اربيعتي تفكر بالطلاق لسبب تافه

[الم الندم]

اربيعتي تفكر بالطلاق والسبب ان ريلها احلى عنها بوايد هو ما شاء الله عليه وسيم ورياضي وجسمه حلو وهي عاديه ما فيها جمال ومتينه شوي ومشكلتها ما تعرف تكشخ وما تهتم في عمرها وايد هي حاولت بس ما قدرت هي وايد كسوله وها الشئ متعبنها نفسيا هي تقول ريلها سنه عن سنه يزيد جمال وهي تخسف لدرجة تكره تشوف عمرها في المنظره
يا ليت الكشيخات ينصحونها هي راح تقرا الردود

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[bnt-ad.]

السلام عليكم و رحمة الله

يووه ماله داعي سيرت الطلاق الجمال مش بالشكل جمال الرووح
اذا هو مرتاح وياها و ما يعايرها بهالشي ليششش تفكر تطلق

الطلاق ابدا مش حل بتتعب نفسيا اكثر

لازم تكون عندها ثقه بنفسها
اشغلي فكرج بأشيااا ثانية و خلي عندج اراده مثل ما هو رياضي صيري انتي بعد رياضيه شفيهااا لازم الااراده نزلي وزنج لجألي لوحده لصديقاتج خواتج تسألين شو اللبس المناسب لج غيري من ففتره لفتره ستايلج و ابدا ابدا لا تفكرين والله هو احلى عنييي !! ليش كل هذا

و انتي لا تبينين انج مضايقه من هالشي اهم شي اخلاقج و اهتمااامج بنفسج
و ف النهايه هذي خلقت رب العالمين ليش تزعل منها و الحمدالله على كل حال

و ارد اقول ان الطلاق ابدا مش حل لانها بتتعب اكثر
وربي يوفقج اختي

[فتاه صابره]

ربي يعينها..

هو اختارها ورضى فيها من البدااايه ف ليش اليأس والخووف,,اوك هو حلو وسيم ورياضي مامشكله الله يزيده وعمره الجمال ماكان عااائق ,,
تحمد ربها وتشكره ع النعمه سواء حلوه او عاديه او مقبووله.. الخ

خليها تكشخ بنفهسا تهتم الانثى مهما كان شكلها بحركاتها تكون حلوه وساتيلها وادبها وحيااائهااا..لاتفكر بالطلاااق ابد ابد..ها مب حل تستهدي بالله هو اكيد يحبها ويبيها وتنازل عن شكلها وغيره لان اكيد يشووف فيها شي حلوو عن بااقي النساااء ,,خليها تهتم فيه وبشكلها وستايلها وتغير بالملااابس وتهتم بشعها وبشرتهااا صدقيني ماحد ماحلو كل شخص وله ميزه من رب العالمين

ابسط مثال صار عندناا هالشي اخوووي تزوج وحده فررررررررررررررررررررق كبير واااايد بينهم الكل يقارن ابدا ماتنااسبه وابد مااشاااء الله كل الي يشوووفه يقوول حرام عليكم زوجتوه هالبنت ابد ماتناسب ششكله وهو مسكين رااضي بعدين الوالد وعمتي مزوجينه..وصبر وهي مسكينه صبرت ماتهتم لكلام الناااس ولما يابو عيال اذا لع واحد حلو قالو يشبه ابوه واذا طلع واحد اقل جمال عن الاول قالو يشبه امه,,ونحن انهديها لين تعودت انا اقول الجمال مب كل شي صدقيني

من رااي كلام النااس لايودي واييب ابد سووو اكبر طاااف اذا ع الناااس..
بس هي تترك عنها الكسل وتهتم بعد بعمرهااا

سوري طوولت عليكن وبالتووفيج ان شاااء الله

[روح اخوها]

استغفر الله
ان ابغض الحلال عند الله الطلاق
هذا زواج مب لعبان عشان ينتهي ع سبب تافه !
تقرا المصايب اللي فالقسم .. بنات ريايييلهن مغازلجيين وما يذكرون بيوتهم الا تالي الليل
وبعدهن متمسكات فرياييلهن ..
وربيعتج والله لانه احلا عنها تبا تطلق !!

قوليلها تتعوذ من ابليس
ولا تعطيه مجال يدخل امبينهم
هي مب اول ولا اخر وحده الله يرزقها بريل احلا منها
واشيا وايده تقدر اتسويها .. بس اتشد حيلها دام انها تبا اتغير
الميكب وقصات الشعر واايد اتغير
واذا متعايزة اتنزل وزنها .. تختار لها ملابس كشخة اتغطي الزوايد اللي عندها
واذا صدق شاريه ريلها واتحبه من قلبها
بتسوي عشانه اللي تباه
سواء تضعف او غيره
كله يعتمد عليها هي ..

