كنت أعشقة والحين عفته

[ام حمدان دبي]

مرحبا بنات صباح الخير
بصراحة مب عارفة من وين أبدا أنا كم مرة كتبت عن مشاكلي هني. بيني وبين ريلي باختصار قبل أنا وريلي عايشين كل واحد فينا عاشق الثاني برغم إن كل يوم كنا نختلف ونضارب والله كل يوم بسس فوق كل هذا بعد كنا نموت فبعض نصارب لأن كانعصبي شوي وكنا بعدنا مب فأهمين بعض وكان شوي يلعب بذيله بسسس والله بعد كنا نحب بعض وكان كل ما يغلط ايني ويعتذرلي ويبوسسني غ رأسي ويطلب السماح وكان فديته يعاملني مثل آلياهل وإيد يخاف علي وإيد يدارني. كان يطول زعلنا بسس إذا زخيته يلعب بس عقبها ايني ندمأن ندمأن
الحين شو اللي صار
حياتنا انقلبت فوق تحت والله صار شخص ثاني مب ريلي اللي أعرفه أحيانا ألومه واحيانا أبد ما ألومه لسسبيبن ريلي قبل كان مشستلبشس والحمدلله تعالج بسس أتوقع. باقي شوي آثار هاللبسسس والشي الثاني عصبي. وإيد وإيد بسسبه هرمانته اللي خربتهن الإبر والحبوب. ما ل العضلات بسس الحمدلله ودرهن الحين
بخبركم كيف استوى يعاميلني والله استويت أكرهه وإيد وإيد ليش استوى يمد أيده بشكل عدواني لدرجة أحيانا يبئ يحرقني ؤانا راقدة ولا يخنقني طبعا هذا بعد ما أكلمه فموضوع أوا إعاتبه أو أسسئله ليش سويت. وصلني لدرجة أساويت أخاف منه وإيد الشي الثاني يسسبني شسسب يوم يعصب. مب سسب عادي السب يكون أوفر بصراحةوصار ينبش.من وراي فوناتي يدخل المحادثات والسسوالف بين وبين ربيعاتي ويبئ يعرف كل صغيرة وكبيرة أسويها.استويت أخاف ومشستحيل افتح ولا أناقشة بأي موضوع لأن دائما نهياتها بنشسسب ؤانا الغلطامة يطلعني. استوى يمنعني أني اطلع أحيانا وي أهله ولا أهلي بحجة ولدي طبعا. وهذا غير علاقتنا اللي عالفرأش متوترة وإيد لأن ما يقدر رئتحكم بسرعه اقذف نفسسيته داون استوت وهشي من 9 شهور وبسس يفكر وقتها براحته ؤانا ظز فيني
واللله اللي حارق قلبي وقاهرني يوم أتذكر إن غ شيء يمد أيده ويسببب واطلع أنا الغلطانة وما أقدر أناقشه بأي موضوع حتى لو موضوع خيانة ويليئيئته يعتذر مني عقب لا واللله كلمة أسف من شهور ما شسمعتها.
الله يسسأمحه والله خلاني أكره كره وخلاني أخاف منه وإيد واحاول أني اتحاشاه واسو واجباتي صوبه كواجب بسسس مب من خاطري
صعب أني إطدخل أبوي فلموضوع أبوي وإيد مدلعني وع طول بيقولي. ما تبينه واطلقي إذا عرف بلموضوع الللي عايشتنه ؤانا صابره عشان. ولدي

نصحوني. الحمدلله دائما أصلى وادعي وعفكرة ريلي بتكون عنده دورة أول 12 شهر وي الدوام وبتكون طويله 7 شهور يروح 40 يوم وينزل أسسبوع

خواتي والله ما عندي حد شكيله من بعد الله غيركم
وترى اللي بتقولي جربي اادلعي وسوي. والله ما شيء ما سويته ه

سوري
طولت عليكم و الكلام متخلبط أكتب من البي بي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الغاوية22]

الغالية عليج بالصبر والدعااااء واعتقد اللي يحب ما يكره بس هي فترة وبتعدي باذن الرحمن .... استغفري الله دوووووم وحاولي تقرين سورة البقرة كل يوم ... عن تجربة شخصية صدقيني بترتااااحين والله يهديه ويصلح باله ... قومي الليل واجتهدي بالدعاااء بتتغير حياتكم باذن الله للاحسن .


قال الله تعالى ..((ولا تقنطوا من رحمة الله ))

[رضاك يارحمن]

عامليه بنفس الاسلوب عسبت يحس!
و حصني عمرج

[فتاه صابره]

ربي يعييييييييييينج خيتي

[الحنانـ]

السلام عليج فديتج

الله يصبرج و يكون في عونج و يهونها عليج رب العالمين

لو انتي تبغينه و تبين حياتج معاه هذا شئ ولو انتي ما تبينه و حاطة ولدج السبب هذا أمر ثاني

لا تخلينه يحس مالج بالدنيا احد يدافع عنج و يحميج ... لو هاشي صار فيه تمادي من صوبه فانا افضل تدخلين أبوج و اخوانج في الموضوع بس تفهمينهم انج تبينه و ما تبين تنفصلين و يحاولون يتعاملون معاه بسياسة تهديد لكن مش فعل يعني مثلا يقولون له انه لو ما حافظ عليج بياخذونج و ما بيردونج له

