وظيفتي ..... و زوجي

[ام مؤيد2011]

صباح الخير خواتي
شحالكن عساكن بخير وعافية

خواتي جيتكن ولا تحرمني بأرئكن

خواتي انا اشتغل في مؤسسه خاصة
زوجي عنده اعمال خاصة انا زوجته الثانية عندي ولد واحد وزوجته الاولية عندها ما شاء الله 10
زوجي دائما يحن علي يباني اطلع من الشغل هو وااايد غيور ويجول وايد رياييل عندكم ويقول راتبك ما محتاجينه وانا اصلا ما استخدم راتبي كله يروح البنك وما اسحب منه واصلا من تزوجنا وانا نسيت الرقم السري للبطاقة وما رحت اغير الرقم المهم انا ما استخدم راتبي الا اذا رحت مكان وبغيت اسحب بالبطاقة من المكان اللي متشريه منه
اغراضي انا و ولدي والبيت ومصروف لأهلي كله من عند زوجي (الحمدلله ما مقصر )
انا ساكنه في شقة بس الحرمه الاولية ساكنه في بيت بدون ايجار
فأنا قلت له اذا تباني استقيل سويلي بيت
رد علي بسويلك بس صبري لحد ما اخلص من الديون اللي علي وهو بيخلصهم بعد 3سنوات
واحيانا يقولي صبري يمكن تجي بيعه زينه من الركاب وبسويلك بيت
لأن هو مسوي مشروع خاص ومتسلف من البنك بس الحمدلله المشروع ناجح
خواتي انا ماريد اطلع من وظيفتي لاني اريد بيت
واريد اظمن مستقبلي
فشو رايكن خواتي ؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الغلا مياسي]

حاولي تقنعينه .. انه الوظيفه مهمه..

في حال وفر لج المسكن لج لولدج.. انه بتطلعين


بس لاتسبقين الاحداث ماتعرفين شويستوي بعدين ..
فالوظيفه اضمن..

حاولي تقنعينه..


والله يسهل لج امورج

[مـــــريم]

ماروم اكتب وايد تعبانه ..بختصار حافظي ع شغلج

[ام مؤيد2011]

مشكوره الغلا على مرورك

والله وايد اقنعه ودائما لما نفتح هذا الموضوع يزعل

مفكره ارمس امي وابوي عن هذا الموضوع

[ام مؤيد2011]

مريم حبيبتي سلامتك
ما تشوفي شر

على قد ما اقدر احاول اقنعه

[ماحد شراتي]

لا تطلعين من الشغل مهما كان
وحاولي انج توفرين من راتبج وقوليله انت ادفع للبيت وانا علي الاثاث عسب ما يكون كلشي عليك

[ماما سلطان]

اسمعي شور ريلج أفضل....

[احلى بعفويتي]

اذا شغلج ما في شي مو زين .. ليش تستقيلين ..
صح انتي مو محتايه و لا ريلج ما شالله الله يزيده من الخير الحلال ..
بس احيانا الوظيفه تسلي .. يعني اليوم الي ريلج فيه مع مرته الاولى و لا في سفره للشغل و لا وقت شغله .. انتي عندج شي يسليج ..

بس اذا هالشغل بيسويلج مشاكل كبيره احس اتركيه لو ريلج ما شالله مو مقصر معاج ..
بس انا اشوف الوظيفه سند للحرمة في هالزمن

[مراسيل الوفاآ]

اسمعي شور ريلج أفضل....

وانا وياها، دامه مب مقصر وياج ف هالشقه بعد
متحمل مسؤولية اجارها، حتى وانتي يالسه ف
بيتج بدون الشغل مع الحنه بيبنيلج البيت ودامج
ما تصرفين من راتبج ف اكيد ميمعه مبلغ محترم
ف حاله لو نقصج شي وانتي يالسه ف البيت واذا
ما بنى البيت عقب 3 سنين قدمي مره ثانيه، وعن
نفسي مب من مؤيدين شغل الحرمه وهي مب محتاجه
له . .

[ام مؤيد2011]

حبيباتي اشكركن على مروركن

ماحد شراتي : هو ما يرضى ادفع شي من عندي

ماما سلطان: عادي بمشي على شوره بس يسويلي بيت

[ام مؤيد2011]

احلى بعفويتي: مره افكره امشي على كلامه
ومره افكر في مستقبلي

والله محتاره

[ام مؤيد2011]

كلامك شجعني
اشكرج حياتو

[hnmydsm70]

هذه نعمه انه يقولج استقيلي.وبالمقابل موفرلك كل شي.انا اقول اسمعي كلام ريلج دامه مامقصر فيج.مكان الحرمه البيت اريحلج

[bnt_addan]

دام ريلج مش مقصر معاج في شي ودامه مش راضي على شغلج فالاحسن تتركين الوظيفة

[أم خواطر]

إبنيلج قصر و أثثيث و خذيلج سيارة و عقبها ودعي الوظيفة الله يهنيج و يزيدج