نظفته وسويت منه ريال والبركه فالشيوخ و رماني مثل الجلب

**هب النسيم** · 2012-06-23, 04:23

هني حابه افضفض واكتب قصتي وتضحيتي لشخص احمد الله انه ما كتب لي انه يكون زوجي ، ساعات يابنات نحن نشوف المصايب شر
بس والله العظيم انه ساعات تكون للانسان خير من الله
انا الله يحبني الحمدلله مافي شي فخاطري وطلبته
الا وساقه لي الرحمن سوق والحمدلله
حتى مستحيه من ربي كيف ابكي اليوم فمحنتي وهو منجني من شر هالرياال
ساعات احس ان بعض الرياييل حرام
فيهم كلمة ريال
خطبني وهو حافي منتف ماعنده شي واهله
متخلين عنه ، لانه مش قد المسووووليه
كل اخوانه اشتغلوا الا هو

والله يتصل يصيح ماعنده ولا شي ، امه من النوع
المتسلط لي مايشتغل ماتباه فالبيت وهو عاش
متشحطط مره بيت خاله ، مره بيت يدته
مره بيت ربيعه مره بيت اخته .. مره ففندق بو ميتين
مره فالمقهى يوم كامل ، مره بيت امه رغم ان عقاب
له فبيت امه حتى غرفه ماسووا له لانها ماتباه
اخوانه الصغار داومو وهو لا

حرمة خاله ياما احتشرت من وجوده وصارت ضرايب
بينها وبين خاله ولا فيه فايده

اشفقت ع حاله

يمر العيد ولا يلبس ولا يعيد اما نايم او تايه
فالشوارع .. يمرض محد اييه انا زوره
مال 5 د لانه مب حليلي بس الواحد يبا اجر

ثياب خذت له ، فلوس طرشت محد واقف معاه
غيري

ف يوم اتريا بيزات من مكان و وصيت يطرشوهن
عليه لاني ما اقدر اطلع خذهن وصرفهن
ع نفسه وماقلت شي قلت يالله فدوى

اكل مايحصله اطبخ واطرش

المزيد من آخر المواضيع من نفس القسم:

**اسيرت شوق** · 2012-06-23, 04:30

زين شو صار بعدين كملي شوقتينا

**هب النسيم** · 2012-06-23, 04:31

ريال لايعرف يقرا ولا يكتب الشهاده ابتدائيه والمستوى داون مسج مايعرف يكتب خذ بيبي والله يخبروني انه يسمي النك قروب تخيلوا !!

كتبت الطلب ، طرش اوراقه صورت وغيره ، وجهزت ودبست
وقلت له القاك عند باب الديوان صح غلط بس هدفي كان
فعل الخير ماخطيت ماسويت الا كل خير

واذا قبلوا طلبي بنتزوج ، الله يوفقك قلت له
دخل الديوان انرفض الطلب ، تعرفون بعض
الشباب يتسلف للكشخه ويروح يطلب
مساعده مديونيه وهالفئه ماثره ساعات
ع غيره

هو ماعنده مديونيه بس انرفضت مساعدته
ليش انه مش متزوج ولا شي شاب
ليش مايشتغل وطبعا الرفض
واقعي بلادنا ماتطلم حد طول عمر الشيوخ بس يبون
جيل واعي مثقف معتمد ع نفسه محد بيصرف ع عياله
وهم ف سن الشغل ومايشتغلون
وجي حكومتنا

يتبع

**هب النسيم** · 2012-06-23, 04:38

يته مثل الحاله النفسيه عقب ما انرفض الطلب طلع وانا كنت ف انتظار الحريم اوايج
طلعت شو صار قال مرفوض روح وانا روحت ، ما بنكر عطاني يومها
١٠٠ مبلغ تافه فنظري بس خذت قلت احسسه انه ريال ع الاقل
يمكن قصده ماعنده شي يعطيني ياه خذتها رفع عتب
روح بيتهم وانا روحت

يكلم امي اباها اباهااباها ويكلم اهلي بتزوجها و بتزوجها
وصدقت وادعي له بالتوفيق و الصلاح و ع كل صلاه
اطرش مسج صل صل صل وادري مايصلي

لكن اييني الرد بلغه مكسره انه صلى
وصدقت مثل كل بنت ، وياما حاول اننا نملج
وهو ع بساط الفقر ورفضت واهلي رافضين المبدا
هذا

