انا وريلي من عرسنا ما نتلاقى ابدا :(

[مهمومة الخاطر]

مرحبا خواتي انا ما كملت سنه علا زواجي والله العظيم زوجي ما التقي معاه الا وقت النوم لا واكون نايمه عنه تخيلو كيف كل يوم يومي الروتيني اقوم الصبح قبله يتريق الفطور تحت في بيتهم واحاول ارز بويهي معاه وانا احط له الفطور عشان اعيش دوري كزوجه واذبح نفسي عشان اقوم قبله اخاف ان قام ما يترياني علا طول ينزل تحت مايسوي لي سالفه ياكل يتريق وعقب يطلع يخلص اشغاله يرجع وقت الغدى طبعا ولازم وقت الغدى يتغدى مع هله انا وهو عايشين في بيتهم ولا عمره تغدى معاي يوم بروحنا قبلهم او بروحنا فالملحق مثلا لو يبنا اكل من برع انا اكله بروحي
لدرجه اموت من اليوع بس عشان لين يوصل لان عيب اكل قبله لكن هو مب مسوي لي سالفه ما يتغدى الا مع هله مرات ايي من برع ويتغدى وياهم وانا خبر خير فالغرفه اترياه تخيلو حتى ما يمر علي ااااخ بس اقول له مثلا ناكل فغرفتنا يقول لا باكل مع ابوي بتريا ابوي وابوه اصلا عمتيه هي اللي تاكل معاه اللي اعرفه ان الريل ياكل مع زوجته ويفكر فيها عالاقل يجاملها حتى ولا عمري رحت معاه مطعم مثل باقي الناس وكلنا غدى برع تخيلو روتين احاول اقول له شو رايك ناكل برع يعني افرض عليه مب حلوه هالطريقه اذل نفسي ولو قلت له في خاطري من برع اكل مرات يجيب لي لكن هو حتى لو في خاطره يخاف ويروح ياكل مع اهله
ومن يتغدى ينسى ان عنده زوجه فالغرفه يتم لين المغرب تحت حتى لو هله نامو العصر او لين اذا بيطلع رجع عندي عرف ويتذكر الغرفه بدل وطلع لان انا من اتغدى اروح غرفتي فما اتلاقى معاه فمن يطلع يرجع لي والله بعد 12 قريب الفجر 1 او 2 اكون فهالوقت متعدله ومتزينه واخر شي كشختي عالفاظي انتظره لين ما اتعب وانام لان خلاص ينهد حيلي لدرجه انام وانا قاعده عالكرسي وانا حامل تخيلو حتى قمصان نومي ولا عمره شافها علي لدرجه يوم البس قميص نوم يقول متى خذتيه تخيلو لان ما يشوف شي علي من طلعته الا يوم بقومه لصلاه الفجر!!!!! لان يرجع تكون الغرفه ظلام وانا نايمه طبعا من التعب يشوف لبسي الصبح تخيلوا وانا طول الوقت فالفراش اكون صايحه بس دموع عشان ما يحس فين واعطيه ظهري فيلقاني نايمه ومتلحفه فيبدل وينام وكل يوم علا هالموال شو تنصحوني كيف اكلمه والله كل يوم يطلع عند ربعه لعب ورقه ولا عمري التقيت معاه كيف افهمه مظايقه وايد في حد متزوج وما تشوف ريلها والله اريد يرجع يوم اشوف غيري كل وحده زوجها ييلس معاها يتغدى ويرجع يريح فالغرفه لين العصر يطلع مع ربعه مب كل يوم ويقدر ان عنده حرمه فالبيت تنتظره انا لا يشوف هالامور كلها عاديه كيف اصارحه بنفجر من الصيحه هل كله باسلوب الامر قم ناكل برع والا اقول له الويكند لازم نطلع ونغير جو وعن الغرفه ابدا ما يقرب الا وقت تبديل الملابس وبس لا تقولون ادعي له لان مب مقصره في صلاتي انا الوم نفسي لان انا سكت يمكن وايد فتمادى فالشي واريد اوقف هالشي عند حده مب يوم والا يومين كل يوم حتى لدرجه لو طلعت معاه هاذا لو طلعت لازم يوم نرجع يطلع يكملها سهر عند ربعه جربت اسوي جو رومنسي واون انت لازم تكون فالبيت 12 والا بيفوتك الجو مافي فايده جربت اكتب له وينك ومتى بترجع ولهانه وغيره مافي فايده
متى اتناقش وياه وهل لازم اسههر عمري عشان ادخل فالموظوع اللي مب عايبني فيه والا كيف يوم بيرقد انفجر عليه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عيوني UAE]

