خدامتي حسبي يالله عليها وشو سويت فيها ؟؟ تابعوني

**حلم عمري** · 2014-03-22, 02:31

بدايه أغلبنا عنده خدامه من جنسيات مختلفه بس أنا اول مر ايب خدامه وهذا اللي صار معايه. اول مايبت خدامتي الفلبينية خبرتها أني مابا تلفون عندها ويوم تبا تتصل في أهلها يعطيها تلفون تتصل وترده. المهم الوالده الله يطول بعمرها قالتلي مب زين وهذا حق من حقوقها وعندها العيال لين ماعطيتها وليتني ماعطيتها تلفون دمار. اليوم شفت في تلفونها صورها الله يعزكن عاريه وترمس ريايل عرب بعد مب من جنسها احمد وعبدالله انصدمت شفت بلاوي وانا عقب هذا كله قلت مب مشكله برمسها لكن اللي خلاني أني خلاص بأجر بسفرها أني شفتها مصوره ريلي ومصورتني من البوم صور يوم كنا في تايلند أهنئ خلاص قلت الا وحدود بيتي أكيد نيتها شينه ولا ما بتصورنا حب فينا. حسبي بالله عليها أنا حامل وفكر وتعبانه وضايقه وايد الله يكون بالعون وانتبهن خواتي على خدمكن اذا صوركم وصور أعيا لكم قفلو عليها وحاولوا ماتعطونها تلفون خدامتي حتى وات ساب اكتشفت عندها من عقب تلفون المكسر اللي يت منه في بلادها. قصتي لها تكمله لني يالسه أفكر بهدوء كيف بتصرف وبخبركن عقب ما اخلص تخطيطي شو صار وشو سويت فيها. يتبع .....،

المزيد من آخر المواضيع من نفس القسم:

**حلم عمري** · 2014-03-22, 02:32

اذا موضوعي في مكان غلط أتمنى من خواتي المشرفات نقله وسموحه......

**sarah161** · 2014-03-22, 06:49

حبيبتي لا تضايقين نفسج انتي مره حامل لا تفكرين فيها وان شالله مافي الا الخير.

**hamoudmam** · 2014-03-22, 09:03

الله يعينج عليها و الله يقومج بالسلامة

**عطر 77** · 2014-03-22, 09:07

**كتكوتة حبيبي** · 2014-03-22, 09:42

الله يعينا ع الخدامات

**حلم عمري** · 2014-03-22, 10:50

مشكورات خواتي على الدعم والله انكن ونعم خوات تدرون طول الليل مارقدت فيني ضيق وكان البيبي يتحرك بقوه حليله أكيد يحس فيني. الله كريم

**ام جواهر** · 2014-03-22, 11:19

حبيبتي لاضايفين عمرج .... سيري رديها المكتب مع اللي شفتيه وياها... وبيتصرفون المكتب... واذا انتهى ضمانها... سفريها الله لايردها ونبشيها عدل...لاتكون ماخذه شئ من اثارج تسوي لج طبوب .. لانها يمكن تكون حاقده عليج على اللي سويتيه

**طيف الغربة** · 2014-03-22, 12:45

الله اكبر عليهم هالشغالات جرايم مؤخرا صرت بدون شغاله صح تعب بس والله افضل من قصصهم وجرايمهم

ربي يعينك قبل لا تسفيرها فتشي اغراضها كامل احتمال تكون تخبي صوره هنا ولا هنا لاسمح الله

**Fa.R** · 2014-03-22, 14:10

حبيبتي ماعليه حصل خير شوفي يوم بتسفرينها قوليلها جهزي شنطتج وعقب ما تجهز كل شيء
مثلا وديها عند حد من اهلج المهم برع البيت بحيث تروحين غرفتها وتنبشين كل شيء !!!!!!

**فديتني والله7** · 2014-03-22, 14:26

انتي غلطانه لما عطيتيها فون بكاميرا .... اشتريلها نوكيا جدييييييييييم خخخخخخخخ

ترى الشغالات حركات خصووصا اذا فلبينيه

**بيذامة** · 2014-03-22, 14:42

الخدامات بالحظ ! لا تتعقدين ولا شي !

هالمرة يت شينة ان شا الله المرة اليايه حظج يكون احسن !

