قررت اقص معدتي ..!!

[قلب الذيب]

السلام عليكم ورحمة الله وبركاته

بنات انا انولدت طفلة سمينه <<حلوة سمينة هع

المهم يا خواتي

اني من وعيت على الدنيا انا بنت سمينة لين تخرجت من الثانوي عقب سويت رجيم ونزلت من 106 الى 68 كيلو جرام وطولي 168

كنت عارضة ازياء ...طبعا عرست وحملت وزدت 20 كيلو من الحمل

الان وزني اقل من 100 بس ما فيني شده اسوي رجيم ولا رياضة وابغي اخر الحلول لان مالي بارض

رحت لدكتور علي فردون وقالي بسوي لج اياها على حسابي الخاص وحدد لي موعد عمليتي 24-4- 2014

الكل اللي حولي رافض بس انا مصرة اصرار قوي وبات البته بسويها وخلاص ,,,ابغي اشوق تجارب الحريم ..؟؟

وهل للعملية اضرار على المدى البعيد ...؟

وادعولي اقوم بالسلامة

وشكرا

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[جمر بارد]

اهم شي تلتزمين بالتعليمات من بعد العمليه لان وايدين صارت لهم اثار سلبيه من عدم الالتزام


والسالفه مب قص وبس ترا لازم رياضه وغيرها

اسالي الدكتور شو الي لازم يصير قبل واثناء وبعد العمليه

[قلب الذيب]

جمر بارد لاهنتي

انتظر الاخوات و ردوهم جزيتم خيرا

[مشتاقه لربي]

انا سويت قص وحملت بعد 4 شهور من القص كانت جدااا جدااا رائعه نقصت 30 ك تقريبا ولحمدلله ورضعت طبيعي وهنيه كنت احوووع وارتفع الوزن لل100 لانه ماشي رياضه ولا اتزام شي جوووع بس واشغل معدتي ليل ونهار حتى اقوم من رقادي واكل سندوج ليش عشان اسوي حليب لولدي ربي يحفظه ويهديه كله طبيعي لما كمل سنه و8 شهور فطمته رحت للدكتور وقررنا نسوي تغيير مسار يعني بعد سنتين من القص سويت بعدها تغيير مسار والحال واحد صار لي 5 شهور مانقصت غير 10 ك وابا احمل ولا قادره من هالوزن نصيحتي لج اختي نصيحه مجربه سوي قص بس تحملي الم العمليه اسبوعين وانتي والخير رباعه ومها ياج من استفراغ وضعف وغيره عيشي حياتج وبذلي جهد التزمي بالرياضه لانها تساعد وتشد الجسم وكثري ماي وابعدي طول حياتج عن الغازيات ونصيحه من القلب للقلب ركبي لولب عالاقل سنه لين توصلي للمثالي وبعد المثالي تقدري تحملي بس اول شي وقلي للمثالي لان الحمل يلعب بالهرمونات والرضاعه الطبيعيه بعد لا تحملي لين ما تكملي سنه او سنتين ذهبيات

[Mall.08]

نصيحه لج اختي ولكل وحده تفكر تسويها:
الحل الطبيعي دووووم احسن عن الحل الجراحي - هو اخر الاحتمالات
احسن شدي حيلج وتوكلي على الله وسوي ريجيم
وان شا الله بنزلين نفس ما نزلتي قبل باراده قوية
حاولي قد ما تقدرين تكنسلين هالفكره

وبالاخير القرار لج - واستخيري
والله يكتب لج الخير

[ليندااااا]

رائي من راي الاخت mall8
الريجيم مع الرياضة والنظام الغذائي افضل بوايد من الجراحة

[قلب الذيب]

لا اله الا الله سبحانك اني كنت من الظالمييين

[مشتاقه لربي]

الصراحه الجراحه حل رائع للي حاولو كثير ولا قدرو الرشاقه شي جميل جدااا جداا السمنه شبح يطاردني اتمني اتخلص منه

[قلب الذيب]

الله يسر الامر ويفرجها على كل من ضاقت به الوسيعه

لا حول ولا قوة الا بالله العلي العظيم

[ha_noona]

قلب الذيب سويتي العملية خبرينا

[mahhani]

