حبيبي طلعت لي قروووون

**طموح دبا** · 2012-09-25, 00:52

السلام عليكم ورحمة الله وبركاته الطيبات ..اتمنى اكون ضيفة خفيفة عليكم..

أنا بنت عمة راعية النك . وشكيت لها حالي ، ونصحتني اسجل فهالمنتدى الرائع... وسجلت بس بعده ما صار تفعيل لعضويتي... فاستخدمت النك نيم مالها وباذن منها لأني خلاص بنفجر

قبل كل شي شخصيتي حساسة وأعصب بسرعة.. بس حاليا قاعدة اسوي كونترول على هالطباع وخاصة مع زوجي.... وهنا المشكلة...

زوجي.

... قبل اي شي وعشان ماحد يسألني ، أنا موظفة وبعد زوجي موظف .. تقريبا أنا وياه نفس الراتب... لكن الفرق الوحيد بيني وبينه انه هو عليه ديون وانا ما علي...حلوو

بعد في شي ، أنا موظفة قبل لا أتزوج .. وزوجي ما شرط أني أودر الوظيفة..

الحمد الله متعاونين وأساهم معاه فالمصروف.. تقريبا نص بنص،، فهمتوا؟.

الحين بخبر كم بالشي اللي خلاني انفجر واكتب ها لموضوع عسى ألاقي رأي ..

زوجي ما دري كيف صائر ، يعني من خذته لليوم وهو كل ما صارت مشكلة بينا حتى لو بسيطة ، يبدأ يهاجمني هجوم ما احس انه اللي جدامي زوج، يحسسني انه واحد غريب وحاسد.
لو اتصل لي وما رديت عليه يقول" هيه انتي ما عليج ديون وسيارتج احسن من سيارتي عسبت جيه ما تبي تردي علي" ... مثال ثاني>> زوجي دفش ويأخذ راحته فالكلام لو كنا طالعين برع يعني الكل يسمع سوالفه، بس من اقول له حاول تسوي كنترول على أفعالك وكلامك ونبرة صوتك إحنا فالسوق يرد علي" هيه أنتي سيارتج احسن من سيارتي وما عليج ديون وعشان جيه ما تبيني أخذ راحتي فالكلام"" آآآخخخخخ

بموووووت بنفجر... تدرون ليش بنفجر!!!!

أساعده بالمصروف وما امن عليه ،،، بس كل ما صارت سالفة صغيرة طرالي سيارتي وانه ما علي ديون....

يعني لين متى لين متى؟؟؟

استغفر الله العظيم،،، شو الرأي؟؟؟ ليش برأيكم هو يسوي جيه؟ وشو اللي اقدر اسويه عشان ما يكرر علي هالكلام المزعج؟؟؟؟؟

المزيد من آخر المواضيع من نفس القسم:

**ركروكة راك** · 2012-09-25, 01:08

قولي له قل اعوذ برب الفلق في ويهه وقولي اذا تبي اودر الشغل بودره لا تيلس تحن فوق راسي
عفان الله مادري شو اقولج بس الحنه الزايده ما منها فايده اخوي طلع سياره يديده ولي عنده بدوام حنو عليه بيع وبيع
مع انها متوفره بكل مكان وما كملت شهر وتكنسلت تكنسيل ..
بس شكله ريلج يغار منج قولي له شو اللي يرضيك يعني تبيني اتسلف ودين عشان ترتاح؟؟ تراني الحمدالله اساعدك بمصروف البيت ..
وفي النهايه لا تاخذين برايي لانه يتحمل الصواب او الخطأ ..

**طموح دبا** · 2012-09-25, 01:15

المشاركة الأصلية كتبت بواسطة ركروكة راك

قولي له قل اعوذ برب الفلق في ويهه وقولي اذا تبي اودر الشغل بودره لا تيلس تحن فوق راسي
عفان الله مادري شو اقولج بس الحنه الزايده ما منها فايده اخوي طلع سياره يديده ولي عنده بدوام حنو عليه بيع وبيع
مع انها متوفره بكل مكان وما كملت شهر وتكنسلت تكنسيل ..
بس شكله ريلج يغار منج قولي له شو اللي يرضيك يعني تبيني اتسلف ودين عشان ترتاح؟؟ تراني الحمدالله اساعدك بمصروف البيت ..
وفي النهايه لا تاخذين برايي لانه يتحمل الصواب او الخطأ ..