لاحول ولاقوة الا بالله

الله ييسر لج اموورج اختي

[مجنونة و تجنن]

ربي يسهل عليج امورج

[ضحيه زماني]

ممكن سؤال؟ ريلج خذج غصبن عنه ولا شو السالفة انا اول ماقريت موضوعج ع طول يه هالشي في بالي ليش تحطين راسج ع الفراش وانتي شاله في خاطرج عليه ؟؟؟؟ ليش ماترمسينه يمكن هو مؤ منتبه او مايهتم في ه الامور !!!! رمسيه وناقشيه وان شاء الله يكون في فايده الله يعينج يالغاليه الواحد يقول يعرس عشن يكون عايله ووووو!؟ بس ..... الله يعينج

[mayat]

سبحان الله وبحمده

[أحبه الغالي]

الله يفرجها عليج ويجمع بينكم على خير وسعاده

الغاليه حاولي تندمجين مع اهله أمه وأبوه خليه يشوف ويحس بهالشي لأنه ماشاء الله هو بار بأمه وأبوه وهم اكيد في عمر يحتاجون بر عيالهم فيهم وصدقيني أحلى شي هي اللمه بين الاهل يمكن تشوفينها ثقيله فالاول وممله بس مع الوقت بتتعودين عليهم وتقبلي كلامها وحطي نفسج مكانها في يوم من الايام أكيد بتحز فخاطرج لو ولدج ودرج واتغدا مع حرمته وانتم تحت سقف واحد

أحس أساس حل الضيج إللي فيه يوم يشوف اهتمامج فيهم بيدأ يندمج معاج أكثر وسبحان الله لو عرفتي صدج تكسبين عمتج مابترضى عليج شي من ولدها

لاتضايقين عمرج ولاترقدين ودموعج على خدج تعوذي من الشيطان وصلي ركعتين والله ييسر امورج

[قرموشة]

انتي غلطان اختي انتي لعزلتي نفسج عن ريلج دامه يتغداء مع اهله بتغداء معاهم ليش بروحي منخشه في الحجره ويلسي ويا ريلج عند اهله اندمجي معاهم ريلج يحب المه وانتي انطوائيه حولي تندمجين معاهم ويلسي وياه دام يحب ايلس مع اهله يلسي وياه ملحقه على الغرفه وبهي الطريقه بتكونين وياه ةيا اهله بنفس الوقت ج

[AM0OOO0N]

الله يعينج الاكل معا اهله مو مشكله المشكله طلعاته وسهراته

لازم تواجيهه وتكلميه صح اول مره بتنفرجى وتصيحى لانج ولا مره واجهتيه

بس على الاقل ربعه يسير لهم يوم في الاسبوع والمفروض بعد ما تخلصو غداء

يطلع عندج

لازم لازم تواجهيه علشان ما تتعقد الامور اكثر

وخذى منه وعود انه يتغير

والله يهديه ويسخره لج عليج بكثرة الاستغفار والدعاء وانتى ساجده

[مهمومة الخاطر]

ممكن سؤال؟ ريلج خذج غصبن عنه ولا شو السالفة انا اول ماقريت موضوعج ع طول يه هالشي في بالي ليش تحطين راسج ع الفراش وانتي شاله في خاطرج عليه ؟؟؟؟ ليش ماترمسينه يمكن هو مؤ منتبه او مايهتم في ه الامور !!!! رمسيه وناقشيه وان شاء الله يكون في فايده الله يعينج يالغاليه الواحد يقول يعرس عشن يكون عايله ووووو!؟ بس ..... الله يعينج

