الــزوآج من ريــآل متــزوج . .

[عَسَلْ]

السلآم عليكم بنيّآت وحريم ..

مآ بطول برمستي ..
مشكلتي إني تقدم لي ريآل متزوج من حرمتين ..
وأنآ يبآني الثآلثه ..

وأنآ بعدني صغيرة للعلم ..

طبعاً أنآ رآفضة رفض قآآآآطع وابداً مآريده ..
لكن حصلت ضغوطآت من اهلي ووآيد حنوآ علي وبصرآحه يتني حيرة ..

أنآ مآريد اتزوج ريآل مزوآآج ( حسب مآ اشوف يعني ) ،
وحدي متضآيقة من هالموضوع !!

هالكلام من كم يوم وكآنوآ يبوني اظهر عشآن يشوفني لكني مآ رضييت ابداً ،
أنآ هآي اول مره بحيآتي بظهر جدآم ريآل كـ نـظرة شرعية ،
فـ رآح بدون مآ يشوفني .. !!

تخيلوآ تقريباً 4 مرآت يو ينآدوني لكني مآ طعت ،
انا جداً رآفضه الفكره !!

المهم ومن عقبهآ تم يدق وآآآيد ع اهلي يبآ جوآبي ،
ومصر وآيد إنه يشوفني ..

بنآت أنآ صرآحه تعبت ..
فـ آخر شي بس عشآن افك نفسي من الصدعة ..
رحت قلت لأمي الاسبوع اليآي خلوه ايي ويجوفني ..


والله مليييييت من هالضغط أنآ مآ اتخيل حيآتي ويآ ريآل متزوج ثنيتن
هب وحده !! رغم إنه ريآل مقتدر لكن مستحيل اقبل ع نفسي ..

قولولي شو اسوي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[زم_قمر_ان]

ماحد يقدر يضغظ عليج تسوين شى ما تبينه

اهم شى لازم تصلى استخاره

وادعى ربي يرزقج ريال احسن منه

[الشاعريه]

استخيري
وحطي في بالج ان مافي زواج غصب
لازم رضا الطرفين

[ام مريوم 444]

حبيبتي الله يعينج الزواج قسمة ونصيب
بس انتي صغيرة شو الي جابرنج ع صدعة راس من ريال معرس
واثنين بعد و ما تعرفين شو نوع حريمه يعني راضيات او لا واذا لا يمكن يكيدون لج
و جدامج فرص وايدة عالعموم استخيري والله بصرفه عنج ويبدلج احسن عنه

[روضه123]

ما اقدر اقول غير الله يهدي اهلج بخصوص اللي يقولون ماحد يقدر يجبرج.
امبلا كل اهل غير عن اهل الثانييين ..

[عروس دبي 20]

استخيري أختي وفكري عدل
ومثل ما قالوا الخوات محد يقدر يجبرج على شي ماتبيينه

[Mi!Mi]

هلا أختي إذا ما كنتي تبينه لا تخلينه يشوفج صلي استخارة ادعي من قلبج وهذا زواج و حياة لا تخلين أهلج يتحكمون فيج ومثل ما رح يتزوج عادي يتزوج عليج و فكري زين والله يوفقج

[m3andah]

انا لو مكانج ما بوافق .. خاصة ان عنده 2 ...

وواكيد عقب بيكون في مشاكل لانه متزوج من 2 .. ليش تعورين راسج

واستخيري ,, ان شالله ربنا بيرزقج بالشخص المناسب

[ف.كولكشن]

سوي الي تشوفينه مناسب لج اخر شي انتي الي بتعيشين وياه

[عين غلا]

اهم شيء صلي استخارة لو مب مرتاح لا تاخذينة اكيد ها زمن محد يقدر غصبج ف شيء .ها زواج مب لعبة ثاني شيء اهلج بختارونج شيء زين مثل ماقالو صلي استخارة

[امل السورية]

موووووووووووووووووفقة

[كسوله وادلع]

حبيبتي ما حد يقدر يغصبج على شي
اللي كاتبه ربج بيصير
بس انتي توكلي على الله

[!baby_face!]

غنآتي الزوآج قسمة ونصيب ,,
صلي استخـآآره و وكلي أمورج لربج
ان كان خير الله بقدمه لج وان كان شر الله بصرفه عنج

بس فكري فيهآ حبوبه دام عنده ثنتين وفكر بالثالثه بـآجر عادي يفكر بالرآبعه ,~
الله يكون بعونج ><

[آم سع ـيد]

لآ تخلين آهلج يآثرون ع قرآرج بظغطهم لج ..
فكري .. وفكري .. وفكري ..
ودرسي آلموضوع من كل جوآنبه .
وين بتسكنين ؟ وليش هو من آلآسآس يبآ يعرس ؟ حريمه شو طبعهم .؟ كيف شخصية آلريآل ؟ و آلخ ..
وقبل كل هذآ آستخيري ربج ومن آستخآر ربه مآ خآب ..
محد يدري وين آلخيره ..
::
تآكدي من قرآرج آللي آنتي تبينه وآصري عليه ..
وآن كنتي موآفقه قلت لج يمكن خيره ..
وآن مآ وآفقتي خلج ع موقفج .. آهلج مآ بيعيشون ويآج .. وآن تغربلتي مآ بيتغربلون ويآج ولآ بينقهرون كثر قهرج .. وفي آلنهآيه محد بيشآركج فضيآع عمرج .. آنتي صغيره وتوه آلعمر جدآمج .. وبييج آلريآل آلمنآسب آن شـآء آلله ..

آنآ مستغربه آنجذآب آهلج لهآلريآل ؟ غريب آنهم يوآفقون عليه ؟

[Ch3nel]

صلي استخارة ..


و اهم شي قرارج و لا تخلين حد يضغط عليج ..