ابتسامه هوليود ( اللومنير )

[دلع الغربيه]

السلام عليكم ورحمه الله وبركاته


بنات عندي استفسار وبليز اللي عنده اي خلفيه لا يبخل علينا

طبعا مثل ما انتو عارفين الحين الكل صار يلجأ الى ابتسامه هوليود، وانتشرت تقنية اللومنير بكل العيادات وبأسعار مختلفه
انا رحت لعيادة مانشستر في الخالديه ومدح لي الدكتور شغله و بيسوي لي السن الواحد ب 3000 يعني الكل بيطلع 60 الف !

اعرف بنات مسوين بـ 1000 لسن الواحد لكن الشغل ابدن مو متقن والاسنان مو فاتحه مع ان اختيار اللون يكون على المريض، والسن كأنه مقدم شوي للخارج فأخاف اروح لهاماكن الرخيصه ..!

هل تعرفن اي احد مسوي الابتسامه ومضبوطه ؟ غير عياده ليبرتي لان ليبرتي اللي في دبي السن ب 5000 يعني لو اسوي 10 فوق و 10 تحت يطلع 100 الف ! مستحيل

بليز بنات افيدني لان لموعد قرب

المزيد من آخر المواضيع من نفس القسم:

• كتب رشاقة و جمال المرأة
• زيت الحشيش الافغاني
• بنات طبعا كل وحده فينا تدور ع الشي اللي...
• اليدين
• مشكلتي مع التجاعيد
• خيوط شد الوجه
• كوافيرة فاطمة السورية
• رقم الماكييرة عرة مطر؟؟؟ و المها؟؟
• علاجات التجميل الاحدث والاكثر تطورا في ايران
• تجاربكم مع فيليبس لوميا

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[من راك]

الله يوفقج رررب

[عروس دبي 20]

للرفع

[وطني انا]

اختي شو اسم الدكتور اللي في عيادة مانشستر اللي بيحط لك اللومنير
شكله فاهم
ربيعني في الكلية مسويه الفنير في كزوسيرج بس كلنا نحس ان اسنانها متقدمه شوي على بره

[وطني انا]

كزموسيرج*

[دانه م]

عياده المنال شفت وحده مسويه قالت الاسنان الي فوق كامله سوتها 20000

[روح.الامارات]

ينقل للقسم المناسب

[روح.الامارات]

بس على فكره صار تجاري بشكل مش طبيعي ..
انا كنت بسوي و عقب غيرت رايي لانه وايد يستغلون و من غير كل واحد يقول رمسه محتاره منو اصدق و لو كان شي علمي جان اتفقوا عليه ..

[ملكة الاحاسيس]

انا كنت بجتزف بس قرات عن مخاطره وهووونت

[بهلولة]

يا اختي اسمعيها مني
60 الف وانتي ضامنه ولا 30 الف وانتي مو متاكده

هاي اسنانج
ولو شي اخترب بتتلعوزين
عندي صديقة تعالي شوفي شو استوى باسنانها
شي يصيح
تحملي

[ميرة الإمارات]

للرفع

[سرمديه القمر]

وعليكم السلام ورحمة الله ..


اختي انا بقولج من واقع دراستي ..


اللومنير يكون مثل قشرة رفيعة تتلصق على السن بعد ما الدكتور يسحت جزء من الظرس

يعني اذا انتي اسنانج زينه ومافيهن غير اصفرار ليش تسوين؟ ليش تسحتين جزء من سنج اذا طاحت القشرة لازم تبدلينها

مافي رجوع للوراء ترا !

طبعا يمكن يي الدكتور الذكي ويقولج لا انا بس بلصق القشرة بدون ما اسحت .. اوكي عادي يروم يسوي هالشي بس

تخيلي انتي انج لصقتي قشرة على سنج مهما كان ضعفها لازم يبين مب طبيعي وشوي ناط على برع ..


فنصيحتي لج ..

اذا فيج اصفرار بالاسنان اعرفي الاسباب اول شي ..

كوفي ؟ قهوة ؟ شاي ؟ = اصفرااااااار

ببسي ؟ غازات ؟ برتقال وباقي الحمضيات ؟ = اصفرار واسنان ضعيفة



الحل ؟

اول شي خففي من القهوة والشاي

ثاني شي بعد كل مرة تشربين اتمضمضي وامسحي اسنانج بكلينكس مبلول بماي

ثالث شي سوي جلسة تبييض بالليزر + تبييض بالبيت لمدة 4 - 6 اسابيع وبلا خسر ولا بطيخ


اذا استفدتي من اللي كتبته لا تنسيني بدعوة من قلبج

[ميميه88]

يزاج الله خير سرمديه على التوضيح

[^العنود]

انا مع الاخت سمرمدية
لاني سالت دكتور و كان مثل ردها
و الله يسهل عليك

[ملكة الاحاسيس]

سرمديه انا استغدت منج وهاي نصبحه مجانيه مشكوووورة
لنه فعلا الصرس لو اانسحت راح ..وبعد سنين راح تضطرين تبدلين القشرة ومو مضمون شغل بعض الدكاتره
اعرف وحدة مسوبة بس ضرسين امامببن والله انه بينت اكبر من سنها لن القشرة كبيرة شوي