مجرد فضفضـــه لا أكثر ..

[دلعي غيـر]

البارحه كملت شهرين و انا مربيه الحمدالله لك يارب .
بحكم اني موظفه اودي العنونه عند عمتــي (ام ريلي) ...
بس انا ما وديتها الا عقب اصرار ريلي اني اوديها عند امه من اروح الدوام , عندي عيال اكبر فديتهم ربي يحفظهم كلهم من كل شر .
اشتغــل لظروف ماديه و الحمدالله على كل حال اللهم لا اعتراض على حكمك و يارب يفرجها على كل ام ان شاء الله .
السالفه : اني كل ما اودي بنتي عند عمتي اف اف استغفر الله , من تشوف ويهي تشكى و يالله تبدي الموال مالها :
بنتج وايد تصيح ما تسكت , امس ما قدرت اطبخ لعمج ( واللي اعرفه انه الخدامه هي اللي تطبخ اكثر ) , تدرين انه عمج عنده سكـر و ما يحب زعيج اليهال !!!!!
يعني اقولكم الله يهديها تلوع جبــدي من الصبح من شكاويها استغفرالله استغفر الله اصبحنا و اصبح الملك ل الله .
عاد امس جحلتهــا عدل الله يسامحها , وديت بنتي يوم الخميس طبعا اغراضها و مراضعها انا اللي اجهزه مستحيل اخلي الشغاله وكل نظيف و مرتب و دلة الماي الحار و ملابس بنتي معطره و جاهزه و الفوطه و الحفضات من كله يعني .
تعودت ارضع و انظف بنتي و اوديها عند عمتي , عاد صادف انها رجعت فديتها و خيست ملابسها كله حليب و خيستني فديتها , من وصلت و عطيتها عمتي قالت شو ريحه ! قلت لها سموحه عمو توها رجعت و حتى شوفي خيستني عشان ما تقول انه وديتها لها و هي موصخه عمرها .
المهم بعد الشكاوي و المحاضره حبيت راسها و روحت و انا مضايقه و لايعه جبدي كلعاده .
طبعا ريلي خلص دوامه الظهر و راح يشل بنته , ومن وصل عند امه و انا كنت عل الخط ( الفون ) معاه و شوي اسمع امه تشكى مني وقالت له :
شو ها ملابس بنتك كلها وصخه و ريحه و حرمتك محطيه كلينكس ( تنظيف الحفضات ) بس 3 حبات فيهن شو ها ما تشوفي هي انه مخلص !!!!
( مع اني اعتمد عل غسلها بالماي اكثر من استخدام الكليكنس ) اقولكم بطلت حلجي من الصدمــه والله ..!!!!
هي ما تدري اني عل الخط و سمعت كل شي , وعصب علي انتي ليش ما تشوفين اغراض بنتج و ليش ما شيكتي عل كلينكس و الخ الخ ...!!
يعني صدق حصلت هزززززززبه عدله منه ؟؟
يعني عمتي الله يهديها ما تدري انه ولدها ياي من دوام يعني درب و دوام و لويه و مرتبش و ارف و تعبان , تيين انتي تزيدينها فوق راسه و تشكين عشي ما يسوى كلينكس و صخ و غيره استغفر الله استغفر الله .
يعني عيني عينك انا مابي اشل بنتكم و مب فايجه لها , المهم وصلت البيت ورمست ريلي : قلت له امك ما تبا تشل بنتي ليش توديها عندها يعني الحركات هذي مفهومه دوم تشكى و دوم تتحرطم بس انا ما خبرتك و لا تشكيت من اسلوبها , خلاص خلها في البيت مع الخدامه و ربي يحفظها يعني عيالنا قبل منو شافهم غير رب العباد و الخدامه يت على نونو يحليلها الله يحفظهم , قال لا خليها عند يدتها قلت تراها تشكى و تتحرطم و انا مب مستعده لكلام امك اللي يسد النفس من الصبح ...
والله مقهوره بنات يعني يوم ربيت ما يت تسلم و اتصلت في ريلي عقب كم يوم محتشره : ليش مايبتو البنت ااشوفها اونه سيارتي في القراج و مقدر اي مع انه عيالها في البيت و ريلها موجود وكلهم عندهم سياير الحمدالله , بس تباني انا اللي اروح اسلم عليها !!!وين استوت هذي , طبعا طنشت وما سرت لين روحها يت و تمت تحتشر بعد لا حول و لا قوة الا بالله .
على فكره ترى يوم اودي نونو لها لازم اودي بنتي الكبيره عندها ( صف 3 ) تخيلوووو !!! اونه عشان تساعدها !!!
انزين تساعدج في شو ابي افهم !!! اكتشفت انها تقول لبنتي اتسوي الحليب لاختها و تعطيها تيودها و معرف شو !!! عيل انتي شو خانتج مخليه نونو عندج !! و من ذاك اليوم ما اودي بنتي الكبيره ...
المهم بغيت افضفض لكن وسموحه طولت وااااااايد عليكن ..

