الغش والخداع وعدم مصداقية التعامل

**عائشة السومحي** · 2013-07-16, 13:27

السلام عليكم ورحمة الله وبركاته
حياكم الله اخواتي العزيزات
حابة اطرح موضوع جدا مهم وعن تجربة شخصية ومؤكدة عندي من مواقع موضوعين
اقول للبنات اللي ماعندهم مصداقية تعامل من جميع الأنواع
مافي داعي للكذب والغش علشان بيزتين ترى والله اليوم عمل وغدا حساب ، ياخي عيب مافي حد بياخد معاه الا عمله ، خلاص تحجرت القلوب والجشع والطمع صار طاغي على القلوب ، يعني الدرهم عن طريق الغش تحسبين راح ترتاحين فيه ، بالعكس ممكن يروح في شي ثاني انتي مش متوقعته ممكن تمرضين ممكن تتوهقين في امر يعرقل لج مواضيع ومممكن وممكن الا اخر

كيف كتبت الموضوع

في مره شفت بنت في المنتدى حاطه موضوع عن بيع فستان من اسكادا وبسعر 2000 درهم والله مااذكر بالضبط او 4000 درهم وحاطه صورته
والله العظيم اني شفته في دبنهامز نفسه بالضبط ولونه نفسه ونفس الشغل وكل شي والله اقولكن بسعر 750 درهم
ياخي ليش الكذب تقول منزله من سعره وكان سعر كذا واغلى عييييييييييييييب ماتسوى الدنيا علشان بيزتين

الموضوع الثاني وهو اللي صار من يومين حتى الان
انا حاطة على تنازل عن خادمة اثيوبية المهم وتلقيت عدت مراسلات واتصالات المهم
في شخص كان وسيط وانا عرفت في وسط المرحلة من الموضوع بيني وبين وحده ومتفقة من الشخص الثاني ومخلصة معاه على مبلغ انا مش اللي طالبته بحيث انه تبى فايده مب مشكله اوكي ماقلنه اي شيء
لكن ليش تكذبين وتوهقين مع الناس وتطلبين عربون وبعدين تتركين الموضوع معلق على كذب
انا طالبة كنت 6500 درهم تنازل طلبت منهم اكثر 9000 درهم وانا مااعرف قالت لي انا طلبت 7500 درهم لش 6000 ولي 1500 درهم لانه تعبي
طيب طلبت تحويل عربون لها من الطرف الثاني 1500 درهم
وبعدين طلبت مني بعد ماتتأكد من تحويل العربون لها بتعطيهم رقمي واعطيهم الخدامة
انا كاتبة الخدامة اثيوبية
هي قالت لهم فلبينية
قالت لهم تعرف تطبخ وانا كتبت انها ماتعرف للطبخ لان احنا مش معلمينها
كاتبة انا متزوجة وعندها بنت
وهي مش متزوجه وماعند بنت
يعني كل الكلام اللي كاتبه لهم غلط
طيب ليشششششششششششششششششششششششششششش
مش حراااااااااااااااااااااااااااااااااااااااااااااااا ااااااااااااااااااااااااااااام وعيب
ياناس اتقو الله في نفسكم
وخافوا الله في نفسكم شوي

كتبت لكم هذا والله شاهد لتنبيه البنات الصداقات في التعامل وخدن الحذر ترى مش كل الناس نظيفة
الحمدلله انه البنت بنت حلال سبحانه الله ربي يبى يكشفها لها عطتها رقمي واتصلت واليوم عرفت منها وعرفت مني الحقيقة ولا كانت بتغشها وبتوهقين
بغش الحرمة انا الحمدلله عندي ضمير وماابا درهم مب حلال ولا عن طريق غش اعوذ بالله انا بغنى عنه لو هو ملايين مب الا 6000 او غيرها

اتمنى من مشرفات مايحذفن الموضوع للاهميته وتحذير البنات ولو حبات مني ادعم منهن البنات ممكن احطهم بعد اذن المشرفات

