خواتي دشوا وشوفو شو صار فيني

[راعية الحزن]

مساء الخير خواتي شخباركم عساكم بخير وعساكم دوم مرتاحات والله مدري شقول بس فيني غصه وقهر المهم بقول اللي عندي وكل اللي ابيه منكم النصيحه والشورى صراحه جرحني وقهرني قالي كلام يسم البدن كنت يالسه اتفاهم وياه واعاتبه وهو ولا شيء احس انه ذلني بحبه انتظرته انتظرته تحملت اعذاره وسكتت وسكتت الين طفرت وخلاني اطلع من طوري وعاتبته وقولتله أنا اسكتلك بكيفي ويالسه اتحمل اسلوبك يرد يقول اوش وجب وهذا كله بسبب تخيلو من الصبح لليل مشغول لعب ورق ومستانس ويضحك ما قلت شيء قلتله اخليك وياهم من تفضى رمسني ف اخر الليل من حط راسه بالمخده دق علي ومن شافني اضحك صرخ انتي ما تحسين باني تعبان بس تضحكين ويالسه افهمه غصب عني وبندنا الخط طبعا بعد ما قالي اوش وجب طول قلت ادق دقيت رد عادي وقال علي دوام من اخلص برمسج قلت اوكيه ما عليه المهم قبل شوي حسيت صفعه ع خدي برده لي كنت اعاتبه واتفاهم وياه المفروض يحترمني ويرد علي او يعتذر يستهبل علي اخر شيء قلت كل اللي بخاطري أين انتظرتك قريب السنتين كل مره احصل منك تحملي شوي وانا اتحمل بس انك ترد علي الصراحه ما فضيت ارمس امي ف الموضوع تكون مشغوله وانا بزي يعني بالله مايروم ايلس ويا امه ياخي والله مليت وتعبت ومافيني صبر قالي شفتي الكلام اللي كتبتيه اكتبيه بورقه واحرقيها وشميها وقوليلي رايج قلتلي ريحه لا يمكن انساها قال عيل بشتريلج انصدمت وسكتت ماعرفت شقول سويت طاف ولا عاد ابي شيء منه ليش يحبني شسوي قولولي كيف ارد كرامتي وما بزعل من اي نقد لانكم مثل الخوات وتبون لي الخير

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[برق لمع]

ما وضحتي هذا منو بالضبط

[ملاآك قلبكـ،،]

شوفي
خذيها نصيحه مني
هذا مايحبج
لان اللي يحب مايتأخر دقيقه عشان يكلم اهله

فخذيها نصيحة اخت
انسيه

[نوني عنوني]

مافهمت الموووووضوووووع مووووووول /// ها ريلج و الا شو ....؟؟؟
أبا أعرف شو المشكله مافمتج أبد
السمووووووحة ودي أساعدج
ان شالله البنات يفهموووون ويردون عليج

[محدن كماي]

انتي مالجه صح ؟؟؟

[(خيماويه)]

الله يهدي الجميع

[أم خلــودي]

كلامك مبهم وضحي أكثر عسب العضوات يساعدونك

[سعاد م]

شو هالكلام انتي شو اتقولين
؟؟؟؟؟؟

المهم لو كان حبيبج وقالج جي تستاهلين انتي اللي يبتية بيدج
و لو كان ريلج فالله يعينج

[حبي لك]

أنا ع حسب لي فهمته هذا واحد وعدج بالزواج
يا نظر عيني، يا حبيبتي
لو الله حفظج ؤما طلعتي وياه ؤلا خسرتي شرفج

فتركيه واحمدي ربج أنه الله حفظج منه ومن شيطانه

إذا لا قدر الله لعب بمخج الشيطان وضاع شرفج مع هذا الريال
لازم تصرفين في أقرب فرصه وتكلمين حد من أهلج حتى لو بيزعلون عليج وبيضربونج ؤغيره لازم تخبرين حد
يوقف معاج عشأن يتزوجج

ونصيحه لج ولكل بنت من قلب أخت: لاتفكرين ولو للحظه أن لي ئرمسج بيتزوجج ، نادر لي تكون فيهم مرجله ويتزوجون وحده رمسؤها،، أدري هالكلام جديم والكل يعرفه لكن الأيام ثبتت أن هالكلام صح مليون بالميه

