اقدر أساعدكم حياكم

**business_dxb** · 2012-12-16, 20:13

هلا خواتي شحالكم. ها اول موضوع لي في المنتدى اتمنى افيدكم واستفيد. أنا وايد احب السفر و عندي خبرة في هالمجال الي تبى تسافر مكان معين تخبرني وانا برتبلها السكن و طلعات و اي معلومات عن الدولة. اترياا استفساراتكم واتمنى الكل يستفيد بالموضوع.

المزيد من آخر المواضيع من نفس القسم:

**أم هزاعوه** · 2012-12-17, 08:43

هلا
انا خاطري اسافر مالديف شو ترتيب بس انا بحجز التذاكر اما الفنادق ما اعرف وايد متلخبطه

**business_dxb** · 2012-12-17, 09:42

هلا اختي. بدورلج انشالله بس كم تبين تدفعين تقريبا كل الليلة ؟ وكم شخص؟ حق اي شهر تبين تسيرين؟ أتوبا ردج

**موزة الامورة** · 2012-12-17, 10:21

الحمد الله حصلت حد بيساعدني
يزاااج الله خير الغالية
انا بسافر قي شهر ٤ ان شاء الله
تقريبا أخر أسبوعين من شهر ٤
مخططة أروح فينيسيا وفلورنس وميلان
شو رايج ؟؟
أو أني أروح ميونخ وبعدين زيلامسي والمناطق الي حوالينها
مش عارفة أقرر ياليت تساعديني
انا وزوجي بس والتكاليف مش مهمه اهم شئ نستانس ^^

**Mn9o0oriah** · 2012-12-17, 10:30

موضوع جميل بصراحه .. وان شاءالله يوم بقرر اسافر باخذ منج بعض المعلومات

**أم هزاعوه** · 2012-12-17, 11:34

انا في شهر 2 خاطري في 11/2/2013 بس اربع ليالي 15/2 الرده اتكون ابا حق شهر العسل
خاطري اجرب يومين في فندق ويومين في فندق الي في الماي
يعني على الشاطئ وفي الماي حق اليوم محصله انا 2000 في 3000 انتي شوفي شو ترتيب^^

**مونتاج** · 2012-12-17, 13:19

موضوع حلو ^_^

بالتوفيق ان شاء الله

**موزة الامورة** · 2012-12-17, 22:57

ويييييييينج ؟؟؟!!!!

**business_dxb** · 2012-12-18, 00:14

اختي ام هزاعوه : بالنسبة المالديف الاغلب يكون غالي لو تبين خمس نجوم اكثر عن 3000 تلفيات بس أنا سالت و دورتلج الأحسن بس هالفترة عندهم زحمة ف احجزي بسرعة. غرف عادية وسويت وردان البحر غرفهم روعة Sheraton maldive full moon resort and spa. هو اربع ونص نجوم ب 2079dhsالليلة. بالنسبة لغرف فوق الماي احسن واحد عندهم Anatara veil resort and spa بس 3900hs الليلة. بس بعد وايد يمدحون maafushivaru maldive هو 4 نجوم بس وايد مرتب و راقي 3159 dhs الليلة. هاي اسعار حصتلتها على hotel.com احسن اسعار حصلت فيه. اتمنى ساعدتج وأي شي تبين أنا حاضرة

**business_dxb** · 2012-12-18, 00:17

موزة الامورة أنا سرت ايطاليا في شهر ٤ روعة انصحج فيها كثر من ميونيخ و زلامسي. الان وامشي تقدرين تسيرين لها في شهر ٨ او ٩. يكون الجو حلو. اما ايطاليا في ٨ او ٩ تكون حاره وايد وخصوصا فينيسيا يبالها جو حلو.

**موزة الامورة** · 2012-12-18, 12:27

مشكورة حبيبتي شجعتني على إيطاليا
بس تروحين تساعديني بجدول حلو
وأي المناطق ازورها
تسوى روما اروحلها وإلا خليها بس شمال إيطاليا ميلان وفينيسيا وفلورنس وكيف يكون التنقل ناجر سياره وإلا ؟؟
انا بروح أسبوعين كيف اقسم الأيام
وشو الفنادق الي تنصحيني فيها
ادري كثرت عليج بالأسئلة بس أباج تساعديني ^^

**أنفاسك دخون** · 2012-12-18, 12:42

هلا حبوبة مامقصرة بهذي الخدمة

بس ابا منج
جدول لأسبانيا نهاية شهر 3..
ابا 5ايام بالشمال و5ايام بالجنوب إذا ممكن ...
شو من المناطق ممكن ازور وكم يوم جيه ابا..

والف شكر مقدما

**الطموحهـ** · 2012-12-18, 13:56

هلا اختي ماتقصري ان شاء الله أنا بروح هونغ كونغ وجوانزو ف شهر 1 ابغي ترتيب للمناطق السياحيه الي عندهم

**business_dxb** · 2012-12-18, 18:59

مشكورات خواتي على تفاعل مع موضوعي ولا يهمكم برد على الاسئلتكم الليلة . موزة الامورة برتبلج الرحلة بس بغيت اعرف وياج يهال ؟

**موزة الامورة** · 2012-12-18, 19:06

لا بس انا وريلي
اترياج على احر من الجمر
مشتطه خخخخخخ

الموضوع: اقدر أساعدكم حياكم

أدوات الموضوع

عرض

اقدر أساعدكم حياكم

المزيد من آخر المواضيع من نفس القسم:

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

رد: اقدر أساعدكم حياكم

المواضيع المتشابهه

ابي مساعدكم بلييييييييييز

ابا مساعدكم..

ابغي مساعدكم

بغيت مساعدكم