اقدر ااجل دراسة ولدي اللي بك جي 2 لسنه اليايه

[محظوظه&مبروكه]

مراحب

ولدي نفسيته دامره مب حابالروضه مع انه المس عسل ودرست كل عيالي

الاسبوع اللي طاف قعد يدورني بالروضه ويصيح ابا امي متعلق فيني فديته والله انه اخذته من الروضه وصوته مبحوح والله ما يطلع واذا طلع صوته يكون مشروخ غيبته وداوم الاحد وبعده يصيح مادري كيف اتصرف معه

فقلت هالسنه بخلليه بالبيت وهو ما شاء الله يحفظ بعض السور ويعرف يعد ويمسك القلم زين

والسنه اليديده بعيد له كي جي 2 مع العلم سنه مناسب للروضه4سنوات و8 شهور
من مواليد 13 -2-2008

حاولت معه كل الطرق ولا فاد
والله محتاره شورن علي

المزيد من آخر المواضيع من نفس القسم:

• مادة تربية جنسية
• اعادة ثانوية العامة في الامارات
• اتمنى لجيمع الطلاب التوفيق في الامتحانات...
• معلمة فلسطينية
• بنات ساعدوني هل اقدر أعيد ثانوية العامة ؟
• اعادة ثانوية العامة في الامارات
• ادور على مدرسة
• أسويلكم بحوث تقارير وغيره
• ايش رأيكم في مدرسة الدوحة؟
• بحوثات وتقارير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[محظوظه&مبروكه]

41 مشاهده ولا رد

انزين كلمه ولو جبر خاطر

[shereensar]

السلام عليكم ورحمة الله وبركاته
اختي انا ابني مالقيت له اي مدرسة فيها شاغر بابوظبي ابني kg2
من بداية العام الدراسي ابني عندي بالبيت وانا عندي منهاج الروضه وادرسه بنفسي والحمدلله اموره ماشيه
والحين عمره 5 سنوات
السنه الجايه بدخله اول انشاء الله
وانتي تابعي ولدك بالبيت ودرسيه وانشاء الله ربي يوفقه والسنه الجايه بيكبر ويدش صف اول على خير

[دلوعه حمودي]

فديته ربي يحفظه قوليله بخد لك هدايه لو سرت الروضه الله يعينج

[محظوظه&مبروكه]

shereensar

والله بعدهم صغارعالشقى حتى اللي عمره 5 سنوات احسه صغير على صف اول

دوام طويل ودراسه مكثفه وهو بعده بصف اول صعب عليهم

والله افكر اني اقعده بالبيت هالسنه والسنه القادمه بدخله كي جي 2


دلوعة حمودي

والله سويت كل شي وامس صدمني يقول انا بيبي ابي ارضع!!

يقصد من صدري

واذا رحت من عنده يتمسك بهدومي ويدور معاي وين ما اروح

[أم كنه]

خواتي شو تقعدون عيالكم فالبيت ؟؟؟ كنا نقدر نعلمهم فالبيت !!!

قرار السنه اليايه بيتحاسب ولي الامر اذا عياله مادخلوا مدرسه وكان عمر الطفل اعتقد 6 او 7 تاكدوا من هالقرارات في مجلس ابوظبي للتعليم

اختي ولدج يدلع لانه اخر العنقود حتى لو كان يحفظ ويعرف لازم تعودينه لانه بيسوي لج نفس الموال فكيجي تو وشو بيكون الحل في نظرج هل يلسته فالبيت هي الافضل ؟؟

من تجربتي اشوف كيجي ون مهم جدا للطفل يتاسس فيه لانه كيجي تو يعتمد على كيجي ون وطبعا زياده القراءة لازم يتعلم

التعليم فالمدرسه مش مجرد ارقام وحروف وقران خواتي

المدرسه يعلمونهم وايد اشياء رياضيات علوم بس بطريقه مبسطة ولعب ومرح علشان مايمل الطالب



shereensar

اختي كيف مافي شواغر فبوظبي ؟؟

مدرسه بنتي لين شهر 9 كانوا فاتحين التسجيل واعلانات فالجريده حاطين ..واكيد في مدارس ثانيه فيها تسجيل ..اصلا اذا حد رفض الولد المفروض كنتي تروحين مجلس ابوظبي للتعليم وتخبرينهم بيخبرونج اي مدرسه متوفر فيها شاغر حتى لو حكومي