صدقيني خيتي لو يبغيج و يبغي عيشته معاج بيتغير ولو بايعنج لجل غيرج بيتركج
صدقيني محد بيخسر بس تمسكي بولدج إلا هو ... و خليه يجرب الي يكلمهم عسب يعرف الفرق بينج و بينهم و خليه يمكن يرتاح معاهم و يمكن ما يقدر يستغئ عنج انتي و ما يخليج


هذا رأيي لكن حاولي تستشير ين متخصصين و شوفي شو رأيهم يمكن يكون لهم رأي افضل


و الله يرزقج راحة البال و سعادة و يرزقني مثلج و يرزقها للجميع يا رب


الحنانـ

[خواطر هايمه]

يحرقج !!

انا والله لو مكاااااااااانج مستحيل ايلس معاه بغرفه وحده وين يبا يبا يخنقني ويحرقني ويجتلني اذ هو مايباني اهلي يبوني اهلي مازوجوني عشان اتعذب وانجتل فديتج سمعي كلامي اذ سالفة طولت اكثر من جي رمسي ابوج خل يرمسه يمكن بيحترمه وبيسمع كلامه وانتي دوم حطي سورة البقره في حجرتج وخاصة لما هو بيرجع من دوام حطي ها سورة وروحي سوي شغلج خلي ريلج من كثر مايسمعها يحفظهاا يمكن الله يهديه والله يكون ف العون حبيبتي ويحميج ويحرسسسج ويحفظ لج ولدج ويهدي ريلج ياربي

[أم راشد العين]

الاسباب واضحة لتصرفاته
والعلاج بالرقية الشرعية
اقنعيه او حاولي تخلين أي حد يقنعه بالرقية الشرعية
الله يشفيه ويهديه

[شموخي ذابحهم]

الله يهديه ويصلحه يارب ويصلح ازواجنا عليج بدعاء وقراء سوره البقره هدي عين اكييد وتحصني حبيبتي

[azaf2000]

الله يصلح بينكم والدعاء والصبر لن الحياة الزوةجية تمر بمحكات قوية لمدة 5 سنوات بعدها الكل يتعود على طباع الاخر

[letter_S]

يبئ يحرقني ؤانا راقدة ولا يخنقني

اذا فعلا هالكلام صدق ومافيه مبالغة.. ردي عند اهلج لين "يتعالج"
يا ياخذج باحترام او صدقيني ما تبينه

[حرمة حمد]

أول شي لاتتسرعين ف قراراتج حبيبتي
انتي قلتي"ريلي قبل كان مشستلبشس والحمدلله تعالج بسس أتوقع. باقي شوي آثار هاللبسسس">>يعني يمكن ريلج مب ف وعيه ومب حاس باللي قاعد يسوييه!!
لأن الشخص اللي فيه مس أو سحر وهو يصلي يتحرى عمره يصلي بس هو لا اتخيلي!!هو مايحس بس اللي حوله يشوفون ,اللي أبا أوضحلج إياه إن لو بعده ريلج فيه مس مب حاس بعمره ومب ف وعيه ويضربج ويحرقج بس هو مب حاس اللي فيه هو اللي يضرج ومن جي هو عصبي بعد

أهم شي الأذكار وحصني نفسج وشغلي سورة البقرة كل يوم ف البيت وانتي اقريها كل يوم فايدتها عظيمة بتشوفين وايد أشياء وحياتج وايد بتتغير بإذن الله يوم بتقرينها لاتقولين طويله ووايد وماقدر اللي يبا يرتاح لازم يتعب
واتّبعي حديث الرسول صلى الله عليه وسلم في حديثين صحيحين

( أقرؤوا البقرة، فإن أخذها بركة وتركها حسرة ولاتستطيعها البطلة " أي السحرة " )

( إن الشيطان ينفر من البيت الذي تقرأ فيه سورة البقرة )

ف فيها بركة وحماية من كيد الانس والجن والشياطين
وخلي إيمانج بربج قوي احسني الظن فيه
والشخص اللي جريب من ربه عمره مابيضيع
وتوكلي ع الله محد بيفرج همومج غيره
واستغفري وااايد واتصدّقي الصدقة ترفع البلايا
وصلي قيام الليل وادعي وظهري كل اللي ف قلبج
إقري آية الكرسي إقريها أول ماتنشين وقبل ماترقدين
وسيري عند كل زاوية ف غرفتج إقري آية الكرسي>>إذا سويتي جي الملائكة تطرد الشياطيين وتحرس الغرفة

عَنْ أَبِي هُرَيْرَةَ رضي الله عنهقَالَ وَكَّلَنِي رَسُولُ اللَّهِ صلى الله عليه وسلم بِحِفْظِ زَكَاةِ رَمَضَانَ، فَأَتَانِي آتٍ فَجَعَلَ يَحْثُو مِنْ الطَّعَامِ ... قَالَ دَعْنِي أُعَلِّمْكَ كَلِمَاتٍ يَنْفَعُكَ اللَّهُ بِهَا. قُلْتُ: مَا هُوَ؟ قَالَ: إِذَا أَوَيْتَ إِلَى فِرَاشِكَ فَاقْرَأْ آيَةَ الْكُرْسِيِّ } اللَّهُ لَا إِلَهَ إِلَّا هُوَ الْحَيُّ الْقَيُّومُ{ حَتَّى تَخْتِمَ الْآيَةَ، فَإِنَّكَ لَنْ يَزَالَ عَلَيْكَ مِنْ اللَّهِ حَافِظٌ، وَلَا يَقْرَبَنَّكَ شَيْطَانٌ حَتَّى تُصْبِحَ.