أودر الوظيفة! ما روم لانه زوجي مديون ومن كثر ما هو مديون ما يعطيني مصروف لي ولازم أساعده لانه العيشة غالية... أنا اقري الاذكار لكن أبا اعرف شو اللي مقصرة فيه عشان يحسدني ...

**ع ـيميه** · 2012-09-25, 01:20

أنزين أختي أسأليه .. قوليله انا بشو مقصرة معـااك عشان تسمعني هالكلام

قوليله هذا يـزآاي إنــي أساعدك بمصروف البيت وأعاونك وأنت تجازيني بهالكلام

بس لاتييبنه بأسلوب إنج تحسسينه بالإهانة

الله يهدي ريلج ويديم عليكم السعادة يارب

**مشاعر قلب** · 2012-09-25, 01:25

هلا

هذا غيران واضح وايد ريايل جيه مب هو بس
حاولي بالسياسه تغيرنه وتفهمينه ان الحال واحد ومابينكم فرق وانج تساعدينه مب مقصره ليش الحنه
الله يهديه

**طموح دبا** · 2012-09-25, 01:29

المشاركة الأصلية كتبت بواسطة ع ـيميه

أنزين أختي أسأليه .. قوليله انا بشو مقصرة معـااك عشان تسمعني هالكلام

قوليله هذا يـزآاي إنــي أساعدك بمصروف البيت وأعاونك وأنت تجازيني بهالكلام

بس لاتييبنه بأسلوب إنج تحسسينه بالإهانة

الله يهدي ريلج ويديم عليكم السعادة يارب

آمين وانا تحركت وما قعدت مكتوفة الأيدي والله أني مغيرة ديكور سكنا من حسابي ومن الجمعيات اللي أسويها بس ما دري شو بلاه؟ شو اللي يبا يوصل له؟

**طموح دبا** · 2012-09-25, 01:31

المشاركة الأصلية كتبت بواسطة مشاعر قلب

هلا

هذا غيران واضح وايد ريايل جيه مب هو بس
حاولي بالسياسه تغيرنه وتفهمينه ان الحال واحد ومابينكم فرق وانج تساعدينه مب مقصره ليش الحنه
الله يهديه

يعني سيارتي يستخدمها عااادي ما تغلا عليه وفلوسي بعد ما تغلى عليه لكنه ما يحب يتسلف مني ومع ذلك ها رده على كل كلمه أقولها ..

**ع ـيميه** · 2012-09-25, 01:36

انزين اختي أسأليه قوليله انت شو تبا بالضبط ليش هالكلام والحسد

يعني افهمي منه .. قوليله انا ماتعودت اسمع منك هالرمسه

قوليله ان مصروفكم وااحد وانا مب مقصره معاك بشي ولا اني اخق عليك بسيارتي

شوفي شو بيكوون رده

عسااه يرد ريلج الأولي ياارب

**so0ona** · 2012-09-25, 01:42

قولي له بترتاح لو صار علي وعلى السياره شيء. !
وقولي له بتفرح لو علي ديون !
يعني أنعيش أنا وانت مديونين وما نقدر نعيش حياتنا براحه.
يعني ناقشيه بهدوء وعطيه اسئله اجاباتها كلها بكلمة لا. خليه يفكر ويحمد ربه انج مب مديونه

**A+k** · 2012-09-25, 02:10

الريال اصلا بطبيعته مايحب حرمته تكون احسن عنه فاي شي

انتي تشتغلين وعندج سيارة احسن عنه وماعندج ديون ف يحس

انج انتي احسن عنه يعني يوم يقارن عمره فيج يحس انتي احسن عنه

فكل شي وهو مايسوى شي لانه مديون فانتي تصرفي معاه بساطة

ولاتحسسينه انه هو مايسوى شي لانه عليه ديون دوم شاركيه فكل شي

واخذي رايه حتى فابسط الامور عسب يحسن باهميته عندج

**أم راشد العين** · 2012-09-25, 02:20

الله يهدي ريلج ويديم عليكم السعادة يارب

**Ch3nel** · 2012-09-25, 02:28

لو تأخذين شور حد متخصص بالعلاقات و المشاكل الأسرية احس لانهم بيحصلولج حل يرضيج و يرضي ريلج