وربي يستر عليج حبيبتي، ممب عيب أن الإنسان يغلط لأن نحن بشر، بس لازم تردين عن هالغلط وتوبين لربج، وتكلمين حد من أهلج إذا لا قدر الله فقدتي شرفج

[نفحه أمل =)]

خواتي دخلوا ملفها الشخصي واقروا مواضيعها وبتفهمون ^^

انا قريت مواضيعج الجديمه اختيه والصراحه اشوفج انتي اللي غلطتي من البدايه
انتي تعرفين شخصيته وتعرفين انه يطنشج لو متزوجين بقول ما من كرامه بين الحرمه وريلها لازم تتنازلين ف بعض الاشيا بس انتوا مخطوبين وين كرامتج ؟ هذا متى ما فضى يتسلى شويه وعقب يسحب عليج يعني معقوله انتي تفكرين ب قلبج وما تستخدمين عقلج يوم السالفه جي ؟!

بقول تبين تتطمنين عليه وجي بس انا ما اشوفه يهتم ويعبرج لدرجه انه المسآله توصل لأيام ما يرد عليج ؟ كيف تهون عليج نفسج تسوين بعمرج جي !

يختيه مابا احط ف ذمتي شي بس راجعي نفسج وتقولين انكم مخطوبين ف ابعدي شويه لين ما ييسر الله اموركم وتملجون مع اني ما اشوفه قد المسؤوليه ويستاهل هذا كله عشان تسوينه .. اذا هو من الحينه جي كيف بيكون يوم بتعرسون ؟ .. صلي استخاره واذا ربج كاتبلج خير فيه تمسكي به واذا لا تركيه والله بيعوضج بواحد يستاهلج ^^

[نورها بحجابها]

السلام عليكم ورحمة الله وبركاته . .

فهمت إنج على علاقة غير شرعية مع هذا الإنسان ، اللي معشمنج بالزواج . .
نصيحة مني لج إن كان ما فهمته أنا صحيح . .
اقطعي علاقتج فيه وتوبي لرب العالمين ، والله بيسر أمورج . . وبيعينج على فراق هالشخص ،
صدقيني اللي يباج بيدق باب بيتكم وبيتحدى الكل لأنه يباج . . !
واللي مايباج بيدور مليون سبب عسب يحطهن حواجز . .
وشفتي إنتي سببه بروحج . . [ ما حصل وقت يرمس فيه أمه ] !!!!
عزيزتي نصيحة من أخت لج ، لا تكلمينه ، ولاتردين عليه ولا طشة . .
اقطعي علاقتج فيه ، ولو تغيرين رقمج بعد أخيَر . .

ولا تضعفين أبداً ، الشيطان بيحاول يقص عليج . .
ويخليج ترجعين عن قرارج هذا ،
وبتحسين بضيجة . .
صدقيني بتكون من الشيطان . .
حاربيه ، وحاربي نفسج . .

خلي علاقتج بربج أقوى ، ولا تفتحين مجال للشيطان يبعدج عن ربج . .
كوني مع الله . . بتحيط بج السعادة من كل صوب . .


الله يبعد عنج الشر يا أختي ، وييسر أمورج ، ويصلح أمرج . .


السموحة !

[نورها بحجابها]

أوه ! طلع خطيبها -.-" عيل شو سالفة أمه !
السموحة عيل برد أقرا مواضيعها أخيَر . .

[غروري جاذبية]

آللـه يهدي النفوس أن شاء آللـه ..

[طيف الغربة]

مافهمت اختي المشكلة بالضبط عموما ربي ييسسر امرك

[العنود20]

حبيبتي عمرج بيروح وانتي بعدج تتأملين انه يخطبج حتى .!!!

ودري هالخرابيط مكالمات وحب بالحرام ,. وادعيلي ان الله يرزقج بريل صالح افضل لج ^^

صدقيني لو تميتي جذي آخرتها انتي اللي بتندمين وكفاية تذلين نفسج ..