منو ما نجحت وياها ابرة الظهر ؟

[فراشة دبي]

خواتي بما اني ماتحمل الويع موول و اتنرفز و اصارخ و افقد التركيز ( هذا 3 حمل لي ) وقت الولاده ,, قررت اني اخذ ابرة الظهر ,, استشرت الدكتوره و قالت لي عادي وايدين اللي ياخذونها و مرتاحين عليها ,, قالت لي ان اللي تصارخ وقت الولاده و تتوتر يستوي الرحم عندها يابسسسس ( ادري غصبا عنا ) لانها تكوون شاااده ,, اما اللي تاخذ الابره لانها ماتحس بالالم يكون الرحم عندها احسن و ريلاكس ,, طبعا حاله عن حاله تفرق !
وانا في خاطري اربي و استمتع فالولاده و اعيش الاجواء بدون ماكون متألمه

انا الحين ابا اعرف منو خذت الأبره و مانجحت وياها او تندمت عليها ؟

و شو الاثار الجانبيه اللي عانت منها و لمدة كم ؟!

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[(خيماويه)]

ررررررفع

[نقنوقة]

خذتها بنصيحة وضغط فضيع من الدكتورة
لان الرحم ما طاع يفج ولا أي سانتي معايه
والولادة مطوووووووووووولة
والحمدلله ممتازة جدا ما تحسين باي ألم
يخوز موليه باذن الواحد الاحد
وووو
الآثار الجانبية الم فضيع فالظهر هاه بعد الولادة طبعا
واستمر معايه لمدة ست شهور تقريبا او تسع شهور
بس الالام تيي وتروح واحيانا تختفي شهر وترد بالشهر الثاني متقطع جي يعني
انصحج بها يالغالية

دعواتج الله يهدي ولدي ويرزقه حفظ القرآن ياااارب ياكريم

[خوخه الأموره]

انا الدكتور عطاني اياها غلط .. فتخدر نص جسمي بس ... النص اليمين اتخدر واليسار لا ... وتميت متالمه بس من جهة اليسار ..هههههه..
بصراحه تعبت ... فزيدولي تاجرعه بس ماشي فايده الجزء اليمين اتخدر بزياده واليسار ولا ايييييي تخدير الويع إلا يزيد...
وبعد الولاده يوم يت اتشوفني الدكتوره فالغرفه قلتلها خبقتولي ظهري وحطيتولي مخدر فجسمي بالفاضي.. لا وبعد مدفعيني عليها .. وعقبها اتفاجأت يوم قالت لي الدكتوره دكتور التخدير يقولج هو متأسف جدا لأن الغلط كان منه ... ضربج بالأبره بمكان غلط.. فتخدر جزء من الجسم..
قلتلهم خلاص عادي حصل خير.. المهم اني الحمدلله ربيت بالسلامه والبيبي بخير وخلاص هذا اهم شي ...
وبالنسبه للأثار الجانبيه :
يتني حكه منها فجسمي كاااااااامل حتى فراسي بس تستمر بعد الولاده ل6ساعات اكثر شي مب اكثر.. وطبعا عطوني حبوب عن الحكه او الحساسيه والحمدلله تمت تخف..
والم فالظهر تقريبا اربع شهور... بس الالم يروح ويرد مب طول الوقت .. يعني عادي...

بس بخصوص الحكه نادر ماتصير للناس... انا صارتلي من زيادة المورفين( التخدير) لأن تمو يزيدولي الجرعه وماشي فايده ..ويوم قلتلهم ان الالم بس جهه وحده اليسار اما اليميين ابدا مب حاسه فيها باييييي شي .. حتى ريولي المين مخدره ومب حاستبها واليسار عاديه ... هههه ..فأكتشف الدكتور انه ضربني الابره مب بمكانها الصح..

وان شاء الله افكر اخذها المره اليايه..