ربي يوفقكم

**نونة الدلوعة** · 2012-09-25, 02:28

دآيمآ الريآل مآ يحب يعيش بهالوضع مع زوجته
يحب يكون هو أعلى منهآ

تقريبآ كل الريآييل
مب حسسد
بس مثل مآ يقولون إن يبآ يتحمل المسؤولية ويبآ يصرف على البيت بس الظروف مآ سآعدته
ويمكن هو مب عآيبنه إنج اتسآعدينه وحآب يسوي هالشي روحه

وعن السيآرة
الريآل سيآرته هو زوجته الثآنية هههه
يعني أكييد خآطره تكون عنده سيآرة أحلى

خبريه إن هالوضع يضآيقج
وإن الديون مردهآ بتخلص وبيي يوم وبيشتريله اللي يبآه

يعني لآ تخلون هالموضوع يسوي حسآسية مآ بينكم
الله يهديه ويسخركم لبعض ^^

**عود منثور** · 2012-09-25, 02:46

اول شي ضحكت يوم قريت سالفه الصوت العالي
انا ريلي جي ويوم انبهه بأسلوب حلو بدون ما احرجه يعصب

+++++++++++++

انزين بالنسبه لمشكلتج
انا قبل كنت ما اتوقع او اصدق انه الريال وبالذات الزوج ممكن يغار من زوجته
او بمعنى اصح ما يحب تكون احسن منه مب بس فالمستوى المادي
احيانا يكره انها تكون مثقفه (ما اقصد الشهاده)
يعنى اما يحب انها تكون اذكى عنه او عندها معلومات ولغات هو ما يعرفها
مع انه هالشيء فمصلحته هو وعياله فالنهايه
وحتى انتى ماشاء الله تساهمين وتساعدينه وتخلينه يستخدم سيارتج ولا في بالج شيء
لكن هو يحس بالنقص ولهالسبب كل شوي يدخل هالموضوع فكل صغيره وكبيره
الله يعينج يوم بيفتح هالموضوع
قوليله الله يسامحك ما بناقش هالموضوع لانه قدرك اكبر من فلوس وماديات وانته لو بغيت اي شيء ما يغلى عليك
او اذا رد فتح الموضوع قوليله انا ما اكلفك فوق مقدرتك واحاول اساعد ليش انته كارهني لهالسبب
والله يعينج ويعينا جميعا
عيل ربيعتي كان مالج عليها واحد يتيم الاب ودايما يقولها ياحظج عندج اب ولا اذا صار خلاف بينهم يقولها طبعا لانه عندي اب جي تعامليني !!!

**ورقة ناعمة** · 2012-09-25, 07:40

الغالية الانسان الغيور مايتكلم او مايبين غيرته وهذا اللي تخافين منه لكن ريلج انسان تلقائي والدليل ان كم مره

يعيدلج نفس السالفة انتي خذيها بضحك وروح رياضية مافيها شي ومافي غيره بين الازواج انتوا زوجين يعني روح وحده

ومستحيل يغار او يحسد انسانه قريبة منه احيانا الواحد يتكلم ويطلع منه كلام لكن نياتهم غير وافعالهم بعد غير

انتي ماتعرفين منو الشخص الغيور او الحسود اللي يتمنى ان النعمة تزول من عندج يتمنالج الضرر والعياذ بالله وفوق هذا

مايبين عليه ولايتكلم عكس ريلج اللي بس يتكلم كلام فاضي وهذا نتيجة ضغط الديون

وترى الدين صعب الغالية في ناس تحسينهم مب طبيعيين وميانيين والسبب الدين وضغط الدين لانه يحس عمره مضغوط

ويبغي يحسن حاله ويكون افضل من ربعه واقاربه والشباب عندهم حب التنافس وخاصة بالسيايير وموضوع السيارة حب

قديم وطفولي عند اي رجل وتبين تتاكدين اكثر ان ريلج بعيد عن الغيرة جربي قوليله السيارة مب شغالة او ماتشتغل اختربت

شوفي كيف بيخاف عليج وعالسيارة ...وان شاء الله الله يدوم المحبة بينكم ,,,,

الموضوع: حبيبي طلعت لي قروووون

أدوات الموضوع

عرض

حبيبي طلعت لي قروووون

المزيد من آخر المواضيع من نفس القسم:

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

رد: حبيبي طلعت لي قروووون

المواضيع المتشابهه

الووووو.... حبيبي رقدت .... حبيبي حبيبي

اهئ اهئ طلعت .....

طلعت .....