سالفتي ... الله يطمن اللي بترد

**معاذير20** · 2013-07-27, 23:47

السلام عليكم ورحمة الله وبركاته

شحالكن خواتي عساكن بالف عافيه

خواتي بقولكم سالفتي و اتمنى حد يفيدني ويطمني
والله ميته من الخوف والتفكير

انا معي تكيس متوسط او اكثر ع المتوسط
والحمدلله ع كل حال ماصار حمل للحين

راجعت اكثر ع دكتورة لين لاعت كبدي

المهم الدورة كانت متلخبطه عقب شهرين تنزل او شهرين ونص
من تزوجت رغم ان قبل الزواج منتظمة وايد

تميت اشرب بروجتلرون واصفتنه لي دكتورة وتم ينزل مني
مثل خيوط الدم ... كرمتن

عقب دكتورة حسيتها تفهم
قالتلي بطلي بروجلترون ﻻنه هو سبب هالاشيا وبطلته
وعطتني بدله دفاستون اشربه يوم 21 من الدورة لمدة خمس ايام حبتين

المهم وعطتني ادوية والدكتورة القبليه ادويه ... كيسة ادويه

هالشهر ياتني الدورة بتاريخ 8
وخامس يوم بديت اشرب كلوميد حبتين باليوم لمدة خمس ايام
وتعرفون بداية رمضان والتعب والانشغال تعايزت اتابع تبويضي
وشربت نص حبة كرتزون ابتداءا من 12 يوم الدورة المفروض لمدة 5 ايام
بس تميت انسى شربت نص حبة لمدة 3 ايام او اربع

دورتي الاخيره وهالشهر كان المدة اللي بينهم 30 يوم
ويوم ال14 من الدورة تميت احس بطعنات خفيفه وااايد خفيفه
على الجانب الايمن وكنت اتابع تبويضي من خلال الافرازات
وحسيت ان تبويضي كان ب 23
واستمر ل بعد التبويض نغزات تميت احس بهن مثلا الساعه 6 صبح وتوقف ترجع 7 مغرب
جيه يعني وبس
اخر لقاء كان بعد التبويض بيوم
و اليوم حدث لقاء ... بس بنات بعد اللقاء
مسحت بكلينس بقع بنيه فاتحه وخيوط حمراء
وخفت واااايد
وعقب وقف وعقب كم دقيقه اشيك وقف ماشي ابدا
الافرازات عادية

بنات اللي تعرف او اللي معها لو معلومة لو خلفيه بسيطة
ﻻتبخل علي والله العظيم قلبي طايح من الروعه

الله يطمن قلب اللي بترد وبيرزجها بالذرية الصالحة
يااااارب

المزيد من آخر المواضيع من نفس القسم:

**أم محمد11** · 2013-07-28, 00:31

اختي اظني هاللون البني له علاقة بالهرمون وتغيراته في جسمج نتيجة الادوية اللي تاخذينها
احسن راجعي الدكتورة الغالية والله يرزقج الذرية الصالحة السليمة ياربي

**معاذير20** · 2013-07-28, 00:40

من اسبوع ماشربت شي

**معاذير20** · 2013-07-28, 03:45

بيصك 100 مشاهده ومحد رد الا وحده بس؟

**خشموشة** · 2013-07-28, 04:39

حبيبتي ان شاءالله البنات يفيدوكي
ربي يرزقنا واياكي الذرية الصالحة ياااااااارب

**دوا جروحه** · 2013-07-28, 04:45

الله يريح بالج،، والله ماأدري الخوات اللي يعرفون ان شاءالله مابيقصرون
السموحة منج اختي

**:: DUBAI ::** · 2013-07-28, 10:29

ان شالله تكونين حامل حبيبتي ..

