افكار لرجوع ريلي من السفر

**مهمومة الخاطر** · 2012-03-04, 00:46

هلا خواتي من عرست هاي اول مره بيروح فيها زوجي سفرة وبيرجع طبعا بكون بيت أهلي طول هالفتره شو ممكن اسوي علما ان ولا فحياتي سويت شي رومنسي من زواجنا افكر ارجع بيت أهله نفس ليله وصوله بس شو اسوي في غرفتنا الخاصة كيف استقبله علما انه الصبح وصوله ولا عندي مطبخ بس غرفه وحمام وما بيكون وقت عشا ساعدوني بليز المشكله حامل مارون أصبغ شعري والا البس كعب هل استقبله كأشخاص والا بقميص نوم والا أحجز في فندق

المزيد من آخر المواضيع من نفس القسم:

**مواليد2010** · 2012-03-04, 01:01

اكشخي والبسي لبس سنبل للحوامل وحطي ميكب بسيط يعني خفيف ما يتلاحظ وسويله ريوق اواطلبي فطاير وسويله سلطة فواكه وقصير فرش وكل يكون بطريقه حلوه للتقديم وجهزيله هديه بسيطه وغيري شرشف السرير وطبعا اول ماتشوفينه استقبليه احظنيه وقوليله بصوت واطي ولهة عليك حبيبي وبعد الريوق والجو الشاعري غيري والبسي قميص نوم يديد واتمنى أنج استفدتي

**دمعتي الحزينه** · 2012-03-04, 01:36

غيري ديكور الغرفه شوي مفرش يديد قميص نوم مميز اترسي الحجره ورد طبيعي وسويله فواله حلوه اول مايوصل ^^

**دلوعه2008** · 2012-03-04, 03:31

بالتوفيق يارب

**خلود 2** · 2012-03-04, 04:54

هلا الغالية

الله يرجعه بالسلامه ويحفظكم ويسعدكم دنيا وآخرة حبوبة

من الأفكار انج تجددين في قمصان النوم مفرش يديد شكلج كاشخة ومرتبة ريحة عطر مميزه دخون مميز
ورود بطاقة حلوة ورود وغيره

**amootfeek** · 2012-03-04, 11:37

مرحباا الغاليه....
بما انج ماسويتي شي من قبل فهذه فرصتج,,,,
اهم شي تشترين فراش راقي وحلو يعني سوالف الدانتيل وهالحركات حلوه وفخمه في نفس الوقت
سويلج سله فواكه اللي اتكون علي شكل باقات معدله ومزينه وحطيها كفواله له في الغرفه,,,,
اشتريلج قميص نوم ناعم ويناسب الحوامل,,
عدلي قصه شعرج وحاولي اتسوين فيه تغير سيري الصالون سشوريه او سويله فير اذا شعرج طويل ,,,

واللي فهمته انج في بيت اهل ريلج ,,,حاولي اتزهبيله شي علي الفواله يعني اطبخيله شي مرتب سويت مرقوقه يعني حاولي انج تتفننين في فواله البيت عسب يعرف انه هالتجهيزات كلها مخصوص حقه.. واذا مافيج شده علي الطباخ اطلبي من اي مكان في وااايد حريم يسون مثل هالفواله وشغلهن حلو....

والله يوفقج يالغاليه ويسهل عليج الحمل والولاده.....

**فديت عليا** · 2012-03-04, 12:15

الله يرجعه بالسلامه

اهم شي تكشخين وتغيرين دزاين الغرفه خلي حد من هلج ولا خواتج ييون وياج وغيري ترتيب الغرفه يعني غيري مكان السرير و التسريحه
وخليها كلها ورد طبيعي ومجفف وغيري المفرش حطي بالونات ولا تنسين الريوق الغيير شكل والحمام اختي خليه رومنسي عديليه وجهزيله البانيو بالرغوة والزيوت العطريه
والورد المجفف وحطيله هديه حلوة مع رساله اطبعي عبارات مثل الحمدلله على سلامتك حبيبي واشتقتلك واحبك واللي تبينه ولصقيهم عالجدار بطريقه حلوة فاماكن مختلفه وطبعا
الاستقبال بالاببتسامه والاحضان والقبل دلعي عمرج ودلعييه وبتستانسون وايد ان شالله^^

الله يوفقج اختي

**شمسة المرر** · 2012-03-04, 18:27

احجزي سياره ليموزين توصله من المطار
للبيت ووصي الشركه ان السايق يفتح
الباب ويعطيه الباقه وفي الباقه
اكتبي انها منج

**ام شما11** · 2012-03-04, 19:05

هـلا حبوبه

أول الله يرده لج بسلامه ويحفظكم

غيري كل ?ـي مـن شكلج والحجره وحتى دزياين الحمام غير

خلج نيو لوك

خذي فراش يديد وإذا ماتقدرين و كان فراش الشبريه اللي عندج ساده تقدرين تحطين عليه ورود مجففه عـلى شكل قلـب

وخذي لج لبس حلؤ ومناسب للحوامل ويكون شكله مرتب وحطي ميكب خفيف

وعطري الغرفه ودخنيها
وسويله أكله حلوه ويحبها أو شطة فواكه شكلها حلؤ ومرتب

وأخيرا استقلبيه بالاحضان والكلمات الحلوه

**waham** · 2012-03-04, 20:52

للرفع

**الوزيره7** · 2012-03-05, 12:20

الغاليه بما انج حامل الله يسهله عليج ان شالله لبسي لبس حوامل وحطي مكياج خفيف ورفعي شعرج .... وحطي فازه كلها ورد احمر وغيري الشرشف دوري المفارش الدانتيل ولون احمر اتوقع بيطلع حلووو .... ولا تنسين سويله فواله بسيطة مع عصير برتقال ؟ والله يوفقج الغاليه

**الوزيره7** · 2012-03-05, 12:26

الغاليه بما انج حامل الله يسهله عليج ان شالله لبسي لبس حوامل وحطي مكياج خفيف ورفعي شعرج .... وحطي فازه كلها ورد احمر وغيري الشرشف دوري المفارش الدانتيل ولون احمر اتوقع بيطلع حلووو .... ولا تنسين سويله فواله بسيطة مع عصير برتقال ؟ والله يوفقج الغاليه

**كريستال** · 2012-03-05, 12:47

الخوات ما قصروا

موفقه أختي

**مجنونة و تجنن** · 2012-03-05, 13:59

ربي يوفقج

**حلوة واموره** · 2012-03-05, 20:07

خذيله بجامات كنوع من التغيير
حاولي تغيرين في شكل البيت
تعطير البيت خذي المعطرات من لايف ستايل
سويله ريوق مرتب انتي ادرا هو شو يحب

الموضوع: افكار لرجوع ريلي من السفر

أدوات الموضوع

عرض

افكار لرجوع ريلي من السفر

المزيد من آخر المواضيع من نفس القسم:

المواضيع المتشابهه

افكار لقمصان السفر خذي الفكره ووفصلي ارخص لج

ريلي برد من السفر :)

ريلي بيي من السفر ؟؟؟؟؟؟؟؟؟؟؟؟؟؟؟؟؟؟

ريلي باجر بيرد من السفر عطوني افكار لاني بجمعها مع يوم زواجنا!!

ريلي بيرد من السفر ابا افكار منكم