ليتني ماشفت المسجات

**دلوعة قلبهم** · 2012-09-26, 09:38

السلام عليكم و رحمة الله وبركاته

شحالكم

بنات امس وانا طالعه مع ريلي
كان مخلي فونه في السياره وهو نازل

شفت مسجات واصله ومسيف الرقم باسم ولد
طلعت بنت تقوله الله ينتقم منك ومن زوجتك بهدلت بنت عمي ومن هالكلام و هو يرد يقول انا ما سويت شي هي خانتني و انا اسف ومن هالكلام كنت مصدومه و لما واجهته قالي ناس حساد و قال اسمه معاذ مب ميعاد قلت له اقرى الاسم عدل و سكت وقالي انتي مب واثقه تم يبرر ويقول ربيعه بالدوام هو اللي ما خذ فونه ما صدقته مع العلم نفس الوقت كان هو يرمسني متى ربيعه بياخذ الفون من دون علمه احس الدنيا اسودت ف عيني ما قمت اطالعه ما احب ايي صوبه تم يصيحو يحلف بس احس في شي انكسر داخلي
ما اعرف اصدقه ولا مع العلم اني حامل و كنت اصيح امس طول اليوم و هو كان مضايج و يحاول يبرر الموقف و يعتذر

ساعدوني

المزيد من آخر المواضيع من نفس القسم:

**мαнαяi** · 2012-09-26, 09:57

سوري بس ريلج جذاب .. جذبة : "ربيعي كان ماخذ فوني" استوت جديمة
ولا تعطينه فرصة يبرر الموقف ، هو لازم يعترف بخطأه ويعتذر !!

**ضناني الشوق** · 2012-09-26, 10:36

لا حول ولاقوة الا بالله

ابصراحه لاتزعلين من كلمتي الرياييل كلهم جي سبحان الله مايملي عينهم شيء ابدا
حتى اللي متزوج لازم يخون يعني ابصراحة صدق قهرررررر ما اعرف شو هو الدليل
الي يخلي الرياييل جي في شي

كلامه كان جذب و لا تضايقين لانه انتي شفتي و قريتي ف عينج شو ربيعه مايقدر يعني
اييب تلفون مثلا صدق تفاهه

ازعلي وحاولي انج ماتكلمينه خليييييه يحس فيج تفاهمي معاه بينيله انج انتي كل حد
يتمناج و لا تسكتين عن حقج ها ريلج ومن حقج مثل ما هو له الحق عليج

وحاولي تغيريين روتين حياتج بكل شي يعني لاتتعودين على اللبس الي لابستنه
حاولي تسوين كل شي و اتعدلي يوميا حاولي

و الي دعت عليج بينرد عليها لانه انتي مالج ذنب

الله يكون ف عوونج يارب

**غرشوبة ال غرشوب** · 2012-09-26, 10:37

الله يهديه ويسخره لج . .

ادعي له بالهدايه

**ورقة ناعمة** · 2012-09-26, 10:39

الغالية مب كل شي ينكتب او مسج نشوفه خلاص نحكم على كيفنا ونحكم من خلال تصرفاتهم انتي خليج واعية ومتفهمة

وخلي عقلج براسج والمسج هم طرشوه مب ريلج وين المشكله وبعدين في ناس تحب تخرب وتهدم بيوت وخاصة غيرة بعض

الاقارب ,, اختي لاتضايقين عمرج وتاثرين على طفلج اللي ببطنج عشان مسج انكتب ترى النفسية تلعب دور كبير بالطفل

اهتمي بنفسج وبحملج وبريلج والشيطان شكله يلعب براسج تعودي من الشيطان واقري الاذكار ومافي شي يستاهل عشان

الواحد يصيح طول اليوم ,,, وادعي لريلج بالهداية واستقري وحافظي على بيتج وابعدي عنج الوسواس ....

ربي يحفظكم لبعض .

**cute uae** · 2012-09-26, 11:33

المشاركة الأصلية كتبت بواسطة غرشوبة ال غرشوب

الله يهديه ويسخره لج . .

