ابا نصائحكم

[um brok]

امممم انا متزوجه من ثلاث سنين وعندي ولد عمره سنتين وولد عمره 18يوم
قبل حملي بولدي سقطت مرتين فاضطررت أجيب لي خدامه لان كنت ممنوعه من الحركة
الموهم انه خدامتي الحين بتسافر وأفكر مااجيب غيرها لان ابا اعتمد ع نفسي وأخذ راحتي فبيتي بس محد مشجعني الكل يقول مأبتقدرين اولهم زوجي وأمي وانا مدري شو. اسوي ولدي الكبير يغار ويطق اخوه يعني شايله هم كيف اقدر اقوم بشغل بيتي وانتبه لهم واطبخ وارتب
وزوجي أخاف يتملل لان تعود أني فاضيه له فأخاف اقصر معاه واخاف اصلا ما تحمل الشغل والعيال




فلبيز شورن علي اجيب غيرها او لا واذا لا وساعدوني بجداولكم وكيف تتصرفون فبيوتكم وترتيبها ادري صكيت روسكم وتكلم واجد بس من جد شايله هم وع فكره هي بسافر عقب شهرين او ثلاث وانا فدوله وأهلي فدوله وأهل زوجي بمنطقه ثانيه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عروس دبي 20]

انتي جربي فتره بدون اذا ما قدرتي ايبي خدامه
ان شاء الله الحريم يفيدونج ... وبالتوفييييييق ...

[روضه123]

يعتمد عليج ،، هل انتي حركيه ام اعتماديه ع الخدامة مثلا هل كنتي تطبخين غدا وعشا يوميا ام الخدامة هل كنتي انتي ترتبين الكلابس ف الكبت ام الخدامة هل انتي تشرفين ع ل شي ف البيت وتدققين والا مخليه الخدامة تنظف ع راحتها ..

عيالهم جم ساعه تخلينهم عند الخدامة؟


هالاساله اذا كانت اكثر شي الخدامة تسويهم فانا اقولج من احين اكفلي الخدامة خخ.، لان من تعود ع الراحة ما بيتحمل الكرف

انا مع ان الحرمة تشتغل ف بيتها بالعكس احسها نعم الحرمه واهي اللي يصلح نطلق عليها ربه بيت بس صدق اذا انتي ما تعودتي من البدايه ما بتقدرين تتعودين عقب..

عقب ما بتوفقين وتهملين ريلج بحجة شغل البيت عليج ،، وانتي ما تبين تفتحين لريللج ابواب انتي في غنا عنها،،


انا فلت رايي وانتي جربي اذا صبرتي حلو واذا لا اكفلي ثانيه

[gaaaaaaaya]

ولدج اللي عمره سنتين وديه حضانه.ونظمي وقتك واعمالك.يعني سوي برنامج يومي.ومثل ماقالت الاخت شوفي نفسج فتره.بتقدرين ولا؟

[بسمة فجر]

اذا انتي حابة تعيشين بدون بشكارة بتقدرين
لان الراحة النفسية بدون البشاكير كم تسوى
بالتوفيق

[* أم أحمد]

احس ما تقدرين لان شغل البيت مو شوية انصحج اتيبين خدامة

[USA Online]

بالتوفيق ان شاء الله

[زم_قمر_ان]

الصراحه بتتعبي واايد

خصوصن عندج اطفال

[Ch3nel]

اهم شي تكونين مقتنعه باللي تسوينه ..

