أنا وأخـــــــــــت زوجي2..بتيني الجلطه الثانيه لحقوا عليه..

**راعية الفتاكي** · 2012-03-01, 20:18

السلام عليكن جميعا..
حبيت اطلع اللي بداخلي شوي عشان ما انفجر..
انا كتبت لكن مشكلتي مع اخت زوجي ومشكورات كل اللي رد عليه واللي قراء الموضوع ومن خاطره دعاء لي..
.
بس فخاطري شي ومو عارفته.
اريد انام واصحى الاقي نفسي شخصيه ثانيه..
يمكن تقولن مدمغه او مخ ما فيها..
بس صدج اتكلم وياكن..
انا ما اخذ راحتي فالكلام غير على هذا الموقع..
احسكن كلكن على بعض..مع ان الوحده ما تعرف الثانيه شخصيا.تعرفها بس عـ سيدات الامارات
طفرانه...
ريلي يحبني..وانا احبه..
بس اسأل نفسي هل هالحب يكفي اني اغطي على عمايل اخته وامه فيني..
انا من اشوفه لو من بعيد قلبي يدق واحسه بيطلع من صدري..
وكل العايله تعرف كيف هوه يحبني .بس الحين.
صحتي قاعده تدهور..
حسبي الله عليها.اخته هذي بتيب لي الجلطه الثانيه..اخاف انفجر يوم من الايام فويوهم ويستوي ما لا يحمد عقباه.
سجلت ولدي فمدرسه..وقامت سجلت ولدها مع ولدي وبنفس الصف..
كل يوم نقوم الصبح على صوتها عند دريشتنا تزاقر فلان وفلان(عيالها)يمكن تحب موقع قسمي ومخليته مكان استجمام بالنسبه لها..ما عندها بيت يا ناس تقعد فيه..
اخذ اكسسوارات لبنتي ونعطي بنتها وبعدنا ما سالمين.قمت اشتري بدال الغرض ثنين عشان تسكت عني بعدني ما سلمت منها..
زوجي بدا يغير معاملته معاها يعرف تصرفتها اللي تغث..
وقالت لي انتي شو تخشين فأذونه؟والله اني ما قلت له شي..يعني ما يبن هيه وامها اني اكون على طبيعتي؟يعني يبن يشوفن الوجه الثاني مني؟يبني احرق البيت واللي فيه؟يبن يشوفن ابليس على رجوله؟استغفر الله العظيم..انا اقدر اقلب عاليها واطيها .بس امي وابوي مانعيني.الله يحفظهم يا رب علموني الصبر وربوني احترم اللي جدامي لو كان عدوي..
ومره من كثر ما شاله فقلبي طلعت كلمه مني ما توقعت اني اقولها
نشيت الصبح كالعاده على صوتها وقمت سبحت عيالي ورحت اسوي الريوق ويوم خلص جلسنا كلنا انا وريلي وعيالي..وقامت من مكانها وجلست امبينا وقالت (أبا أادبج؟انتي وريلج ياكلون وما عزموني؟)عصبت وقلت لها:تأدبين من؟أنا قبل ما أدش هالبيت كنت عند ريال الكل يحلف براسه وعند حرمه الحريم كلهن يتمنن يكون مثلها تبين انتي تأدبيني؟)قمت وخليت الريوق ورحت قسمي وقعدت ابكي من القهر..وريلي ربع وراي وقعد يهديني وراح عني شوي وبعدين رجع..وعقب خمس دقايق شرفت عندي وهيه تبكي..أقسم بالله انها تمثل.وانا اسفه واللذي منه.. بس خلاص ما قادره اتحملها.وعرفت بعدين ان ريلي وعمتي هدوا عليها وقالتلها عمتي تتريقين فبيتج وبيتنا وقبل الغداء تصبيره على قولتها .اللهم لا شماته بس لو تشوفنها وزنها قرب الميتين .
طلعت اللي فخاطري شوي وسمحولي طولت عليكم..

