ادا الام تزوجت والاب تزووج الولد يرووح لمنووه

[بســـــكوته]

السلام عليكن حبيباااتي واخوااتي الغاليات

بنات انا مابتكلم عن قصة حياتي ولا عن زواجي الاول والثاني ولا
فترة طلاقي
ولا عن ريلي الحاالي الي اكبر عني ب 20 سنه وعنده مشكله ف الانجاب وانا كنت على علم فيها قبل زواجي ورضيت فيه

انا بتكلم عن ولدي الصغير الي هو عند ابوه حاليا
الشي الي يدبحني كل يوم هو فراق ولدي الي كمل 4 سنين وانا ماادري كيف صر شكله حتى
ويوم اكلمه يقوولي مااحبج اقوله بابا يقولك تقول انك ماتحبني يقول ايواا
اقولهاا انا بااخدك بخليك عندي وبدخلك المدرسه وبوديك الالعااب يقوولي لااااا لااا ماااريد اقولها انزين انا بيي عندك بشوفك يقولي لاااا تيين ماابااج

انا باايدي تنااازلت عنه بس غصبن عني ماكنت بوعيي والحين انا متزوجه وابوه متزوج والولد عند عماته يربونه وام ابوه الي ماادري كيف يعااملونه وكيف يربونه وشو يقولون له عني
مااقدر افاتح ريلي باالموضوع لاني اشوفه ولا هامه وعمري ماسالني عنه او اهتم فها الموضوع

بنات لاتلوموني دخيلكن انا تنازلت عنه اجباري لانه ماكان بيستوي طلاق لو ماتنازلت وانا كنت بعيده عن اهلي محد وياي يفزع لي انا بروحي تنازلت عشان افتك وارد البلاد

الحين انا ابا ااخد ولدي واظمه ف احضاني واخليه يونسني في ها البيت الكبير واشوفه يكبر قداام عيوني واداكر له دروسه واوديه الالعاب

الكل يقولي مو مبين عليج ماشاء الله عليج عادي عندج بس انا احترق من دااخل
تخيلوو يغرسون في قلب ولدي انه يكرهني واكيد ادا كبر بيقولون له امك تنازلت عنك برضاها

ياترى هل بيرجع لي وبيربى بين احضااني
الجا لمين منوه بيوقف معااي وبيروح محاااكم وبيطالب فيه
انا بعدني ماكملت 23 مااعرف ولا شي في ها السوالف كيف اطالب فولدي وانا فبلد وهو فبلد كيف ممكن ارجعه لي غصبن عن الكل واثبت له اني احبه اكثر من اي شي ف الكون

منوه بيوقف معااي محدمن اهلي هااامه واكبر اخواني اصغر عني حتى جامعه مب دارس

وريلي ولا هامه وابوي ولاهامه

وين اروح الجا لمنووه ابا اطااالب فولدي لان ابوه بعد متزوج

ساعدوووني ياابناات عطوني اارااء اقترااحاات كيف ممكن اتصرف شو اسوي لااازم الحق على ولدي واييبه هني يدرس من الروضه دخيلكن ساااعدني والله لا يفرق اي وحده عن ضناها
ويجزيكن كل خيير يااارب

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حلوة واموره]

وين اروح الجا لمنووه ابا اطااالب فولدي لان ابوه بعد متزوج
مالج غير ربج

[baskootah]

الولد من حجج لين ما ايكمل 7 سنوات .. هذا اللي أنا اعرفه .. بس انت متزوجة فيمكن الوضع غير .. أحسن شي كلمي محامي و شوفي القانون في صف مين ..

[cute uae]

الله يعينج يا رب. طرشي حد يكلم طليقج بالموضوع و اذا ما نفع هالشي طالبي بولدج عن طريق المحاكم و الله ييسر امرج

[بســـــكوته]

اي قاضي عطوني ارقام عطوني اي شي دلوني انا ماعندي ليسن ولا اقدر اروح وايي

[غزيل الدار]

جربي اختي تكلمين جدة الولد او طرشي ناس
في هذيك البلد يتوسطولج عند الجد والجده
ويقنعونهم بكلام زين وقولي كل اجازة بطرش
ولدكم عندكم بس اباه يتعلم هني
عشان باجر لا كبر ينفعني وينفعكم
يعني حاولي بالطيب حتى لو كان بينكم مشاكل
ماشالله الولد عمره ٤ يعني يمكن نسو او يمكن ملو
من تربية الطفل ترا صعب تربين طفل امه مب موجوده
ف ان شالله الموضوع يكون بسيط
لان طريق المحاكم اذا دخلتيه ماراح تخلصين

والشي الثاني قبل لا تبدين تسعين فاللامر
شوفي ريلج هل موافق انه ولدج يعيش عنده
شوفيه اذا جاد وراح يوقف وياج ويساندج

ولله يوفقج ويردلج ولدج لحضنج

[@الغــ@ــلا@]

الله يعينج يا رب.

