العمات (امهات الرياييل)

[الأصالة]

السلام عليكم حريم وبنات

بس في شي امحيرني

من ملجت ولين يومكم هذا

عمتى عمرها ما اتصلت على امي وسألتها عن اي شي في ترتيبات العرس
بالنسبه لي انا هالشي عادي ومب هامني بس امي وايد مضايقه من الموضوع ويوم رمست ريلي قالي احنا جي اهل الريال عليهم كل شي ودام قبل الملجة حددوا ان كل شي عليهم هم ف ماله داعي تتصل وتسأل... بس امي اتقولي يعني ان عمرها ما اتصلت تسلم او من هالخرابيط انتوا اتعرفون الحريم وبصراحة امي فالبدايه كانت تتصل عقب يوم شافت انها ماتتصل عليها وفقت اتصال


المشكله ان امي دومها تسأل وتقولي عمتج عمرها ما اتصلت ولا سألت قلتلها انا ما يهمني دام اني بسكن في سكن خاص

شوروا علي كيف اقنع امي بالموضوع

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[beauty_09]

ام الريل يعني بمكانة امج وبعدين اذا هي ماتصلت مايصير امج تتصل ترا كل شي ايي بالتعود وبعدين هاي علاقة يديدة بحياتكم يعني بعدج مادشيتي بيتهم وتقولين عمتي وعمتي لازم انتي تبدين وترمسين عمتج بعدين شوي شوي تخلين امج ترمسها وجي تقوى العلاقة وحتى لو سكنتي بروحج مردج بتزوريهم وبتقعدين وياهم ومافي شي اسمه بنعزل بحياتي وبسكن بروحي دايما قولي ام ريلي شرات امي ولازم ابرهم كلهم ولا تمشين على الناس اللي يحضرون الوحدة على عمتها وربي يوفقج *_*

[beauty_09]

ودايما ادعي ربي يحنن قلب ريلج وامه عليج وعلى اهلج ويبعد عنكم المشاكل يارب

[الأصالة]

ام الريل يعني بمكانة امج وبعدين اذا هي ماتصلت مايصير امج تتصل ترا كل شي ايي بالتعود وبعدين هاي علاقة يديدة بحياتكم يعني بعدج مادشيتي بيتهم وتقولين عمتي وعمتي لازم انتي تبدين وترمسين عمتج بعدين شوي شوي تخلين امج ترمسها وجي تقوى العلاقة وحتى لو سكنتي بروحج مردج بتزوريهم وبتقعدين وياهم ومافي شي اسمه بنعزل بحياتي وبسكن بروحي دايما قولي ام ريلي شرات امي ولازم ابرهم كلهم ولا تمشين على الناس اللي يحضرون الوحدة على عمتها وربي يوفقج *_*

مشكوره حبوبه على الرد

على فكره انا واايد احب عمتى واحترمها وهي بالمثل ولله الحمد
بس موضوع الاتصالات الي بينها وبين امايه
وانا اتصل عليها في الضروره لوفي شي وهي بالمثل تتصل علي اذا في شي
وريلي دوم يقولي امي اتحبج وايد واطرشلي هدايا واطرشلها هدايا

[ss91]

الله يوفقج

[الأصالة]

مشكوره

[+حلوه موت+]

الله يوفقج

[ريـآنة العود]

عادي فديتج ولاتخلين اي شي ياثر عليكم وان شاء الله مع الايام راح تكسبون اهل ريلج وعمتج ..
بسس..
بعد المفروض من امه دق حق امج وتخبرها بالترتيبات لان هالشي يخصكم بعد .!!!
وكلام ريلج صح بس بعد لآزم يحطونكم بالصوره يمكن امج فخاطرها ترتيب ولا شي وغيره تبا تعرف كيف راح تكون ترتيبات اهل ريلج يمكن عندهم عاده غير عنكم مثل اهل ريلي بس كانو يتواصلون مع امي ويتفاهمون بالترتيب والتنسيق = )
وربي يتمم لكم ع خير الغاليه,,

[غروري جاذبية]

موفقه إختي


للرفع

[AM0OOO0N]

حبيبتى خبرى امج كل حد وطبعه

عمتى دووم لالا تتصل ولا تسال عكس امى دووم تتصل وتسال

بس صدقينى مو قلة معروف هذا طبعهاا

اهم شى ريلج تكونى متفاهمه معه

وربي يتمم لج على خير

[حبي لك]

الله يهديهم

[فتاه صابره]

وعليكم السلام والرحمه\

عادي فديتج قنعيها قولي لوالدتج عمتي جي طبعاا وهي تتصل فيني وتسلم عليج وجي,,وتسال عنج..

[الأصالة]

حبيبتى خبرى امج كل حد وطبعه

عمتى دووم لالا تتصل ولا تسال عكس امى دووم تتصل وتسال

بس صدقينى مو قلة معروف هذا طبعهاا

اهم شى ريلج تكونى متفاهمه معه

وربي يتمم لج على خير

هلا حبوبه
صدقيني خبرتها قلتلها الحرمه من النوع الي يستحي واايد بس الحمدلله انسان طيبه واايد
ويوم اترمسني اترمسني بحب واحترام ولله الحمد

وعليكم السلام والرحمه\

عادي فديتج قنعيها قولي لوالدتج عمتي جي طبعاا وهي تتصل فيني وتسلم عليج وجي,,وتسال عنج..

من تفتح الموضوع جدامي واقولها هالشي ان هذا طبعها وانتي لازم تتعودين اتعصب علي هههههههههه مادري ليش

[ميانه بوظبي]

الحياة مشاغل وفي ناس مايحبون يرمسون فالتلفون طبع فيهم واللي انا منهم

[امراه]

خلوها الحرمه مشغوله اتجهز لكم لعرس مب فاضيه ادق
اشوفه عادي حبوبه اذا مااتصلت والله يوفقج