[دلوعه حمودي]

انا نزلت موضوع مثل موضوعج واكثرهم نصحوني ماايب شغاله والحين بنتي مرضت وتعبت وايد"انا انصحج تيبي شغاله وبسرعه لا تسوي مثلي وفي الاخر تنتدمي صدقيني ما بتقدري تنظمي واقتج والعيال والزوج يبون اهتمام وشغل البيت خليها علي الشغاله

[امل السورية]

مووووووووووووووفقة

[الشوق للجنه]

خلج مثلي سنعه ههههه عمري21
ماشاء الله شايله عيال وزوج ودراسه وبيت
لا خدامه لا صدعة راس والحمدالله بذكر ربي تتيسر اموري
جدولي:
اصحى الفجرواصحي ريلي عسب الصلاه
اجهز فطوره ع السريع
استودعه ربي ويسر دوامه هني ابدا شغل البيت
اول شي غرفة النوم من ساسها لاراسها احط الملابس ف الغساله
عقب المطبخ والحمام وانتو بكرامه
وعقب غرفة الصغاريه والصاله
المهم اكون مخلصه شغل البيت ع الساعه 9تقريبا
واجهز اغراض الغدى
وانام ليييين 12
هاجدولي اليومي
بتقولين وعيالج ؟!
عيالي قوم سنتين وثلاث
طبعا انش ويابعض ونرقد ويابعض
لازم افطرهم حرام هيلا فذمتنا
اتوكلي ع الله واستخيري بكل شي تحتارين فيه
وربي يوفقج امييين

[um brok]

الله يوفق كل من ردت يارب بخصوص اللي تسال اعتمادج عال خدامه او لا بصراحه اي كل شي تسويه بس عيالي علي طول الوقت عندي بس اعرف اطبخ بس هي تطبخ كل الوجبات
والأخت اللي قالت بنتها تعبت عقب ما سافرت الخدامه انا هذا اللي خائفه منه عيالي يتعبون ويبدأ الكل. يحاسبني

والكل قالوا جربي بدونها امممم مدري بس احس أدق الصدر وأقول بتم بدون خدامه عقب أجيب يعني أحرج نفسي وأفشل عمري وش يفكني من تعليقات زوجي لان من الحين يقول مآب تقدرين وهو من النوع النقاد بشكل مؤ طبيعي بيتم يذكرني بها لشي طول عمري


أختي حتى انا عمري 21 وفرحتيني يوم كتبتي تجربتج حسيت فيه امل

الله وجزاكم الف الف خير خواتي والباقيات لا تبخلن علي بتجارب كم ونصائح كم

[ظبيانية ماركة]

ف هالزمن صار كل شي سهل
الاجهززة متوفره حق كل شي الحمدالله
اذا بتحاتين الغسيل عندج الغسالات اشكال و انواع وبعد بتنشف لج الهدوم
و اذا على الكوووي اللحين عندج البخار و مش لازم كل يوم تغسلين الملابس
مثل ماقالت الاخت تبدين شغلج من الصبح تنظيف و مسح و هالسوالف وبتشوفين الوقت يمشي و انتي بتستمعين بهالشي
و ان شااااااااااااااااء الله مابيمرضون عيالج و لا بيستوي بهم شي و ربي بيحفظهم
ولدج بو سنتين حطي له قناة براعم او اي شي او حتى اشغليه بالتلوين بالالعااب
ولدج اللي عمره 18 يوووم . . بيكبر و بيتعدل نووومه
بس انتي لا تسمعين كلام اللي يقولج مابتقدرين تعيشين وماعرف شو
بعدج صغيرونه . . و الحركه فيها بركه
و صدقيني احسن شي البيت بدون خدامه
تحطين راسج ع المخده و انتي مرتااااااااااااااااااااحه
لا بتحاتين حد يسوي لج سحر و لا حد بيضرب عيالج و لا حد بيجتلج

و شي زياده بعد تقدرين تدورين ف المنتديات عن الترتيب و التنظيم
يعني في بعض الحريم عندهم طرق خاصه و حلوة تشجعج ع شغل البيت

و الراي الاول والاخير لج يا حلووة

[المغتربة]

يعتمد لو انتي تشتغلين او لا

لو تشتغلين اكيد محتاجة خدامة لأمور البيت
لو ما تشتغلين ممكن اتييبين لج خدامة بس كنصيحة لا تخلينها تهتم بالعيال بس انتي اهتمي فيهم عدل و ايلسي معاهم و ممكن ما اتييبين لج خدامة و تقدرين تخلين ولدج ف الحضانة بين فترة و الثانية