لا اختي برظاه مب مجبور علي كان برمسه بس خاطري اقوله علا طريقت قصه ان وحده جي ريلها فشو رايك فالموظوع عقب اقول له هاي انت جي ترى معاي نفسها يا فلان يعني مب بطريقه مباشره انت وانت واهد عليه

[مهمومة الخاطر]

انتي غلطان اختي انتي لعزلتي نفسج عن ريلج دامه يتغداء مع اهله بتغداء معاهم ليش بروحي منخشه في الحجره ويلسي ويا ريلج عند اهله اندمجي معاهم ريلج يحب المه وانتي انطوائيه حولي تندمجين معاهم ويلسي وياه دام يحب ايلس مع اهله يلسي وياه ملحقه على الغرفه وبهي الطريقه بتكونين وياه ةيا اهله بنفس الوقت ج

ايلس وياه عند هله لكن انا وهو ما نلتقي في غرفتنا للاسف هالمشكله يحب جدام الناس يشوفني اما بروحنا لا حتى لو كان عندي شي والا سالفه كله بالفون نرمس مثل الاصدقاء

[رومنسية 84]

السلام عليكم ورحمة الله وبركاته
اختي
لا اريد ان ادخل في تفاصيل كيفية ارتباطج بزوجج ولكن كل ما اريد ان اقول اسالي نفسج : هل زوجج يحبج اول شيء او لا ؟
يعني هل يسوي هالاشياء عشان يتجنبج او عن دون قصد ؟
و اذا كان الجواب نعم ايحبج _ يكون الحل سهل :
1 - صلي قيام الليل و ادعي بدعاء خالص النية لله ان ربج يسخر لج زوجج ويجعله قرة عين لج
2- حاولي تيلسين مع اهله تراهم اهلج الحين مب لازم تسولفين وايد بس تعرفي عليهم عدل تقربي من امه وخواته بيصيروا خواتج بعد وتصيروا صديقات تييلسون ويا بعض تتونسون ويا امه حاولي تبريها وتحبيها مثل ما يقول المثل " يا كنه يجي يوم وتصيري عمة "
3 - حاولي انج تكشخين في الملحق حتى يوم تكوني يالسه ويا اهله
4 غيري ستايلج اسالي خواته شو يحب يعني
5 سويله مفاجاة واحجزي في فندق بمناسبة او بدون مناسبة و سيروا وشوفي شو يستوي
6 واهم شيء مثل ما قتلج الدعااء الدعاء لرب العالمين
اتمنى اكون افدتج

[مغرورة الجمال]

الله يفرجها عليج ويجمع بينكم على خير وسعاده

الغاليه حاولي تندمجين مع اهله أمه وأبوه خليه يشوف ويحس بهالشي لأنه ماشاء الله هو بار بأمه وأبوه وهم اكيد في عمر يحتاجون بر عيالهم فيهم وصدقيني أحلى شي هي اللمه بين الاهل يمكن تشوفينها ثقيله فالاول وممله بس مع الوقت بتتعودين عليهم وتقبلي كلامها وحطي نفسج مكانها في يوم من الايام أكيد بتحز فخاطرج لو ولدج ودرج واتغدا مع حرمته وانتم تحت سقف واحد

أحس أساس حل الضيج إللي فيه يوم يشوف اهتمامج فيهم بيدأ يندمج معاج أكثر وسبحان الله لو عرفتي صدج تكسبين عمتج مابترضى عليج شي من ولدها

لاتضايقين عمرج ولاترقدين ودموعج على خدج تعوذي من الشيطان وصلي ركعتين والله ييسر امورج

[مريم الشحي]

احسج وايد خالقه حواجز امبينكم

ولاحظي كيف اتردين عالبنات (شو رايكم اييبله قصة وحدة واشوف رايه عقب اقوله انه انا هاي الانسااانة!!!!)