الله يسهل اموري و يفرجها علي يارب و يارب تحفظ عيالي من كل شراللهم امين .

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ورقة ناعمة]

الغالية العمات او الحريم الكبار حتى لو الوالده لازم بتسوي تقرير عالبيبي اللي بتيبينه وهاذي طبيعه منهن واحسن من اللي بتبتسم بويهج

وهيه من داخل مب حابة حتى اليهال ...الغالية عامليها لله ورب العالمين بيجزيج الف خير

وبعدين دامني بحط بنتي او ولدي تحت أيادي امينه وحتى لو ماتسوي شي يكفي وجودها مع عيالي والله اتحمل منها اي كلمة الغالية الا هيه رمسات عادية

وانتقادات ترومين تتحملينها الغالية اسالي الحريم اللي محطين عيالهم عند البشاكير شوفي اسلوب البشكارة ولسانها وتعاملاتهن وفوق هذا يصبرن

عشان شو عشان عيالهن وانتي ام ريلج مب قادرة تتحملين ردودها وانفعالاته او اي كلمة قالتها ولا تفكرين وتحسبين كلامها انه اهانه لج

اذا ريلج مب عارف ان امه مب كفو ومب مكان آمن لعياله كان ماوداهم بس هو عارف وفاهم ومجرب ...

انتي تقبلي اسلوبها بروح رياضيه ولازم تشكرينها وعادي لو بنتج الكبيره ساعدتها تراها بعد حرمة عودة ... اختى لانحاسب الناس على تصرفات نحن نبغيها

كلن وطبعه وكلن وتصرفاته الشخصية مايصير بيوم وليلة نغير الواقع ...

[لحن الخلـود]

أقدر ظروفج بس بعد عمتج ما تنلام أبداً
يمكن ردي ما بيعيبج
بس الواحد يبى يرتاح على آخر عمره و هي و على راحتها يعني ردود فعلها تبين
أنها ما متحملة الوضع فلا تكلفوها بشي هي ما تباه بصراحة اليهال يبالهم صبر من غير
أن حركة الواحد تكون مقيدة إذا حطوا عنده نونو و لا تقارنون بين حب اليدات لأحفادهم
ترا كل واحد و شخصيته
أنا أقترح عليج اتطرشين الخدامة مع النونو بس تحت رقابة عمتج و ما أشوف فيها
شي بنتج اللي صف ثالث تساعد عمتج في رعاية أختها بس طبعاً بحدود

و الله يحفظ عيالكم

[دلعي غيـر]

مشكوره خيتي على كلامج الطيب ..
صح كلامج ميه بلميه , بــٍس يختي الكلام يضيق الخــلق و ينرفز من الصبح والله , عاد كم بطــوف يختي خصه الصبح .
مب جي , اصلا هي قالت من قبل انها مالها بارض تيود صغاريه و جي , وعمتي توها صغغيره مب انها عيوز مره يحليلها هههههـ
بس مثل ما قلتي روح رياضيه , يمكن لانه اول مره اودي حد من عيالي عندها و ما توقعت هل رد منها من جي مصدوووومه ككككـ
يالله اتحمــل الكلام الغاوي منه و امري ل الله وباخذ لها هديه عسب ترضى علي بعد هههـ

[الشاعريه]

ودي بشكارتج عندها
تحت عينها وهي تساعدها
وبنتج بعد وجودها مهم مب انها تسوي الحليب وغيره لا .. ممكن هي تخبرج اذا البشكاره غلطت وعمتج مالاحظتها
الصراحه الحريم الكبار مالهم بارض على اليهال وايد وصدق ترا عباله

[دلعي غيـر]

أقدر ظروفج بس بعد عمتج ما تنلام أبداً
يمكن ردي ما بيعيبج
بس الواحد يبى يرتاح على آخر عمره و هي و على راحتها يعني ردود فعلها تبين
أنها ما متحملة الوضع فلا تكلفوها بشي هي ما تباه بصراحة اليهال يبالهم صبر من غير
أن حركة الواحد تكون مقيدة إذا حطوا عنده نونو و لا تقارنون بين حب اليدات لأحفادهم
ترا كل واحد و شخصيته
أنا أقترح عليج اتطرشين الخدامة مع النونو بس تحت رقابة عمتج و ما أشوف فيها
شي بنتج اللي صف ثالث تساعد عمتج في رعاية أختها بس طبعاً بحدود

