ام زوجي دمره حياتي

[amna.als]

السلام عليكم خوات

قبل ما أبدء فالموضوع حابه اوضح ان قصتي 100% صادقه و هي من تجربه شخصيه..

انا تزوجه شهر 4 يعني جرب السنه عمري 26 و ريلي 35... هو أمه اتصير بنت عمي يدتي من ابوي...

من بعد الزواج اكشفت ان فتره الخطوبه و الشروط العرس كلها كانت جذب!! ع سبيل المثال :
الولد مايشتغل ولا عمره أصلا اشتغل (فتره الخطوبه هو سيؤلف لي عن دوامه و أمه خبرتنا ان هو مدير فالبنك )

كان لي شرط مكان روحي و قبل العرس راوني شقه ع أساس ان بتكون لنا بس بعد العرس وانا في غرفه في بيت أهله و أمه أتقول ماشي شقه نحن ماحجزنا شي!!!!!

وكان يدعي ان عنده سياره بس فالأصل ما عنده للسين حتى

أتخلي حبيباتي في شهر العسل الفندق طرنا لان الحبيب مب دافع المبلغ كامل و لم قلت له ادفع الحين مب مشكله يقولي انا ماعندي انتي ادفعي!!! يعني هل هذا شي عادي!! بس الحمدالله اتصلت في اخوي و خبرته السالفة و قام حجز فندق لنا و دفع لنا و انا مستحيه من أهلي و الزوج المصون يقول عادي شو فيها ؟!

ومع هذا سكت و قلت مب مشكله بتحمل و الله كريم ...

بس المشكلة ان زوجي عنده عجز جنسي يعني الى هذا اليوم انا بعدني بكره (بنت)
فالأول انا قلت مب مشكله راح يتعالج و هو حلف لي ان راح يتعالج ... بس اول ما رجعت من شهر العسل والله اول يوم أمه مسكتني و خلتني احلف ع القران ان ما اخبر أهلي ان ولدها مايقدر يسوي شي معايه ...

وبعد قلت ماعليه حرام مسكينه ماتبا الفضيحه لولدها الكبير و أكيد هي راح أتحاول اتعالجه و ان شاء الله خير

بس مع الأسف بعد كم أسبوع من رجعنا من شهر العسل صار الشي لي ماتوقعته أبدا

أمي اتصلت فيه بليل مستانسه مبروك مبروك الحمدالله الله عطاج اتحملي ع نفسج... ولم سالتها شو الموضوع عمتي الحلو ام زوجي اتصلت فيها و خبرتها ان انا حامل و اليوم اكتشفو ... و خبرت أمي ان لا يمكن تقصد احد غير انا مب حامل لان مستحيل

رحت اسأل عمتي و هنئ الصدمه عمتي خبرت اهلهم كلهم ان انا حامل و السبب حتى ما اقدر افضح ولدها لان ما بقدر أقول ان هي جذابة

تكلمت مع زوجي بس بدون فايده أبدا لان هو بدون شخصيه و مايسوي شي غير يكون يستاذن من أمه

اتصلت للخالتي و خبرتها الموضوع كله و ان انا خلاص ماقدر أعيش مع ناس كل حياتهم كذب .... بس جواب خالتي كان غريب ان انا لازم اصبر و أتحمل

بعد كم يوم رحت المستشفى عند طبيبه نساء و ولاده مع زوجي بس بدون علم الام ع أساس ان انا كنت بروح اشتري أغراض .. المهم الدكتوره فحصتني انا و هو ما رضى و اتصل يخبر أمه انا اخذه شهاده من الدكتوره ان بعدني بنت ،..
لم رجعنا البيت الام كانت معصبه مني لدرجه طردتني من البيت و جدامهم اتصلت للأبوي مع العلم بيت أهلي في دبي و كنت في ابوظبي...