خيبة لهالدرجة الحوار عندكم معدوووم؟؟

انا رايي من راي البنات ,,يلستج فالحجرة هي الي بتييبلج الظيجة..ودام عقولتج تيلسين وياا اهله خلاص ,,تمي وياهم وراويه هالشي واندمجي ويا اهله واكسبيهم لصفج

لا تقصرين فالمسجات

مافي شي اسمه مستحى امبينكم

قوليله يالغالي,,من رحت فظى علي البيت وانا كل يوم احتريك واسهر واتعب عمري وانت مب موجود واذا ييت تراك بترجع متأخر

احس اني ظايعه بلياااك ودي انعيش اثنينا حالنا حال باجي الازواج ..ليش ماتبا هالشي؟؟

يعني انتي خلي نفسج فرفووشة

انتي اجذبيه لغرفتج

خليه هو الي يتخبل على السهر وياااج

بدل ما اتقولين بيفووتك شي اليووم..صوريله غرفة النوووم وهي امزينة

طرشيله صووورة قميص نووومج بس بدون ما تلبسينه ((لأني ما احبذ فكرة تطريش الصوور ))

طرشيله صوورة بنووتة صغيرة وحلوة وكتبي تحت عليها عباارة ((باباتي محتاااجتنك لا اتخليني برووحي))

ادلعي عليه

يالله !!!! لا اتحسسيني موول ما تفهمين بهاي الامور

انتي متزوجة الحينه والمفروض اتكونين اخبر منا نحن بهاي السوالف الله يبارك فيج..

استغرب كيف حملتي وانتوا هالكثر امبينكم حواجز!!!!!

مممم
دامج حاامل خليه يحط ايده على بطنج ,,قوليله اتحس فالنونو؟؟تباه ايي بسرعه؟؟عطه بووسه صغيره انزين خله يحس بوجودك

وبجي انتي الي بتخبليبه وهو الي بيتم يترياج فالحجرة مب انتي >_<

[قنيصة شوا&ـين]

نصيحة أيلسي اتغدي واتعشي ويا أهله ما اشوف فيها شي هذيلا مثل اهلج ,الريال يستانس يوم يشوف حرمت ويا اهله يرتاحلج اكثر وبيتعلق فيج أكثر ,ثانياتراه موجود يكفي وجوده وياج حتى حلو بيكون امبينكم نظرات هالاشياء لو بسيطة بس اتقربكم من بعض , وبالنسبة انه وايد يطلع ويا ربعه ومايطلعج ,نصيحة ايلسي وياه يلست مصارحة وكلميه بكل هدوء وابدي بمقدمات حلوة ناقشيه عن الموضوع , قوليله ربعك لهم وقت ومن حقك تستناس وياهم وتعطاهم من وقتك بعد انا لي وقت ومن حقي ..إلخ ,ويلسي احضنيه .واذا طلع ويا ربعه قبل ما يطلع وياهم احضنيه وبوسيه وقوليله بشتاقلك بوعيالي ,صدقيني هالكلمة لها اثر , وبيلس يذكرج , لازم تلمسينه , لو ما يحضنج لو ما يعطيج كلمةحللوة انتي اخلقي هذا الجو وصدقيني بيستانس من قلبه حتى لو ما اظهره. وانتي اثناء طلعته استغلي وقتج سيري عند اهله ..إلأخ ونسي نفسج لا تعتبريه كل حياتج ,صدقيني ببتعبين ..
وادعيله بالهدايه
بتوفيق غناتي

[فطومـة]

حبيبتي مثل ما قالوا البنات قعدي مع اهله تحت واذا تم قاعد قعدي معاه تحت ليش تركضين حق الغرفه فوق وانتي تدرين فيه ما رح يصعد لغرفته


تري عادي انا اعرف وحده جذي زوجها بس اهي تمت لاصقه له بكل مكان بالبيت ههههه لين الله هداه

تري كل الرياييل ييسهرون ويطلعون مو معقوله تحبسينه عندج


والله يسخر لج اياه ويسهل اموركم