كسر الروتين في فترة الملجة

[وله العيون]

السلام عليكم


أنا مالجة بس احس عمري مب مالجة لآني ما اتواصل مع ريلي وايد / اول ايام كانت من بيننا مكالمات بس يت فترة واستويت علاقتنا باردة
كنت اطرش مسجات عالصبح والمساء ..وكنت دووم اقووله تعااال البيت ..وكنا نطلع بس بفترات
الحينه العلاقة صايرة باردة ما اطرشله مسجات ولا اقووله تعال البيت وهو بعد ما يبادر بهالشي ..ما عندنا وايد سووالف وعادي ما نتصل لبعض 3 ايام ورا بعض ..
ولا احس عمري مالجة ولا احس عمري ان في حد مسؤوول عني ..ودوامي وايد شاغلني..
ساعات اقوول هو الافضل جي عسب ما نمل من بععض وقت العرس
بس عقب اقوول يمكن اذا تعود على برودتي بيطفر مني وبيمل بزيادة

كيف تكسروون الروتين في وقت الملجة ؟ وخصوصا انه عرسي بيكون شهر 11

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أنيقة الذوق]

الغاليه انتي بادري بالشي يعني انتي اتصلي بين فتره والثانيه عسبت هو يتعود انج دايما تسألين عنه ... اعزميه على طلعه أو فالبيت وانتي تتزهبين اتصلي خذي رايه افتحي معاه مواضيع لأن الريال بطبعه يمل بسرعه وإذا عودتيه على جيه خلاص بيتعود ... سويله مفاجآت طلعي أفكار يديده خصوصا ان عرسكم بعده مطول ... هذا من وجهة نظري انتي ابدي وعوديه على اللي انتي تبينه .. وربي يسعدج الغاليه ويتمم كل أمورج على خير

[Um Shai5h]

للرررفع

[تاجرة خلطات]

حبيبتي عادي تحصل بس حاولي تخلينهه يشتاقلج ويدقلج هووو

[ناروتا]

أشوف لازم تحددون يوم بالأسبوع تخططون فيه لطلعه حلوه برات البيت على مطعم على حديقة الخ
ولو ما تقدرين لازم يجي البيت , انتي اطلبي منه يمكن هو يخجل
وباقي الأسبوع لازم لازم يوميا تكلميه عن اي شي صار بيومك حتى تظلو على تواصل

[Marmoosh]

و الله انا كمان هيك صار
المشكلة بالموضوع انو اول فترة بتحسي بحماس و سعادة
بس لما تتعودو ع بعض بيبلش ها الشي يختفي شوي شوي
انتي ما لازم تملي ، حاولي تسوي شغلات جديدة متل ما حكولك الصبايا انو تطلعو سوا ع شي مكان
اختارو مكان رايق و اطلعو اتعشو
و روحي احضري مناسبات اعراس و خطبة ، بتصيري تتذكري ايامك ، و تشتاقيلها اكثر
ف بيتغر كل شي

[Ana Uniqe]

هلا خيتوو

انتي بادري بتصال او طرشي له مسج انج اشتقتي له خلي كل شي عفوي لاتقولين هو مايتصل انا بسوي مثله سويله عشا مرتب وتكشخي واتصلي فيه خله اييج البيت اذا اهلج يسمحون و بعد كم شهر انتي وهو يتنشغلون في تجهيزات العرس ان شاءالله ومابتحسين بهالشعور بس انتي لاتخلينه دوم اسالي عنه بتكبرين ف عينه

[جمر بارد]

المفروض فتره الملجه ماتكون طويله لدرجه تتحول الى روتين !!

[Marmoosh]

ليش ما تكون طويلة ؟

[بنت الشوامخ]

انا نفسج تقريبا
اصلا سبحان الله اول ايام الملجه خصوصا الريال متحمس اكثر واحسه يبادر اكثر .. وشوي شوي خلاص ينشغل خصوصا اذا كان مضغوط
فانتي بادري من فتره لفتره مب دوم عشان ماتعودينه
وبما انه الملجه طويله احسن ماتكثرون اتصال وشوفو بعض مره بالاسبوع مثلا كافي
نحن عندنا يوم واحد بالاسبوع لازم نشوف فيه بعض اما نطلع ولا يزورني بالبيت
وبديت امل لانه عرسي بقى له 4 شهور مطول وانا مالجه من 4 شهور تقريبا

المهم اسألي عنه ولو قصر معاج بالسؤال عاتبيه باسلوب لطيف عشان يحس انه الحين عنده حرمه مسئول عنها وحياته مب مثل اول يوم ماكان عزابي

[عسـلي]

انا حدرت المنتدى عسب هالمشكله
توقعت روحي جذا
ماشاء الله الاغلبيه جيييه !!
عرسي قبلج ف 10
بس احس بملل فضيع ولا كاني عروس حتى الزهبه احس ممله
الحل هليب
لايتصل ولا انا اتصل ولا فيه شي حتى استحي اكلمه














آب

[نفحة امل]

ماشاءالله مادري كيف تحسون بالملل

نحن نتكلم بس نحن ظروفنا ماتسمحلنا الا نشوف بعض مره فالشهر او كل شهر ونص ف عشان جي يكون متحمس

بس انه ايي كل اسبوع احس صح يملل و الكشخه بروحها تعب ..

[Meerah_Bin_R]

ما عندي الحل المناسب و لكن بدعي ان الله يتمم لج على خير ويسعدج وياهـ ^^

[بنت الشوامخ]

ههههههه انا راده ع الموضوع ورديت مره ثانيه

[عروسه الكويت]

انا فكرت اني بروحي جذي طلع وايد مثلي ههه انتي احسن
مني بعد تشوفينه انا ماا اشوفه بحكم انا بالكويت وهو بالامارات
يعني في اسوى حالات منج خخخخخخ
استحملي حبيبتي ودايم فكري انه بشهر العسل راح تطلعين كل طاقتج
انا مثلج عرسي شهر ١١ واحس وايد ملل بس الحمدالله الله يتمم امورنا علي خير