زوجي يريدني ان ارجع له بعد ما تزوج..

**نسيمة الورد** · 2015-02-11, 10:01

السلام عليكم ...
بعد ما هجرني زوجي ثلاث سنوات وتزوج علي... ارادني ان ارجع له .. على اساس انه ما عمل شي .. يريد ان يرجعني لان ابوه طلب منه... ولان ما في سكن .. وظهر بيت من الشيخ خليفة . قال انتظري البيت سنه .. اذا حابة ترجعين بيكون البيت جاهز.. واذا ما بغيت البيت بيكون للزوجه الثانيه... زوجي ما يصرف علي عند اهلي بعد ما تزوج علي .. جاء الحين .. ما اعرف ارجع ولا لا ..

المزيد من آخر المواضيع من نفس القسم:

**شموخ النفوس** · 2015-02-11, 10:27

استخيري

**أم لاكشمي** · 2015-02-11, 10:33

وانا بعد اقولج استخيري

**خياطة** · 2015-02-11, 10:36

عندج عيال ؟
تبغينه ؟
تتحملين الحياة بحلوها وبمرها ؟
الريال شارنج و دام قالج ردي ولج بيت بعد فمعناه انه لج مكانة في قلبه و يبغيج ، ردي حق ريلج أولى بج من أحد ثاني
وإستخيري وتوكلي على الله ، و سبحان الله رجوعج له لعله فيه الخير ، موفقة يا الغالية و عسى أيامج سعيدة يارب

**ام راشد وسعيد** · 2015-02-11, 10:44

استخيري و الله يكتب لج اللي فيه الخير ان شاء الله

**نسيمة الورد** · 2015-02-11, 10:45

انا ما براضية .. ارد له .. لان تزوج علي وهجرني وما سأل عني ثلاث سنوات .. هويباني ارد عشان عياله .. كانت قبل مشاكل وما في تفاهم..

**بريد الذكريات** · 2015-02-11, 10:48

سبحان الله هجرج 3 سنين ووقت الحايه بغاج ؟

اختي انتي ابخص منا بريلج وبعيشج وياه

**ريم العسووله** · 2015-02-11, 11:08

المشاركة الأصلية كتبت بواسطة خياطة

عندج عيال ؟
تبغينه ؟
تتحملين الحياة بحلوها وبمرها ؟
الريال شارنج و دام قالج ردي ولج بيت بعد فمعناه انه لج مكانة في قلبه و يبغيج ، ردي حق ريلج أولى بج من أحد ثاني
وإستخيري وتوكلي على الله ، و سبحان الله رجوعج له لعله فيه الخير ، موفقة يا الغالية و عسى أيامج سعيدة يارب

أنا مع الأخت خياطة
أنا حاسة فيج أختي العزيزة و في معاناتج و ما اقدر اقول لج رجعي و في نفس الوقت ما اقدر اقول لج لا ترجعين
الافضل تستخيرين و تشوفين نفسج و مصلحتج وين بتكون و انتي ادرى بزوجج و طبعه ...

الله يوفقج و يسهل أمورج

**دلع العاصمه** · 2015-02-11, 11:40

مممم يبا يردج عقب 3 سنوات وعقب ما عرس ها معناه انه مارام يعيش بدونج ...
وانه حرمته الثانيه ما عوضته غيابج...
اختي اول شي استخيري ..
بس نصيحه مني لج ردي له الحرمه ما لها غنى عن الريال و مثل ما قلت لج الريال شارنج واذا عقب ما تحملتي وضع حزتها لكل حادث حديث..
و موفقه

**احلى بعفويتي** · 2015-02-11, 12:26

شو تبين فيه يرجعج على عصمته

انفصلي عنه خلاص
هو الي اختار

**amna.als** · 2015-02-11, 12:49

بعد ٣ سنوات يباج !! و السبب ابوه طلب يردج!!!

هل انتي مستعده ترجعين له؟!؟!؟!

هل تقدرين تفتحين معاه صفحه يديده ؟!؟!

هل تتحملني وجود شريكه معاج !! ( الزوجه الثانيه)

وبعدين كيف هاجرنج ٣ سنوات وين كنتي او ليش هجرج أصلا ؟!

انا أقول فكري و ادرسي الموضوع في مخج عدل و اذا حابه اتردين حطي شروط عشان مايبيعج مره ثانيه

**العين الشقيه** · 2015-02-11, 13:04

مثل ماقالو الغاليات .استخيررري ونتي ادرى بحياتج )))

**الوردة الجورية** · 2015-02-11, 13:06

وعليكم السلام والرحمة اختي

هو ماعرف قدرج الا بعد ما جرب غيرج

بس غريبه مهجورة ثلاث سنين قاعدة بيت اهلج ولا طلبتي الطلاق؟ واسباب الهجرة؟
عندج منه عيال؟

احسه شارنج الحين وممكن انه هو اللي فكّر يردج وشاور ابوه و وأيّده و رد ان الفكرة فكرة ابوه يعني مكابر شوي.. احتمال

المهم احنا مانعرف تفاصيل اكثر

بس ثلاث سنين كافية انها تغير بعض النفوس

استخيري

**نسيمة الورد** · 2015-02-11, 13:18

انا بصراحة ما اقدر افتح معاه صفحة جديدة .. على الي سواه .. ظلمني ورماني في بيت هلي . وما رضي يطلقني . مع انه قالي انا ما اقدر اعيش وياج .. يمكن على شان بوه قاله رجع زوجتك.. وانا ما اتحمل الزوجه الثانيه .. وحتى ما اتحمل الفاظه كله سب واهانه وتجريح وشتايم ..

**الوردة الجورية** · 2015-02-11, 13:36

اختي لو انتي متضررة المحكمة تخلعج منه للضرر

واذا هو اللي هاجرنج يعني بنفسه ودّاج بيت اهلج و تركج.. مجرد مرور ست شهور المحكمة تطلقج منه.. فكيف ثلاث سنين؟؟؟؟

الا اذا كنتي ناشز يعني من نفسج تركتيه ورحتي بيت اهلج مالج حق عليه ولا حتى نفقة

بالنسبة للشتم والإهانات.. عادي ممكن تسير.. بس ليش؟؟؟

انتي لازم بعد تحددين مصيرج
ياتاه ين الطلاق عشان تقدرين تعيشين حياتج مرة ثانية

او ترجعين له بصفحة يديدة

بالنسبة للزوجة الثانية أحسن من عشيقة بالحرام

انصفوا البيت وخلو كل نصف له مدخل منفصل وحتى لو نصفتوا الحوي.. لا انتي تدخلين عليها او تشوفينها، ولا هي تدخل عليج او تشوفج

يعني ممكن كل وحدة تعيش في عالمها والزوج يعدل في المبيت، ليلة عندج و ليلة عندها
أما النهار عادي يدخل و يطلع عليكم انتم الاثنين او بعد لو حابين يوم عندج و يوم عندها

بس لا تظلين معلقة

الموضوع: زوجي يريدني ان ارجع له بعد ما تزوج..

أدوات الموضوع

عرض

زوجي يريدني ان ارجع له بعد ما تزوج..

المزيد من آخر المواضيع من نفس القسم:

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

رد: زوجي يريدني ان ارجع له بعد ما تزوج..

المواضيع المتشابهه

زوجي يريدني أخطب له

زوجي تزوج علي ...ساعدوني

زوجي تزوج علي ...

كيف ارجع زوجي لحضني واخليه يتعلق فيني ويحبني

زوجي يريدني أن اوافق على زواجه(ماذا أفعل)