**nooma** · 2013-07-28, 11:29

الغاليه انا موضوعي نفس موضوعج من بعد ماربيت في بنتي يتني تكيسات وللاسف مااكتشفتها الا بعد الولاده تقريبا بسنتين اول شي يوم كنت اقول دورتي تاخرت يقولولي لاتشيلن هم انتي ترضعين ومن هالاكلام وبعدها بفتره كنت اقولهم دورتي اطول لين تنزل يقولولي مب مشكله في ناس مدة دورتهم 35 يوم وانا ياغافلين لكم الله وبعدين قلت لا لازم اروح واراجع واجوف شو الموضوع رحت مستشفى الكورنيش عند الدكتور ريحان ولما سوالي الفحوصات قالي لازم عملية منظار لان التكيسات زادت من الادويه اللي كنت اخذها مع دكاتره ثانيه على اساس محاولة الحمل ... وتوكلت على الله وسويتها عنده ولله الحمد كل اموري طيبه الحين صح في نسبه بسيطة من التكيسات بس للاحسن وايد والحين مع محاولات الحمل مره ثانيه والله يرزق كل محروم يارب... انصحج روحي مستشفى الكورنيش وجوفي دكتور ريحان وجوفي شو بيقولج لا تلعوزين عمرج مثلي كنت اروح لدكاترة نساء وتوليد ماعندهم وايد خبره في مواضيع العقم والسوالف التكيسات بس يعطون ابر وادويه تزيد من التكيسات..

**معاذير20** · 2013-07-28, 15:56

مشكورات خواتي على ردودكم الطيبه
جزاكن الله الف خير
ويطمن الله قلوبكن ان شاءالله

**الأصالة** · 2013-07-29, 11:43

ان شاء الله اتكونين حامل معاذير

**معاذير20** · 2013-07-29, 21:25

كل اللي ردن

عسى الله مايخلي ف قلوبكن شي الا وحققها يارب

اختفت النغزات بس احس مكانها كانه عوار لما اتحرك وايد

الله يسمع منكن يارب

**زهرمار** · 2013-07-30, 00:00

احسن الشي تراجعين عند دكتوره عسب تطمنين اكثر

وان شاءالله تكونين حامل يارب

**أم محمد بلال** · 2013-07-30, 00:15

والله ما عندي فكرة

الله يطمن قلبج

**حلاهاا غير** · 2013-07-30, 19:50

ان شاء الله تكوووني حامل توكلي ع ربج وادعي وان شاء الله خيييير

**Ahlami101** · 2013-07-30, 20:20

ياختي كانت لي نفس مشكلتج وتعبت من الادويه
وقريت ف النت ان القسط الهندي يزيل التكيس ، أخذته صح طعمه خطيييير بس الحمدلله لما سرت للفحص الدكتوره قالت لي خف التكيس وايد منج
واستمريت عليه والحمد لله انتهت مشكلة التكيس عندي، واهم شي الرياضه ع الأقل ربع ساعه ف اليوم
وطريق استخدام القسط الهندي:
أخذ ملعقه صغيره من القسط الهندي واحطه ف كوب ماي ساخن واغطيه لمدة خمس دقائق
مره وحده ف اليوم
وبعد اشربي ميراميه بنفس الطريقه
انتبهي يمكن ف حمل ، اذا مافي حمل ابدي بالقسط والميراميه لمدة شهر كامل وبتشوفين النتيجة
وبتعدين لي
الله يرزقنا الذرية الصالحه

الموضوع: سالفتي ... الله يطمن اللي بترد

أدوات الموضوع

عرض

سالفتي ... الله يطمن اللي بترد

المزيد من آخر المواضيع من نفس القسم:

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

رد: سالفتي ... الله يطمن اللي بترد

المواضيع المتشابهه

الله ينولها اللي فبالها اللي بترد عليه

الله ينولها اللي فبالها اللي بترد وتفيدنا

الله يرزقها كل اللي تتمناه اللي بترد عليه.

الله يطمن قلب اللي ترد علي

الله يوفق اللي بترد عليه ويرزقها اللى تتمناه..