الى خبيرات فى جدر الضغط يساعدونى...................

**نسمة دبى** · 2007-09-15, 15:19

بغيت اسال كم اسئله عن جدر الضغط وياليت تستحملونى لانى سمعت انه يختصر وقت الطبخ والاكل ينضج فيه بسرعه لكن فى ناس يقولون الى مايعرف يسستخدمه يكون خطير ياليت تفهمونى فى اشو يكون خطير وكيف استعمله وممكن استعمله على غاز الكهرباء وشو احسن الانواع وسامحونى ومبروك عليكم الشهر

المزيد من آخر المواضيع من نفس القسم:

**نسمة دبى** · 2007-09-15, 15:44

**اناناسة** · 2007-09-15, 16:54

هلا حبوبة

احسن نوع ماركة فوتورا بالانجليزي تحصلين عند كرفور

بصرااااحة عجييييييييييب ماشاءالله

و ما فيه اي خطورة و ممكن تستخدمين اي نوع على الغاز او كهرباء

**Pearl** · 2007-09-15, 23:58

انا احسن نوع جربته كان سيب
وهو فعلا في غاية الخطوره اذا استعملتيه خطاء
يعني لازم ماتفتحي القدر ابدا الا اما تنزعي صمام الامان وكل البخار ينتهى تماما ثم تفتحيه بامان
اذا لم تفتحي صمام الامان وتنتظري انتهاء البخار ستفاجأين بتطاير الغطاء والمرقه من شدة الضغط وهذى انا شفتها امامى وتكون المرق ساخنه جدا جدا وهذى هي خطورته

**ورودة دبي** · 2007-09-16, 00:00

اختي في كتيب ارشادات يجي مع قدر لضغط و سيب ممتااااز

بعدين في كارفور فعلا في انواع وااااايده .. سالي و تنقي هناك و اسالي البائع عن كيفية استخدامه

**نسمة دبى** · 2007-09-16, 00:50

مشكورات خواتى على المرور والمساعده

**روزميري** · 2007-09-16, 00:51

وانا استخدمته

ينفع لصالونه المرق وخصوصا اللحم الوقت الي ياخذه 3 ساعات الجدر العادي في الضغط نصف المده لين يخف التصوفير تخلينه ربع ساعه او 10 دقايق وتفتحينه شوي شوي ولا تحطين ويهج خليه بعيد عن الوجه

مثلا الصالونه
تصبين زيت وتحطين لبزار واللحم او الدياي مقطع بعظامه لين نصوف مب ناضي وجرفه شويه تصبين ماء نص الجدر وتحطين لومية يابسة ادشدشينها اشويه وفصين ثوم كاملات وبصلتين كاملات وعليولم بطاطا وطماطا2 مقطعات قطعتين .. ومعجون طمامطا وملح وحد يحط ماجي قطعه وتغطين الجدر وترصينه زين نص ساعه متوسط وعقب تخفين النار عليه

وخليه ساعه لين يخف الصوت معناته ان الماء خف

ثم ترفعينه عن النار وتخلينه 10 دقايق او اقل ثم تفتحينه شو صار

وتقدرين اتسوين فيه شربة الهريس

حب هريس فنيال
وقطعه دياية او لحمه الرقبه
وطماطا كامل 2
وملح وفلفل اسود
وبطاطه متوسطه اربع قطع
وتصبين ماء نص الجدر وتحطين جب الهريس وكل المكونات واذا عندج ليمون جراس حطي عود
او كرفس وفلفل بارد
وتغطينه وترصينه ساعه وتشوفين شو صار

**روزميري** · 2007-09-16, 00:56

وجدر العيش الكهربائي تقدرين اتسوين عيش ابيض وعيش فوقه مجبوس في خلطات في الجمعية للمجبوس مثل خرايط ماجي اضني لكنور

واحلا شي يوم الوحده تطبخ بنفس يطلع غاوي

الموضوع: الى خبيرات فى جدر الضغط يساعدونى...................

أدوات الموضوع

عرض

الى خبيرات فى جدر الضغط يساعدونى...................

المزيد من آخر المواضيع من نفس القسم:

المواضيع المتشابهه

قدر الضغط

قدر الضغط

الضغط

جدر الضغط.....................

الضغط