ادعي له بالهدايه

**ضحيه زماني** · 2012-09-26, 12:18

الله يهديه يارب

**عروس دبي 20** · 2012-09-26, 12:30

المشاركة الأصلية كتبت بواسطة ورقة ناعمة

الغالية مب كل شي ينكتب او مسج نشوفه خلاص نحكم على كيفنا ونحكم من خلال تصرفاتهم انتي خليج واعية ومتفهمة

وخلي عقلج براسج والمسج هم طرشوه مب ريلج وين المشكله وبعدين في ناس تحب تخرب وتهدم بيوت وخاصة غيرة بعض

الاقارب ,, اختي لاتضايقين عمرج وتاثرين على طفلج اللي ببطنج عشان مسج انكتب ترى النفسية تلعب دور كبير بالطفل

اهتمي بنفسج وبحملج وبريلج والشيطان شكله يلعب براسج تعودي من الشيطان واقري الاذكار ومافي شي يستاهل عشان

الواحد يصيح طول اليوم ,,, وادعي لريلج بالهداية واستقري وحافظي على بيتج وابعدي عنج الوسواس ....

ربي يحفظكم لبعض .

كلام الأخت صح

**مس ستايل123** · 2012-09-26, 12:38

ماعلييه تعوذي من ابليس ولا تتهورين وتتصرفين اي تصرف
خلج راااااايقه جدامه وطنشيه بس لا تغلطين عليه فالكلام هنييه بروحه بيصغر فعين عمره
السب والكلام الزايد ما منه فايده

يمكن في نااس تبا تخرب ,, عيال الحرام وايدين

**بدون نك نيم** · 2012-09-26, 12:47

الله يهديييه يارب
كل الرياييل جيه مايترس عيونهم الا التراب والرخيصات

الله يكفينا شرهم يارب

**ss91** · 2012-09-26, 12:59

الله يهديكم بنات شو هالردوود ؟؟؟

استغفري ربج واستعيني به
و دامه اعتذر وتم متضايق عشانج
ها يدل انه يعزج و ما يستغنى عنج

**زيباشو** · 2012-09-26, 13:12

ما دام صاح واعتذر
سكري على الموضوع واستغفري ربج
اتصير
انا مريت بهالموقف حتى كتبته أهني فالمنتدى
شفت مرة في الرسايل المرسلة فموبايل ريلي مسج " انا حمد اتصلي" مع اختلاف حرف واحد عن اسم ريلي
واجهته ضحك وقالي ها ربيعي ما كان عنده رصيد شل موبايلي وطرش حق خطيبته

بسبب هالمسج دخلت في دوامة الشك لكن صدقته لان الاسم مب اسمه وانتهى يعني ما في دليل وحرام نظن السوء بدون اي دليل
وانتي اللي عندج مسج وهو حلف لج وصاح وها دليل برائته اذا كان غلطان كان بيعصب ويطنشج

**نانوني** · 2012-09-26, 13:19

فديتج لا تضايقين ولا شي
الريال اعتذر وندم لو هو مسوي صدقيني بياخذج بصوت يعني بيصارخ وبيعصب علشان انتي تسكتين...
اهدي وارجعيله لا تنسين انتي حامل وبعدين ريلج لكن احذري راقبيه عطيه مهله راقبيه فيه اذا انتي الشك ذبحج لكن اذا راي اقولج الريال برئ لان لو مسوي اقل شي باسورد على تلفونه علشان محد ينبش في تلفونه صح
الله يهديكم لبعض يارب...

**Unkonwn** · 2012-09-26, 13:22

لو انا مكانج اختي باخذ الرقم و بكلم الحرمة!
و بشوف شو الموضوع وشو سوا ريلي لان الريال صعب جداً يقول شو سوى خصوصاً لو غلط, وانتي تقدرين تصلحين الغلطة و اهم شي كلمي الحرمة لان الصدق بيكون منها.
وانتي مالج ذنب في الموضوع لان كل شي صار من وراج ..

**روضه123** · 2012-09-26, 13:29

الله يهديه؟،،،،،،،

الموضوع: ليتني ماشفت المسجات

أدوات الموضوع

عرض

ليتني ماشفت المسجات

المزيد من آخر المواضيع من نفس القسم:

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

رد: ليتني ماشفت المسجات

المواضيع المتشابهه

شعري بعد ماصبغه ماشفت الا ..........

اروع ماشفت في الفيسبوك ...حياكم

ماشفت مثل روعة هالفستان واناقته

أنا ماشفت غرف بهالجمال