وصلت للنهاية ،،،، و ام زوجي ذبحتني و مات جنيني بسببها

**المغتربة** · 2012-09-21, 12:58

السلام عليكم

انا ما لجأت للمنتدى الا بعد ما تعبت من الكتب اللي قريتها عن الزواج و الرومنسيات ........ الخ
ادور ع حلول ولكن ما اقدر

من يوم ما عقدت قراني ،، الا و ام زوجي تتدخل في كل شي ،، لدرجة يكون في سر بيني؟؟
هو يقولي انتي تخبرينها بكل اسرارنا وانا اقوله انت تخبرها بكل اسرارنا ؟ كان تتسمع و تتنصت و تسأل و ادور و اي شي و بعدها نتضارب ؟
تخيلي سر بينج و بين زوجج
لدرجة مرة اتصل فيني و هو معصب و قال ابغي اجوف منو فيكم اللي تنشر الاسرار و حطه ع السبيكر
و قلت له تعال شيل كل الزهاب ما ابغي منكم شي بفره يدام البيت
و طلعت ام زوجي اللي تنشر اسرارنا وما ادري كيف تعرف بطريقتها الخاصة
و بعدين تصالحنا بعد عناء و عمي يى عندي باس راسي و قالي هاي ما فيها عقل

بعد الزواج نصحتي امي الله يخليها لا تسكنين في بيت اهل زوجج لو شقة استديو و لكن رفضت بحجة ان زوجي المسكين ما عنده شي و ان شاء الله وعدني 6 شهور و نسكن بروحنا

عبالي كل العمات مثل امي
امي اللي تسوي العشاء لاخوي و زوجته و اتييب لهم لين الغرفة ،، تقول هايييل معاريس خلى يستانون بروحهم
امي اللي ما تخلي مرت اخوي تتحرك لانها حامل و تساعدها و تغسل لها ملابسها
عبالي كل العمات مثلها

مرت السنين ع امل اني اسكن ف بيت روحي ،، و كنت اجمع الربع فوق النص فوق الدرهم عسب نبني بيت العمر و تفاهمنا بعد نقاش ان البيت يسجل باسمينا و يكون نصف لي و نصف له
لان زوجي عليه ديون تكسر الظهر ومب قادر
و قررنا ما نخبر حد ان نحن بننتقل بيت يديد عسب ما تبدى ام زوجي ف المشاكل وهو اقترح هذا الموضوع ؟؟

ما كملت اليوم ف بيت اهل زوجي وانا عروس الا الباب يندق علي تعالي ساعدي ف المطبخ تعالي ساعدي ف الغسيل ساعدي ف الطباخ ،، و كأنني دخلت بيتهم لاكون خادمة

روتيني اليومي انش الساعه 5 الفجر ابدل و اصلي و اتوكل ع دوامي و اوصل البيت 3.30 العصر ،، يوم اوصل ما فيييييييني حيل ودي بس حد يسوي لج مساج من التعب و آلاااااام الظهر ..

زادت علي آللامي بعد الزواج و اظني فهمتوا شو اقصد ،، زوجي قاعد عدالي 24 ساعه و ام زوجي ادقق الباب 24 ساعه لا قادرة الحق ع دوامي ولا ع زوجي ولا ع حنة ام زوجي

الويك اند بالنسبة لي شغل و الحمد الله لا اعترض ،،، انش اغسل ملابسنا و احطها برى و اغسل حمامي و انظف حجرتي و ادخنها و اساعدهم ف المطبخ ف اشياء بسيطة ،،،

في يوم من الايام دار نقاش ف التلفون مع زوجي قلت له انا متضايقة و استعجل ف موضوع البيت ،، و فعلا سألني عن الاسباب و هنا بدأ الانفجار القااتل و خاصة انا من النوع اللي واييييييد اشيل ف خاطري

