ابى اضعف واحتاج قوة الإرادة واني مااضعف جدام المغريات

**Galb-A** · 2012-03-24, 12:25

السلام عليكم شخباركم بنات

اول شي انا عروس مقبلة على خطوة مهمة بحياتي وهي العرس وريلي مايحب اني اكون متينة والحين هو مغترب عني سنة وشوي تقريبا هو بها الفترة يباني اضعف اضعف اضعف وانا ابى والله بس ماعندي قوة الإرادة جدام المغريات كل مرة اقول بسوي وبسوي وبسوي واخر شي اكل اضعاف اضعاف

حتى توني تخبلت قاعدة اقايس بدي والله كرشتي كرشة حامل

اهي اهي اهي

كرهت عمري والله وياهالمتن احاول اني اشد على نفسي مااقدر دخلت قروبات ماشي فايدة سويت كل شي مافي فايدة شو اسووووووووووي

بنات والله ابى اضعف والله شكلي جييييييه ابدا مب حلو والله

احب اقول لكم سنة 2010 ضعفت ضعف والله وايد حلو وكل حد كان حاسدني على قوة ارادتي بس للحين ماادري شو صابني ساعدوني بنات الله يخليكم

المزيد من آخر المواضيع من نفس القسم:

**رحيق الصبا** · 2012-03-24, 13:25

عزيزتي انا ناوية ابدي برجيم النقاط يعني اكل بدون حرمان اذا حابة تنظمي معنا كل الهلا بيج لان انا مثلك ومثل حالتك بس يارب هالمرة التزم واوصل للي اريده

**Galb-A** · 2012-03-24, 13:42

اوكيك حبيبتي بشترك معاج ويااااااااااااااارب التزم

**غلا نفسي** · 2012-03-24, 13:53

مرحبا حبوبه شحااالج عسااج بخير .....أختي انا بس حبيت انبهج لنقطه يمكن انتي غافله عنها والي هي انتي انتي شوه الي تبينه بظبط وكيف تبين حياتج الجديده تكون انتي دخلتي وكتبتي انج تبين حد يقوي ارادتج لكن صدقيني هذا كله بيدج انتي انتي قرري ونحن رااح نكون المشجعين لج انتي انوي ونحن رااح نكون المتابعين لكل خطوه تخطينه .....يبي ورقه وقلم وقسميها من النص شوفي الايجابيات والسلبيات في يومج كله من تصحين لين تنامين بعدها رااح تعرفين وين الغلط وين السر في كل الي تسوينه ويفشل .... حبوبه الوقت يلعب دور كبير من ناحية الاكل والرياضة وعدد الوجبات وتقسيمهم يبالج تراجعين نفسج من اول ويديد وانتي ذكرتي انج من سنتين قدرتي تحققين هذا الشي معناته مافي اي مشاكل المشكله الحين في ارادتج الي لازم ترجعين تقوينها وتعبينها طاقه من اول ويديد عشان تكسرين هذا الحاجز ....حبوبه محد ادرى في مصلحتج كثرج انتي انا اقولج اياها الخوااات كلهم ماراح يقصروون معاج من تشجيع ومتابعه بس انوي انتي وتوكلي على الله وخلج ايجااااااابيه هذي حطي تحتها مليون خط ابتعدي عن الياس الضيج اللاحباط انتي في السليم وحاولي كثر ما تقدرين انج تنظرين لنفسج بصوره حلو عشان كل مره تزيد ثقتج بنفسج وشوفين عمرج احلا واحلا أسمحيلي يمكن طولت عليج بس بغيت اقولج شوه هو العامل الاساسي الي يمكن انتي تجاهلتيه وحطي في بالج كل المغرييات ماراح اطير وتقدرين تاكلين منهم بس تخفيف من دوون حرمااان اذا حرمتي نفسج رااح تردين لشي بشكل مش طبيعي تاكلينه دبل فمثل ما قتلج ورقه وقلم ورتبي وتوكلي موفقه اختي اي استفسار انا موجوده حبيت ع الخاص او ادشين تكتبين لي في قروبي الي هو %نظام التخفيف والرياضة المستمرة %

**Galb-A** · 2012-03-24, 20:03

مشكورة حبيبتي وكلامج وايد نفعني وان شاء الله بسوي اللي قلتي عليه واكيد اني ابى صحتي ونفسي وجمالي مو المتن والمشاكل الصحية

**مونتاج** · 2012-03-27, 10:09

نظام النقاط او نظام السعرات افضل شي لانه بيكون نظام حياه و بدون حرمان
الجسم يوم تحرمينه من شي اثناء الريجيم اول ما توقفين ريجيم يبدل يخزن لتعويض الحرمان
و ها الشي السيئ في الريجيم السريع
بصراحه اكثر شي نفعني ريجيم السعرات تاكلين اللي تبينه و تاكلين من نفس اكل العايله
و ما تحرمين نفسج من شي لكن بحذر يعني الكميه قليله
قللي من كمية اكلج بالتدريج يعني اذا تاكلين صحنين خليهم صحن و نصف
ثم صحن ثم نصف الصحن بالتدريج عشان لا يشعر الجسم بالحرمان و يبدا يعوض بالتخزين
و شوي شوي بتقل كمية اكلج
الشاي و الكوفي حاولي تقللين السكر بالتدريج ايضا يعني هالشهر قللي نصف ملعقه
ثم نصف ملعقه ثانيه لين تشربينه بدون سكر
يعني لا تصدمين جسمج بالريجيم خلي على راحته
صدقيني اذا تعودتي تشربينه بدون سكر
بتستغربين طعمه بالسكر و ما بتقدرين تشربينه بالسكر
و الرياضه طبعا باستمرار يعني لازم تكون نظام حياه
و ماتسغنين عنها ابدا اذا لعبتي و توقفتي بيرد جسمج يترهل لازم الاستمرار
بالنسبه للكرشه افضل شي الرقص الشرقي هو اللي فادني احط السيدي و العب مع المدربه
اذا حابه اقدرر اوفرلج سيديات بس صدقيني لازم الاراده و العزيمه هم اللي بيخلونج توصلين لهدفج
و الله يوفقج و توصلين للوزن اللي تبينه ان شاء الله

الموضوع: ابى اضعف واحتاج قوة الإرادة واني مااضعف جدام المغريات

أدوات الموضوع

عرض