زواج البنت من المتزوج

[Dlo0o3h89]

مساء الخير .. هلا خواتي اشحالكم


بدش على طول الموضوع


ابا رايكم ف زواج البنت من متزوج


خصه لو كان عمرها صغير يعني تقريبا ف بدايه العشرينات

والريال قادر يفتح بيتين ومستعد يعدل

وغير ان الريال شاري البنت

شو رايكم اتوافق عليه وشو الشروط الي لازم تطلبه منه طبعا غير موافقه اهله ومرته

وهل اتايدون هالزواج ولا

وشو نظره الناس ؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ابداااع للتصميم]

الله يوفقج

[مندوبة جدة]

ماادري ايش اقولك اذا الرجااال شاريكي وزين توكلي على الله بس ضررروري الزوجه الاولى تعرف

[أميرة الوجدان]

تستخير
وتخلي اخوانها يسالون عنه
اذا زين وريال صالح ومشهود له تتوكل على الله ويحط لها بيت بروحها يأجر شقة مثلا ويفرشها الموهيم بعيد عن الزوجة الاولى عشان تتفادى المشاكل
لازم تطلب هالشي اساسي عشان تعرف الوحدة اذا فعلا قادر يفتح بيتين ولا يبي يتزوج حق لعبان او نزوى
وتخاف الله في زوجته الاولى وعياله اذا عنده عيال وتسمع موافقة زوجته الاولى عشان مايكون عندها حجة بعدين او تسوي مشاكل دام انه بيعدل وشخصيته قوية مب ضعيف بمجرد استوى مشاكل او شي قام وطلق لازم تكون شخصيته قوية ويملك الزمام لاموره عشان يعدل
من الشروط انه يكون لها بيت بروحها بعيد عن الاولى لا انتي تشوفيها ولا هي تشوفج عشان المشاكل
اما العيال اكيد بييون ويا ابوهم زيارات عندج وطبعا تخاف الله فيهم وتكرمهم
اصلا مجرد الحرمة تشوف الريال زين وياها ويكرمها ويكرم اهلها وربي انها تشيله فوق راسه هو واهله
الموهيم الشرط بيت بروحها
والله يوفقها يارب

[ريح الشمال777]

نصيحه دام انج صغير بيج الي أحسن عنه ولا تدخلني على حرمه الا اذا في اسباب

[{ آحلى دلع ..]

نفس رآي ريح الشمآآل

[noordubai]

انا مع الاخت اميرة الوجدان

[WATMOR]

للرفع

[MEMOIR]

لا ما اأيد هالزواج اختي... انا بعدني بنت ولو ياني واحد معرس برفضه قطعا مافي مجال للتفكير ابدا ....

افضل اتاخر ف الزواج واتريا العازب ولا اخذ واحد معرس واغصص ع حرمته وبعد نصه يكون عندي والنص الثاني عندها .. وتفكيره مشتت بين عروس يديده وبين حرمته الاولى (ويمكن بعد الزواج يجيسه شعور الندم ع اللي سواه ف حرمته الاولى ) .. ولو عنده عيال اكيد والف بالميه بتكون كفة الحرمه الاولى وعيالها هي الارجح ... (عيال مع عشره سنين زواج ) ...
احس الرياييل ف هالايام يعرسون بس ك نزوه ... وتلاقين الحرمه الاولى ماعليها قاصر...

استخيري...
طلبتي راينا ...
انا اقولج رايي .. وانا عمري احينه 30 سنه ومب معرسه ...
انتي تقولين ان البنت صغيره ... يعني الفرص جدامها وايد ...

[Miss.Feminine]

اذا البنيه صغيرة و مب قاصرنها شي ولا انها مجبورة تتزوج لضروف معينه

ليش تاخذ معرس شو اللي حادنها !!

ليش ما تعيش حياتها و تشوفلها عزابي ما احد يشاركها فيه لها بروحها !!

ليش تبتدي حياة زوجيه اكيد اكيد فيها مشاكل لو شو ما كان عادل !!

خلصوا الريايييل .. ؟؟

و بصراحه من غير مجاملات و لا مثاليات

وحده في هالسن و تاخذ معرس

الناس ما بترحمها

[أميرة الوجدان]