يوميا ع لسانها مرت ولدي مب حامل وما خلت شخص الا و خبرته<<<<<
يوميا تقول قاعدة حاطة ريل ع ريل وما تتحرك
يوميا تقول تطلع و تدخل ع كفيها
مرات تقول حتى السلام ما تردين وانا من ادخل البيت اسلم
تحاول البحث عن اي شي للتعليق عليه
تطلب مني اوصل بناتها و ارجعهم <<

وانا مو لاحقة ع دوامي يعني يالله يالله اروح الدوام و اوصل ف الوقت و ساعه و نص دربي
و يوم زوجي مب موجود اسوي شغلي و اروح بيت امي يوم واحد ف الاسبوع و بيت جدي يوم واحد ف الاسبوع
و عمتي ما يعجبها طبعا
و تروح تقول لزوجي زوجتك كله تطلع ؟؟؟؟؟؟؟؟؟؟؟؟؟؟؟؟؟؟؟؟ كأنه ما عندي ولي امري و هو زوجي و استأذن منه دايما

الحمل مب رب العالمين و بعدين انا و انت نتشارك ف الموضوع ليش العيب كله علي نفسيتي تعبت مب قادرة
و عندي مشكلة ان الدورة مب منتظمة عندي تتأأخر وااااااااااايد
غير ان عندي آلااااااااااااام حادة فالظهر و كل مرة كنت اخبره ان عندي عوار ف جسمي لدرجة ما اقدر اتحرك

غير ان عندي حجرة صغيرة و حمام و مكانهم في مممر الصالة
طبعا اسمع اصواتهم
صوت التلفزيون صوت حيواناتهم صوت الجلب صوت المتوو صوت القطوة صوت الديج صوت ضرابتهم صوت العصافير
ما اقدر ارررررررررقد ما ايى لي رقاد ابدا
و 24 ساعه عمتي تتشاجر مع عمي يدام غرفتي لدرجة تطرده من البيت

مرة من المرات و بعد ما انفجرت و قلت اللي ف خاطري زوجي صكر التلفون و هو زعلان
قلت مب بس انا اللي تعبانه حتى عمي تعبان ومحد يقول لها انتي غلطانة
الخدم ما يكملون شهر و يشردون من اسلوبها معقولة فوق ال 8 خدامات يشردون ؟؟

و للعلم دوامه اسبوعين دوام اسبوع اجازة ،، يعني والله اسبوعين بروحي ف البيت من ايى ،، طبعا يشتاق لي ،،، هي ما شاء الله ما تقول عروس و بخليهم لالا ،،، ولو بحط العشاء ف الغرفة ادق دق الباب تعالوا تعشوا معانا ،،،

اقوله مب انت زوجي مب الكلمة كلمتك ليش لما اطلع لازم استأذن منها ما بستأذن اسفة ؟؟؟؟؟؟؟؟ هاي خصوصياتي و انا زوجي مسؤوول عني

المهم نشيت اليوم الثاني ،، غسلت ملابسنا و حطتهم برى و شليت الملابس و كانوا ثجال وايييييييد حسيت بدووخة و سرت المطبخ ،، غسلت الصحون ،، و رجعت كملت الغسيل ،، نظفت الحجرة و الحمام
حسيت بالم فظيع
و دخلت حطيت راسي ع الارض و صار لي نزيف و كنت حامل وانا ما ادري
اكتشفت اني عقيت وانا ما ادري

و سرت المستشفى و كنت اصييييييييييييييييييح و زوجي مب موجود و امشي و دوعي تنزل
و الدكتور يقول لي ارتاحي قدر ما تقدرين ولا اتعبين نفسج و خلي نفسيتج عدلة

طرشت له مسج قلت له لا بسامحك لا انته ولا امك لا دنيا ولا اخرة ذبحتوا ولدي بمشاكلكم و بحنتكم
صار لي اسبوع ما اكلمه و يوم رجع باس ريولي و ايدي بس ما سامحته
لدرجة ما اقدر انش من سريري يوم اتذكر الموضوع