فضل أية الكرسي :

* هذه آية أنزلها الله جل ذكره وجعل ثوابها لقارئها عاجلاً واجلاً .
فأما في العاجل
* لمن قرأها فى زوايا بيته الأربع تكون للبيت حارسة وتخرج منه الشيطان .
* لمن قرأها على منزلة قبل السفر فمنزله فى حفظ الله من السرقة ومن كل المصائب .
* لمن قرأها ليلا خرج الشيطان من البيت ولايدخله حتى يصبح، وآمنه الله على نفسه وجاره وجار جاره والبيوت التى حوله .
* و هي لمن قرأها فى الفراش قبل النوم لنفسه أو لأولاده يحفظهم الله لا يقربهم شيطان حتى يصبحوا ويبعد عنهم الكوابيس والأحلام المزعجة .
أما فى الآجل
*لمن قرأها دبر كل صلاة يتولى قبض روحه الله ذو الجلال والإكرام.


وقولي كل يوم الصبح والمسى 3 مرات
"بسم الله الذي لا يضر مع اسمه شيء في الأرض ولا في السماء وهو السميع العليم">>>حمته من كل ضرر ، وكفته فجأة البلاء ، ولا يضره شيء.
وفي رواية ابن حبان:« من قال حين يصبح : بسم الله الذي لا يضر مع اسمه شيء في الأرض ولا في السماء وهو السميع العليم ، ثلاث مرات ، لم تفجأه فاجئة بلاء حتى يمسي ، وإن قالها حين يمسي لم تفجأه فاجئة بلاء حتى يصبح ».


وثقي بالله وتوكلي عليه فهو أرحم الراحمين
لاتفقدين الأمل وخلي أملج بالله كبيييييييير
وخلج قويه دام ربج وياج
حطي ف بالج كل شي يستوي للشخص يكون خير له سواء ضره هالشي أو نفعه,انتي قولي ف خاطرج الله بلاني وأكيد هالشي خير لي>>يعني اتفائلي
يمكن تتقربين لربج أكثر من هالموضوع اللي استوالج ويمكن الله يبا يسمع صوتج وانتي تدعين!!
وبعد الله يبلي عباده اللي يحبهم

وأخيراً ...ودوا ريلج عند مطوع وعالجوه لاتخلينه جي لأن إذا خليتيه بتتعبين واثنينكم بتتضررون
خبري أبوه"عمج"أو إخوانه خل يودون أو اييبوا مطوع البيت يقرا عليه بس لازم تخبرين حد يساعدج وإذا ماحصلتي حد خبري أبوج وإخوانج يودونه المهم يتعالج
بالعكس هو ف هالوقت محتاجنج أكثر من أي وقت ثاني لازم توقفين وياه وتساعدينه يتعالج

كل شي علاجه بالقرآن المس,السحر,المرض,المصايب,الضيج,كل شي كلللللللل شي

واصبري واتحملي مأجورة إن شاء الله
قال تعالى:

{وَبَشِّرِ الصَّابِرِينَ}
{وَجَزَاهُمْ بِمَا صَبَرُوا جَنَّةً وَحَرِيرًا}
{وَالصَّابِرِينَ فِي الْبَأْسَاءِ وَالضَّرَّاءِ وَحِينَ الْبَأْسِ أُولَئِكَ الَّذِينَ صَدَقُوا وَأُولَئِكَ هُمُ الْمُتَّقُونَ}

أدري إني طولت عليج وردي روحه استوى موضوع وطويل خخخخ
بس أتمنى إني فدتج وساعدتج وخففت عنج

ودعوه منج تكفيني
تقبلي مروري

[أم زمرده]

سبحان الله وبحمده سبحان الله العظيم

[mayat]

الله يهديه

[فدوتك هالعمر]

السلام عليج الغاليه لظاهر من كلامج انه كان وايد يعتذر ويحاول يرضيج واظن هالشي خلاج تتمادين بالزعل لين ما حس ريلج ان كل مره هو يعتذر
حاولي الغاليه انج تتعتذرين منه وتحسسينه بحبج وحنانج وانشالله الله يصلح بينكم ويسعدكم نصيحه لاتخربين بيتج حاولي بكل الطرق انج تحافظين ع بيتج وريلج وولدج
والسموحه منج

[الأصالة]

الله يهديه ويشفيه

يمكن فترة الدورة يتغير

ادعي رب العالمين يهديه ويصلح حاله