عمليات الشفط و شد الجسم و البطن فقط ... تجمع للمجربات و المهتمات بالموضوع

**المغتربة** · 2014-03-30, 13:09

السلام عليكم

موضوع خاص بالشفط + شد البطن و الجسم
نبغي تجارب واقعية + تجارب بنات من النت لمراكز تجميل في الامارات

و يمكن يكون شوي سبشلي حق الامهات اللي ربوا ورى بعض و حابين يرتبون جسمهم و يرجعونه نفس قبل

بالنسبة لي انا افكر من الحين لاني حملت ورى بعض و حابة اوقف 5 سنين و وزني زاد بصورة رهيبة غير الترهلات
و الرياضة فادتني في تنزيل الوزن لكن ترهلات البطن ما راحت

افكر اسوي شفط للجسم و شد البطن في كوزموسيرج دبي
بس بعدني اتشاور

فالله اللي مجربة و سوت نبغي تجارب مفيدة

بليز خواتي موضوعنا عن العمليات و الاسعار و اسماء العيادات فلا تقولون رياضة ما رياضة
نبغي نستفيد من الردود

المزيد من آخر المواضيع من نفس القسم:

**Cobon** · 2014-03-31, 08:16

حلو الموضوع

انا عندي ربيعتي مسوية شفط من الارداف و الخصر و البطن
و هي اصلا ما تحتاج شد للبطن لانها كانت تباعد في الحمل
و بطنها زين بس شفطت منه شووي
لانه لو شفطت وايد بيترهل البطن و بيحتاج لشد
و سوت شفط بالليزر

و قالت لي السعر يمكن ب 20 25 من كوزموسيرج
ع ايد دكتورة اظني عراقية او اجنبية مب متذكرة

و طلعت بنفس اليوم
و لبست مشد لمدة شهر و نص
و كل اسبوع كانت تارجع عندهم عسب يجيكون عليها
و تسوي LPG للاماكن اللي سوت فيها شفط
و ما شاء الله تبارك الله ربي يحفظها

تحسين النتايج تبين عقب شهرين بالضبط
جسمها استوى روووعه و سمبتيييك
و تشجعت استوي بصراحة

لاني جفتها ما تعبت مول و تقول لي اصلا الشفط مول ما يتعب

بس اللي يتعب لو بتسوين شد للبطن لان بيكون فيها خياطة
او تكبير لبعض المناطق اتعب

**نيران الثلوج** · 2014-04-29, 14:37

انا سويت بكوزمسيرج دبي من 5سنين تقريبا جربت عند الدكتورة سحر القاضي عراقية الزفتة وكانت بكوزمسيرج سويت معاها شفط دهون حق بطني وظهري وياليت ما سويت أولا ضيعت تقريبا 32000 درهم عالفاضي. ثانيا بياعة كلام بطني كان قسمين فوق وتحت قالت لي بروح لج القسم التحتي كامل ما بتشوفيه والي فوق بحاول قد ما اقدر
ولما طلعت من العملية قالت لي ما قدرت تروحلي الي تحت كله وشلت لي الي فوق كله
هذا غير العلامات الي الي للحين عندي وبارزة لبرا الجلد
بعد بطني صار فيه مطبات وقالت لي على مساج ال بي جي لازم استمر وقالتلي هالشي عقب ماخلصت عملية وهذا بروحه بكج وسعر ثاني ولازم اتم عليه ثلاث شهور وطبعا أتم البس المشد بعد 3 شهور وسويت أكثر من المطلوب المساج كان زين انه لصق الجلد بالعضلات لانه كان منفضل بسبة الشفط بس ما رتب لي المطبات وللحين عندي وطبعا عندي ترهل كبير بالبطن بسبة الشفط هذا وهي ما شفاطة كل البطن مع أني كنت اسألها عن ها الأمور وتقولي كل شئ يبكون تمام وما بيتر هل ولا شئ وبطني مثل ما هو ولا قسم انشفط كله
هاي تجربتي معاها وياليت لو أني ما سويتها وهذا غير البنات الي شوهت لهم جسمهم ودوري بالنت وبتحصلين بلاوي منها

والحين ناوية اسير للدكتور عبدالباقي الخطيب مشهور وشغله مضمون من كثر ما يمدحونه كان رئيس قسم الجراحة التجميلية بمستشفى زايد لمدة 8 سنين والحين انتقل لمستشفى برجيل عندي استشارة الاسبوع الياي لشد البطن وتصغير الصدر وبخبركم بالي يصير معاي

بس نصيحة لا تجازفي بجسمج لأي جراح اتأكدي

الموضوع: عمليات الشفط و شد الجسم و البطن فقط ... تجمع للمجربات و المهتمات بالموضوع

أدوات الموضوع

عرض

عمليات الشفط و شد الجسم و البطن فقط ... تجمع للمجربات و المهتمات بالموضوع

المزيد من آخر المواضيع من نفس القسم:

رد: عمليات الشفط و شد الجسم و البطن فقط ... تجمع للمجربات و المهتمات بالموض

رد: عمليات الشفط و شد الجسم و البطن فقط ... تجمع للمجربات و المهتمات بالموض

المواضيع المتشابهه

عمليات الشفط والشد في كوزمسيرج

تجمع للمجربات جهاز LPG للشد

تجمع المهتمات بالحمام المغربي. كل وحده اتحط طريقتها

ازالة شعر الجسم بالليزر - للمجربات فقط

ساعدوني بخصوص عمليات الشفط