[shereensar]

اختي ام كنه
كي حالك اختي لو سمحتي شو هي مدرسة بنتك والله العظيم دورت كل المدارس داخل ابوظبي وما حصلت شاغر كله وعود على الفاضي ولغاية الآن جالس عندي بالبيت وروضات حكومي ما يدخلوه لان نحن وافدين
ولو سمحتي لو رحت المجلس اسال مين بخصوص هذا الموضوع
اشكرك اختي على تفاعلك الطيب

[محظوظه&مبروكه]

هو متعلق فيني اكثر من انه يدلع

ازين هو عمره اللحين 4 سنوات و8 شهور وبكي جي 2 يعني بيدخل صف اول وعمره اقل من الست سنوات

حاولت انهم يدخلونه كي جي ون مارضوا ودخل على طول لكي جي 2

براجع مديرة الروضه وبشوف العيال بسن كم يدخلون لصف اول اذا ست سنوات بعيدله الكي جي تو وهالسنه يقعد بالبيت

عيالي كلهم دخلوا كي جي تو وما شاء الله مستواهم ممتاز بالمدرسه

[محظوظه&مبروكه]

خواتي انا ما قلت بقعده بالبيت بس بأجل هالسنه والسنه القادمه بدخله كي جي تو واللي عقبها اول ابتدائي

الليعندها علم بها الامور تفيدني الولد ماله رغبه ابد تعب وتعبني معاه

[غزالة فرعونية]

الغالية الله يحفظ ولدك الروضة مهمة للنضج الاجتماعي مب بس تعليم الاختلاط مهم للطفل فهالعمر وصدقيني يلسته فالبيت ما بتفيده

[saly_980]

انا راى الشخصى انك تكملين معه فى المدرسة لا تسمعين كللامه لازم يتعود على المدرسة لان هاتين السنتين هما اساس المراحل القادمة هو بيدلع مهما يسوى روحى مرة معاه ومرة اتركيه وهكذا الا ان يتعود لكن لا تتركيه فى البيت وتدرسيت له مهما كن التدريس فى البيت المدرسة هى عالم اجتماعى مخصص للاطفال او المراحل الاخرى لازم يتعود على المجتمع المدرسى حتى تستطيعى تكوين شخصية سليمة فى المستقبل فاخطر مرحلة لتكوين الشخصية هى من عمر 2 الى 5 سنوات لاتحسبينه صغير انا عندى نفس السن ونفس الكلام لكن بتجاهل كل التصرفات حتى لا ياخذها اسلوب ضغط وبالتالى بتندمين قوى قلبك شوية واستحمليه فالجنة تحت اقدام الامهات ازرعى شخصية سليمة
والله يكون فى عون كل ام لديها صغار وكبار

[ساس الوفى]

نصيحة خليه يسير ويتعود ويتعلم والله أعانه ولدي دموع وكله معاي من دخل الروضة اول أسبوعين كله صياح و عقب تعود وبروحه يسير لا شبعى سنه على ولج

[محظوظه&مبروكه]

الله المستعان بحاول اضغط عليه وعلى عمري بعد

[ملكة الاحاسيس]

بنتي كي جي ون عمرها ثلاث ونص
تحب تروح لكن متعبتنب بنشه ااصبح وصياح ااصبح تبي تنام مع اني انظم رقادها مرات يجيني نفس شعورج اقول بدري عليها وصغيرة واحسها صج مب مستوعبه الكي جي ون
تعلمت اشياء حلوة بس ماتهتم باوراق الواجب المنزلي

[أم كنه]

shereensar
الغاليه بنتي في اكاديمية الشيخ زايد ..الحين ماعتقد التسجيل مفتوح بس جربي حظج

بالنسبه للوافدين الحين صاروا فالمدارس الحكومية ينقبلون