تم يفول اشتغلي اشتغلي واقدم ومن الله ما انقبل
واقول خيره و فعلا خيره منو هالبنت اللي مستعده
تصرف ع بطالي لاشغله ولامشغله

شو ذنب لعيال صح ولا لا!!
انرفض وازعل واقول يالله خيره خيره خيره
وفعلا خيره
الانسان يجزع فالمحن مايدري ان المحن خير سااعات

**هب النسيم** · 2012-06-23, 04:46

لما طلع من الديوان ، شفت مدبسين ورقه ف اوراقه فيها رقم حد م الشيوخ معروف عن هالشيخ مابرد حد مواطنين ووافدين ماشالله عليه راعي واجب
علاج ، مديونيه ، بيت ، دوا

تطرش مسج واييك الخير ، والله العظيم و علي ليل ، قمت صليت صغت المسج طرشته للرقم وحطيت رقم تلفونه هوه ، ايام ودقوا له
فلان الفلاني ، نعم .. هات اوراقك وتعال للديوان الشيخ ، و يالله
صورت واكتبت الطلب و سنعت و صليت وادعيت له بالسداد

و بنتلاقا عند ديوان الشيخ الساعه كذا .. وصل عطيته لاوراق
دخل وانا اتريا برا ، عطوا ورقه يمليها افتشل
طلع لين برا عبي لي الورقه

ومليت البيانات ، و وقعت و سويت وخلصوه وقالوا له اتريا
لاتصال

يتبع

**الــغــيره** · 2012-06-23, 04:48

>>>>>>>>>>>متابعه

**هب النسيم** · 2012-06-23, 04:53

طلع هاا المره و الفرحه ، مب واسعتنه ، وانا فخاطري اقول يس هانت و هذا العشم ف شيوخنا
والله وكلها افكااري ، واتصل واتابع المعامله ، واراجع واسوي وابذل و اسهر
وادعي ع امل يكتمل مشروع الزواج

واختار اساامي ، وارتب افكار مستقبليه ، بدرس بسوي بكافح بخطط له
بسوي له ، ورا كل رجل عظيم امراه ناجحه ماكنت اعرف ان الخير
فهالزمن يجازا بالنكران و فعلا سو خير و عقه بحر ..

الوحده سااعات تسجد شكر لانها فبيت اهلها معززه
مكرمه ، ولا انها تتزوج ريال *مب ريال*

المهم مرت لايام و يات لبشاره واتصال بان الطلب مقبول
ودوه يدرس يمكن عن طريق توطين وطبعا
مايفهم وماتحمل وانا حليلي اواسي و اشجع

وبعدها بايام يات القبول ف جهه ولاعمره يحلم فيها
بشهادته هاي و طول عمر الشيوخ

بدا الشغل ، وتنظف وتسنع ، وبدا الراس يكبر
واقول لا يمكن اتوهم ..

**مكة مدينة** · 2012-06-23, 04:55

كملييييي

**اسيرت شوق** · 2012-06-23, 04:57

متابعين كملي شوقتينا

**munamoor** · 2012-06-23, 05:12

من متابعينج بس يالله حطي في بالج الي سويتيه دفعة بلاء عنج و عن اهلج و عسى ان تكرهوا شئ و هو خير لكم و عسى ان تحبوا شئ وهو كره لكم

**رومنسية 84** · 2012-06-23, 05:24

خيرا تعمل شرا تلقى " كملي حبيبتي وصدقيني تعبج ما ضاع وين بيروح من رب العالمين كملي

**هب النسيم** · 2012-06-23, 05:25

المهم خواتي مر رمضان ولا حس ولاخبر وقريب العيد ياني مسج العيد
ومن عقبه لاحس ولاخبر ..

لمدة ٧ شهور لاحس ولاخبر .. اتصل لخالته اسلم و عل وعسئ
بخبر مني مناك مافي شي .. طبعا من قبل كنت ارمسها
سااعات

مرت الايام وانا راقده جان اقوم احصل التلفون
محروق مكالمات

ومسج ان الرقم فتلفون زوجها ةحابه تتاكد ، كانت صدمه بس

قلت يالله يمكن وحده مغلطه او وحده من ربعي وتستهبل

رحت خذت شاور كشخت للجمعه ، صليت دعيت الخ واتصلت

طلعت زوجته ، مب مواطنه ، حامل منه ، رمستها بكل احترام
كانت محترمه ، شرحت لها السالفه انصعقت ، و بالحرف قالت
حرام ومش مستوعبه كلمتها بصدق تام وكلمتني بصدق
تام

