يبت اندونيسيه ما كملت 8 شهور وسفرتها قبل يومين

**ضي القمر..** · 2013-01-21, 11:15

السلام عليكم
حبيت اكتب لكم تجربتي مع الخدامه الاندونيسيه الي يبتها

أنا ساكنه ف بيت عمي وعندي ولد عمره سنه وشهرين
اول ما عرست البيت كان فيه خدامه اندونيسيه وحده وكانت وايد زينه وشالة البيت ع راسها .. كملت سنتين وراحت .. عقب عمتي قالت بتيب لها بروحها اثيوبيه ومرت حميي يابت اثيوبيه لان كانت توها مربي فولدها الثاني وبغت حد تساعدها

وانا كنت وقتها عندي تدريب 3 شهور الي يكون قبل التخرج من الجامعه ..
المهم يبت اندونيسيه عقب تجربتي الزينه مع الخدامه الاوليه
يبتها عمرها 36 تقريبا .. ؤيهها شرح ماشاءالله فالصورة ويوم شفتها فالمكتب كانت زينة وجيه .. خسرت عليها تقريبا مع الفحوصات وكل شيء قريب 11 وراتبها 800 .. اول شيء هي وصلت عقب خدامة عمتي بكم يوم .. وخدامة مرت حمي واصلة قبلهن بس كانت في امارة مرت حمي الي كانت مربي .. الزبدة يا خواتي خدامتي صح كانت زينة .. لكن تنظيفها مب وايد اوكي .. وكانت تتأمر عالاثيوبيات مادري تتكبر عليهم .. وتي عندي تنقدهم قلتلها انتي ما يخصج فيهم .. ودايما ظرابه وياهم واطلع عمرها المسكينه بس سبحان الله ما ارتحت لكلامها ولا اصدقها لان لللامانه الاثيوبيات الي عدنا زينات .. المهم وعاد ني لشغلها .. حيا الله تغسل الثياب وتكويهم وشوي ترتب الحجرة !! ماخذة كتاب طبخ اندونيسي عالم حواء و فتافيت .. اول سبوع قامت تسوي سويت وبسبوسه وعقب خلاص ماتطبخ لازم يعني اتأمر عليها مع ان قايلتها انتي ماعندج شغل سوي شيء اطبخي .. طبعا ولدي ما اخليها اتدقه خير شر مول مارتاح وهي لاحظت مالها بارض للولد .. احيانا يوم اطلع مشوار اشل ولدي اخليه ورا عندها .. ولدي فديته يلعب وجيه وهي صاخة ولا تلعبه تطالع برع يعني مول ولا كلمة حبيبي مافيها حنان مع انها معرسه عندها عيال صغار .. اون قايتلتي أنا كنت بيبي سيتر في سوريا ! ع شو بيبي سيتر وانتي ماترمسين اليهال حتى .. ع عكس الاثيوبيات الي فبيتنا من يشوفون ولدي يزقرونه ويلعبونه بس شخصيا لازم اكون موجوده مارتاح ولا اأمن .. المهم اخر 3 شهور تقول مدام تعبانه مريضه .. وديتها 3 مرات المستشفى مافيها شيء .... امي قالت بوديها عيادة خاصة فعيمان ودتها وطلع عندها التهاب شديد فالبول ودمها نازل ..نسيت اخبركم هي من يت ما تطيع تاكل اكل تاكل شويه وتشبع !! لقمتين وتشبع وانا مب مقصرة اشتريلهم يوم اروح الجمعيه كاكاو وجبس وعصير بس مالتي بطرانه .. من وين بتيج الطاقه دام ما تاكلين .. عقب عطوها دوا وجيه تحسنت شوي وردت تكاسلت .. أنا مأ قول تمثل علي انها مريضه لا .. مرضت صدق لكن هي لو يايه تشتغل بتاكل عدل ومابتسوي مشاكل ومابتتعب نفسيتها ويا الظرابه مع الخدم .. يوم طلبت مني فون قلتلها سمحيلي ما بعطيج تبين ترمسين بعطيج تلفوني الثاني وفعلا تلفوني الثاني كان عندها وراتبها كان فايدي أنا إذا تبا تصرف تاخذ شيء اعطيها بس اكثر شيء كانت تحول حق ابوها ..

المهم قبل سبوع اشوفها مول كسلانه والخدم يقولون فالليل تخوف ترقد وفاجة حلجها وعيونها وترتقل .. ها كله وهي ماخبرتني وسبحان الله فنفس اليوم أنا قررت اسفرها لان مب مستفيدة منها بالعكس اخسر عليها 800 عالفاضي .. وكلمت ريلي حجزنا التذكره فنفس اليوم وهي سبحان الله فهاليوم ماطلعت من غرفة الخدم طايحه لا تاكل لا تشرب سرتلها قلتلها بلاج تقولي تعبانه قلت لها كلي شيء وجهزي نفسج طيارتج الساعه الفلانيه .. ماشي ولا ردة فعل .. عطيتها ترمس اهلها رمستهم وردت انسدحت مريت عليها عقب ساعه اشوف رتبت شنطتها ولالا تخيلوا كانت الشنطه مفتوحه جدامها فاضيه وهي منسدحه مب رايمه تنش .. انزين يوم انتي جيه مريضه ليش ما خبرتيني !! ليش ماقلتي مدام أنا ابى اروح

حاليا مابى خدم بفكر عقب شهرين 3 يمكن .. ولو بييب مستحيل ايب اندونيسيه ابدا ابدا .. كسل فظيع فيهم من قبل لا تمرض والفلبينات فيهم بطرة !!