المزيد من آخر المواضيع من نفس القسم:

**الدرر** · 2012-03-01, 20:23

الله يعينج والله
ويفرج همج يااارب

ادعي ربج فديتج

سبحان الله وبحمده

**ريم الفلا 555** · 2012-03-01, 22:10

الله يعينج اختيه
بس حالولي كوني زينه وياها خلي معاملتج حلوه
الابتسامه في وجه اخيك صدقة
وغير كذا بتكبرين بعين ريلج \
ربي يهدي بالج حياتي

**ليندااااا** · 2012-03-02, 00:11

الله يفرج همج يارب
ربنا ما ينسى احد
الله يهديها اخت ريلج
شو هالاسلوب

**صمت القصايد1** · 2012-03-02, 00:13

صبري وصبري وصبري والله يهديها انشالله شكلها كانت وايد متعلقة فيه قبل لا ياخذج عسب جي غيرانه منج

**طيف الغربة** · 2012-03-02, 00:18

الغالية معليه عشان ريلك تحملي وان شاء الله مع الايام تصلح وربي يهديها ويهدينا اجمعين

**rozee** · 2012-03-02, 02:21

الله المستعان

**قارورة العسل** · 2012-03-02, 03:05

اصبري فان الله مع الصابرين
ويارب يسعد قلبك ويفرحك

**MEMOIR** · 2012-03-02, 09:28

كل شي بيصطلح بالمسايس اختي وعديها شرات اختج وان شالله تكونون قلب واحد يارب

**القوية بالله** · 2012-03-02, 16:18

الله يكون في عونج وممكن تكون غيرة بس هي ليش ماتسير بيت ريلها ؟ ^^
وغير جية انتبهي واايد ترمسين عنها مب عشان شي عشان ماتاخذ اجرج وتكونين تغتابينها
واايد ناس يضايقونا فينا ونقعد نفضفض من باب الفضفضة لكن ننسى ونقعد نرمس عنهم
عشان جية انتبهي من هالنقطة وغير جية ابعدي عنها وخليج بارد وياها

لانها لو حست انج تتضايقين من شي بترد تسويه لكن انتي بيني لها العكس انه عادي
ولايهمج وخليج باردة ولايهمج وتحملي بعض الناس لمن يضايقونا بشي ويعرفون اننا نتضايق
من هالشي يردون يسوونه

**(خيماويه)** · 2012-03-02, 18:09

الله المستعان

**لمارا333** · 2012-03-02, 20:35

المشاركة الأصلية كتبت بواسطة القوية بالله

الله يكون في عونج وممكن تكون غيرة بس هي ليش ماتسير بيت ريلها ؟ ^^
وغير جية انتبهي واايد ترمسين عنها مب عشان شي عشان ماتاخذ اجرج وتكونين تغتابينها
واايد ناس يضايقونا فينا ونقعد نفضفض من باب الفضفضة لكن ننسى ونقعد نرمس عنهم
عشان جية انتبهي من هالنقطة وغير جية ابعدي عنها وخليج بارد وياها

لانها لو حست انج تتضايقين من شي بترد تسويه لكن انتي بيني لها العكس انه عادي
ولايهمج وخليج باردة ولايهمج وتحملي بعض الناس لمن يضايقونا بشي ويعرفون اننا نتضايق
من هالشي يردون يسوونه

صدقها والله يآجرج على حسن التعامل

**الهمة العالية** · 2012-03-02, 20:57

اشتغلى عليها بعلم الطاقة
انا متاكدة بينفع معاها

**مـــــريم** · 2012-03-03, 08:33

هالشي مايرزا

**{سوسو}** · 2012-03-03, 09:03

بما انك ياحبيبتي عرفتي شخصيتها زين خذيها على قد عقلها سايريها بس بحدود يعني لاتحاول تحشر خشمها ف خصوصياتك وبيتك وزوجك وعيالك انتبهي تسمحيلها اما الباقي بسلامتها الله يشفيها .. ولاتنجلطين ولاشي بالعكس كويس تفكيرها كذا تقدرين تتعاملين بمرونه معها والزم ماعليك صحتك ليش تنجلطين سلامتك وسعي صدرك وانبسطي وعيشي حياتك وهي عطيها طااااف ههههههههههه الله يسعدك خيتي وجميع المسلمين يارب

اللهم صل على محمد ..

الموضوع: أنا وأخـــــــــــت زوجي2..بتيني الجلطه الثانيه لحقوا عليه..

أدوات الموضوع

عرض