المتزوجات الي صلوا استخارة قبل الزواج

[ازميرندا]

السلام عليكم

معروف ان الاستخارة تساعدج في الاختيار بين شيئيين او انج تختارين شي معين او لا
ابا اعرف في وحده منكم صلت استخارة قبل الزواج وارتاحت بس بعد الزواج اكتشفت انه مب قد المسؤولية ؟
لان ربيعتي متقدم لها واحد وتصلي استخارة وما تحس باي شي ابدا فهي محتارة هاي اشارة انه زين وتخاف بعد الزواج ينقلب الحال ؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شيخه بمعانيها]

الي اعرفه ان الاستخاره .. تستخرين ربج بس
مش موضوع راحه نفسيه واحلام وخزعبلات ومن هالكلام الفاضي
واذا فيه خير ربج ييسره لج واذا لا ربج يبعدج عن هالنصيب ..

ربي يوفقها ان كان فيه خير لها ~

[USA Online]

بالتوفيق اختي بارك الله لكي

قال تعالى : "قل بفضل الله وبرحمته فبذلك فليفرحوا هو خير مما يجمعون". (سورة يونس - 58)

[فتاه صابره]

وعليكم السلام ورحمة الله وبركاته

فعلا مثل ماقالت الاخت شيخه بمعانيها ..يعتمد ع التيسير من رب العالمين اذا في نصيب ترا بيصير وفي بعد راحه نفسيه تحسها البنت بس ابد مايخصه بالاحلام ولاشي ابد ابد,,


خليها تتوكل ع ربها واذا الله كاتب لها فيه نصيب بتاخذه واذا لا ربج بيبعده عنهااا

[ازميرندا]

انا ما طريت شي عن الاحلام يزاكم الله الف خير

[روح اخوها]

انا عني
يوم كنت انخطب واستخير ربي
كنت احس بضيجه عقب ما اصلي وادعي واخلص
كنت احس جنه حد حاط ع صدري حصاه
بس ما كنت ارفض ولا شي.. فالنهاية ما كان يصير نصيب سبحان الله
ويوم اتقدم لي ريلي.. هو الوحيد اللي حسيت براحة من بعد ما استخرت ربي فيه
وفعلا ،. الله تمم لنا زواجنا ولله الحمد

اذا ما كانت اتحس بشي .. تتوكل ع ربها
ولو الله كاتب لها النصيب.. بتاخذه
واذا لا.. بيتعرقل الموضوع لين ما ينصك
وربي يجدم لها اللي فيه الخير
^^

[الأصالة]

الله يوفقها يارب

[Manar N]

مثل ما تفضلن الأخوات..لكن انتبهي..لازم تاخذي بالأسباب..الاستخارة مو حل سحري بروحها..خذي بالأسباب...اسألي عن الريال..وأهله..استشيري أهلك..في توافق بينكم أساسا أم لأ...لأنه في بنات ممكن يتقدم لها واحد حافي منتف مو متعلم وسمعته مب زينه وتقول بصلي استخارة! (تعتقد أن الإستخارة شي بيقولها إيه أو لأ).. الإستخارة تتم بعد ما تقبلي الريال وتقتنعي فيه وإنه ممكن يكون مناسب لج ولشخصيتج..استخيري رب العالمين..وإذا فيه الخير لج..الله بيسر أموركم...وإلا الله كاتب لج الخير في شي ثاني

[ازميرندا]

لا هو الريال وايد زين بس هي خيفانة

[ss91]

حبيبتي الاستخارة
يعني ان الله بيسر الامور بييبه
او يصرفه عنج ويصرفج عنه قبل
لا تعطين موافقتج لانج فدعاءالاستخارة
تدعين بتيسيير اذا كان خير لج او يصرفه ان كان شرلج

[P u r e]

خواتي .. الاستخارة ما اتي إلا بالخير ..

واتحملوا تقولون استخرت وعرست وحياتي انجلبت فوق تحت وأموري مب متيسرة مول ..

ترى الاستخارة مب شرط اتشوفين الراحة .. ساعات الأمور تكون عكس ما هيه بس الإنسان ما يشوف الخير لأنه ادراكنا محدود ..

يمكن من عقب الاستخارة الأمور تتيسر بسرعة وعقب تستويلج مشاكل .. والله سبحانه وتعالى يبا يزيدج أجر من ورا هالمشاكل ويباج تتقربين أكثر له ..

فاتحملوا تحطون فبالكم إن الاستخارة يعني خلاص أمورج بتكون عسل فعسل .. الاستخارة أكبر من جي .. في أمور لازم نتدبرها بالخص إذا طحنا فمشاكل

الله إيسر أمورنا وأموركم يا رب

[ازميرندا]

جزاج الله الف خير

[بنت البلوشي20]

الاستخارة: طلب الاختيار، أي طلب صرف الهمة لما هو المختار عند الله والأحسن، بالصلاة أو الدعاء الوارد. وما اختاره الله لك هو الخير، وإن كان ظاهره غير حسن عندك.

[مندوبة جدة]

انا اللي اعرفه انوا الاستخارة تصلي الاستخارة وتتوكلي على الله وتمشي في اللي استخرتي فيه اذا خير لكي يتسهل كل شئ عليكي واذا موخير سبحان الله تتصعب الامور والله اعلم

[نورها بحجابها]

وعليكم السلام ورحمة الله وبركاته

عزيزتي بالنسبة للاستخارة ، مب شرط ترتاحين أو تحلمين وغيره . .
بها بتتيسر أمورج إن كان في الأمر خير لج . . وبينصرف عنج الأمر إن كان شر لج !
كما دعيتي في الصلاة . .

وأنا سمعت من أحد المشايخ يقول ، وإن صلى حد الاستخارة وتيسر أمر زواجه . . وبعدها استوت مشاكل وتطلقوا . .
وحط في خاطره إن أنا صليت استخارة فكيف ما توفقت ومن هالكلام . .
هذا غلط عزيزتي ، لأن هاللي استوى كله خير للشخص ! وبيعرف إنه خير مع الأيام ،
لأنه اكتسب خبرة وغير من نفسه . . عسب يسعد ممكن في زواجه الثاني ! عرفتي ؟


يعني أنا . . كنت مالجة سابقاً . . ومصلية استخارة . .
واستوت لي مشكلة غريبة عجيبة أدت إني طلبت الخلع . . لكني حسيت بعدها اني تغيرت للأفضل . .
وإن اللي حصل بالفععععل خير لي . . صح كل اللي حواليي كانوا يشوفونه شر إلا إني اشوفه خير . .
والحمدلله انخطبت ومرتاحة و مستانسة وعرسي جريب والله يتممه لي على خير . .


=) يعني اي شي بعد الاستخارة تأكدي إنه خير من رب العالمين وحتى لو كنتي تشوفين ظاهره شر !!


والسموحة . .