افكر لو يبت اييب هندية مسلمة. مادري لو بحصل ولالا .. او بييب بنغالية او اثيبوبيه.. شو رايكم شوروا علي ؟!؟

والسموحه

المزيد من آخر المواضيع من نفس القسم:

**ميميه88** · 2013-01-21, 12:04

انا كانن عنديه اللي قبل اندنوسيات ومانقدت عليهن شي
بس من عقب ماسمعت عن بلاويهن قلت مابييبهن يمكن هذيلاك كانن يسون شي وانا مادري
فا طلبت فلبينيه ومن وحده للثانيه كلهن مايسرن كل وحده اخس عن الثانيه ومن يومين يايبه وحده ولين الحين شغلها لاباس براقبها شهر ان مانفعت بردها وبييب هنديه
يمدحون الهنديات بس عفت الشغالات كل يوم وراده وحده وارتاح يوم اشتغل اروحي وانظف احس مأمنه اكثر
اما هالشغالات كل شي يفرنه صوب وحالتهن لله بس مالنا غنى عنهن لانه اغلب وقتنا تنظيف وغسيل وطبخ بس بعد فيه اشيا ومسؤوليات ثانيه عندنا مانقدر كله نسويه بنفس الوقت

**مبتسمةمتفائلة** · 2013-01-21, 12:19

جيبي اثيوبية بس انتي و حظك في موضوع الشردة

**ورقة ناعمة** · 2013-01-21, 12:37

الاثيوبيات وسخات كلهن بصراحه استغرب اللي يقول فيهن نظافة وبعدين مجرمات وماعندهن رحمه بالصغاريه

كله تمثيل يسون اعمارهن يلعبن مع الصغار بس ثواني وزياده لا والبنغاليات نفس النامونه

عندج الهنديات والسيلانيات شوي ارحم

**sraab.30** · 2013-01-21, 13:59

انا كرهت اندويسيات سحر والسان ملعونات وتخافين على ريلج منهم والفلبينيات دلع هيزه كشخه تلفون طلعات يالله بس كوي وغسيل
انا قدمت على نيباله اول مره الله كريم مايندرا شو بتطلع بجربها بخبرج

**مونتاج** · 2013-01-21, 15:42

للرفع

**بهلولة** · 2013-01-21, 16:33

انا اعرف ان الاندنوسيات عليهم مصاخة وبروووووووووود ويبالهم شددددددد
بس اهون علي من كل الاجناس الثانية

**اسيرت شوق** · 2013-01-21, 17:10

الله يعوضج بالي احسن منها ترى الجنسية مب مهمه كثر الانسانه نفسها وطريقة تعاملج انتي وياها بعد
افضل قبل لا تكفلين استخيري وما خاب من استخار
والله يعطيج خيرهن ويكفيج شرهن

**ليندااااا** · 2013-01-21, 17:49

الله يعوض عليج بخدامه زينه
الخدم حظوظ والله

**حلم الذكرى** · 2013-01-24, 18:18

احسن شيء الاثيوبيات ..

**مريم الفهد** · 2013-01-28, 21:50

صح
الاثيوبيات منعوهم والحين صارن حدهن مجرمات والاندنوسية والفلبيونية ماصارن ينفعن دوريلج هندية بنجالية سيلانية مال شغل واذا تميتي وراهم بيسوون الي انتي تبغينة

**أم خليفة11** · 2013-01-29, 15:36

الجنسية ما تحدد شخصية الخدامة .

عندي فلبينية ماشاء الله لا قوة الا بالله من كل النواحي زينة و لله الحمد

وحدة عندها اندونيسية من كل النواحي ماعليها اي كلام ماشاء الله

وحدة عندها اثيوبية ماشاء الله وايد زينة و اخر شي سرقتها و شردت بس لظروف بعد ,

وحدة عندها هندية ماشاء الله وايد زينة بعد ,
شخصيا جربت الاثيوبية و شردت عني مع وجود الفلبينية و ماشي شغل بالمرة , بس كانت ناوية الشردة ,

عموما التجربة خير برهان , بس اختي صاحبة الموضوع في حالتج انتي دفعتي عليها 11 الف المبلغ يا اختي مب شوية بالمرة

المكتب بيعوضج شي عنها و الا ما في ؟؟؟

**أم مغاوي** · 2013-01-30, 15:24

مايستوي نحكم ع البلد من تصرف شخص واحد او من او تجربه

الحريم انواع كذلك الخادمات

من نفس الدوله بتحصلين الزينه الطيبه والنظيفه وبتحصلين الكسوله وام لسان والوصخه

جربت اثيوبيه عند امي كانت زينه ونظيفه بسبب حرص الوالده وتعلمت الطبخ

والاندونيسيه بعد عندي من كم سنه

ماحبيت البنقاليه والهنديات كذا مره جربناهم مايتعلمن النظافه ويحبن التلفزيونات فـ عقب هالمحاولات الفاشله ودرناهن

كل شي حظ ونصيب

الحين اتريا النيباليه

**كلي عنجهيه** · 2013-01-30, 23:01

الله يعين الجميع

الموضوع: يبت اندونيسيه ما كملت 8 شهور وسفرتها قبل يومين

أدوات الموضوع

عرض

يبت اندونيسيه ما كملت 8 شهور وسفرتها قبل يومين

المزيد من آخر المواضيع من نفس القسم:

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

رد: يبت اندونيسيه ما كملت 8 شهور وسفرتها قبل يومين

المواضيع المتشابهه

كملت 5 شهور شو اسوي اليوم

كملت سنة وست شهور ولين أحين مو حامل

بنتي كملت الست شهور

كملت 3 شهور من عرست .... وماشي حمل

بنتي كملت 3 شهور-شو أعطيها