ريلي وايد متضايق

[يدتي حياتي]

السلام عليكم

بنات ما بطول لاني وايد ضايجة

صايرة مشاكل مع اهل ريلي مشاكل عائلية بينهم بس واااايد مأثرة على ريلي

ريلي وايد تغير احسه صار مهموم ما يسولف كله سرحان وكله يقول لي انا متضايق وتعبان بس ابا ارقد

ماعرف شو اسوي وياه عشان اخفف عنه لا تقولون لي خل يفتح له قلبج لان مشاكل عائلية وماحب ادخل في مشاكلهم لو يبغي يقول لي بيقول بدون ما اسأله بس شو اسوي عشان اخفف عليه واونسه واخليه يحس بالراحة شوي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طيف الغربة]

فترة وتعدي اختي لا تسأليه وحاولي تطلعي وياه اماكن وتستأنسو وتتكلمون بسوالف حلوة اخرى وان شاء الله تعدي هالفترة

[دريمم]

غيرو جو طلعي معاه سيرو اي مكان بتستانسون وحسسيه ان هالمشاكل تستوي في اي بيت

[يدتي حياتي]

سويتها قبل وسرنا مجرد ما انرد البيت يتضايق مرة ثانية ويفكر في المشاكل واتيه تلفونات احسه بدا ينضغط وايد

[كلامي عسل]

اممممممممممممممممممممم ماعرف شو اقولج بس انتي حاولي تقوليله قومم ابا اروح الجمعيه بس انتي قبلها احجزي بالمطعم جيه تتغدون او تتعشون سوا وقوليله انه بنظهر للجمعيه بس قصي عليه ووروحي المطعم جيه غيري الجو



الله يحفظكم ويديمكم للبعض
لا تسالينه خليه بس حاولي اتخففين من عنه بكذا طرق




ادعيلي الله يجمعني مع اللي ف بالي بالحلال


اللهم آمين

[قصايد]

بالعكس أنا أحس إنه لو تكلم وقالج عن المشكلة أكثر بيرتاح وإنتي دورج تحسسينه إنه مكبر السالفه وما في داعي يزعل
لأن فالدنيا مشاكل أكبر من أمراض وموت وشلل وغيره وغيره

[مالتيزرس]

الله يفرج كربته

[حرمه خالد]

الله يفرج همج وهم ريلج

[شهد الظاهري]

بـإالعكس حـآاولي ـإاتخلينه يفضفض لج وذكريه ـإان فـ كل بيت تستوي مشـآاكل وفترة وبتعدي ـإان شـآاء الله .. ,

[ورقة ناعمة]

شربييييييييييييييييييييييييييييييه عصيييييييييييييييييييييييييير ليمونادة فرييييييييييييييييييييييش ثلج

[غروري جاذبية]

الرياييل جي مب نفسنا .. وأيد كتومين .. نفس ريلي جي يت فتره في مشاكل في بيت أهله بس وأيد اثر في حياتنا حتى كنت متضايجه لأا يسولف وياي ؤلا يضحك بس كنت دوم أقوله مآبا هالشي يأثر فينا كل بيت وله مشاكله بس لااا تخلي هالشي يأثر في حياتنا بس مآشي فأيده كان يقول لي ماعليج أن شاء آللـه فتره وبتعدي وكنت أحاول رؤوحي إغيير جوو أقوله قوم نطلع وجي حتى لو نتمشئ بس جي فالموتر ونسولف بس صدقج نرد البيت بعد نفس الحال، أصبري ما عليج ولا تضغطين عليه بهالسالفه خليج عاديه وسولفي وفرفشي مع الأيام كل شيء بيرد نفس قبل بس يباله وقت

[♛ ＬＡ ＱＵＥＥＮＳ]

حاولي تبعدينه عن هالاجواء مب بس طلعات لا خليه يمارس بعض النشاطات او الهوايات مثل السباحة او ركوب الجيت سكي .. الخ

ثانيا اذا شفتيه متضايق قوليله الدنيا ماتسوى و كل بيت لازم فيه مشاكل وان شا ءالله بتنتهي على خير .. اهم شي الواحد مايغصص بعمره ويمرض

لانه كل شي يتعوض الا صحة الانسان لا سمح الله لو مرض

و لا تنسين تشغلين قرآن في البيت وهذا اهم شي

الا بذكر الله تطمئن القلوب

[ss91]

����ادعي بان الله يفرجها و يشعد قلبه و يبعد عنكم المشاكل و الهموم

[قلبي من ألماس]

والله حبيبتي الرياييل وايد يفكرون .. نحن الحريم ان استوت مشكلة وكلمنا حد فيها نرتاح .. بس الرياييل يبالهم وقت لين ما يثقون بحد يقولون له ..

اهم شي انتي تخلينه مرتاح .. واذا شفتيه ضايج .. لا تسألينه شو فيك .. لا .. بس قوليله .. ان الدنيا ما تخلى من المشاكل .. بس الواحد اذا تم مضايج عمره ما بيحلها .. بالعكس .. بيتعب زيادة .. وهالشي بيزيد مشاكله باشيا ثانية هو فغنى عنها ..

وخليه يغير روتينه .. يطلع وياج .. وشجعيه يطلع ويا ربعه .. ويروح الجم مثلا .. لان صدق الجم يغير النفسية ... او حتى يسوي اي رياضة مثل المشي ..

واذا فتح قلبه وخبرج شو المشكلة .. اول شي بيني له ان هو وياه حق في وجهة نظره .. صدقيني هالشي بيخليه يرتاح اكثر انه يقولج اللي فقلبه .. وشوي شوي ناقشي وياه الحلول ... واذا حسيتي انج ما بتفيدينه والمشكلة فوق ما انتي تبين تتدخلين .. بس هديه وغيري نفسيته وجوه شوي ..

والله يفرجها ان شالله

[(خيماويه)]

الله يسعدكم ويفرج همكم