اتمنى ماتكونين سويتيها لانه على حسب علمي مثل
هالعمليات تحتاجين فيتامينات طول العمر٫٫ اعرف ،حده مسوية صح ضعفت
بس جسمها ترهل وايد وذبلت جنها مريضة ٫٫
يبالج عزيمة وبتضعفين لو تسوين رياضة وتخففين اكل مثل العيش والاكل اللي فيه دهون

[قلب الذيب]

السلام عليكم ورحمة الله وبركاته

ابشركم سويت عمليتي بتاريخ 24-4-2014

في مستشفى الامارات عند الدكتور علي فردون

طبعا كنت صايمه قبلها بيوم نشيت الصبح وشليت اغراضي وامي واختي ...ودخلت حجرتي بالمستشفى وبدلت ملابسي وجهزت عمري للعمليه
كنت بالمستشفى الساعة 7 ولين جهزوني واتصلوا عليهم غرفت العمليات الساعة 8:30 ونزلوني لغرفة العمليات
طبعا انا استخرت وتميت ادعي واستغفر ...ودخلت غرفة العمليات واقول للنيرسات تيك كيرررر اوف مي ,,وهن يضحكن دخل علي دكتور التخدير وتم يسالني عن نفسي شو اسمي وانا شو شو جايه اسوي هوون ..؟ هع ...وقالي بعطيج مخدر و بتبرد يدج اليمين من حسيت بالبرود سرى بجسمي رقدت ومر علي شريط اذكر اني حسيت يوم الدكتور طلع المعدة ويزقر النيرسات انهن يسحبون المعده ويظهرنها من الفتحه ...ونشيت في الغرفة العمليات الخارجية واسمع وحدة تقولي نشي الدكتور يقولج عمليتج انجحت و انج انتي بخير ...قلت لها انا بموووووت احس اني بزوووع واون ذيك الونه ومالقى عمري الا فوق في الحجرة...وامي وخواتي على راسي ...طبعا اول يوم عمليه ما شي لا اكل ولا شرب وكله راقد من التخدير انش شوي عقب ارد ارقد ...من المهم اني ارقد وانا سانده عمري مب راقده وانا منسدحه ...وكل شوي ادق الجرس على النيرس اقولها بطلي المغذي مني بقوم امشي تقولي ممنوع اليوم الحركة وارد ارقد ...طبعا بكون امينه اول يوم عمليه فيه الم لا يطاق وجع قوووي حيل ...طبعا ثاني يوم نزلوني تصوير ...سقوني شربة عصير تفاح الله لا يرويكم الاحساس مثل يوم تنشب لج لقمه ناشفه ما تنزل ...وبديت اشرب ماي وعصير خلال اليوم ...طبعا ثالث يوم رخصوني الصباح عطوني مكملات غذائية وكتيب التغذية ...اول اسبوع انا كله سوائل صافيه الا هي عصير تفاح وماي ...عقب 3 او 4 يوم حسيت ان بديت اتحسن لله الحمد والمنه ...بديت انش من على السرير واجلس مع اهلي ...انا الان بالاسبوع الثاني اكلي عباره عن روب شوربة دجاج و ماي وتفاح ولبن اب ...طريقة الشرب عباره عن رشفات بسيطه مب تشربين دفعاااات ....

ارجع واقول اللهم لك الحمد حمدا كثيرا مباركا ....

للمعلومية :: انا وزني ما وصل 90 بغيت اسويها لان وزني ثبت مب طايع ينزل موول والسبب ابره منع الحممل ...واثناء الفحوصات القلب اكتشفت في الفحوص ان عندي مشكلة في الصمام الارتجاعي الاورطي وان نزول وزني رح يساعد قلبي على التحسن ...شوفي الخيره كيف ...طبعا استخرت وكلمت دكاتره وقالوا لي دام فيج هالمشكله فعملية قص المعدة مناسبه لج ....عندي موعد بتاريخ 5-5 عشان يبطلي الدكتور الغرز ...أي صح انا كذبت على الدكتور وقلت له اني بنت فسوالي غرز العمليه بسيطه عشان ما تترك اثر وتشوه بطني سوى لي غرزة وحده في سرتي

واي سوال ياخواتي انا جاهزة ...واللهم لك الحمد على العافيه

[مــــلاك شوق]

حمدلله ع سلامتج

ربي يوفجج

[قلب الذيب]

امين وياكم يارب العالمين

[رورو الصغيرة]

حمدلله علي سلامتك

وطمنيني عنك