مطلق.. وعنده عيال ...

[lollypop.84]

هلا صبايا شحالكم ^^
هاي اول مرة اكتب موضوع في هالقسم ...

بس صدق شفت الحيرة في عيون ربيعتي وقلت اشوف رايكم فالموضوع

موضوعي واضح من عنوانه ...

ربيعتي متقدم لها واحد .. اهله شايفينها ف عرس
متقدم لها مرتين على التوالي
وهي محتارة نوعا ما فالسالفه ...

صلت استخارة ... وكلت امرها لرب العالمين ومن ثم ولي امرها
البنت مب كبيرة ولا صغيرة ...
عمرها 28 سنة .. بنقول بعدها ... بس في عايلتها ... اللي تكمل فوق ال 25 ينظرون لها نظرة عانس وهالشي ماثر في نفسيتها...
والولد تقريبا 30 او 33

المشكلة بالنسبة لها مب فالعمر

المشكلة ان مطلق .. وعنده عيال بس مع امهم ..

مب متقبلة فكرة ان عنده عيال .. تخاف من المستتقبل والحساسيات بين العيال
بس نفس الوقت تقول هالشي لاهو عيب ولا هو حرام .. ومب غلط اذا وافقت

وغير جي يمكن الاهل يعترضون .... والعمر والايام تركض .. وخطاطيبها قلوا ...

حسيتها ضايعة الصراحة
نصحتها بالاستخارة واللي ربي كاتبنه بيصير ..

شو نصايحكم لها ؟؟
وهل اذا كنتوا في موقفها .. شو بيكون رد فعلكم ...


ومشكورين عالنصيحة مقدما ...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[انتحارالاحلام]

اممم الصراحه انا او مكانها بوافق وعادي العيال لو يوا بيتي بعاملهم شرات عيالي وحتى عيالي من يوم هم صغار لعودهم هذيل اخوانهم والعيال مالهم ذنب في طلاق امهم وابوهم واتوقع لو في شي جان مابترتاح عقب الاستخاره .. خليها تستخير ولو حست براحه توافق وتتزوج وتعيش حياتها تيب عيال تشارك ريلها حياته ويمكن احسن لها مطلق احسن عن العزابيه يمكن هيه ترتاح اكثر وهو بيكون عنده تجربة سابقه .. الله يوفقها ويسعدها

[مريم الكعبي ^]

لو كنت ف موقفها بتزوجه لانه الاهل بيتمون يرمسون وجي وعادي عياله بعتبرهم شرات عيالي بس الافضل ان ربيعتج تصلي الاستخارة

[munamoor]

اختي ربيعتج يعني مب صغيرة مثل ما قلتي عمرها ٢٨ و العمر يركض
مااشوف ان الريال اذا يخاف ربه و حتى لو عنده عيال راح يكون عارض بالعكس اذا الريال يخاف ربه خليها تتزوج و خاصة ان عمرها مب صغير عليها بالاستخارة و بالنسبة للعيال هم عند أمهم بس لازم تشوف طبيعة العلاقة بين الاب و العيال اكيد مثلا في الويك اند راح يكونون مع أبوهم فلازم تشوف عمرها اذا راح يضايقها هالموضوع و الا لا

و بصراحة تأخذ لها أرمل او مطلق و لا انها تكون زوجة ثانية بس لازم تتأكد من أخلاقيات الريال و تعرف سبب الطلاق عسب تتفادى هي هالشئ

[ع ـيميه]

بنظري أشوف أن الوضع عادي .. إذا الريال صاحب دين وأخلاق ليش ترفضه عشان العيال



أهم شي الاستخارة كلامنا لا بيجدم ولا بيأخر
الله يكتب اللي فيه الخير

[الجوري 44]

لو في مكانها بوافق

[بحور-الشوق]

أول شيء الله يوفقها و إذا هو من نصيبها بتآخذه ,,, أهم شيء الأخلاق الرجل المطلق ما يعيبه شئ ، ففشل التجربة الأولى مش يعني أن الرجل سئ و من حقها لو حابه تعرف و تسأل كل من حوله عن أسباب الطلاق وهل هو السبب أم زوجته هي السبب و لو فرضا اليهال عنده وين المشكلة تهتم فيهم و تربيهم و أجرها عند الله و بالعكس بتكبر في عينه

[روضه123]

عادي حبوبه اهو قريب من عمرها ومر بتجربه فاشله وخلها تستخير وتسال عن الريال عدل واذا ارتاحت خلها توافق يمكن يكون اهو نصيبها اللي بيعزها وبيرزها وبيكون لها عون وسند لا توقف مصيبها عشان تجربه مر فيها من رايي اذا الريال اوكي تتكل علي الله وتوافق

[زوجة الملازم]

الله يقدم اللي فيه الخير
وما خاب من استخار..
اهم شي تنشدون عن الريال
ولو تعرف اسباب طلاقة زين بعد

[Ch3nel]

الاستخارة

و ما خاب من استخار و ربي يوفقها

[ام عنوده]

ربي يدلكم على الخير
صلو استخاره

[Tomy al 3sl]

لو انا منها .، بعرف سبب الطلاق ها اول شي

ثاني شي بشوف اذا طليقته معرسه ولابعدها اذا ع ذمت واحد ثاني بوافق واذا حره ماعندها ريل مابوافق عجان أتأكد انه مابيردلها خخ

وعياله فوق العين والراس
من وجهة نظري وطبعا بستخير ..^^

[روح اخوها]

انا لو فمكانها
من بعد الاستخاره والسؤال عن الريال
بوافق ..
ما فيها شي لو كان مطلق وعنده عيال
مب احسن من معرس وهي اتكون الزوجة رقم 2
واتشاركها فيه وحده ثانيه
جي احسن .. حاله حال العزوبي .. اللهم الفرق انه هذا عنده عيال
وهاكي لا .. يعني مسؤول عن نفقة عياله مب عن حرمة ثانيه
خليها تتوكل على الله
ودامها استخارت
ان شاء الله ما بتخيب
^^

والله يوفقها

[hamoudmam]

بنظري أشوف أن الوضع عادي .. إذا الريال صاحب دين وأخلاق ليش ترفضه عشان العيال



أهم شي الاستخارة كلامنا لا بيجدم ولا بيأخر
الله يكتب اللي فيه الخير

[ورقة ناعمة]

ليش كم عمرها ماقالت 82 لازم تسال عن الريال اكثر ولازم تعرف شو سبب طلاقه من الاولى

وبالاول والاخير تستخيير ,,, وصراحة ردود غريبة لو انا مكانج بوافق ليش كبرتوها وتحسسون الوحده كانها خلاص

مافي امل اذا فاتها حتى لو مب زين اهم شي ريل وخلاص حتى لو الوحده عمرها 90 سه الزواج عشره ومسؤلية

ولازم نحسن الاختيار مب نركض ونختار على كيفنا عشان اونه القطار ..........