[BenToooH]

مب لازم تكون رشيقة أو ملكة جمال عشان ريلها يستانس عليها

الريل يتأقلم عالشكل .. لكن قلة الثقة بالنفس هي اللي تسوي مشاكل

يعني تروح وتاخذلها ثياب يديدة وحلوة وتزيد ثقتها بنفسها وتشيل وساوس ابليس من راسها لو ريلها ما يباها جان ما خطبها من البداية؟!!

[حلوة واموره]

لازم اتزيد من ثقتها بنفسها والريال شو يبه غير زوجة نظيفة ومرتبه والجمال شي نسبي

[hamoudmam]

ردود الأخوات الي قبلي كلها منطقية
خلها تشيل فكرة الطلاق من راسها وما فيه داعي نهائي ألها.
تهتم بنفسها قدر المستطاع يمكن في نظره هي ملكة جمال كل واحد وذوقه ,يمكن هو شايفنها أحلى وحدة في العالم
الجمال شي نسبي..

[عفآري الدآدآه]

الانسان اول شيء يقول ان هذا نصيب وان هاي نعمه من الله و له حكمة فيها .. و انا اقولج اياها .. ما في شي اسمه وحده خسفه ولا جمالها قليل لهالدرجة .. على الاشياء التجميلية اللي تطلع احينه والله انها تخلي #السموحة .. السبال غزال .. تروح الصالون بين فترة و فترة وما تقطع و تتحنى و تصبغ شعرها و تغير من اللوك اللي هي عليه للاشياء اللي هي تلاحظ انه يحبهن و تتلبس له و تنوع في الملابس و الالوان و الانسان ثقته بنفسه تكفيه انها تجمله في عيون الناس صراحه و اذا هو وسيم اكيد فيها هي اشياء حلوة تكمل له جماله و ناقصه فيه هو .. اهمممم شيء . لا تحسسه بالنقص اللي هي تحس فيه والله يوفق بينهم و اما موضوع طلاق على شيء سخيف مثل هذا . تسمح لي ربيعتج على تفكيرها البسيط او على حساسيتها الزايدة .. مثل ما قالو الخوات فوق .. خل تقرا مصايب الحياه الزوجية في القسم و تشوف مشاكل الازواج الكبيرة و اللي تستحق الطلاق و بعدهن ما تطلقن و متحملات و غيرها وايدات يتمنن عيشتها ماشاءالله عليها ربي يحفظها من العين .. بس عن البطرة ..

[WATMOR]

UP UP UP
UP UP
UP

[الم الندم]

تسلمون

[بنت الشوامس 2]

جانها عيازه لهدرجه مالها الا تتصل لوحده تيها لين البيت وتعدلها وتكشخها
ما يبالها شئ اذ هي متعايزه تتصل يوم ترمس خواتها تقولهن يتصلن لصالوون يطرشون لها وحده تعدلها
^^ والله يهديها

[Its.Mema]

لا حول ولا قوة إلا بالله

شو ياهم البنات هالأيام !!! الطلاق مستوي شرات اللعبة عندهم ما يدرون انه ابغض الحلال عند الله !!

ماعرف شو اقول بس الله يهديها ان شاء الله

[مالتيزرس]

اسمحيلي أقولج ربيعتج ماعندها سالفة ووسواسية بشكل كبير ، دامه فقير ماقالها شي ولا عايرها ليش تستهين بالطلاق لا وتطلب الطلاق من دون سبب قوليلها خل عنج هالسوالف مال يهال أونه أحلى عنبي عيل وااايد بنات ماخذات أحلى وأبيض عنهن ماقالوا بنطلق ..
اسمحيلي انفعلت بالموضوع

[ابتسامتي غير]

مافي ابسط من انها تكشخ وتتلبس وتتعدل

وتكون مودبه وخلوقه وهالشي يحبب

اكثر من الجمال

[Shaho]

بنات اعرفهن يموتن عشان ياخذهن حد مهتم بعمره و وسيم ما شاء الله و هي تبا تتطلق !!!
قولي لها الله انعم عليها لا تبطر و تحافظ على بيتها و النظافة و الأدب و تعديلات في اللوك من فترة للثانية يكفي ... دام ما حست انه متضايق ليش هي متضايقة !!

الله يهديها و يهدي سرها ..