بنات راك دخلووو بليييز

[عبيطه واستعبط]

السلام عليكم والرحمه بناتات شخباركم ماعليكم امر بس عندي سوال
اللي ربت في مستشفى صقر بخصوص الخياطه اللي عقب الولاده هل يسونها ولا يطنشون
لاني اول مره الصراحه فماعرف وهل الخياطه تكون من داخل وبرع ولا بس داخل وببنج ولا بدون
واللي ربن جريب تنصحوني في مستشفى صقر ولا راك بصراحه خايفه اللي يمدح صقر واللي يذمها والذم اكثر طبعا وحاضره كم حاله عشان جي خايفه وراك ب 12 الف وماعندهم نيرسات ودكتوره بس وها شي يخوف بعد انصحوني والسموحه







اللهم استودعتك جنيني يامن لاتضيع عنده الودائع فاحفظه لي يارب العالمين اللهم اميييييييييين

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شييخة البناات]

أنا عن نفسي بربي بصقر لأنه خواتي كلهم ولدو هناك بالسلامه وماشتكو من شيء الحمد لله و الله يسهل عليج وعلينا

[شاقني]

كل العايله ف صقر
ويسون خياطه
لاتحاتين

[mayat]

موفقة الغلا

[ماما سوافي99]

ربيت قيصري في صقر فما اعرف عن الخياطة التحتيته><.. والحين ناوية بعد فيه..
ما سمعت حد ذم خياطتهم.. اختي ربت في راك وتعبت من الخياطة ,,
شوفي اللي يريحج غناتي وربي يقومج بالسلامة ..

[آآآه]

انا مربيه بصقر
والأهل يربون هناك..
ويسووون خياطة ما يطنشون..
وما يسووون بنج..
وما يعور لا تحاتين
وربي يسهل عليج وعلينا يارب

[نور الاخوة]

ربي بمستشفى صقر بيسوون الخياطة بس لا تتركين الخيوط اكثر من اسبوعين وسيري عند دكتورتج حتى ترفع الخيوط

[love rak]

نصيحه لا اتربين في صقر لاني جربت الخياطه وثلاثه من ربيعاتي استوت لهم نفس مشكلتي الخياطه كلها عقد
وراك حزت الولاده اقولون لج الدكتورة مب موجوده واقولون لج خذي ملفج صقر ما استوت وياي بس وي خواتي وايد ناس اعرفهم
وما ابى اخوفج بس هالشي لاني كنت نفسج محتارة واضطريت لاني ما كنت اقدر اطلع برا راك لانه ريلي مسافر

[الشحية غير]

هلا أختي أنا أهلي كلهم ربوا في صقر
آلحمّدآللہ كلهم طبيعي ماعادا أخت وحده ربت قيصري
بس كانوا يذمون بالخياطه بس انهم يخيطون وأيد وساعات مايحتائ ?ل هالغرز خاصة إنً بعض خواتي مب أول ولادة بس ها. أما الباجي أوكي
أنا. بإذن ? بربي في مستشفى راك. ؤالله يسهل إِنْ شَاءَ آللــَّـھ

[عبيطه واستعبط]

نصيحه لا اتربين في صقر لاني جربت الخياطه وثلاثه من ربيعاتي استوت لهم نفس مشكلتي الخياطه كلها عقد
وراك حزت الولاده اقولون لج الدكتورة مب موجوده واقولون لج خذي ملفج صقر ما استوت وياي بس وي خواتي وايد ناس اعرفهم
وما ابى اخوفج بس هالشي لاني كنت نفسج محتارة واضطريت لاني ما كنت اقدر اطلع برا راك لانه ريلي مسافر

انا نفس الحاله ماقدر اظهر برع راك وبصراحه وايد خايفه من الاثنين لاني سمعت ان راك ماعندهم ممرضات وصقر حدث ولاحرج الله المستعان يارب

[عبيطه واستعبط]

هلا أختي أنا أهلي كلهم ربوا في صقر
آلحمّدآللہ كلهم طبيعي ماعادا أخت وحده ربت قيصري
بس كانوا يذمون بالخياطه بس انهم يخيطون وأيد وساعات مايحتائ ?ل هالغرز خاصة إنً بعض خواتي مب أول ولادة بس ها. أما الباجي أوكي
أنا. بإذن ? بربي في مستشفى راك. ؤالله يسهل إِنْ شَاءَ آللــَّـھ

الله المستعان الصراحه وايد متخوفه من صقر ليش مادري

[قلب طفله*]

  يآرب وفقنآ لوقت الإجآبه .........
لآ من رفعنآ بـ الدعـآء لك ايدينآمتضرعين وغآشيتنآ المهآبه .......
.. منك .. ولآ غيرك يجيب ان دعينآبـذنوبنآ ضآقت علينآ الرحآبه ........ يآرب سآمحنآ ووسع علينآ .. 

[بنوتة حلوووه]

الله يثبتج حملج يااارب

[احاسيس مدفونه]

ليش ماتربون بمستشفيات دبي او بوظبي

[يمامة أيوب]

هلا الغاليه انا ربيت في صقر و اهلي كلهم في صقر مافيهم شي بالعكس اهي شوي الغرف لج عليها اما ولاده و دكاتره و ممرضات كلهم زينين لو عندج واسطه حد يحجزلج في الغرف الخاصه مريحه اكثر يعني انا ولدت يلست يومين بغرفه عاديه و عقب رحت غرفه بجناح خاص يومين بعد ارتحت \والخياطه يخيطون من داخل و برع و احسن ها الشي و الكل يتعب من الخياطه مب شي يديد فيه منهم يتمون شهر فيه اقل..بس صقر وياي استخدموا الخيوط اللي ما اطيح بروحها فكان لازم اروح عند دكتوره اتبطلهم
بقولج شي يساعدج
اتعرفين الدكتوره امينه طبعا هذي بعد ما تولدين باسبوع روحيلها بتشوف الخياطه و بتعطيج ابره زيييييينه ما تخلي الجرح يلتهب و اتخلي الخيوط ما تشد وايد وبسرعه تفتكين منهم ومرهم وبعدين بتعطيج موعد تبطلين الخيوط والله راااحه عقبها واهي اللي قالتلي مخيطينج داخل و برع بس احسن المنطقه تتعدل
اتوكلي صقر زينه مافيها شي بس الناس لهم على الشكل شوي