و الله يحفظ عيالكم

لا عادي خيتي ,للاسف اني مقدر اطرش الشغاله مع نونو لانه عندي عيالي اكبر في البيت فمقدر اخليهم روحهم بعد .
ترى انا قلت هل كلام بعد لريلي , بس مب طايع يسمع كلامي و مصر انها اتم عند امه .
عمتي عندها بدال الخدامه اثنين من غير خدامات حريم عيالها ما شاء الله , وهذي اول مره اودي وحده من عيالي عندها و ادري انها خلاص المفروض انها ترتاح الحين ومب وقت صريخ اليهال و حشرتهم , بس مب مني من ولدها والله .
و ترى ريلي دوامه شفتات مره صبح و مره ليل و مره نهار يعني مش دوم النونو عندها بس دوام الصبح و شفت نهار اللي من 1 لين 4 عقب اشلها وشفت الليل اتم عند ابوها فديتهمـ .

[ام مؤيد2011]

حبيبتي ودي بشكارتج عندها
والله انا اشوف امي ما لها بارض باليهال
وما ينلاموا لانه خلاص يبون الراحه

[بطوط]

حبيبتي اذا شغالتج زينه وتامين فيها انا انصحج تخلين عيالج عندها انا عندي اربع اطفال والاخير عمره 3 شهور اخليهم عند شغالتي والحافظ رب العالمين احسنلج عن تتضايجين من فير الله

[قارورة العسل]

ههه عادي حبيبتي والله كل الحريم لازم يشتكون من البيبي بالخصوص هم خلصو مهمتهم وكبرو عيالهم حابين يرتاحون يا عمري لاتزعلين ابدا بالعكس اعتبريها متل الوالده ومره مره خدي لها شئ في يدك واستحملي عشان خاطر بنتك وربي يسهل اموركم وامور جميع المسلمين ان شاء الله

[صنوبر]

لحريم الكبار طبيعتهم كذا هي تحب بنتك ولكن ما تبا صدعة راااااااااس كلهم الا القليل
خليها مع الخدامة لو انت جنبي باخذها عنك
لاتزعلي شي طبيعي

[hamoudmam]

الله يعدل ظروفج الغالية

انا اشوف كلام عمتج عادي و انتقاداتها عادية ممكن ام توجهها لبنتها و لو نظرتي الها انها ام ثانية لج بالفعل بتتقبلي اي شي منها و ما فيها شي لو علقت ع قلة عدد المناديل عادي و مب لانج تعتمدين عالماي هذا يعني الاستغناء عن هالمناديل و هي حرمة كبيرة اسهل الها المناديل و ما فيها شي لو نبهت لهالشي , دامنج تخلينها عندها لا تفرضين عليها طريقة معينة للتنظيف هي تسوي طريقتها و الاسهل الها و لو تعتمدين عالماي الصراحة ثلاث مناديل بنص يوم قليل لانها مب بس حق تنظيف مكان الحفاظ و استعمالاتها واااايد..

المهم لا تزعلين منها و اعتبري كلامها نفس كلام الوالدة و اعتبرينه نصايح مب انتقاد , و سواءا هالنصايح بمحلها من وجهة نظرج او لا , هي تقولها بحسن نية لانها شايفة هالصح , و سالفة ما يتج تبارك لج لانها ما عندها سيارة حتى لو اختي عندها عيالها و ريلها شو دراج يمكن كل واحد يتحجج الها بحجة شكل عسب ما يودونها لين تعبت من الطلب منهم , ليش ريلج ما سار يابها تشوف بنته و هاي امه ما فيه فرق منو يا الاول ... هالقاصر يتعبوا علينا و يربونا و يوم نكبر و نستقل ويصير النا بيت روحنا نعاملهم نفس ما نعامل الغرب : "انا ما اسير عندج لين انتي تيين لان لازم انتي تيين الاول ..". ما فيها شي لو هو سار يابها دام سيارتها في الكراج , تبين حد من عيالها ييبها و واحد منهم هو ريلج ! ... و ما فيها شي بعد لو عقب كم من يوم شليتي البنت و سرتي عندها و قلت الها عمووو ادري ما عندج سيارة بس اصريت اول طلعة لبنتي تكون عندج تشوفينها و تدعين الها بالخير ف حياتها ...