اختي ميمور انتي الحينه بالثلاثين صح ؟ لما تكونين في سن 35 سنة وربي تبين لو الزمان رد ورا وتفكرين لو يبتي لج ياهل واحد يكون لج سند عندي اخت كانت بسنج وندمانة لانها ماعرست دايما كانت ترفض وهي احلانا على فكرة وخلوقة واتكيكت وموظفة وحبوبة ماشا الله بس سبحان الله ماصار لها نصيب كانت تزعل تقول الي ييوني معرسين مابا ومستحيل والخ وانا كنت الوحيدة من خواتي كنت اقولها ماعليه خذي معرس اذا كان زين وشهم وماعليه كلام خذيه وخواتي يقولون لها لاتسمعين كلامها طبعا ماكنت معرسة قبل عشر سنين هالكلام وسمعت كلامهم واخذتها السنين والحينه عمرها 38 سنة السنين تركض وخواتي الثانيات معرسات وانا عرست بعد تعرفين انه وحدة من خواتي قالت احسن انا بعرس ولا اتم جي نفس فلانة على اختي الي عمرها 38 سنة الحينه وخذت واحد معرس ومبسوطة والحمدلله
بس للأسف الغيرة تخرب على الحريم بيدها الحرمة سعادتها وبيدها دمارها انا ما اقول للبنات انهن ماياخذن الاعزب لا بالعكس اتمنى لكل البنات عزابية بس اذا ماتوافرت الفرص انه يكون عزابي ويا انسان خلوق ومشهود له وقار يفتح بيتين وعقب ماتستخير طبعا ليش لا اذا ياها عزابي هذا خير وبركة والوحدة لاتأمن في الرياييل لا المتزوج ولا العزابي ولا الاخوان سبحان الي يغير ومايتغير بس الي اقصده لاتضيع الوحدة سنين عمرها بالعناد انا اتكلم لاني تالمت على اختي والبنت كل ماتكبر في السن فرص الحمل تقل وكله رزق الزواج رزق والاطفال رزق والله يحسن الخاتمة
الام والاب مابيدومون لج والله يعطيهم طولة العمر والاخ مهما يعزج الا ينشغل بحياته مع زوجته وعياله ومهما تحملج مابيكون نفس امج وابوج يتحملونج (طبعا انا ما اقصد البنت الي عمرها 19 سنة او عشرين لا هذي تسير تكمل دراستها انا اقصد الي فوق 25 سنة )
وحتى اختج المعرسة صح بتكون حنونة وياج بس عندها بيت وريل وعيال ول اخت تفرق على الثانية
وان شا الله يارب يرزقج بعازب انتي ماتدرين وين الله كاتب لج
بس انتي الي تقولين عنه هالنوعية من الرياييل ضعيفين شخصية مب جادين للزواج من الثانية

الحل كل وحدة ييها معرس انها تستخير ويسألون عنه وتحط شورطها طبعا مب التعجيزية

والله يوفق كل وحدة في حياتها
والحمدلله على كل حال
خلاصة الكلام تستخييييييييييييييييييير

[فوعة الورد]

اختي الغالية مانصحج انج تاخذين متزوج اليوم الوحدة هي وزجها بروحهم راس براس وكل يوم مشاكل وناقر ونقير كيف عاد لو كان فيه وحدة في حياة الزوج
تنغص لك حياتج انا عنفسي اشوف الرجل اذا يريد ياخذ الثانية يبسط لها الارض بساط اخضر ويصور لها الحياة وياه بتكون جنة وبعد الزواج ماتشوف من هل اللي وعد به شي غير الحسرة على شبابها اللي راح هدر في ايد واحد شبعان من الحياة ومتمتع بكل الحياة في شبابه ويحرمها هي متعة الحياة اللي هو عاشها بحلاتها
ومتعتها وشبع منها وخلص وانتي توج بادية حياتج الزوجية وهو خلص حيايه الزوجية وخذا ثمرها ومارسها مع وحدة ثانية غيرج اطباعها غير عن اطباعج وسلوبها
غير عن السلوبج وبيي يمارسه عليج ويمارس كل اللي تعلمه معها معاج ولو تريدين الطبعينه على طبعج ما تقرين الانه هو اكبر منج وعارف كل شي وبيعتبرج
انتي الصغيرة اللي ما تفهمين شي سمعيني حبيبتي انتي بعدج صغيرة والحياة قادمج بعدها حلوة اليش تدفنين حياتج تحت الركام حياة واحد ماتعرفين كيف مخلتنه
زوجته كله عقد في عقد اخذي واحد من سنج وكتشفي الحياة الزوجية وياه وكتشف حياة بعضكم بعض وعيشي الحلوة والمرة وياه ولا تعيشي مع واحد عندة الشلقة والبلقة ولو تخالفتي انتي هو على شي قلب وجهه معها وتركج بحسرتج الاسابيع حتي اتروحين له وتتاسفين له وترضي بالعيشة المرة وياه ماعليج من اللي متزوجات
ريال متزوج ويقولن نحن في سعادة مستحيل تكون السعادة مع شريكة واولاد واهله وعمله يعني بتعشي مع ربع رجال على شو بتلحقين بلله عليج اذا رجال كامل لبيت
واحد ما ملحق في هذا الزمن كيف عاد لبيتين ماراح تتهني معاه هذه تصيحتي لج و انتي على رايج

[نفحه أمل =)]

من رايي انها تستخير وما خاب من استخار الكل يعطي رايه من اللي يشوفه بس ربج ادرى بالخير اللي ينكتب ف هالاشيا . . اذا ريال صاحب دين وخلق وقادر انه يعدل ليش ما ياخذ الثانيه ؟ واساس التعدد هو العدل

العمر ابدا ما كان عائق للزواج اذا الوحده تقدر تتحمل مسؤوليه البيت والريل والعيال ف هاي قابله للزواج والريال كذلك واشوف الشرط ف هالحاله انه يكون لها بيت بروحها اما انه الناس بترمس عنها لانها صغيره وخذت واحد عود ومعرس ف لو هي تمت تسمع كلام الناس عمرها ما بتتهنى ف حياتها .. واللي يقولن تتريا واحد مب معرس يكون لها بروحها ف هني كيف الوحده تضمن انه هالريال اللي خذها عقب ما يفكر ف الثانيه ؟ الدنيا اتدور ترا الشي اللي ما نتوقعه الحينه بيستوي عقب والعكس وانا مع الاخت اميرة الوجدان ف كلامها بعد

[ss91]

❤الله يوفقج

[ملكة الاحاسيس]

لاتجازفين ابدا ورايي من راي فوعه الورد
اما لو كبيرة بالسن وماياج ريال عازب ممكن تجازفين الحين لا والف لا
وعفوا لو كنت صريحه لكن من رايي انتظري