مواعيد رجوع الازواج الى البيت

[little lulu]

السلام عليكم يا سيدات و انسات بعد لا نزعلن

شو رايكم متى المفروض الريال يرد بيته

و كل وحده تخبرنا متى يرد ريلها البيت

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[munamoor]

انا و لله الحمد ريلي ما يطلع الا في السنة حسنه ،،، بيتوني ،،، و اذا بيطلع بيطلع مع الشباب الي في البيت و مكسمم يكون الساعة 11/12 في البيت

[الحياة الحره]

انا ريلي يخلص الدوام ويكون في البيت ما يطلع واذا مداومه يرجع ١٢ او وحده بالكثير يعني في الشهر مره

[كتكوتة حبيبي]

بيتوتي ماشاء الله

[M-Alshehhi]

سبحان الله وبحمده ^^

[على خطى السلف]

هلا حبوبة ^^

أنا ريلي مزاجي مرة ساعة 10 و احيانا 11 و احيانا 12
لكن مرة كان راجع ساعة 2 صراحة تفاجأت و قلت له ما يعيدها
لكن انا اشوف الزوج الساعة 11 عالأقل يكون ف البيت ^^
مشكوورة على الموضووع الغلا

[ώzя͠ ɑŀηшɑчɑ]

احيانا 3 الفير واحيانا 4 واحيانا 5
وفالويكند يبات برع البيت

[لأنني مختلفة]

ريلي دوامه شفتات فحسب دوامه يرد البيت
وحتى في الاجازات الاوقات تختلف
قبل كنت اشوف ان لازم يكون في البيت حزة العشا
بس عقب الولادة قمت افضل يتأخر لين ما ارقد البيبي وافضى له

[mayat]

ماشالله

[fatma1992]

ههههههه قبل كان يتاخر وايد لين 2 او 3 بس الحين الحمدالله قام يرجع قبل 11

[زوجي حبيبي 1]

[COLOR="#0000CD"][/Cالسلام عليكم موضضوع وايد حلو انا رايلي يرد للبيت في الساعة OLOR] 12 ومرات 11

[@@ دلوعة @@]

الفير

واحيانا ما يطلع

[ميرة الإمارات]

مرات يطلع و مرات لا
ع حسب طلعته ممكن 10 11 12 1 1:30 ماكسمم
و يوم يطلع انا اطلع و هذا اتفاقي معاه خخخخخخخخخخخ استانس و انا بستانس بعد

[بنت الشوامخ]

=_=
هذا الموضوع وايد مزعلني
هو الله يسامحه وايد يتأخر :"(
بس الحمدلله بالمقابل يخليني اسهر بيت ابوي على راحتي بس بعد ماحب جي
اتمنى يغير هالطبع ويرجع مبجر مرات اخاف يوم اكون بروحي
كلمته وماشي تغيرات ، مالي غير الدعاء
الله كريم صدق مافي ريال كامل لو فيه ايجابيات لازم تطلع عيوب من نواحي ثانيه :/

[ليندااااا]

يخلص دوام ويرد البيت
واحيانا يسير مرة بالاسبوع ويا ربعه