المزيد من آخر المواضيع من نفس القسم:

**M!s.Uae** · 2013-07-16, 13:33

لاحول ولاقوه الابالله

الله المستعان،،،

المفروض من البداية مادخلتيهااا وسيط

**عائشة السومحي** · 2013-07-16, 13:37

المشاركة الأصلية كتبت بواسطة M!s.Uae

لاحول ولاقوه الابالله

الله المستعان،،،

عفوا اختي والله العظيم انا مااعرف انها وسيط ومادخلتها وسيط هي على اساس تبغاها لربيعتها
وبعدين عرفت منها بعد ماخلصت وكل شي انها دلاله وتبغى حقها من الحرمه كنت ماراح اعرف لو الحرمة اصرت وخدت رقمي للتأكد هذيك الساعة بلغتني
ولو كان والله ماارضى من البداية

المفروض من البداية مادخلتيهااا وسيط

**ميرة الإمارات** · 2013-07-16, 13:56

الموضوع الاول : انا اقولج يحق لها تحط السعر اللي تبغيه براحتها التاجرة او التاجر و نحن علينا نشتري او ما نشتري

الموضوع الثاني : حسيت معقد و مفروض تسوين طريقة سلم و استلم ودي لها البشكارة و خذي منها المبلغ دايركت و عقب خلصي الاجراءات و الاوراق

**عائشة السومحي** · 2013-07-16, 14:01

صحيح كلامج اختي نشتري او مانشتري بس انتي ماتقولين والله انا اشترته 6000 درهم ولبسته مره وحده وبنزل من سعره وخلاص بخليه بالسعر 4000 او 2000 درهم
ليش تكذبين في السعر
وانا معاج صح بس انا اوضح انه مش كل شي فيه مصداقية

المشاركة الأصلية كتبت بواسطة ميرة الإمارات

الموضوع الاول : انا اقولج يحق لها تحط السعر اللي تبغيه براحتها التاجرة او التاجر و نحن علينا نشتري او ما نشتري

الموضوع الثاني : حسيت معقد و مفروض تسوين طريقة سلم و استلم ودي لها البشكارة و خذي منها المبلغ دايركت و عقب خلصي الاجراءات و الاوراق

**دندونة بوظبي** · 2013-07-16, 15:21

أختي صح كلامج
هي عندي ف البيبي وفعلا مطرشه مسج وقالت هالكلام ان 8000 وقلت لها ليش تزيين وف الموقع ب 6500 المهم انا اباها

**ام براق** · 2013-07-16, 16:05

شو ها استغفر الله عشان البيزات جي. لا حوله ولا قوه الا بالله

**M!s.Uae** · 2013-07-17, 02:36

السموحه منج تحريت انج عرفتي من البدائه أنهاها وسيطه

وأخطانا ونتعلم منها والمواقف اللي نمربها اتعلمنا كل مره انكون احرص في جوانب أخري

ما أقول غير الله يهديها ويصلحها

**عائشة السومحي** · 2013-07-17, 09:18

ان شاء الله
الله يهدي الجميع يارب ويصلح الحال في كل نفس ان شاء الله

**أنثـى** · 2013-07-17, 09:43

. استغفر الله وأتوب إليه.

**ام فارس86** · 2013-07-17, 13:37

بخصوص موضوع الخدامة انا نفس الشي دخلت وحده وسيط بدون علمي طبعا واعطت لناس سعر اكثر عن الي اباه واتفقت معاهم وهي خدامتي وبعدين خبرتني عطيني الزياده وتحلفني هي من كيفها انا ما اضحك عليها واعطيها الفلوس هههههه وعلى اساس ما اغشها يوميا اطرشلي احاديث ههههه واستلمتني تلفونات .. و طبعا بالغت في وصف الخدامة للناس .. المهم خليتها براحتها تتكلم وما شافت شي وبعتها بسعري انا وراحت في حال سبيلها الخدامة .. طبعا ما اعرف شو شعور هالانسانه وموقفها من تدخل نفسها بشيء ما يخصها ...

