شوروا علي الله يخليكم مستشفى الكورنيش ولا النور

**كركر** · 2014-08-04, 18:32

السلام عليكم بنات انا يديدة فابوظبي مربية اول مرة بالوصل الحين انا الحمد الله بداية السابع وكنت اتابع بدار الشفا ورحت فتحت ملف بالكورنيش واتابع معاهم اليوم رحت النور قلت بفتح ملف بالخاص احتياطي فطلبت الطبيبية تحاليل وتصوير ب3dهم ما يسوونه بس لازم فمستشفى السلامة عند اخصاءي اجنة وتحليل سكر اللي اكون صايمة وهذا عندي موعد حقه بالكورنيش الاسبوع الياي فمحتارة وايد هل اتم اراجع فمكانين واخاف من تكرار التصوير ووين احسن مكان الكورنيش ولا النور فالنور رحت عند ماجدة وحسيتها زينة اما الكورنيش كل مرة دكتورة شكل بس كتحليل بول ومتابعة زينين

المزيد من آخر المواضيع من نفس القسم:

**N.A.L** · 2014-08-04, 19:41

وعليكم السلام
يا اختي ماباقي لج شي احسن شي
استخيري وتوكلي ع الله

**قهوة 2012** · 2014-08-04, 20:02

النور كويس أنا ولدت فيه اهتمام ورعاية
والدكتورة ماجدة شاطرة ما عليها كلام

ربي يوفقك وييسر أمور ولادتك

**كركر** · 2014-08-04, 23:16

مشكورات حبيباتي وما قصرتن أنا مرت أخوي ومرت أخو ريلي مربيات بالنور يقولن زين بس ما جربوا الكورنيش من راي البنات أنه الكورنيش قبل أوكيه بس الحين مب زين محتارة وايد والنور لازم أسوي تحاليل من أول وتصوير تفصيلي فمكان غير عندهم أما الكورنيش رحت الهم حوالي 3 مرات

**مهرووووووه** · 2014-08-05, 00:34

كركر
سيري الكورنيش انا من 10 ايام مربي عندهم والحمدالله كنت متوفقه! من دخلت الطواري وعلى طول دخلوني يفحصوني ومن شافوا الرحم فاتح ع طووووول قسم الولادة.. والميد وايف كانت تجننن وحبووبه وصبوره. ويوم ربيت كانوا معايه وقلتلهم ابا غرفه خاصه وعلى حسن حظي كان فيه وودوني جناح الاوركيد .... الصراحه الجناح حلوو
وانا ان شاء الله لو حملت مرة ثانيه بسير الكورنيش!!! نصيحه توكلي ع الله وسيري الكورنيش

**كركر** · 2014-08-05, 19:41

مشكورة أختي ام مهروو وما قصرتي

**أم عيالها** · 2014-08-06, 20:26

ما شئ احسن عن الحكومه هذا من جهة نظري طبعا الكورنيش
ان بالثامن وان شاء الله بربي عندهم، ما احب الخاص ،يفكرون بس بالفلوس عكس الحكومه

**ماما سلطان** · 2014-08-07, 10:32

الدكتورة ماجدة وااايد زينه والحريم يدورن عليها دوارة مواعيدها صعبه يعني الحمدلله حصلتي عندها... انا ربيت عندها واختي وحرمة أخوية ماشاءالله عليها وايد زينة وشاطرة .... انصحج فيها والأفضل إنج تستخيرين .... والولادة كلها تساهيل من رب العالمين .... وربي يسهل عليج وحاولي تستقرين عند دكتورة وحدة عشان تكون عارفة حالتج ومتابعتنها أول بأول.... وعادي التصوير التلفزيوني موول ما يضر لأنها موجات صوتيه مب أشعة إكس... ربي يسهل عليج وتربين بالسلامه يارب...