تراهم شر لا بد منه ههههه

احمدي ربج ألف مرة انج كشفتيها من البداية يعني ما طولت وياج ..

انا اللي استوالي عيل فصوووول طويلة
لدرجة اني من كثر ما كنت مضايجة
فكرت اني انزل موضوع احذّر فيه من الخدامات والاعيبهن

لكن مشاغل الحياة !!

تعرفين انا خدامتي يلست عندي 8 سنوات ويمكن أكثر
طول هالفترة كانت قمة في الاجتهاد والعمل والاخلاص
(طبعا هذا اللي انا كنت أشوفه)
وثقت فيها وكنت ما أصدّق شي عنها واحس انها جزء من البيت

لكن يوم سوّت فعلتها الاخيرة واللي نبهتني لها الخدامة الثانية
واللي كانت صدمة لكل اللي في البيت
لاول مرة في حياتي اسمح لنفسي اني افتش اغراضها !!

وكانت الصفعة الكبرى اللي ردتني لارض الواقع وخلتني ما اثق في البشاكير أبدااااااااااا

اكتشفت اوراق وصور مشينة من 8 سنوات ( وشي صور بعد قبل لا تينا)
وكانت طالبه لاب توب عشان تطرشه حق عيالها لانهم نجحوا في المدرسه
اكتشفت انه اللاب توب ما طرشته !!
كانت يوم يخلص شغلها وتسير ترقد
تيلس طووول الليل تسوي فيديو كول ويا واحد وما في داعي بعد اقول تفاصيل

والمصيبة انها الاتصالات مسجّله !!

وكراتين كانت مسكرتنهم تبغي تشحنهم بلادها : (كللللللللللللللهم اغراض مسروقة من البيت

)
اغراض ما تخطر ببال حد .. ولا حتى ممكن تحسين بنقصهم في البيت لانه بالنسبه لنا اشيا تافهة )

هنيه عاد ردت لي الذاكرة لكلللللل الاشيا الثمينة اللي ضايعه عني من 8 سنوات
ولا شكيت للحظة انها تكون ورا السالفة!!!

الزبدة !
الوحدة لازم تكون حريصة على اغراضها
وتقفل حجرتها في كل الاوقات

ولا تقول هاي اشيا تافهة منوه يباها ؟
لانه المال السايب يعلّم السرقة

والحين الله عوّضني بخدامة زينة
لكني استفدت وايد من المصيبة القبلية
وسويت قوانين وايد فادتني في التعامل ويا البشاكير

وسلامتكم !

**بيذامة** · 2014-03-22, 14:46

المشاركة الأصلية كتبت بواسطة فديتني والله7

انتي غلطانه لما عطيتيها فون بكاميرا .... اشتريلها نوكيا جدييييييييييم خخخخخخخخ

ترى الشغالات حركات خصووصا اذا فلبينيه

صدقيني حبيبتي ! هذا وضع وايد صعب لانهم يحتاجون يتواصلون ويا اهلهم
واذا منعتي عنهم هالاجهزة الحديثة لاااازم بيشترون لهم من وراج

لانه الدنيا اتغيرت وحتى نوعية البشاكير اتغيرت
لانه معظمهم الحين متعلمات مب مثل قبل جاهلات وما يعرفن شي

**ام علي 4** · 2014-03-22, 14:53

احمدى ربج انج زخيتيها حسبي الله عليهن ونعم الوكيل

**رومنسية 84** · 2014-03-22, 15:01

لا حول ولا قوة الا بالله
الله يعينج يا رب
والله يكفيج ويكفينا شر الخدم و اهم شيء خبري ريلج و فكروا ويا بعض شو تسوون

الموضوع: خدامتي حسبي يالله عليها وشو سويت فيها ؟؟ تابعوني

أدوات الموضوع

عرض

خدامتي حسبي يالله عليها وشو سويت فيها ؟؟ تابعوني

المزيد من آخر المواضيع من نفس القسم:

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

رد: خدامتي حسبي يالله عليها وشو سويت فيها ؟؟ تابعوني

المواضيع المتشابهه

حسبي الله ونعم الوكيل على خدامتي

خدامتي حسبي الله عليها

خدامتي ,,فيها عيب ,,شسوي خبروني !

خدامتي حسبي الله عليها

زوجة ابوي حسبي الله عليها