مابشرح ظروفها بالتفاصيل لكن الله فوق لان راتبه كله
صار يروح للبنك ..
قالت لي ماعندها مانع انه يرد وياخذني قلتها لا ياقلبي
انا من الله طلعت منها جي الله يحبني ويمكن كاتب لي لاخير
مش انا اللي ابني سعادتي ع سعادة حرمه ومش انا اللي
اقبل اكون تاير سبير ..
ماحز فنفسي اني نظفته وسنعته وسويته ريال اللي حز فنفسي
كيف غش البنت و اوهمها بحياه و عيشها بشكل ثاني
يمكن الله حب يرويني الحقيقه ، والله ضحكت فخاطري اقول : هييييييييييييي يا دنيا
هالبيبي كان مفروض مالي الحين لكن الله يقومها بالسلامه ويرزقها الذريه الصالحه
ويهنيها لان البنت مالها ذنب

والله خلال مكالمتي معاها اسمع صوته محتشر ويصارخ ويقولها سكري ويبند ف ويهي وترد تتصل وتقوله ماببند
اخر مره سمعته يقولها : وغلاة اللي فبطنج سكري هاي وحده خايسه

بذمتكم

هذا حلم ولاعلم !!!

والله احس كنه حادث وطلعت منه ب نجاه وكنه كابوس قمت منه واقول الحمدلله يوم اني بخير

ساعات اقول نظفتك وسويت منك ريال وانا ثرني ابني سعادة غيري
يالله حلال عليها و الله يعينها ع مابلاها

مقويه عمري بالاستغفار والقران وادعي واحتسب واتصبر واقول يالله سو خير و عقه بحر و الضربه اللي ما تصيبك تقويك

انا حاليا ما بنكر ادعي ان الله ينتقم لي منه
ويرد لي حقي و اشوفه ندمان ويعتذر
واثقه ان هاليوم قريب لكن زواج لو طلع لو نزل وقتها ايهبي الا هوه

الدنيا يبالها قلب ميت ، لان صدماتها كبيره
واللي مايقوا مابيعيش الحين اقدم احاول اني اشتغل واطوي صفحه انقضت من حياتي

ماكنت متوقعه انه بيي اليوم اللي بكتب فيه قصتي فالمنتدى ، كنت اقرا قصص الخوات
واقول الله يعين لو انا مابتحمل لكن يا دوري وحصلت نفسي من كثر ماكنت انا الريال ف قصته حصلت نفسي ف محنتي ريال

اهم شي اني ماقصرت وماعندي واسطات للعلم كانت واسطتي وانا اسعى له رب العالمين ومن ثم لسااني فالتعامل مع الجهات اللي تواصلنا وياها

القصه طويله و فيها اللي مابتتحملون تقرونه بس اختصرت قدر المستطاع السموحه جان غثيتكم بس حبيت اعلمكن الدرس
اللي تعلمته فحياتي و الصفعه كامت قويه بس برد اوقف ع ريولي وبستخدم قدراتي
لما فيه نفع لي لان محد يستاهل التضحيه غير نفسج و نفسج غاليه مهما استوا لاترخصيبها. الحمدلله لاغلطت ولاخربط ولاطلعت وهذا اللي مخلي موقفي قوي قدام الله ، لاتصنعين مستقبل حد ولاتوصخين ايدج عسب تنظفين حد والله محد يستاهل فهالزمن غير نفسج

حسبي الله الذي لا اله الا هو عليه توكلت وهو رب العرش العظيم

خلصنا

**شاقني** · 2012-06-23, 05:31

لاتزعلين حبيبتي ^^
سويتي خير في انسان واسعدتي انسانه غيرج وهذيل نصيب والقدر مكتوب
وصدقيني يترياج شي احسن منه
الله بيعوضج حبيبتي

**اسيرت شوق** · 2012-06-23, 05:43

ابصراحة انتي انسانه الله يحبها ولج اجر في كل شي سويته ما يضيع عند الله شي وبيعوضج الله سبحانه وتعالى بلي احسن منه الف مرة بعون الله

**ملكة الاحاسيس** · 2012-06-23, 07:16

الله يهديج
العاقل الي يستفيد من تجارب غيره
والحممممدلله ماصار شي اكبر من جي ونتي فاهمة قصدي وهذا دررررس كبير لكل وحده تنجرف ورا مشاعرها

الموضوع: نظفته وسويت منه ريال والبركه فالشيوخ و رماني مثل الجلب

أدوات الموضوع

عرض