طبعا أبوي مابيرضى بنته تطرد و تنهان قال لي انا بي أخذك
رحت البس و قلت بتم فآلغرفه أحسن ... اتخيلو أتي وحده من خدامتهم اتقولي لا ترجعين هذا البيت الام ما تحبني ومسويه لي سحر بس الخدامه شلته من الغرفة فالأول قلت جذب بعدين طلعته و عطتني سكت و طلبت منها تطلع من الغرفة

خبرت أهلي كل شي و حتى السحر و كل شي ... ولم أمي أتكلم عمتي اتخيلو أتقولها و هي مصرحه لا انا أصلا كنت حامل و شربت ديتول عشان انزل إلياهل!!!! و ان انا كنت اضرب زوجي و حاولت اقتله !!!
السحر لي عطتني الخدامه بعد طلع صدق لان ودينا عند شيخ و قال واحد عشان يعمي عيني عن عيوبهم و احبهم ...
انا صار لي خمس أشهر في بيت أهلي و زوجي ما يدري عني و أمه الحمد الله مب مقصره تمشي و تتكلم عليه و كل يوم لها قصه جديده

من الاخر انا مستحيل ارجع لهم و هم مب راضين يطلقون وانه لا مايبون الفضيحه لولدهم


هل هذا طبيعي هل كل ام زوج اتسوي هذا الشي !؟؟!

ياريت تدعوني ان أموري تتصلح

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[راعية الطيب]

لا حول و لا قوة الا بالله
الله يعينج ويصبر ان شاء الله

[لولو12]

لا حبيبتي مب كل أم ريل تسوي اللي سوته عمتج الله يهديها !! بس حبيبتي الغالية فيه أمور كان الواحد بيتفاداها قبل الزواج يعني مثل كيف ما سألتوا عن الريال قبل لا يتقدم لج ؟ يعني لا دوام ولا شي !! المهم ما علينا روحي المحكمة وطالبي بحقوقج يلستج في بيت أهلج 5 شهور ما تسوي شي الحين الحمدلله بلادنا مب مقصرة بشي ادخلي ع المصلح الاجتماعي وكلميه من الألف للياء واطلبي ورقة من المحكمة ع أساس أنج للحين بنيه والله ييسر ويعوضج خير

[amna.als]

لا حبيبتي مب كل أم ريل تسوي اللي سوته عمتج الله يهديها !! بس حبيبتي الغالية فيه أمور كان الواحد بيتفاداها قبل الزواج يعني مثل كيف ما سألتوا عن الريال قبل لا يتقدم لج ؟ يعني لا دوام ولا شي !! المهم ما علينا روحي المحكمة وطالبي بحقوقج يلستج في بيت أهلج 5 شهور ما تسوي شي الحين الحمدلله بلادنا مب مقصرة بشي ادخلي ع المصلح الاجتماعي وكلميه من الألف للياء واطلبي ورقة من المحكمة ع أساس أنج للحين بنيه والله ييسر ويعوضج خير

حبيبتي الام الله يسامحها ماخلت مجال بين الخطوبه و العرس ٣اشهر و لم كان أهلي يسألون الكل كان يجاوب نفس الشي محد يعرف عن هذا الولد شي لان كله انطواىي فالبيت في حظن أمه.. المهم رحت قبل شهر المحكم و يبت ورقه من الدكتوره بس لان انا بعدني بنت و اذا انا طلبت الطلاق لازم ارجع لهم كل شي المهر و الذهب و تكاليف العرس بس العرس نحن لي صرفنا عليه ... عشان جي فالمحكمة قالو لي لازم هو يطلق عشان تضمنين حقوقج

[الوردة الجورية]

وعليكم السلام والرحمة



اختي خذي اوراقج وخذي ورقة من دكتورة نسائية انج بعدج عذراء و روحي التوجيه الاسري وخلصي أمورج

أي حياة زوجية؟؟!!!! لا جنس و لا مال و كله كذب في كذب

الله يرزقج بزوج صالح مناسب ولد حلال


ذكرتيني بوحدة نفس حالتج كان زوجها السابق من اهلها ومادخل عليها ستة شهور
تصرفت بذكاء خذت ورقة من دكتورة نسائية وراحت المحكمة (حالياً ماشي محكمة توجيه اسري أولاً) ومب بس جذي طالبت بمهرها كامل لأن العيب منه
ماشاء الله بعد فترة بسيطة تزوجت مرة ثانية.. وعن كلامها تعرف نفس حالتها خمسة او ستة ماذكر بالضبط يعيشن مع ازواجهن وما يدخلن!!!

ليش متزوجين من الاساس؟؟!! تصكتون اهلكم اونه ولدنا تزوج!!!!