**راعية الدار.** · 2014-08-07, 10:38

ان شاءالله يفيدووووووونج اختي

**كركر** · 2014-08-07, 17:37

مشكورات حبيباتي وما قصرتن المشكلة أنه النور خاص والكورنيش حكومي هي انا حسيت الدكتورة ماجدة زينة بس يمكن لو سرت عنده من الاول احسن بدال الكورنيش بس الحين متكاسلة اسير اسوي تصوير تفصيلي وتحاليل من اول ويديد

**كركر** · 2014-08-24, 00:49

سرت الاسبوع الماضي الكورنيش وسويت فحص الجلوكوز وتصوير يعني من حوالي عشر ايام وأفكر الاسبوع الياي اسوي تحاليل وتصوير بالنور مع آني متعايزة أعيد فحص الجلوكوز متعب لان موعدي بالنور ٣/٩ فبعدي بحيرة ريلي متشجع للنور اكثر عن الكورنيش لان اخته وحرمة اخوه مربيات فيه ووممكن تراجع المسا انا عندي تجربة قبل بمستشفا لطيفة فدبي اول حمل بس ما اعرف بالنسبة لأبوظبي وللخاص بعد

**نور الايام** · 2014-08-24, 01:18

حبيبتي استخيري الله عز وجل وتوكلي اذا انتي تكولين الدكتوره زينه ومرنتاحه لها خليج في النور وحاولي تاخذين من الكورنيش صور عن التحاليل والملف الي عندج عندهم مو شرط يعني تعيدين كل شي وعلى فكره الي يولدن في الكورنيش هن النيرسات الدكتوره مابتولدج انا سامعه هالكلام من كذا وحده لكن في النور دكتورتك بتشرف على ولادتك وعارفه حالتك هذا رايي واستخيري يالغلا انشاء الله تقومين بالسلامه ولاتفكرين وايد خليها على رب العباد

**dior999** · 2014-09-08, 13:37

المشاركة الأصلية كتبت بواسطة dior999

مرحبا كركر جفتج وايد تسالين عن مستشفى الكورنيش
حبيت اقولج لاتفكرين تربين في اي مستشفى غير الكورنيش لان تعرفين خبرتهم كيف واذا على غرف الخاصه لايهمج الغرفه كثر مايهمج العنايه والاهتمام
كل حد يقول القابله هي اللي تولد بي انا وخواتي كل اللي ولدوننا استشارياات ولاده طبيعيه بس الشاطر اللي يعرف النيرسات ستاف الولاده الطبيعيه شو يبون
صراحه نحن نعطي كل وحده حلاوتها ونخلي القابله موجوده عند اختي لين ماتوصل عشره سانتي نقول للقابله نادي دكتورة وتسمع كلام بما ان عطيناها حلاوتها مره من مرات وحده من خواتي بيطلع الراس والدكتورة تقول للنيرس Lunch Time سحبتها من قميصها ويابتها للغرفه هههههه
ومره من مرات وحده من خواتي من اللعوزه اللي فيها نسنا نعطي نيرسات حلاوتهم وهي الوحيده اللي ولدتها القابله
انا ما انصح اي حد يروح مستشفى غير مستشفى الكورنيش
والغرف العادية نفس الشي لو عطيتيهم النيرسات حلاوتهم مابيقصرون وياج وفوق راسج اذكر في ولدي الاول النيرس كانت توعيني وتشل ولدي تقول رضعيه وتهتم فيج من راسج لين ريلج ومايقصرن

ودوم اسمع من ناس ان الغرف الخاصه ستاف النيرسات مالهم شايفين حالهم ومايهتمون مثل الغرف العادية
اخر مرة زرت ربيعتي مربي فالخاص اظن كانت فالاوركيد بس الغرفه اصغر من الغرفه العادية بس اللي مغيرينه ملونين ديكور الغرفه وحاطين تلفزيون LCD
واخر شي الخيره فيما اختاره الله

حبيت اختصرلج كلامي واقولج نيرسات متعودات على هالشي ولازم تحاسبين وتنتبهين
واي سؤال ياحبوبه انا حاضره الله يسهل عليج ولادتج يارب وتقر عينج بشوف ضناج يارب

الموضوع: شوروا علي الله يخليكم مستشفى الكورنيش ولا النور

أدوات الموضوع

عرض

شوروا علي الله يخليكم مستشفى الكورنيش ولا النور

المزيد من آخر المواضيع من نفس القسم:

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

رد: شوروا علي الله يخليكم مستشفى الكورنيش ولا النور

المواضيع المتشابهه

الولادة افضل في الكورنيش او مستشفى النور الي بالمطار

fبنات بوظبي..... مستشفى الرحبه ولا الكورنيش ولا النور

مستشفى النور أو مستشفى الكورنيش

شو الأحسن مستشفى الكورنيش ولاااااا النور؟؟؟؟؟؟؟؟؟

مستشفى الكورنيش ولا الرحبة ولا النور