لو رجع الزمن

[بنت الجهرة]

بسم الله الرحمن الرحيم


لو رجع بج الزمن لورا
لأيام المدارس
شو بتسوين
بتكملين الدراسة وبتدخلين الجامعة ولا بتفكرين بالزواج والرقاد؟؟!!
لأن هذا حلم البنات في آخر سنوات الدراسة والعبارة المشهورة
(متى بفتك عشان........) وفي هذا الفراغ تكتب حلمها
ويكون للأسف شي يضيع مستقبلها الاكاديمي
قبل الاهل كانوا يمنعون بناتهم من الدراسة ولكن اليوم الموازين تغيرت وااااااايد
لازم البنت تدرس وبعدين تفكر في شي ثاني
الدراسة استوت من اولويات الاسر؟؟

طبعا السنة هاي بتكون آخر سنة لي فالمدرسة ومثل كل شخص طموح
لي حلم وحلم كبير ولكن معالم هذا الحلم غير واضحة
سابقا نزلت مواضيع متنوعة بخصوص تجاربكم الددراسية في الجامعات والكليات وعلى اي اساس تم اختيار التخصص ولكن للأسف ما حصلت تفاعل كبير


وسؤالي
هل انتي ندمانة على العمر اللي ضيعتيه بدون ما تكملين دراستج الجامعية
وليش تبين تكملين

المزيد من آخر المواضيع من نفس القسم:

• استفسار عن جامعه
• استفسار عن جامعات رخيصة
• كلية الأفق جامعية ؟ شو رايكم فيها
• طردوني من كليات تقنية سؤال في مجال أرجع؟
• الجامعة الامريكية في دبي
• علوم البيئة أو التصميم الداخلي (((جامعة...
• بنات جامعة زايد وجامعة الشارقة استفسار
• طالبة وبتخرج .. استفسار ضروري
• Syria
• قبول الاجانب في معهد ابوظبي للتدريب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت الجهرة]

ما في حدة ندمانة على العمر الضايع بدون دراسة

الحمد لله

[Ward-uae]

هالقسم دخلته صدفة ولا تلومين البنات الوحده من تتخرج ما بتدخل هنا
انا كملت دراستي وفي جامعة الامارات وفي كلية الهندسة والحمد الله تخرجت وتوظفت من خلصت امتحانات الفاينل على طول اشتغلت
الزواج والدراسة مع بعض صعب لكن مب مستحيل كان عندي ربيعات معرسات وحوامل منهم من كمل ومنهم من طلع واللي طلعت الحين ندمت ما تحس انها انجزت في حياتها مع انه في رايي الانسان يقدر ينجز اشياء وايد في حياته
بعطيج امثله بسيطه عن هذي الحياة
في رياييل ما كملوا تعليمهم لكن اذا بتشوفيهم عندهم شركات وتجارة وانجزوا اكثر في حياتهم
عكس بعض الدكاترة اللي قابلتهم عندهم دكتوراه في ادارة الاعمال لكن معتمد على الراتب بس هذا مثال هنيه ما اشجع انه الوحدة ما تدرس لكن عليها تستخير وتوكل امرها لله واللي مكتوب لها بيصير

[بنت الجهرة]

هالقسم دخلته صدفة ولا تلومين البنات الوحده من تتخرج ما بتدخل هنا
انا كملت دراستي وفي جامعة الامارات وفي كلية الهندسة والحمد الله تخرجت وتوظفت من خلصت امتحانات الفاينل على طول اشتغلت
الزواج والدراسة مع بعض صعب لكن مب مستحيل كان عندي ربيعات معرسات وحوامل منهم من كمل ومنهم من طلع واللي طلعت الحين ندمت ما تحس انها انجزت في حياتها مع انه في رايي الانسان يقدر ينجز اشياء وايد في حياته
بعطيج امثله بسيطه عن هذي الحياة
في رياييل ما كملوا تعليمهم لكن اذا بتشوفيهم عندهم شركات وتجارة وانجزوا اكثر في حياتهم
عكس بعض الدكاترة اللي قابلتهم عندهم دكتوراه في ادارة الاعمال لكن معتمد على الراتب بس هذا مثال هنيه ما اشجع انه الوحدة ما تدرس لكن عليها تستخير وتوكل امرها لله واللي مكتوب لها بيصير

