ساعدوها بليز

**Al3'wya** · 2012-02-24, 21:35

السلام عليكم

شحالكن خواتي ؟

بنات بليز اباكم تساعدون بنت عمي وخصوصا المعرسات لانها مب لاقيه حل لمشكلتها
السالفه هي ان ريلها من شهرين تقريبا مهملنها لدرجه فضيعه مع ان ماكملو 4 شهور
من عرسو وصارت فهالفتره مشاكل بين المتوسطه والبسيطه والحمدلله انحلت
بس الريال تغير عليها تخيلو ما يسال عنها وحتى تمر ايام ما يشوفها ويتاخر برع البيت
ولما يرجع ينام فالغرفه اللي برع البيت او ينام مع اخوه ولما تساله ليش يقولها كنت
تعبان وما قدرت اركب الدري وهي ما شالله عليها حلوه ونظيفه ومرتبه والكل يشهد
حتى اهله لاحظو تصرفاته معاها ويحاولون يعرفون شو صاير بس هو ما يرد عليهم
المسكينه استوتلها حاله نفسيه تحس عمرها ناقصه كل يوم تروح المستشفى والصالون
تبا تعرف شو الخلل اللي فيها عدلت نفسها وصبغت شعرها وماتم شي ما سوته
حتى قامت تراجع دكتوره نفسيه والدكتوره تقولها انتي مافيج اي شي بس يمكن
ريلج عنده مشاكل فلا تضغطين عليه وهي بالايام العاديه لو ما ادقله ما بيسال عنها
ولو طرشت مسج تحلم انه يرد عليها واذا مادقت كانه ماصار شي ولا بيسال
اول الاسبوع البنت تعبت وتمت ادقله تخيلو حرقت فونه ولا رد عليها مع انه
كان قاعد فغرفه اخوه وقالهم انه بينام والمسكينه دقت لامه ولما امه راحت ادوره مالقته
واضطر اخوها يوديها المستشفى وكان عندها تسمم المهم عمي ما سكت عن الموضوع
ورجع بنته معاه عالبيت وقال حق اهل ريلها محد يرمسه او يطريها جدامه لين ماهو
يحس انها مب موجوده فالبيت طبعا مر الاسبوع ولا حس فيها وهي كل يوم تصيح
اليوم العصر دقلها فون وهي بتشقق من الفرحه انه حس بس ابوها مارضى انها ترد
بس عقب طرشلها مسج قالها انه بيبات عند ربيعه هاليومين يبا يغير جو
المسكينه انهارت من الصياح ماتعرف شو تسوي تبا تعرف شو فيه بس هو يصدها
حتى اهله يصدهم وما يخليهم يتقربون منه او حتى ياخذون ويعطون معاه

بنات بليز اللي عندها خبره فالامور تفيدنا لانه مافي اي اعراض ثانيه عليه هو يصلي ويقرا قران
بس هاللامبالاه محد يدري ليش تييه فجاه هو قبل لا يعرس بسنه يته هالحاله بس راحت بعد يومين
بس هالمره طولت تقريبا شهرين ونص

انتظركم

المزيد من آخر المواضيع من نفس القسم:

**ميانه بوظبي** · 2012-02-24, 21:39

اختي خله يودونه عند مطوع

يمكن حد مسويله شي

**ام محمد81** · 2012-02-24, 21:46

الله يهديه و يسخره لمرته

**براجيل** · 2012-02-24, 21:57

الله المستعان

**بحور القوافي** · 2012-02-24, 21:59

الله يسر امورهم

**قارورة العسل** · 2012-02-24, 22:02

الله يوفقها يارب ويكرمها المسكينه قطعت قلبي اه منهم الرجاله

**الماركه شما** · 2012-02-24, 22:14

الله يصبرها ويهديه حقها .. خلها تقرا سورة البقرة وتكثر من الاستغفار ما باليد حيله .. عسى ربي يهديه

**غالي حبي** · 2012-02-24, 22:26

يمكن كانت عنده علاقه قبل الزواج
والحين الشخص الثاني قام يضغط عليه...

او المشاكل البسيطه الي استوتله في بداية الزواج اثرت عليه وشال همها رغم صغر حجم المشكله في حد من الشباب لو المشكله كانت تافه بس هو يحسس منها لان بداية الزواج يكون راسم في باله حياه...ولكن الحين يشوف شي اني

اووو يمكن محسووووود ....تحاااول البنت ترقي نفسهااااااا ..

**الحياة ألوان~** · 2012-02-24, 23:25

الله يهديه ان شاء الله
خلها تقرا سورة البقرة كل يوم وتستغفر كثر ما تروم

**شيخه بمعانيها** · 2012-02-24, 23:29

يمكن مغصوب عليها !

**الأحلام الملونة** · 2012-02-25, 00:20

تصرف أبوها صح 100 %

توكل أمرها لله وتستخير بأمر زوجها وتترك الباقي على الله

ولا تشغل بالها وحين يفوق أذا فاق هو يدور عليها ويقدم مبرر واضح مقنع

لأن الزواج موا نزوة أو رحلة قصيرة

الزواج مسئولية هل قدها ولا لا

**ضياء الايمان** · 2012-02-25, 00:25

الله يهديهم لبعض

**سامية22** · 2012-02-25, 11:47

الله يعينها

**نوره7** · 2012-02-25, 13:23

المشاركة الأصلية كتبت بواسطة الماركه شما

الله يصبرها ويهديه حقها .. خلها تقرا سورة البقرة وتكثر من الاستغفار ما باليد حيله .. عسى ربي يهديه

**مجنونة و تجنن** · 2012-02-25, 13:38

استغفر الله العظيم و اتوب اليه
استغفر الله
استغفر الله

الموضوع: ساعدوها بليز

أدوات الموضوع

عرض

ساعدوها بليز

المزيد من آخر المواضيع من نفس القسم:

المواضيع المتشابهه

بليز ساعدوها بدون تجريح

بليز ساعدوها ..

عروس محتاره .. ساعدوها بليز :(

بليز ساعدوها.... عرسها قرب