ما اقدر اسوي شي نفسيتي تعبانة
حتى حطيت ملابسي ف الشنطة بس استغفرت و ذكرت الله و يلست مكاني
و يوم كنت فالمستشفى شافني واحد من اهلي و وصل الخبر لامي
و ركض يت عندي و قالت انا ادري و ساكتة بس وصلت حدي منهم ،،، يا يسوي لج بيت او شقة صغيرة ،،
يا بتريى لين ما كل عيالج يموتون او انتي تموتين سايرة و رادة الدوام ساعه و نص روحة و ساعة و نص ردة ،،،

ريلي زين بس ع عيونه غشاااوة ما يشوف ولا يهتم فيني من ها الناحية بس يسمع كلام امه وما يصدقني
حاولت اكون هادية و ان شاء الله بس ما قدرت ما تحملت نفسيتي تعبت

والله زاد المصيبة تقول لاختها وانا اسمعهم يمكن عندها مرض و تعق اليهال دوم
والله اني ندامة عبالي كل العمات ف طيبة امي و يدتي ما دريت انها جي

كلما اصلي اصيييييييييح و انوح ما اقدر حتى اكمل صلاتي
حسبي الله و نعم الوكيل

المزيد من آخر المواضيع من نفس القسم:

**دانة_ دبي** · 2012-09-21, 13:08

انا ما بزيد عليج انتي مب مسؤوولة عنهم ؟؟؟
اللي عليج تسوين شغلج و شغل ريلج ع اكمل وجه
مب ملزومة تستأذنين عندج ريل طول بعرض ولي امرج
مب مسؤوولة توصلينهم او ترجعنيهم كفاية عليج شغلج و شغلج
و معروف ان الحامل لازم ما تشيل اشياء ثجيلة و ترى الخط مب زين يعني ساعه و نص رايحة و ساعه و نص راجعة واييييييد عليج
حاولي ادورين دوام اقرب
و انتي ما عرفتي و الله ما كتب لج

الحين حاولي تهدين حبيبتي الله بيعوضج ان شاء الله ،،
دام انج زعلانه قولي ل ريلج انج تبغين الحين تنتقلين لبيت شقة استديووو
و هذا شرطج الوحيد
ولو عندج مبلغ انا انصحج تلاحقي و اجري لج مكان صغير ع قدكم او تقاسموا الايجار لان ريلج عليه ديون
تلاحقي ع نفسج قبل ما يطيح البيت ع راسج
و لو تقدرين يبي لج خدامة حق بيتج اليديد اشتري راحتج

**وردة_محمد** · 2012-09-21, 14:22

الله يعينج اختي والله.. مشكله
بعض العمات ع بالهم مرت
ولدهم مكينه مب ادميه
واذا تاخرت فالحمل قالوا
ما حملت لكن اذا طلع العيب
من ولدهم اق ما بيقولون..
ماشي حل غير انكم
تسكنون بروحكم اريح لج الصراحه
محد بيراقبج ولا انتي مجبوره تستأذنين
من عمتج.. عندج ريل مسؤول عنج مدام
استأذنتي منه خلاص وروحي وتعالي مب
لازم تخبرينهم وين سايره اذا يبون يعرفون
خل يتصلون حق ريلج ويسألونه..

الله ايسر اموركم ويفرج عليج وتسكنين بروحج لان مسلسل العمه والكنه ما بيخلص
الا لما تستقرين بروحج

**مندوبة جدة** · 2012-09-21, 14:36

الله يعينك اختي الصبر مفتاح الفرج

**بلادي الغاليه** · 2012-09-21, 14:45

الله يكون في عونج عورتي قلبي

**دهن_العود** · 2012-09-21, 14:47

الله وياج

**ضحيه زماني** · 2012-09-21, 15:30

الله يصبرج ويهدي ريلج

**وردة_محمد** · 2012-09-21, 15:44

الله يعينج اختي والله.. مشكله
بعض العمات ع بالهم مرت
ولدهم مكينه مب ادميه
واذا تاخرت فالحمل قالوا
ما حملت لكن اذا طلع العيب
من ولدهم اق ما بيقولون..
ماشي حل غير انكم
تسكنون بروحكم اريح لج الصراحه
محد بيراقبج ولا انتي مجبوره تستأذنين
من عمتج.. عندج ريل مسؤول عنج مدام
استأذنتي منه خلاص وروحي وتعالي مب
لازم تخبرينهم وين سايره اذا يبون يعرفون
خل يتصلون حق ريلج ويسألونه..