اما الجملة الي قلتي :"عيل انتي شو خانتج مخليه نونو عندج !!" خانتها انها ربت والدها لين كبر عسب يريحها و يعوضها عصبرها و تربيتها له مب يخليها تلعب دور ام بكل مقاييسه على كبر , ما عليه انها تخلي البنت عندها و تهتم فيها ف حدود استطاعتها و قدرتها و ما فيها شي لو بنتج ساعدتها , و هي ما فرضت عليكم تخلون البنت عندها ريلج الي يبا هالشي, و هذا تصرف صح , أأمن للبنت تم ويا يدتها فترة دوامج و صدقيني فيه امهات ما يقبلون يخلون عيال بناتهن عندهن و فيه عمات بعد ما يقبلن ياخذن عيال عيالهن .. و بالنسبة لمساعدة بنتج انا ولدي توه مخلص كي جي تو ما شاء الله اكون اتريق و لا مشغولة بشي يسير يسوي لي مفاجأة و يرتب غرفتي و ما اقول شو خانتي ما ارتب الغرفة بالعكس هالشي ينمي عندهم قدرة الاعتماد على النفس و روح المسؤولية و الثقة في النفس ...و هاي بنت خليها تتعلم لو لا قدر الله ما كان عندج خدامة بتساعدج ف الاهتمام بالنونو ...

تقبلي نصايحها و اعتبريها ام ثانية لج و لبنتج و اشكريها و لو يستوي تودين البشكارة تساعدها وديها اختي .

و اعتقادج انه نصايحها عسب ما تودون البنت عندها هذا احتمال مستبعد لانه ها ولدها مب مديرها ف الدوام لو ما تباكم تييبون البنت ما بتستحي منه و بتقول له بشكل واااضح لا عاد تييب بنتك عندي ...
اختي انتي فضفضتي و انا رديت عليج بالي اشوفه منطقي و صح و لو ما عيبج ردي رجاءا لا تزعلين مني .

[في أمل]

بصراحه عمتج ما تنلام الله يعينها
ومالج حق تنقهرين منها بصراحه انتي الي تقهرين
انزين ودي بنتج الحضانه احسن لكم ولا خلوها ويا الشغاله

[شمالية وافتخر]

حبيبتي ودي بشكارتج عندها
والله انا اشوف امي ما لها بارض باليهال
وما ينلاموا لانه خلاص يبون الراحه

نفس امي هههههههه تتشكى يوم ما اوديه تتصل وينه ليش ما يبتيه وليش وليش ههههه وانا كل اقول اوكيه اوكيه خلاص الحينه يايه هههههه الله كريم

[ريم خورفكان]

على فكره ترى يوم اودي نونو لها لازم اودي بنتي الكبيره عندها ( صف 3 ) تخيلوووو !!! اونه عشان تساعدها !!!
انزين تساعدج في شو ابي افهم !!! اكتشفت انها تقول لبنتي اتسوي الحليب لاختها و تعطيها تيودها و معرف شو !!! عيل انتي شو خانتج مخليه نونو عندج !! و من ذاك اليوم ما اودي بنتي الكبيره ...

ليش ما تودين بنتج الكبيرة يعني قاعده تعاقبينها عشان تتحمل مسؤولية البيبي بروحا اعتبريها امج لو امج بتشتكين منها هي مب مجبوره تربي عيال ولدها يكفي ربت وكبرت عيالها خلاص يا وقت ترتاح فيه مسكينه وما فيها شي لو خلت بنتج الكبيرة تساعدها اعتبريها امج واذ مو متحمله اسلوبها مع اني اشوف كلامها عادي حتى امج ممكن تقول ها الكلام ويمكن اكثر
ودي بنتج حضانه او هاتي شغاله ثانيه وتكون تحت إشراف عمج

[ميسون@]

ليش ما تودين بنتج الكبيرة يعني قاعده تعاقبينها عشان تتحمل مسؤولية البيبي بروحا اعتبريها امج لو امج بتشتكين منها هي مب مجبوره تربي عيال ولدها يكفي ربت وكبرت عيالها خلاص يا وقت ترتاح فيه مسكينه وما فيها شي لو خلت بنتج الكبيرة تساعدها اعتبريها امج واذ مو متحمله اسلوبها مع اني اشوف كلامها عادي حتى امج ممكن تقول ها الكلام ويمكن اكثر
ودي بنتج حضانه او هاتي شغاله ثانيه وتكون تحت إشراف عمج

كلامج عين العقل يا ريم