[عشق طاهر]

الله يرجع لج ضناج يارب
مابيدي شي غير ادعيلج

[m-lady]

الله يرجع لج ياه وتفرحين فيه
بعض الرياييل مافيهم ذرة احساس .. يفرقون بين الام والعيال لمجرد الانتقام

ذكرتوني بواحد سافل ونذل من جنسية خليجية تزوج وافدة .. المهم لما وصل بينهم للطلاق حرقها بماي حار حتى ما تاخذ غيره ولما اشتكت عليه عند الشرطة قبضوا عليها وسفروها لبلادها .. لان ريلها النذل ما كان مسويلها اوراق الاقامة وجي .. يعني مخالفة للاقامة .. فرقها عن عيالها .. عيالها شافوا الويل والعذاب من الضرة الوصخة الي انسجنت يوم واحد بس بسبب تعذيبها للاطفال .. عذبتهم وحرمتهم من الاكل واثر العض كان على اجسامهم الصغيرة .. طلعها بكل بساطة بالكفالة..

[اسيرت شوق]

الله يعينج كتبي في قسم ساعدوني دوري عن محامي احتمال حد يساعدج هناك

[الأحلام الملونة]

الغالية قبل كل شيء هل زوجك قابل أن أبنك يعيش معك ويصرف علية ؟؟؟؟؟

هذة أهم نقطة كون زوجك محروم من الأولاد ما تدري يكون حنون علي أبنك أذا مش متأكدة من زوجك أنصحك تتركي أبنك عند أهل أبوة تخافي تنقلب

حياتك وحيات أبنك لعذاب أكبر لو طلع زوجك موا كفوا

واذا كان قابل ومرحب أستخيري أولا وبعدها هو يكون بجوارك ويأخذك عند محامي والله يكتب لك الخير

[m3andah]

الله يعنيج و ان شالله تلقين حل

[يمامة أيوب]

الغاليه عورتي قلبي

ماعليه بسالج عقد زواجج مال وين الامارات وله دوله الزوج؟ الاساس وين عقدتي اهنيه وله دوله الزوج ( خلي التصديقات كلها مو مهمه اهم شي مكان العقد)
لو كان مكان العقد في دوله الزوج فيسري عليكم قانون الاحوال الشخصيه للدوله اللي عقدتوا فيها فانتي تقدرين ادورين في النت قانون الاحوال الزوجيه للبل الثاني و بعدين تقدرين توكلين محامي سواء من هذيك الدوله او دوله الامارات عادي لكن لازم يكون عندج سيوله

وشي ثاني لمن تروحين للمحامي بيسالج عن سبب الطلاق و التنازل فلو كان سببه انج متضرره ( ما ينفع اللوم الحين لانه كان بامكانج توكلين محامي ترفيعين قضيه طلاق الضرر ) لكن الحين اللي تقدرين اتسوينه انج توكلين محامي تشرحينله سبب طلاقج وسبب تنازلج وشكلج كنتي متضرره عشان جذي بغيتي تروحين لكن القاضي بيطلب اثباتات وشهود انج كنت عايشه مع واحد سيئ العشره سواء مسجات محتفظه فيهم او حتى صدديقات كنتي تتصلين فيهم او حد من اهلج ويعرفون بسالفتج بيقدرون يشهدون معاج


اعتقد سواء في دوله الزوج العقد او دولتج اعتقد سن الولد من حقج انتي الحضانه بس اللي بيوقف بطريجج شيئين
- ليش تنازلتي
- ليش ماكنت تشوفينه تزورينه
- زواجج

لكن لو محاميج شاطر ان شالله بتقدرين تاخذين ولدج لكن اهم شي السيوله ما انصح انج تقولين ها الكلام لا لطليقج ولا اهله لانه ماتدرين عنادهم ممكن شو يسوي بمكن يضرونج او هم ياخذون احتياطاتهم باشيائ ثانيه

انتي اللي عليج تتواصلين مع محامي شاطر او محاميه احوال شخصيه شاطره تشريحلها القضيه وتتحركين من اهناك لكن لازم يكون عندج سيوله عشان ما يوقف الموضوع باالنص

انا ان شالله بحاول اييبلج اسماء لكن انتي من اي اماره ؟ ولو مايفرق عندج من اي اماره

اهنيه ما يصير احط رابط

لكن دشي قوقل و اكتبي في صندوق البحث محامو دوله الامارات دشي الرابط اللي مكتوب عنوانه mohamoon بيدخلج صفحة على ايدج اليمين بتلاقين عناوين و ارقام محامييييين واااايد اختاري و تواصلي مع اللي مكتوب عندهم انهم احوال شخصيه

والله يهون عليج يا رب

[mayat]

ادخلي موقع محاكم دبي وتحصلين وايد ارقام محامين وكلمي واحد منهم موفقة يارب

[يمامة أيوب]

هييه
كتبي
.awf.ae في صندوق قوقل وبيطلعلج موقع بنفس الاسم اول واحد دشيه بيكون بالانجليزي وفوق فيه اعلام ضغطي على علم الامارات عشان يصير الموقع بالعربي
بعدين على ايدج اليسار بتلاقين مكان خدماتنا دشيهم بتلاقين انهم متخصصين بالاحوال الشخصيه و شطار

فيه مكان فيه ارقامهم و ايميلاتهم تواصلي معاهم