الله ايسر اموركم ويفرج عليج وتسكنين بروحج لان مسلسل العمه والكنه ما بيخلص
الا لما تستقرين بروحج

**m3andah** · 2012-09-21, 16:18

الله يعينك ويزرقكم ان شالله ,, وتقدري تسكني لحالك ,,

**عيالي وبس** · 2012-09-21, 22:55

أدري فديتج ان ردي يمكن ايكون قاسي نوعا ما بس صدقيني ما عندج غير حلين
تسكنين بروحج فبيت ومالهم عليج غير الزيارات الرسمية
او الانفصال ايكون ارحم عمتج عمرها ما بتتغير ويوم طيحتي البيبي هالشي من صالحج عشان اتفكرين وعشان ما يكون امبينكم عيال حياة مثل جي تنعاف مهما كانت ظروف ريلج صحتج اهم من الدنيا والي فيها والريال يتعوض اذا هو ما كان فيه خير لج ما قلت لج يبعد عن امه ويهجرها لا ايزورها بس المهم اتكونين انتي بعيدة وبخير خيريه وجوفي رده الحياة بنعيشها بس مره محد يستحق انبيع راحتنا عشانه الله ايسر امرج

**شوشي الحلوه** · 2012-09-21, 23:14

الله يصبرج و يفرج همج
الله يعوضج

**عود منثور** · 2012-09-22, 00:19

الله بيعوضج ان شاء الله عن البيبي وطير من طيور الجنه
دامج اداومين ليش ما يبتيلج بشكاره تساعدج وانتى كفايه عليج دوامج وريلج
حاولي عقب هالموضوع (الاجهاض) تنتقلين بأي طريقه
حتي لو استديو شي شقق غرفتين وصاله فالشهر ب1800 احيد وحده من العضوات كانت كاتبه
ان شاء الله استديو وانتي تحطين حاجز وتقسمينه
ولو ريلج ما رضى عشان سالفه دوامه وانه هو يغيب بالاسابيع ردي بيت اهلج
حتى لو تبنون عندهم غرفه بحمامها وخلاص
عالاقل عند اهلج ماشي كلام جارح واهانات

***7rm s3eed*** · 2012-09-22, 00:37

الله يهدي هالنوعية من العمات
حشى

**طيف الغربة** · 2012-09-22, 01:35

وكلي امرك لله الغالية وربي يعوضك كل خير بالبيبي طير في الجنه يارب

بس بقولك شيء زوجك يبان طيب وعلى نياته بالنهاية مهما سوت او عملت تظل امه جنته وناره

لذا ما عندك حل غير انك تطلبي تستقلو بشقة لحالكم اقلها ايجار وبالك مرتاح قولي له وفت ما قدرت نعيش سوى لحالنا حياك

واسال الله ان يعوض عليك كل خير

**LADUREE** · 2012-09-22, 02:15

المشاركة الأصلية كتبت بواسطة بلادي الغاليه

الله يكون في عونج عورتي قلبي

الله يصبررررج

الموضوع: وصلت للنهاية ،،،، و ام زوجي ذبحتني و مات جنيني بسببها

أدوات الموضوع

عرض

وصلت للنهاية ،،،، و ام زوجي ذبحتني و مات جنيني بسببها

المزيد من آخر المواضيع من نفس القسم:

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

رد: وصلت للنهاية ،،،، و ام زوجي ذبحتني و مات جنيني بسببها

المواضيع المتشابهه

الخميس الماضي وصلت للموت بسبب زوجي

وصلنا للنهاية

((جنيني في بطنــــي،،إنه يحس،،إنه يسمع،،وإنه يتأثــــر))فيجب علي وعلى زوجي بأن ندلله

اقريها للنهاية