الحمد لله تخرجت وتوظفت الله يوفقج
الواحد من يوم وهو في المدرسة يرسم احلامه ويخطط لها
بالتوفيق حبيتي
وتخصص الهندسة تخصص ممتاز ورائع

[شعاع امل]

في رياييل ما كملوا تعليمهم لكن اذا بتشوفيهم عندهم شركات وتجارة وانجزوا اكثر في حياتهم

مع الاخت في موضوع ان الانجاز مب بس بالدراسه يعني مثلا انا خلصت جامعه وتوظفت فتره بسيطه والحمدلله مامشت اموري كثير في الشغل وتركت الشغل للاسف

ولكن بحاول احصل شغل الحين احسن ان شاء الله ولكن

في ناس عندهم درجات علميه ولكن ماعندهم عقول حقيقيه تجاريه او مميزه

ولكن الدرجه العلميه مهمه يعني الواحد على الاقل يحس انه انجز شي امتحن ونجح في غيره مايقدر يحصل على شهاده

بس النجاح في الحياه محتاج الكثير من العوامل وطبعا توفيق من الله

انا عن نفسي مبسوطه اني درست وخلصت ولكن نصيحه الواحد يدور تخصص يعني يناسب شخصه اكثر من طموحه مرات الواحد يدخل تخصصات عشان الطموح وينصدم بالواقع

مب كل طبيب درس طب صار طبيب ومب كل مهندس صار مهندس

لازم الواحد ينتبه ويستخير ربه

ويفكر بالواقع ومايتعب نفسه

ترى العلم واحد

في ناس يقولون لك كليات العلميه كليات طموح اكثر من الادبي

ولكن الانسان مايرتاح لو يمشي على كلام الناس!!!!!! الطموح مب مشكله

[بنت الجهرة]

مع الاخت في موضوع ان الانجاز مب بس بالدراسه يعني مثلا انا خلصت جامعه وتوظفت فتره بسيطه والحمدلله مامشت اموري كثير في الشغل وتركت الشغل للاسف

ولكن بحاول احصل شغل الحين احسن ان شاء الله ولكن

في ناس عندهم درجات علميه ولكن ماعندهم عقول حقيقيه تجاريه او مميزه

ولكن الدرجه العلميه مهمه يعني الواحد على الاقل يحس انه انجز شي امتحن ونجح في غيره مايقدر يحصل على شهاده

بس النجاح في الحياه محتاج الكثير من العوامل وطبعا توفيق من الله

انا عن نفسي مبسوطه اني درست وخلصت ولكن نصيحه الواحد يدور تخصص يعني يناسب شخصه اكثر من طموحه مرات الواحد يدخل تخصصات عشان الطموح وينصدم بالواقع

مب كل طبيب درس طب صار طبيب ومب كل مهندس صار مهندس

لازم الواحد ينتبه ويستخير ربه

ويفكر بالواقع ومايتعب نفسه

ترى العلم واحد

في ناس يقولون لك كليات العلميه كليات طموح اكثر من الادبي

ولكن الانسان مايرتاح لو يمشي على كلام الناس!!!!!! الطموح مب مشكله

مشكورة على مشاركتج

كل انسان له ميول تختلف عن الآخر
وهذا يسبب اختلاف التوجهات الاكاديمية في المستقبل
البعض يفضل التخصصات العلمية والبعض الأدبية والبعض الآخر يكون ضايع
ويتبع ميول اصدقائه ويدخل كلية ما يحبها بس لأن فلان نصحه بها
فالنهاية كلن يتبع رغبته وخطته المستقبلية وبالتوفيق لميع الطلبة والطالبات المقدمين على الحياة الجامعية ومنها للأعلى

[بنت الجهرة]

تجاربكم في الحياة العلمية

[تناهيد جرح]

تبين الصراحه والواقع الحرمه بلا شهاده مب شي
نحن في زمن الوحده تحتاي الشهاده وتری الريال مب كل شي
وبعدين هم يدورون اللي دارسات ومتعلمات ..

وفالأول والأخير هو صح أحيانا نواجه تعب وكرف بس ننسی يوم بنخلص
الله يوفقنا يارب ويرزقني بالوظيفه من اخلص

[~Amna]

تبين الصراحه والواقع الحرمه بلا شهاده مب شي
نحن في زمن الوحده تحتاي الشهاده وتري الريال مب كل شي
وبعدين هم يدورون اللي دارسات ومتعلمات ..

