سؤال للمتزوجات

[آم ضرسين]

حريم ....................


يوم ريلج يقولج ...

اناا قمت اكرهج ...؟

ما صدقج ..؟

لو اي كلمة تقولينها ما اثق فيها ..؟



موقف صار معاي قبل كم شهر ...

مادري هل نسى ولا ما نسى ...

وصلت لدرجة انه صرخ بويهي وقالي سيري بيتكم ..

طبعا صديته وما وافقت ومارضيت اطلع من بيتي...

يومين و ممم

ردينا عادي مثل ما كنا قبل ...

بس لين الحين الكلام يرن بآذني ..


شو رايكم .. شو اللي ممكن اسوي ., عشان اعرف ..

مخي مشوش ,, \\

ممممممم


راجــــــآآء الردود اللي مالها داعي مابي اقرآها

وكرامتج والكلام اللي ماله معنى ,,,

ابي ردود المعرسات الله يخليكم ...

اللي لهم خبرة وعشرة عمر

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[* متوآضعه *]

يلسه مصارحه بعيد عن الصراخ
ليش قلت جي وجي

[ام براق]

عااادي دام اتصالحتو. بس الريال لو حط في باله فكره صعب يغيرهااااااا.

[tadom]

من رايي


انج تقعدين معاه وتصارحينه وناقشيه
انا يوم ما اتفق مع ريلي دوم اتناقش معاه واصارحه بوجهة نظري



ولا تحاتين ان شاء الله خير

[كلامي عسل]

حبيبتي

انا ما معرسه ولا لي خبره


بس بنصحج كونا كلنا خوات






فديتج احسن شي انج ماظهرتي من البيت رغم هو قال لج اظهري زين ما سويتي

وثانيا عامليه بكل احسان وطيبه وشوفي موده كيف اذا رايق وزين شوي غير معصب وحرج قعدي وياه وافتحي الموضوع بس بدون ضرابه وصريخ مادري ليش الرياييل ما يدانون حرمه ترادد وتصرخ وتعاند حتى اخوي نفس الشي

قعدي وياه واساليه بطريقه مباشره او غير مباشره ( لف و دوران )

مثلا
اظهروا مكان رواحكم وساليه يبي اي موضوع وادلعي وعقب قولي له عيل ليش هاك المره قلت لي هالرمسه
(اناا قمت اكرهج ...؟

ما صدقج ..؟

لو اي كلمة تقولينها ما اثق فيها ..؟


)




وقلت لي اظهري وسيري بيتكم ويا شويه دلع

وانتي بذكائج افهميه هو شو يقصد وليش قالج هالرمسه



وسمحيلي هاللي عندي

يا رب الله يجمع من بينكم بالخير ويسخركم لبعض

[اسيرت شوق]

اذا الكلام الي قاله في ساعة غضب فأنسي الموضوع لان في ناس وايد ما تمسك نفسها وقت العصبية وتقول كلام مب مقصود
اما لو اهو رايق وقالج هذا الكلام فهني السالفة تختلف
يعني ليش يقولج هالرمسة هل بدر منج موقف هل كذبتي عليه

وما دام ان الموضوع عدى على خير لا تنبشين فيه انسي خلاص

[ميانه بوظبي]

على حسب شو الموضوع اللي فتح له المجال يقول جي

[Rose.Style]

شوفي يا ختيه ، انا من عرست قالت اليه امي كلام حطيته حلق في اذني
البنيه مالها الا بيت ريلها وكل بيت مايخلى من المشاكل . .

حطي الف سبب للكلام اللي قاله
يمكن كان معصب ، مضغوط ،طفران ، ولا يمكن انتي قلتيله شي خلاه يزعل
ويمكن ريلج من النوع اللي يوم يعصب يقول اي كلام . .

ناقشيه بحب قوليله 123 بس بإسلوب حلو تكسبينه لاتنفرينه
شوفي ليش قالج هالكلام ،

وصدقيني دامه رد عقبه بـ يومين طبيعي يعني كان مضايج
وانا ريلي دوم يقولي لو كنت مضايج لاتسمعين اي كلمه صادره مني لانه مايحس بعمره
والريال ماله الا بيته وحرمته يفضفض فيها كل شي لانه يدري انها هي الانسانه الوحيده لي بتتحمله

واحسن شي سويتيه انج ماطلعتي بينتي له انج متمسكه فيه لو قال اللي قال
عسى ربي يوفقج و يهديه ويحنن قلبه عليج

[دلوعه فزاع]

دام الموضوع انتهى خلاص لاتفتحينه صكري الباب.. لانج لوفتحتي الموضوع راح تفتحين امور انتي في غنى عنها ودام علاقتكم رجعت اوكي خلاص ليش حاطه في بالج انا ريلي لما يعصب يقول قومي بوديج بيت اهلج هههههه اضحك واقوله والله لو اموت ما اطلع من بيتي وهو يستانس وعقب عادي سوالف وضحك وهو اللي يعتذر ومايقول هالكلمه الا لانه كان امحرج من الشغل ...

[مراسيل الوفاآ]

هن شي من الاثنين، يا انج سويتي شي وخلاه يقول هالرمسه
او انه من فئة الرياييل اللي وقت العصبيه يقولون كلام قوي

اذا انتي مسويه شي، ف بينيله العكس وعقب فتره اسأليه
هل هو راضي عليج ولا، واذا كان من فئة الرياييل العصبيين
ف يلسي وياه يوم بتشوفينه رايق وبالكلام الحلو قوليله انج
تضايجتي من الكلام اللي قاله ولين الحينه حاطه ف خاطرج
وبروحه بيحس وبيعتذرلج . .

[احلى بعفويتي]

الحينا اذا بتردين تسالينا بيقولج .. دورين مشاكل ..
انا اقول عديها واذا عادها .. قوليله .. ليش تكرهني خير .. شو فيك .. ترا اذا انت تكرهني عندي الي بيحبوني ههههههههههه واشردي ..

[Rose.Style]

الحينا اذا بتردين تسالينا بيقولج .. دورين مشاكل ..
انا اقول عديها واذا عادها .. قوليله .. ليش تكرهني خير .. شو فيك .. ترا اذا انت تكرهني عندي الي بيحبوني ههههههههههه واشردي ..

لا يا ختيه انصحيها لا تفرين مخها ><
ختيه لاتخربين حياتج بيدج خذي لموضوع بعين العقل و النقاش افضل
ان قلتي هالرمسه بتخسرين ريلج (=

[شامسيه مغروره]

حبيبتي إذا اول مره يقولج هالكلام ماله داعي نقاش و ألخ
يمكن قالها ف لحظة غضب ..
و إذا تم يكرره اكثر عن 3 و 4 و 5 مرات راجعي نفسج يمكن في شي
او تخبين عنه شي و هو ما يعيبه ، و نصيحتي لج و انا متأكده مليون % انه الريال يستانس من هالشي
صارحيه ب كل شي يصير معاج سواء ف السوق ، الدوام عشان ما يشك فيج و يجذبج ..
في رياييل يعيبهم ، و في رياييل حالة خااصه ...... مادري شو اقول عنهم ..

و ربي يوفقكم و يسعدكم ^^

[ونتر]

دام اتصالحتوا ا?????د????ہ ليش تفتحين الموضوع أنا ???? خبرتي بصراحة مافي داعي للصراحة بين الزوجين الواحد يطوف قد ما يقدر

[azaf2000]

نهائيا لا تناقشيه في الموضوع لانه ممكن ينسى وانت تفكريه.
الامر عادي اختي