لــــــــيش الأحراج=(

[^منايا^]

الســـــــــــــــــــلام عليــــــــــــــــــــكم

شـــــــــحالكم

اخواتي

ابغي اخبركم ع ربيعتي

ربيعتي شافتها وحده وانعجبته فيها المهم خبرتها ان حمييهاا اي اخو ريلها يدور ع عروس


فربيعتي سكته واستحت وتحسبته انها تمزح وياها ولكن كان الكلام جد واصرته هالحرمه ترمس وياها في هالموضوع ,جاَن ترد عليها لو يبغي يدش البيت من باب !!


المهم الحرمه الي رمستها بموضوع وافقته وخبرتها بتخبر اهل الولد عنهاو على ان يتم التعارف وغيره وان صار نصيب خير وبركه واذ لا كل واحد ونصيبه


المهم الموضوع من 3 ايام وما صار شي واليوم شافته الحرمه الي رمستها بس كانت ربيعتي عاديه وترمس وتضحك واهي نفس شي بس ما فتحت لها الموضوع !!

فربيعتي الحين متضايقه وايد لان انحرجته لان خبرته اختها الكبيره لان صار رمسه فحبته تخبر اختها للعلم واحتياط عشان يووم يوونهم يكون عندهم علم بالموضوع


والحين اهي متضايقه لان فجاه توقف الموضوع وهذه مب اول مره يستوي لها جذي !!اممم يمكن هاي ثالث مره يستوي لها جذي


حد يرمس عنها يبوونها وعجب يوقف الكلام قبل يووونهم الناس لتعرف عليهم


فخافته ع روحها أن فيها شي كـــ الحسد ولا العين ولكن لله الحمد ماشي اعراض حسد ولا عين

واهي ترقي روحها وتسمع رقيه شرعيه

فكيف الحين

اهي تلتقي بالحرمه بعض الأحيان بمكان لكن اهي منحرجه وايد وتضايقه من الحركه ومب عارفه تتصرف!


=(


شوو تنصحوهاااا

ساعدوني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نفحه أمل =)]

عادي حبيبتي تصير هالمواقف وبعدين هاي حرمه اخو الريال مب امه عشان تقرر اي بنت تبا .. يمكن خبرتهم عن ربيعتج وهم حصلوا بنت له وهي عليها ترمس بس مب بايدها القرار اذا حميها بيخطب هالبنت ولا ..

وانتي خبري ربيعتج قوليلها وايد تستوي جي مواقف وهي خبرت اختها يعني مب حد غريب عشان تنحرج ^^ والله يرزقها الزوج الصالح

[ام زايدالغالي]

طبعا ماتقدر تسأل الحرمه شو صار بالعريس
خلاص تتوكل على الله سبحانه وتعالى واذا لها نصيب فيه ولا في غيره بتاخذه ان شاءالله

[mayat]

سبحان الله وبحمده

[روح.الامارات]

كل شي نصيب ..
بس الواحد ممكن ياخذ بالاسباب - العين او الحسد - العين حق فاحذروها
خلها تقرا على نفسها و تقرا الرقيه الشرعيه و ربي يسر لها امرها ..
وكله نصيب .. الخطبه لالف و الكتبه لواحد ^^

[^منايا^]

مشكورات اخواتي

وين البقية

بليز

[ابداااع للتصميم]

الله يقدم اللي فيه الخير

[الماركه شما]

تصير عادي ياااااااااااااااما خطبونا وعقب ما صار شي بس يوم الله كتب يانا نصيبنا عسى ربي يرزق كل بنت بزوج صالح تقي يا رب العالمين

[ورقة ناعمة]

اقضوا حوائجكم بالكتمان مايصير الواحد يتكلم ,,,, على كل صغيرة وكبيرة

[^منايا^]

اقضوا حوائجكم بالكتمان مايصير الواحد يتكلم ,,,, على كل صغيرة وكبيرة

كيف يعني
اساسا ما صار شي اي توقف الموضوع. فرمسته ربيعتي

[دلووعة سلطوني]

أن شاء الله اذا الله كاتب لها نصيب بتحصله فديتج

والموضوع عادي يصير وايد

[^منايا^]

امين

تسلمون حبيباتي

[Bambino Moda]

مافي شي احسن من قرايت القران
وديها عند امطوع .... واذا مافاد تراه مابيضرها بشي
بس اهم شي يكون صدق مطوع لان هاليومين ينخاف منهم شوي
اما الموضوع ترى مافيه احراج .... لازم اتم طبيعيه جدام الحرمه

[عسـلي]

البنت مافيها الا كل خير دامها ترقي عمرها

وكل شي قسمه ونصيب

[AM0OOO0N]

الله يرزقهاا بالريال الصالح الى يسعدهااا