امّي.. خلصي عمرج.. لا تقص عليج عمتج.. والله لو كنتي انتي بنتها جان فضّحت ريلج

انتي حلفتي عن اهلج مب عن الجهات الرسمية (التوجيه الاسري) وسألي اذا عليها مفارة عشان تكلمين اهلج يوقفون معاج بدل مايعارضون (الفسخ)

[الوردة الجورية]

اختي هو " غشّج" وانتي تضررتي نفسياً من الموضوع طالبي بحقوقج

[عساك تبقى لي]

حسبي الله ونعم الوكيل. .الله يكون فعونج أختي لاتسكتي عن حقج والله مايرضى بالظلم

[غرووب 22]

لا حول ولا قوة الا بالله

[Ayshah]

حبيبتي لا تسكتين عن حقج موول وهالشي لا يرضي الله ولا رسوله
سوي اللي قالولج عنه البنات الفحص والله ايسر امورج يارب

[بريد الذكريات]

نفس قصة ربيعتي تقريبا
عاجز ومعامله خايسه وعذاب وولد خالتها بعددد
بس هي شهر ما كملت وياه وماشاء الله تصرفت بعقل وحكمه
ما طلبت الطلاق بس راحت المحكمة وحطت محامي وطلبت حقوقها وخبرت المحكمه عن عجزة ومعاملته الخايسه هو واهله هي كانت تبا الطلاق بهدوء بس هم سوو مشكله ورفضوا الطريقة السليمه
اهل الريال حاولو يرفعون عليهم قضيه عدم دخول بس هو تقريبا كانت وياه في غرفة وحده واشياء استوت طبعا قضيتهم فشلت وعلشان يتفادون الشيء طلقها وبعده رفع قضية مخاسير العرس وغيره طبعا مهما فعل وفعل ما بيربح ﻻنهم خدعوهم
عيني لج محامي وخبريه عن كل شيء مع الاثبتات وحاولي تاخذين حقوقج منهم وبها الطريقة خليهم يطلقونج وﻻ انج تخلعين انتي يعني سكري الطريق فويههم وطلعي كل شيء من عيونهم مره ﻻ تخلين شيء

[مراسيل الوفاآ]

معقوله يوم يو يخطبونج اخوج وابوج ما سألوا عنه؟
خاصه هالاشيا تنعرف بين الرياييل، ريال ما عنده ليسن
وولا وظيفه يعني يوم قالكم انه مدير ف البنك محد
كلف ع نفسه يسير يسأل عنه ف المكان اللي يشتغل فيه؟


حياتج ويا هالريال ضايعه، اللي بدايته جذب نهايته دمار
ف احسن اطلبي الطلاق ودامه ما يشتغل وولا عنده بيزات
ف اكيد ما بيقدر انه يعطيج المؤخر، ف اشتري حريتج

[دلوعه حمودي]

اخليعي هالريال وام الزوج خليها تتكلم ترا بيرجع كلها لبناته والحمدالله انج بعدج بنت ولا تفكري ترجعي ابداا

[نورالحق]

حسبي الله ونعم الوكيل.....ناس ماتخاف من الله

[amna.als]

معقوله يوم يو يخطبونج اخوج وابوج ما سألوا عنه؟
خاصه هالاشيا تنعرف بين الرياييل، ريال ما عنده ليسن
وولا وظيفه يعني يوم قالكم انه مدير ف البنك محد
كلف ع نفسه يسير يسأل عنه ف المكان اللي يشتغل فيه؟


حياتج ويا هالريال ضايعه، اللي بدايته جذب نهايته دمار
ف احسن اطلبي الطلاق ودامه ما يشتغل وولا عنده بيزات
ف اكيد ما بيقدر انه يعطيج المؤخر، ف اشتري حريتج

مع الأسف الكل سال وكل حد يقول شي و بعد نحن مابي في بالنا ان الام و الولد جذابين
بقول الليسن ماعليه بحاول أتقبل بس مثل ماقلتي لي بدايته جذب هي نهايته

حسبي الله ونعم الوكل ....

[amna.als]

اخليعي هالريال وام الزوج خليها تتكلم ترا بيرجع كلها لبناته والحمدالله انج بعدج بنت ولا تفكري ترجعي ابداا

هذا لي هم يبونه ان انا لي اطلب عشان ارجع لهم المهر و يبون الذهب بعد... و للعلم هذا كلامهم اذا تبين الطلاق رجعي كل شي