**ريووونة** · 2013-07-17, 14:06

بخصوص موضوع الوسيط فالاخت المحترمه تقصدني انا .. انا الي اسوي تنازلات للناس الي محتاجه وعندي في البلاك بيري اكثر من 1500 شخص والكل يدور على الخدامات والطباخات من ناحيتي اسهل على الي تبا تتنازل وعلى الي ادور الخدامه مثل ما قالت هي وسيط شغلتي لا هي حرام ولا هي عيب ولو انا غلطانه بقول اني غلطانه ... وتحرم عليه فلوس مب لي تدخل في جيبي ... قصة الاخت الي عارضه الموضوع انها كانت بتتنازل عن خدامتها وعندي الي يبونها في نفس الوقت كنت عارضه 4 خدامات للتنازل ومنزله اعلاناتهم ومن كثر الناس ما تسالني صارت لخبطة وعطيتهم رقمج يا اخت للناس الي كانوا يبون الفلبينية بس لا اكثر ولا اقل انا عمولتي تبدا من 500 لين الف على حسب الي حاب يتعامل معاي حياه الله والي مش حاب بعد اهلا وسهلا وانا فهمتج انه صار سوء فهم وانا لخبطت بين الارقام لانه في نفس الوقت فوق ال200 يسالوني عن الاعلانات الي انزلها عن الخدم شي طبيعي بتكون في لخبطه والشي الثاني انا مش غبيه اقول شي وارجع اعطي الرقم للزبونه شي اكيد بيبين كلامي غلط بس انا للمره الاخيره اقولج دار راسي ولخبطت وياما سويت تنازلات والحمدلله محد اشتكى مني سمعتي فوق النخل مش من غلطه بدون قصد انتي بتخربينها وانا ما خذت من الي قلتي عنها اي عربون وانا ما اترجى حد عشان يتعامل وياي واتمنى حسن الظن في الناس مره ثانية واقولج اياها على الملأ مش مسامحه في كل كلمه قلتيها عني وعن ضميري وصحة نيتي ... الحمدلله شايفين خير ... والله اني مش مسامحه لانج غلطتي عليه وايد وجرحتيني وايد ربي يتولاج ان شاءالله

**عائشة السومحي** · 2013-07-17, 14:29

لو انتي صح من البداية كان قلتي انا وسيط او دلاله بجيب اللي ياخدون الخدامة منج مقابل اخد مبلغ مش تقولين لي ابا الخدامة لربيعتي
اختي مابني على حق فهو حق ومابنى على باطل فهو باطل وانتي من البداية دخلتي بغلط وماعطيتيني علم مسبق انج وسيط
ولو قلتي انج وسيط ممكن ماصارت اللخبطه اللي قلتي عليها او اني فهمتج غلط او سوء ولو تعاملج نظيف ليش اخفتي انج وسيط عند النهاية بتقولين لي انه تعبج وانه رزقج
مش عيب الشغل شو ماكان طبعه وماقلت لج انج محتاجه او لا وماذكرت هذا كله وماشهرت فيج كذب لو كان اريد اديج كان ذكرت اسمج وحطيت مسجات اختي
لكن مافي داعي لهذا كله

ا

**ام براق** · 2013-07-17, 14:33

يا جمااعه خلاص رمضان ها انسوووو. لا تكبروون المووضوووع. خلاص. الدنيا ما تسوا

**ريووونة** · 2013-07-17, 15:16

انا اقول اني وسيط وعندي المسج الي بيني وبينج واقول للطرف الثاني ... الحمدلله اعرف نفسي وفعلا ربيعتي كانت تباها وبعدين قتلج مرت اخوي لكن المبلغ ماكان موجود فقلت بعلن وبسترزق أنا ما جذبت في اي قلته وشغلي نظيف الحمدلله ... مب محتاجه تقوليلي

الموضوع: الغش والخداع وعدم مصداقية التعامل

أدوات الموضوع

عرض