كمن سنة كلام مع اهله ان وحدة من طرفنا اتصلت فيهم وقالت هذيل ماترومون على مهرهن وهم بعد مايبونكم.. انصدمنا وخبرناهم

اللي تسمعين منه المعلومة ردي وتكلمي قولي لهم وصدقيني الكلام ينتشر
والله يرد كيدهم في نحرهم شياطين الإنس


سبحان الله اي واحد يعادي بدون سبب ويكيد المكايد الا الله ينتقم فيهم وتسمعين فيهم البلاوي

[اسيرت شوق]

لما الله يكتب الرزق وينزله من السماء على عباده محد يقدر يمسكه عنهم
لا كلام ناس ولا غيره
هذه مجرد اسباب مب اكثر
وسبحان الله يمكن الله كاتب لكم نصيب احسن بوايد عن الي راح

[مناية النعيمي]

مشكورات خواتي على كلامكم الطيب خففتوا عني شوي ماقول غير حسبي الله ونعم الوكيل عليهم ولا على غيرهم من ينوي لنا الشر..

[Fa.R]

رمسي أمج ، شو يعني قوليلها اللي صار
عني أنا أشوف الموضوع ما ينسكت عنه
على أي أساس يرمسون عنا ويخربون علينا ؟
منو سمحلهم ولا صرحلهم ؟ قلنا أهل بس ماتوصل لمرحلة
الحقد والكره عفانا الله . .

[ايمان1]

لما الله يكتب الرزق وينزله من السماء على عباده محد يقدر يمسكه عنهم
لا كلام ناس ولا غيره
هذه مجرد اسباب مب اكثر
وسبحان الله يمكن الله كاتب لكم نصيب احسن بوايد عن الي راح

[ام راشد وسعيد]

لا حول ولا قوة إلا بالله العلي العظيم

قطع الأعناق ولا قطع الأرزاق

[Ward-uae]

كيف يعني يسألون الناس؟
اللي يبي يتقدم بيطرش حريم يشوفون اهل البيت وبعد تعارف بيفتحون السالفة
ما عليج من رمسة الحريم
اما اخوانج انتي وامج بتسيرون للناس تختارون لاخوانكم مب تتريون ايونكم
الله ييسر اموركم

[غزل المياسه]

الله يكتب اللي فيه الخير عسى ان تكرهو شيئا وهو خير لكم

[غلآ نفسي]

كيف يعني يسألون الناس؟
اللي يبي يتقدم بيطرش حريم يشوفون اهل البيت وبعد تعارف بيفتحون السالفة
ما عليج من رمسة الحريم
اما اخوانج انتي وامج بتسيرون للناس تختارون لاخوانكم مب تتريون ايونكم
الله ييسر اموركم

عادي حبوبه قبل لا يروحون لأهل البيت يسألون الناس عنهم

وصاحبه الموضوع صح كلام الاخت اخوانج انتوا المفروض تروحون تخطبون لهم مب هم اللي اييونكم

وخبري امج ع اللي صار

وتأكدي اللي قالت لج كلامها صح . . يمكن تتبلى

بالتوفيق