نهايه قصة الدكتور والممرضه ^^

**عواش 18** · 2012-03-01, 23:34

"السلام عليكم حبيبااااتي

حبيت اخذت رايكم بالموضوع ربيعتي قالتلي احطه بالمنتدي

الموضوع ومافيه اخو ربيعتي يبا ياخذ .........
هو يشتغل دكتور وماشاء الله ناجح في دوامه وماسك منصب وعمره قريب 28 وكل بنيه تتمناه وهي ممرضه وكانوا في نفس القسم فمن تعاملها معاه في الدوام وجي شاف انها انسانه محترمه وخلوقه على قولته ودوم مبتسمه وايد حنونه على المرضي خاصه كبار السن واليهال

فالمهم هو مب عارف كيف يفاتح اهله بالموضوع وحتي البنيه هو ما خبرها انه بيتقدملها

اعرف تقولولي وين المشكله انها من جنسيه غير بس ما اعرف اخته تعرفت على بنيه وقالت ما شافت منها شي شين

فشو رايكم بالموضوع؟

مشكورات حبوبات ع النصايح اخت الولد تقرا الموضوع وهو ماخذ اجازة برمضان عسب يستخير وهو استخار مره وارتاح وقال ان لو اخذ وحده من اختيار اهله يمكن تطلع مب زينه ولا نكديه ولا اي شي يعني هو يدري ان سالفه كلها نصيب بس هو واثق في زميلته هاي الممرضه لان على قولته براي الجميع في سنوات عملها كلها ما شاف منها شي شين
واخت الريال مثل ما قلتلكم راحت شافت البنت هي سمراء صح بس قالت ملامحها وجسمها حلوين
وعن اخوها بصراحه انا شفته مره وانا رايحه تدريب بالمستشفي وسيم ماشاء الله وطويل وبياض يعني هي سمراء وهو ابيض
وكلها في نهايه نصيب رغم اني كنت اتمناه ياخذني خخخخخخخخخخ
وعن عياله والمستقبل قال ها سوالف ما تهمه وهو مب اول ولا اخر واحد بياخذ من برع وبيربيهم احسن تربيه

.................................................. .................................................. .........................................
هذا الرابط لموضوعي السابق , لانه في بنات تواصلوا معاي وكانوا يبون يعرفون نهايه السالفه
بما ان الجنسيات ممنوعه تنكتب هني فبلمحلكم هي من الدوله الي تعاني من المجاعه حاليا , الله يفرجها على جميع المسلمين

المهم الولد بعد ما كلم اهله وخواله كلموا امه واقنعوها ان ها النصيب وها سعاده ولدها فاقتنعت ووافقت وبيسيرون يخطبونها بعد رمضان لانهم مشغولين باعراس حاليا وزهبات بس مبديئا ربيعتي الي هي اخت الولد سارت وكلمت البنيه بالموضوع والله يتمم على الجميع بالخير ويرزق جميع العزابيات بشيخ الرياييل يا رب"

http://forum.uaewomen.net/showthread...E3%C7%E1%ED%C9

السلام عليكم ورحمه الله وبركاته

ادرى صارلي فتره ما دشيت بس لاني كنت موقوفه 3 اشهر هع
اليوم بطلت الحساب وشفت رسائل على الخاص عن قصة الدكتور الي في الرابط وبما ان الرسائل وايده وما اقدر ارد على كل وحده قلت انزل الموضوع هنى احسن

المهم البنيه عرست من اسبوع وشي في ابوظبي وانا رحت العرس لان ربيعتي عزمتني والعرس كان خباااااال ماشاء الله الريال ما قصر بشي من ترتيب وتجهيز وحفله والبنيه كانت طالعه قمر
والحين هم مسافرين بشهر العسل لباريس
الله يهنيهم ويسعدهم ويرزقنا نحن العزابيات بالزوج الصالح ^^

حطيت القصه كامله فوق ^^

المزيد من آخر المواضيع من نفس القسم:

**طيف الغربة** · 2012-03-01, 23:38

ربي يوفقهم ويسعدهم ^_^

**ليندااااا** · 2012-03-01, 23:52

الله يهنيهم ويسعدهم يارب

**زم_قمر_ان** · 2012-03-01, 23:57

ماا اعرف شو القصه

لكن الله يبارك لهم ويحقق امانيهم ^__^

**الغر الحشيم** · 2012-03-02, 00:16

انا كنت متابعه الموضوع و استغربت يوم عرفت جنسيتها

ما شاء الله صج حظوظ

الله يوفقهم ويسعدهم يارب

**rozee** · 2012-03-02, 02:25

الله يسعدهم

**قارورة العسل** · 2012-03-02, 03:00

الله يسعدهم ويهنيهم بس انا ما عرفت الجنسية اي دوله الي فيها المجاعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟حاليااااااا؟؟؟ عربيه يعني؟؟؟

**ذاكره الجسد** · 2012-03-02, 03:13

الله يهنيهم ويسعدهم

**عواش 18** · 2012-03-02, 15:16

المشاركة الأصلية كتبت بواسطة قارورة العسل

الله يسعدهم ويهنيهم بس انا ما عرفت الجنسية اي دوله الي فيها المجاعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟حاليااااااا؟؟؟ عربيه يعني؟؟؟

هيه عربيه الدوله القريب من اليمن وتكثر فيها سوالف القراصنه

**بنت العدوي** · 2012-03-02, 19:09

الله يسعدهم ويرزقهم الذرية الصالحة

ويزقنا الرجال الصالح عاجلا غير اجلا

**لمارا333** · 2012-03-02, 20:23

الله يبارك إلهم ويسعدهم
ويرزق كل بناتنابأحسن مما رزقها

**sweet_AD** · 2012-03-03, 13:37

الله يهنيهم ويرزقهم الذريه الصالحه يارب ...
وعلى فكره انا كنت من المتابعات وبشده هالقصه بس عيبني ردج الحضاري هالمره بصراحه التوقيف نفع معاج
﴿قل لَنْ يُصِيبَنَا إِلَّا مَا كَتَبَ اللَّهُ لَنَا ﴾ صدق الله العظيم

**امة الرحمان** · 2012-03-03, 15:43

الله يسعدهم ويهنيهم ياااارب ...

**عواش 18** · 2012-03-03, 20:53

المشاركة الأصلية كتبت بواسطة sweet_AD

الله يهنيهم ويرزقهم الذريه الصالحه يارب ...
وعلى فكره انا كنت من المتابعات وبشده هالقصه بس عيبني ردج الحضاري هالمره بصراحه التوقيف نفع معاج
﴿قل لَنْ يُصِيبَنَا إِلَّا مَا كَتَبَ اللَّهُ لَنَا ﴾ صدق الله العظيم

ليش حبوبه انا متى كان ردى مب حضاري للمعلوميه التوقيف كان لموضوع اخر مب ها الموضوع

**فنون الحب** · 2012-03-03, 21:38

سبحان الله

نصيب

الله يسعدهم ^^

الموضوع: نهايه قصة الدكتور والممرضه ^^

أدوات الموضوع

عرض

نهايه قصة الدكتور والممرضه ^^

المزيد من آخر المواضيع من نفس القسم:

المواضيع المتشابهه

(الدكتور أحمد الكبيسي والفتنة الكبرى) بقلم الشيخ الدكتور محمد غيث

شوفو رد المعلمه والممرضه لطالبه مريضه بالربو

نهايه العالم لـــ الدكتور محمد العريفي >> صوره