وفالأول والأخير هو صح أحيانا نواجه تعب وكرف بس ننسي يوم بنخلص
الله يوفقنا يارب ويرزقني بالوظيفه من اخلص

أوافقج الراي 100% !

تعجبني البنت اللي تخلي الدراسة من أهم أولوياتها
ما نقول للبنت لا تعرسين وانتي تدرسين !
نقول لا تودرين الدراسة عشان زواج !
ترى الريال مب كل شي في هالدنيا
البنت محتاجة يكون لها كيانها الخاص وشخصيتها المتعلمة المستقلة

الشهادة جداً مهمة في وقتنا الحالي ..
وجميل أن البنت تكون متعلمة ومثقفة وجامعية

[بنت الجهرة]

تبين الصراحه والواقع الحرمه بلا شهاده مب شي
نحن في زمن الوحده تحتاي الشهاده وتری الريال مب كل شي
وبعدين هم يدورون اللي دارسات ومتعلمات ..


وفالأول والأخير هو صح أحيانا نواجه تعب وكرف بس ننسی يوم بنخلص
الله يوفقنا يارب ويرزقني بالوظيفه من اخلص

صح كلامج لأان إذا فكرت بمستقبلي ووين بكون بعد خمس سنوات من التخرج
فهذا الشيء بيدفعني للدراسة والتفوق

[بنت الجهرة]

أوافقج الراي 100% !

تعجبني البنت اللي تخلي الدراسة من أهم أولوياتها
ما نقول للبنت لا تعرسين وانتي تدرسين !
نقول لا تودرين الدراسة عشان زواج !
ترى الريال مب كل شي في هالدنيا
البنت محتاجة يكون لها كيانها الخاص وشخصيتها المتعلمة المستقلة

الشهادة جداً مهمة في وقتنا الحالي ..
وجميل أن البنت تكون متعلمة ومثقفة وجامعية

مهمة أكيد ولكن أحيانا الاهل يكونون حاجز يحول بين الفتاة وطموحها

فمثلا هي حاطة في بالها تخصص معين موجود في جامعة بعيدة
بيكون الرد
لا

والكلمة هذي تدمر الواحد

[Cobon]

لو رجع الزمن
جان باجل الزواج فترة بسيطة ... ع الاقل بطول فترة الخطبة
الزواج حلو بس الدراسة اهمممم ^..^
لاني عرست وانا ادرس و كملت دراستي و لين ما طلعت روحي
حتى لو ما عندج عيال صعب حتى لو الوحدة تمنع بعد صعب تمنعين 4 سنين
و يحنحن عليج بو العيال

صعب صعب الدراسة حتى لو عندج خدامة و اهلج يساعدونج ؟
بس تفكرين كيف بتذاكرين و اصلا وين حاطة كتابج البزنس ولا الماث
و تلقين ولدج مطرطرنه و يلعب فيه

نصيحة اضمني شهادة الباجلر ف ايدج اليمين
و ان شاء الله عقبه ريلج ف ايدج اليسار

[بنت الجهرة]

لو رجع الزمن
جان باجل الزواج فترة بسيطة ... ع الاقل بطول فترة الخطبة
الزواج حلو بس الدراسة اهمممم ^..^
لاني عرست وانا ادرس و كملت دراستي و لين ما طلعت روحي
حتى لو ما عندج عيال صعب حتى لو الوحدة تمنع بعد صعب تمنعين 4 سنين
و يحنحن عليج بو العيال

صعب صعب الدراسة حتى لو عندج خدامة و اهلج يساعدونج ؟
بس تفكرين كيف بتذاكرين و اصلا وين حاطة كتابج البزنس ولا الماث
و تلقين ولدج مطرطرنه و يلعب فيه

نصيحة اضمني شهادة الباجلر ف ايدج اليمين
و ان شاء الله عقبه ريلج ف ايدج اليسار

الله الله
اهم شيء الشهادة باليمين والريل باليسار
هههههه


الشهادة تعطي للبنت قيمة كبيرة
سواء في البيت او في المجتمع الخارجي

التوفيق لجميع الطلبة والطالبات