لو كنتي مكانها بترضين !!

[بنت_بوظبي2]

ألسلام عليكم ورحمه الله وبركاته

اليوم حبيت أطرح موضوع يخص ربيعتي ماعندها أكاونت وقالتلي سالي بنات المنتدى


الله يسلمكم تقول هي من عرست الحين بتكمل سنتين ماطلعت مع ريلها بروحهم إلا كمن يوم ينعدن على الأصابع لأن أهل ريلها دوم يطلعون معاهم وحتى السفر يسافرون معاهم ،،


تقول كيف تفاتح ريلها أنها تبا تطلع معاه بروحهم بدون حد

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نسايم روح]

خل تكلمه عادي واحس اللمه حلوه يمكن عشان انا طلعاتي وشفراتي كل بروحي

[شمالية وافتخر]

مب شيء جيه احس ما في خصوصية احسن شيء تكلمه وتفهمه ان خاطرها يطلعون ويا بعض بروحهم بس ها ما تحسسه انها ما تحب اهله يعني خلها تكلمه بطريقة اللي يفهمها عسبت بعدين ما يزعل منها ويسوي سالفة بعد ..

[{ آحلى دلع ..]

ﻻ مابرضى

متزوجتنه هو وﻻ آهله ؟

مآشي خصوصيه ابدآ ، مع احترآمي لآهله بس ليش ﻻزم يرافقؤنهم بكل طلعه !

الحل تكلمه بصرآحه وخل يجؤف صرفه ويآهم

او يوم بيطلعؤن خل تتزهب وكل شي وهي طالعه تسآلهم

ماتبؤن شي؟ يمكن يحسؤن

[um fa6amy]

تقوله انزين

شو تتريا ؟؟

شباب هالايام مايطنشون لانها لو اتاخرت مابتستفيد شي

خلالها تنطق الحين وتقوله .. بظهر وياك بروحنا وتحمر عيونها ..

ومافيها شي لو ظهر اهله بس بعدد مرات الاصابع

اهم شي امه وحرمته .. وخواته للضروره

[زينب الطيبة]

تكلمة بكل صراحة ، انا صارلي نفس الموقف كل ما بنطلع إليهال يبون ييون و يانا و ما شاء الله عليهم وااااايد حركيين و مزعجين ، قلتلة بكل صراحة مب كل مرة بنطلعهم معاناااااا انا
( اصدع ) و انحلت المشكلة

[ميانه بوظبي]

ماحسها مشكلة اذا ماتبا حد معاهم تخبره

بس انا وريلي نحب اللمه ونطلع دوم مع حد

[ورقة ناعمة]

بتطلعين وياها اختاري ايام ثانية وكثري بس غير الويكن عشان تاخذين راحتج ترتاحين

بس صدقيني اللمة غير والتجمع حلو ,,, بروحكم بتملون وملل ,,, جربي قوليله ابغي هاليوم اطلع انا وانت بروحنا ناراح يقول لا .... بس عاد مب كل يوم

[munamoor]

حلوة اللمة مع الأهل
بس انا ما احب الصدعة يوم اليهال يتضاربون
في السيارة عسب جي اخذ الكبار وياي مب اليهال

[الغــــــلا]

طبعا مابرضى .. وما بخذ راحتي ويا ريلي
حلوة اللمة بس مب في كل طلعة ياخذ أهله وياه ><
عشان مايزعلون يطلعهم مرة بين فترة والثانية ..
تقعد وياه تفهمه .. وما أتوقع بيرفض

[Pheno-m-enon]

خليها تصارحه.. ف الاخير الواحد يحب الحرية و ياخذ راحته مع الطرف الثاني

[زم_قمر_ان]

الموضوع مافيه مشكله خل تكون لهم طلعه بروحهم

ولا تمنعه بالطلعه معا اهله عادى

يعنى تكون حكيمه

[امراه]

كل شي بقياس مرات تكون اطلعه حلوه ويا الاهل واللمه ومرات الواحد يبا ياخذ راحته بروحه تكلمه تقوله بنطلع بروحنا المكان الفلاني وخلاص مب سالفه ارضى وماارضى شي عادي بتفاهم ينحل

[أم رشوود 7]

مثل ماقالو الخوات ماشي حل الا انها تكلمه بصراحه انا جربت السفر مع اهله وبروحنا احس صح اللمه حلوه بس بروحنا احلى اكيد حتى مره زعلو عليه اهله في اول سفره لنا بروحنا بس بعدها صارو عادي يتقبلون الوضع

[مراسيل الوفاآ]

اكيد برضى، مرات حتى لو الاثنين طلعوا بس تحسين بـ ملل
ولا كانكم طلعتوا وغيرتوا جو، ف لو الريال عنده وقت
اشوف حلو يكون يوم كلهم يطلعون ويوم يكون لهم
ولو خبرت ريلها ما بيقولها لا بس تيبها بطريقه حلوه . .