[خوخه الأموره]

بس نصيحه اللي تقدر تتحمل مافي داعي تاخذ الأبره..
انا طلبتها لأن كانو مسويلي طلق صناعي.. والطلق الصناعي ماحد يقدر يوصفه ويحس فيه غير اللي جربه.. اما فولاداتي القبليه يكون فيني الطلق طبيعي بروحه يايني الحمدلله ماحس اني بحاجه إلها .. غير طبعا الفتره الاخير يوم يكون مفتوح 7 وزياده .. بس خلاص تكون ولاده واصلن هم يرفضون يعطونها من بعد مايفتج 6. ان شاء الله ايني الطلق بروحه بدون صناعي..
اضعاف اضعاف اضعاف الويع الطبيعي ...

[منى الفقى]

الدكتور قبل الولادة سالنى اذا اريد اخدها او لا وقالى انها مفيدة لاتحسسك بالالم.
لكن فى ولادتى تعبت كتير وتالمت الم فظيع بظهرى وهم يعطونى وغير الم الطلق ما ادرى حسايت ما لها فايدة غير الالم . بس انا تاخرت فى البيت وااااايد ما روحت المستشفى على طول تحملت كل الم الطلق فى البيت وسيرت المستشفى على الاخر عطونى الابرة ما لحقت تعمل مفعول البيبى راسة نزلت وتحملت الم الابرة على الفاضى مع الم الطلق كان يوم فظيع الحمد لله على كل حال بس بعد ما الراس نزلت حسايت بسعااااااااااااااااااااااااااااادة اول مرة اشعر بها بحياتى وبعد الولادة والتعب احساس راااااااااااااااااااااائع بفرحة المولود والاهل . اللهم لك الحمد والشكر يارب

[عيناوية مررة]

ونا بعد أسأل عن إبرة الظهر أبا آخذها بس خايفة

[الشاعريه]

في وايد مواضيع عن ابره الظهر
بتستفيدين منها

[احباب الله]

ربنا يسهل عليك

[فراشة دبي]

خذتها بنصيحة وضغط فضيع من الدكتورة
لان الرحم ما طاع يفج ولا أي سانتي معايه
والولادة مطوووووووووووولة
والحمدلله ممتازة جدا ما تحسين باي ألم
يخوز موليه باذن الواحد الاحد
وووو
الآثار الجانبية الم فضيع فالظهر هاه بعد الولادة طبعا
واستمر معايه لمدة ست شهور تقريبا او تسع شهور
بس الالام تيي وتروح واحيانا تختفي شهر وترد بالشهر الثاني متقطع جي يعني
انصحج بها يالغالية

دعواتج الله يهدي ولدي ويرزقه حفظ القرآن ياااارب ياكريم

مشكوره و يزاج الله خير ,, الله يهدي ولدج ان شاء الله

[فراشة دبي]

اذا تبنج نص الجسم معناته مكان الابره غلط ,, لازم يرد دكتور البنج يعدل مكانها ,,

[FoOo]

للرفع

[ملكة الاحاسيس]

بس نصيحه اللي تقدر تتحمل مافي داعي تاخذ الأبره..
انا طلبتها لأن كانو مسويلي طلق صناعي.. والطلق الصناعي ماحد يقدر يوصفه ويحس فيه غير اللي جربه.. اما فولاداتي القبليه يكون فيني الطلق طبيعي بروحه يايني الحمدلله ماحس اني بحاجه إلها .. غير طبعا الفتره الاخير يوم يكون مفتوح 7 وزياده .. بس خلاص تكون ولاده واصلن هم يرفضون يعطونها من بعد مايفتج 6. ان شاء الله ايني الطلق بروحه بدون صناعي..
اضعاف اضعاف اضعاف الويع الطبيعي ...

صأدقه المها لا يوصف الطلق الصناعي
الابرة خذيتها مرتين الاعراض حكة فقط

[ام زايدالغالي]

انصحج فيها الغاليه فنانه انا جربتها في عملية التنظيف مابعد الولاده يدقونها بالظهر يخدرون المكان وبعدين يدقونها يعني ابدا ماتحسين بالابره وكنت اريدها بحزة الولاده بس ماطاعو يعطوني ياها لاني كنت واصله المستشفى وفاتح 7 سانتي

[crystal art1]

الله يسهل عليج ان شاء الله أنا افكر أني اجربها كم وحده من الي يقربولنا مجربينها ويمدحونها ماتحسين بشي وماقالوا انه لها اي أعراض بعد الولاده والله اعلم